cookowenl's Profile

位於將軍澳的Hygge，擁有和風木系裝飾，入面環境舒適有一種古時懷舊感覺，主打手工薄餅同可麗餅深深吸引到我由屯門遠征將軍澳。今次係大部份相片由朋友提供☁️📸Hygge’s 意大利手工肉丸薄餅Hygge’s 意大利手工肉丸薄餅🍕 $128麵團聯乘品穀  合力研發，非常煙韌有咬口又帶一點柔軟，肉丸係牛肉同豬肉混合結實肉味尚算濃郁。非常欣賞批底。-法式油封鴨配自家製肝醬 $188我印象既可麗餅都係軟身，第一次食galette 邊位好脆可口，內有鴨肉，焦糖洋蔥。-丸久小山園青嵐奶昔 $62 -朱古力燕麥花生凍冰冰 $52口感幾特飲飲下我以為係香蕉味🍌😆後勁帶一點花生醬，好邪惡啊😆-整體來講無論食品飲品，環境同員工態度做得非常唔錯👍💕確實會令人回頭再次為依間餐廳去將軍澳❤️不妨大家試吓。…Read More

終於俾我試到Hero’s Friday 平均$60-$80一個餐，包埋飲品同一款小食。我一直都私心想食佢既ＰanCake Burger 但最後我都係叫左一個隊長漢堡（有生菜，蕃茄，芝士，牛肉，煙肉，全熟蛋) 如果係太陽蛋式半熟蛋會更加好食。包體好大個,可惜牛肉比較瘦而且多筋，所以食的時候肉汁比較小，同有渣所以有所失望。同很多外賣店一樣用上生菜，但食到最尾的時間由於Sauce偏稀所以全包體已經濕曬，破壞了口感。薯條就正常發揮不過不失。希望店家可以多加留意。…Read More

一年前一份執著一份堅持，老闆自立門戶開了元朗國的倆口小吃，到今時今日再開了分店，真的是可喜可賀 傳統豬腩肉刈包跟柚子醬 $58刈包鬆軟。入口即溶的豬腩肉充滿油脂好甘香，加上酸菜和花生碎配上柚子醬中和咗油膩感。但這次包體有點過份濕潤，帶點水氣，食到一半的時候，包體底已破裂。有些許失望啊。提拉米蘇壓餠 $48中環店的限定口味入面是咖啡微酸的cream cheese，壓餅上面加了oreo 口感更為豐富。…Read More

打開ig問身邊朋友有什麼漢堡店推薦，都會推薦The Cool cousin cafe &noodles bar ，位置觀塘駱駝漆大廈就成為了想試的漢堡之一，其中水牛城炸雞漢堡更加是我首選，當天避開繁忙時段，４時入座，剛好沒有人。“IC”水牛城炸雞漢堡炸雞炸得香脆配埋雲尼拿雪糕雪糕中和了水牛城醬的辣度，整體鹹鹹甜甜，香辣又惹味，以完美將同雪糕融合。 招牌72 小時安格斯牛小排漢堡 包體用牛油烤過，入口外脆內軟，菜用上羽衣甘藍食落口感爽脆，配上芝士醬，有焦糖洋蔥，烤菇、經過72小時慢煮的牛小排肉質，非常腍，似牛肋，而且味道濃郁。薯條味道就正常發揮，但食落不夠熱。…Read More

今次是我第二次食little bao，第一次就去位於銅鑼灣的分店，而老闆Ｍay Chow 一直都是好欣賞的Female Chef ，她的店我又怎能錯過。照燒炸三黃雞包 $108刈包口感軟熟而內裡夠濕潤，入口柔軟，質地綿密，而且雞肉香脆嫩滑，配上照燒醬和清新嘅青瓜沙律little bao lunch for 1 starters黑松露薯條 (v)配魯肉香菇黑松露醬再搭上醃製日本大根，薯條酥脆配料又開胃。連唔食黑松露既女友都差唔多食曬我成碗薯條Mains Fish Tempura bao 魚肉即叫即炸，香脆美味。配上大根可以一解油膩感。正常發揮沒有太大驚喜 …Read More

同女朋友次次行完旺角都諗唔到食咩，雖然旺角多餐廳但心水餐廳真係好少，今次佢帶左我去女人街搵食。見網上食評都唔錯，當晚大約7點左右到達都係等左大約十分鐘就可以入座，店員係您出面等既時候會幫大家落定單，所以好快就有得食可以放心。石鍋堂海鮮石燒魚介豚骨濃湯手打烏冬 $92石鍋熱湯沸騰，海鮮份量多，湯底魚介味唔太重，手打烏冬夠煙韌。蒲燒鰻魚雞扒石鍋飯 $ 86我就叫左個石鍋飯上枱時熱辣辣，jarjar聲熱氣不停冒岀，最正就係有飯焦。蒲燒鰻魚肉質厚實，照燒雞扒燒得岩岩好，皮香肉嫩但枱邊醬汁如果係照燒會更加好。…Read More

收工後想同朋友放鬆一下，朋友話有間餐廳想試好耐就提議嚟到左尖沙咀以間有得睇波同有live band既餐廳，當晚live band 就冇啦但氣氛都唔錯。睇番之前既menu 發現宜家少左好多野食。冇左pizza 意大利等等....左岸特色烤肉拼盤 $528  (2-3人share)(西班牙豬助骨,美式牛胸肉,烤黃油雞,墨西哥辣味香腸,牛肉香腸,手撕豬肉,椰菜沙律,烤粟米,特色烤肉醬汁)見到佢烤肉拼盤有咁多款式所以叫左一個分享，手撕豬肉偏酸，其他都係正常發揮形象不太深刻。但不得不讚黃油雞,外皮香脆肉質鮮嫩伊比利亞橡果級火腿黑松露手工意粉 $238平時食開都係用tagliolini 做麵底 ，第一次食用strozzapreti做麵底，比較特別口感煙靭得來而且醬汁濃郁。不錯。 …Read More

朋友聚會當然又試下走出大西北 ，有朋友推介手工麵不錯的餐廳所以今次到訪樂富 Gochi，食物質素尚高，當晚叫左個晚市套餐。$568 for 2頭盤  日式香炸魷魚圈香脆味道不錯頭盤 蒜蓉焗田螺  店員話個殼都係食得既，雖然有誠意蒜蓉青醬也不錯，但外殼油溢味比較重。主菜明太子意粉 見到手工意粉真係令我不能拒絕，不得不讚佢手工意粉，夠曬’al dente，但可惜食唔出明太子味同差少少汁，仲有薯仔比較硬身，可能加番本菇落去會增加番個口感同加多小小明太子會更好。辣肉腸芝士薄餅拿玻里風pizza 夠曬煙韌，份量十足，４個人都差d食唔曬。鮮墨魚仔墨汁意大利飯墨魚仔脆口多汁，口感一流。而且墨魚汁不會太多過咸。加上車厘茄中和了口感。甜品  意式芒果醬奶凍，好多餐廳甜品老實講都係麻麻地但Gochi 比到我意外驚喜，裝飾用上食用花，牛奶奶凍味道更是不錯。總括尼講環境寬敞舒適，採光度十足又有足夠空間感，聚會/約會真係一流。…Read More

食為漢堡包愛好者,只要好食無論遠同近，我都會去試有一日朋友就推薦陀地漢堡比我，叫我一定要試，而且佢比左好高評價。當中麵包用上以歐洲流行的十字包，最緊要係無香料同提子，一人工作仲要自家麵包已經好加分。Dirty Burger 老闆既手打牛肉漢堡，食落非常多汁配上焦糖洋蔥， 醬汁用上本地辣椒醬食落微辣惹味，包質外層紮實，內層煙韌麵包用上以歐洲流行的十字包，最緊要係無香料同提子，一人工作仲要自家麵包已經好加分。當日星期五晚上大約７點，已見有幾張外賣單，老闆反覆講左句：［要等既，您ｏ唔ｏｋ嗎？真係要等嫁喎］老闆完成一張單先再做下一張，雖然要等但我深信慢工出細貨。希望您更加多人認識您的漢堡。…Read More

荃灣一向都有很多高質的餐廳，今次朋友生日一行四人就挑選了Sol House Oyster Bar and Restaurant 由3月3日開始做優惠$10 一隻法國生蠔朋友們是愛蠔之人，當然食盡一點。雖然$10@1隻 但一樣夠鮮美中不足有些許蠔殼但不影響品質，也有淡淡的海水味我們叫左一個set dinner for two 意大利巴瑪火腿瓜卷配無花果黑醋汁 辣肉腸忌廉汁燴澳洲藍青口配薯條藍青口鮮味十足配埋辣肉腸忌廉汁加Cajun Style薯條 好味啊燒烤汁雞翼配藍芝士汁 由於朋友們未試過但係發現佢地都唔太喜歡藍芝士汁三文魚扒配龍蝦汁海鮮意大利飯三文魚扒外皮夠脆身飯質都做得到曬香港人口味，飯心適中。意式辣椒蒜片西班牙聖子意大利粉重點推介 意粉軟硬適中Al dente，意粉每一啖都充滿蒜油味道，聖子確實鮮甜。烤12安士澳洲肉眼扒 正常發揮既肉眼扒成數做得剛好。不得不提餐廳侍應服務態度非常好，有機會再次回頭，希望下一次可以食不同的菜色。…Read More

小學嘅時候最鍾意就係去心思思買嘢食🤤每到放學一定大排長龍，冷麵，Q餅都係我必食之選過下口癮仲好記得冷麵之前係$10有5包,宜家都買到變左$20有7包,但係份量就少左好多啦,配料都係得1粒左右,我令願少包D,多番小小配料就更開心啦今次經開就買番個回憶番尼,叫左火腿芝士🤤雖然好普通，但久唔久食一次買個開心都值既😆👍🏻…Read More

住左屯門咁耐佢開番food court都去過好多次等人，但係買野食真係少之有少，眼見以一間雞同鴨講望到鋪頭內面都乾淨企理，排隊個時keep住有人拎外賣，難得來到就試下食佢啦但係心大心頭又好想試鹽水鴨，但第一次我都係叫番海南雞老闆動手快手2/3手就搞掂曬 同埋要多謝老闆應該聽到我係心大心細，請左我食鹽水鴨比我試下食落肉質幼嫩。肥瘦岩岩好。海南雞肉都幾滑身，最中意就係食肉與皮之間既膠原蛋白，都係大家稱既啫喱。雞飯食落都好香黃薑味。下次我都會再食多次既…Read More

去新蒲崗點都試一次常溫既古法拿破崙，拿破崙全部都係心機，時間同技巧一於就試試 🤘🏻-古法拿破崙 $27拿破崙一共有九層，層次分明又夠薄又夠脆，中間夾心係合桃蛋白餅，牛油忌廉夠薄唔油膩簡直啱晒我媽咪👍🤣-拿破崙卷蛋同樣用咗拿破崙嘅頭尾去組成嘅卷蛋，蛋糕鬆軟但已經有拿破崙啦下次我應該試吓呀其他口味嘅卷蛋，會比較好🤣-整體來講常温照佢個名話齋，真係賣好多常溫蛋糕，而且全部都獨立包裝非常方便。希望下次有機會試吓佢嘅甜品啦…Read More

今次為媽媽生日慶祝，帶左佢黎到愉景灣食飯，今次介紹呢開係D’Deck地鋪既ZAKS,餐廳環境都幾大，有兩層，而且仲有室外座位，可以吹下海風。海鮮闊條麵 $190 呢個海鮮闊條麵一啲都唔馬虎，就係兩隻青口已經好加分，唔會太細舊，仲有魷魚等既配料，非常足料😋因為係蕃茄味，所以食闊條麵來講唔會太流。招牌烤雞（半隻） $175 雞肉肉質鮮嫩，唔會烤到過火鞋身，再加埋個醬汁一齊食真係好惹味！而且薯條好多，好豐富。炭燒豬肋骨 $175 肉質常算易離骨，唔會太鞋尚算鬆軟，而且好夠味，份量都真係好大，同烤雞一樣，都跟好多薯條😂但d薯條都幾好食。招牌特色薄餅 $150 Pizza size都好大份，而且新鮮出爐，可以做拉芝士效果，餡料都好豐富，唔錯。整體來講所有野都幾好食，而且每一樣都好大份啊！真係超滿足，當日黎食既時候係有折扣優惠，所以都幾抵食！而且服務都好好啊，當日因為天氣都幾凍，當初我地堅持坐室外近海位置，但最後都頂唔順調位，餐廳員工都勸我地坐番入d,唔想我地凍親，好nice😆…Read More

朋友介紹以間餐廳🍴質素不錯👍見評論唔差一於就相約朋友聚會試吓晚餐，我地經OpenRice訂位，餐廳都有打尼確認訂位，而且都有細心問定有冇朋友生日，需唔需要預訂威靈頓牛柳等等⋯非常抵讚🙌🏻可惜食物質素真的有待改善經典新鮮藍青口配白酒忌廉汁 $178 /0.5 kg由於友人唔食海鮮，但係見佢係招牌菜所以都叫左尼試試。配上法包脆片比大家試下佢既sauce,，其實佢既藍青口都算鮮甜，白酒忌廉汁稍為欠缺白酒味，但係都夠濃厚，加入了新鮮刁草令忌廉汁每淡都有刁草味🌿。經典小食拼盤 $208小食拼盤 自家牛肉丸，水牛雞翼，洋蔥圈，豬肋骨，腸卷。中間腸卷完全係唔熟狀態🥲其他都算正常發揮。切腸卷嗰陣時流既汁會令到酥皮邊淋，建議餐廳可以焗埋底面。效果會更加好🙌🏻西班牙pizza $228 不過不失，食落去帶點微辣，同略嫌有些少油。香草小茴羊肩肉扁意粉 $168見佢咁特別出面好少食到羊既意粉一於就試，因為我都幾中意食羊，但點知諗唔到佢先係終極，底汁用左蕃茄但由於羶味太濃，我哋係完全食唔到，見其他意粉反應都係唔錯，各人口味唔同對我哋來講就唔太討好。整體來講員工態度非常之好👍又經常性換碟，餐廳確實不錯，但唯獨食物真係有很大程度要改善…Read More