tung0211 のプロフィール

1. 入到去冇人安排位置，自行搵位置坐低之後就會俾人趕去另一邊。2. 冇人俾Menu，主動問個女職員拎，一邊食住啫喱，一邊Hea你，之後就唔拎俾你。3. 明明餐牌寫住下午茶時間去到6:00 ， 5:00話俾你聽唔再做下午茶。4. 落單時所有附加項目都冇，但隔籬枱比我遲5分鐘入嚟乜嘢都有。個職員自己唔熟嘅嘢就話冇。5. 成日落錯單，紅湯變白湯，飲品又錯，幾多成熟都落錯。6. 上湯嘅時候個職員倒瀉嘢都唔安排人過嚟抹7. 同佢哋講落錯或者做錯嘅嘢，個職員好串咁講「咁你而家係咪唔要？」，跟住個職員自己同個經理講話「個客又話唔啱」。講到好似我係西客咁。成間嘢冇乜好，唔值得幫襯。快啲執咗佢啦。…さらに見る

今日為慶祝男朋友考完試，book左間韓燒賀一賀佢。一入門口首先比一個甜品櫃吸引我，入面好多款甜品都係店家自家製作，外表精緻又多款式，不過都係要留返最後先試。海鮮店家提供左三文魚刺身，青口，蝦之類的海洋冷盤，仲有多款醬料供選擇，連配海鮮必備的檸檬都有純檸檬水和新鮮檸檬選擇，感覺新鮮。前菜前菜部分除左海鮮外，仲有壽司，自選沙律吧，泰式同日式小點心。湯水湯水方面，選擇比想像中多。韓式的海帶湯，人參雞湯。中式的蕃薯湯水，豆腐花，明火例湯都有。熱食熱食方面，除左炸物選擇多，還有一些特式韓食。有韓式炒粉絲，煎蔥餅。燒肉雖然無我最中意的豬頸肉，但有好多唔同類型的肉類提供，五花肉和牛肉的質素很多，燒左唔係好耐就已經好香，肉味非常濃厚。甜品甜品是我最期待的部分，除左一開始雪櫃入面的甜品外，還有朱古力噴泉，牛奶軟雪糕及自製綿花糖，簡直好玩又好食。仲有香滑豆腐花，配上薑糖水（感覺上依家少左好多地方提供薑糖水了）除左軟雪糕外，杯裝雪糕同雪條都無限供應。以這個價錢而言，實在是抵食。…さらに見る

今日慶祝好姊妹升職，搵左一間食評好好的西餐廳。地點首先好方便，尖沙咀地鐵站E出口行幾分鐘就到。幸好人不算很多，很快就有座位。入面的環境舒服，座位之間有足夠的空間，不會太吵鬧，又唔會限交枱時間，傾計講心事一流。我同姊妹叫左三樣野，1.芝士焗加拿大龍蝦意大利飯 $2182.燒安格斯肉眼扒配野菌紅酒燒汁 10oz $3683.法式鵝肝多士 $198☆法式鵝肝多士鵝肝多士唔係用鵝肝醬，而係厚厚的一大件鵝肝，配埋蘋果同焦糖，口感清新不油膩，又唔會搶左鵝肝的油香味，必食。☆燒安格斯肉眼扒配野菌紅酒燒汁 10oz 我地叫左三成熟，大大件的安格斯肉眼排肉質鬆軟，牛味很濃，連配菜都好用心烹調過，除左肥膏多左少少之外，簡直一絕。☆芝士焗加拿大龍蝦意大利飯本來想叫燒原隻波士頓龍蝦的，不過見到隔離枱叫左依個飯好吸引，就改變心意了。龍蝦新鮮好食就唔再講了，連飯的調味的非常出色，當中用到的香料，洋蔥之類令個飯的味道有好豐富的層次，依個成為我好難忘的龍蝦意大利飯。…さらに見る

之前聽朋友講金鶴拉麵幾好食，好多人排隊。無意中見到北角開左一間，趁放工同同事黎試下。由地鐵站行7-8分鐘左右就到，由於依家試業中，唔駛等即刻有位，so lucky~入面的座位都幾舒服，裝修又好靚，罷位都好有心思，服務員態度好好。我同同事叫左一份極濃雞白湯拉麵，一份金鶴雞白湯沾麵同餃子。首先上左個極濃雞白湯拉麵，外表同餐牌上一模一樣，超吸引。個湯一試好驚訝，又濃厚又嫩滑，雞味超濃，一放入口全口都是雞味，簡直無得彈。麵質彈牙，雞肉厚實無脂肪，食落無負擔，炸牛蒡脆都似薯片。餃子部分，肉餡味道調味特別，又好足餡。金鶴雞白湯沾麵個湯一開頭試覺得有點咸，但一加埋沾麵，味道即刻平衡晒，好好食。沾麵同拉麵外形上有d唔同，但同樣彈牙，望落以前唔多，其實份量超足，好飽肚。最驚喜係個湯入面都有雞肉，超足料。服務員最後話比我聽個鰻魚飯都好好食，下次再想試下。…さらに見る

今日係好餓的情況下經過沙嗲王，難得係星期五晚都唔駛排隊的情況下就衝左入黎，之後無幾耐都full左，lucky~餐廳做緊“崩壞3”的主題推廣，有特式飲品同佈置，但我無睇過唔知係咩～所以無叫到。今次叫左個二人套餐。兩個湯，兩個主菜，兩杯飲品連小食，$253，算抵。叫左白咖喱香茅豬排同白咖喱巨脾飯。豬排鬆軟，白咖喱甜甜的幾開胃。:)巨脾飯，鮮嫩多汁，超愛食。 不過可以唔配白咖喱，感覺有d油。脆蝦棒都好脆多料。湯就不算好飲，而且份量好少。甜品係無可挑剔的haagen-dazs,仲有三種味可揀：朱古力，士多啤莉，曲奇。不過可惜無晒士多啤莉味。不過如果唔中意雪糕，仲可揀芒果西米露。飲品方便，珍珠奶茶有d過甜又唔夠香。菠蘿特飲就好正常咁，但飲品最開心係見到隻杯好可愛～…さらに見る

近日朋友生日，睇中依間有生日優惠就同佢黎試下。好彩一早book左枱，時間都早左黎，所以唔駛等好耐就即刻入到黎。無幾耐就已經full晒。入面的環境幾乾淨舒服，座位都幾舒服。落左單無耐已經即刻比左好多配料我地自己揀，望落都好新鮮，唔會好似其他火鍋店咁要自己行黎行去，d配料又唔新鮮。因為朋友今個月生日，所以可以有四款優惠揀其中一款，我地揀左要一份免費的安格斯牛肉，相當好食，牛味又濃，真心比讚。之後上的海鮮拼盤樣樣都好新鮮，特別是個蠔，食完仲想加碼。芝士獅子狗剛上就一定要即刻食，因為d芝士流心超正。不過，我最。喜出望外可以係火鍋店飲到咁高質的冬陰功湯。松茸湯又好清甜。好味道～…さらに見る

平時下午茶都幾中意黎依家食，質素一直都好穩定，上菜唔算慢，價錢都好公道，座位都很舒服，而且唔駛點等位。下午茶中意食蒜蓉包同肉醬意粉，蜜糖雞翼更加係一絕，值得食完再食。甜品都唔錯，但唔算特別出色。不過食物同飲品都真係十年如一日，希望不時推出一些短期的新食物，咁就無咁悶。…さらに見る

未試過其他分店，但見未試過依家就即管一試。午市期間餐廳無咩人，比較多位座，收銀都唔駛排好耐，上餐速度算快。佢係聽號碼要自己攞餐，但號碼也叫得唔夠大聲，要自己緊密留意住。食物質素都還好，泡菜好惹味，份量都算足，不過價錢覺得可以低d。下次可以試下燒烤set。…さらに見る

都算幾多選擇，中西日韓港式都有。座位又多又闊落，清潔姨姨都好勤力，不過d餐具就唔算好乾淨，好多時都要自己再洗過。食物質素都唔錯，每間的選擇都多，平有平食，貴有貴食。不過水吧是分開獨立的，所以大部分的餐廳飲品都要加錢，令個價錢變相價左d。…さらに見る

依家烏冬店一向都唔算平，係油塘黎講算貴貴地。但勝在上菜算快，一落單一分幾鐘就煮好。炸物方面做得幾唔錯，最中意食芝麻雞。另外個明太子飯團都值得一試。另一個優點是不愁無位，趕時間都算唔錯的選擇。…さらに見る

未試過依間午膳時叫左個餐黎食。雖然$50幾蚊有飯，有一煲雲吞雞，有小食，有豆漿，好似好抵食。但雲吞雞d雲吞好厚皮，隻雞又無味又唔滑，d飯我覺得硬左d。而豆漿同d小食都還好。唔算得上好食，但勝在份量足。…さらに見る

好耐無食八方雲集，今日咳到肺癆咁，打算食d清淡野，就去左食八方雲集。價錢方面感覺上比之前食的更貴，依家10隻餃子加湯套餐成$40，感覺超貴。d餃子同之前一樣無咩分別，正正常常咁，碗湯就覺得咸左d。…さらに見る

今日人病病地，鴨同海鮮之後都唔食得的情況下叫左個肉餅。$54已經一d都唔平，份肉餅又薄又細，仲要超咸，d飯又硬。。。下次應該唔會再叫，反而之前叫果d星洲炒米，鴨腳都唔錯，只係依個肉餅有待改善。…さらに見る

咁多間最中意依間的車仔麵，可以揀我最中意食的烏冬。羅白好入味。糖心蛋原隻，中間我流心又做得好好的。豬沙青的感覺有d似豬頸肉的感覺，但每隻豬豬沙青的位置唔多，所以有時會賣晒。另外個炸豆腐都好好食，雖然入面食得出係百福豆腐，但個炸粉做得好好，就算凍左都係脆的，值得一試。…さらに見る

pizza hut一向係我和同事間常用午膳的地方之一。套餐不時都會轉一下，價錢唔算平，但勝在質素有保證。今次叫左午市迷你pizza，4小件份量剛剛好，加上有湯有野飲其實都食得幾飽。我最中意係酥皮龍蝦湯，平時單叫要成68蚊，跟套餐叫就加20蚊，平左好多，湯又濃又香，我已經拉左好多同事入左龍蝦湯依個坑了。…さらに見る