micolas2001的个人专页

南昌V Walk有好多著數益街坊，例如食下午茶送食品，今次就去咗百分百Deluxe，食滿$50送一客雞翼。滋味焗鮮茄豬 $64一直都覺得百分百嘅焗豬扒飯喺香港數一數二，豬扒份量好足，又唔會太乾，好Juicy，飯係炒底，夠哂鑊氣，仲有新鮮蕃茄打嘅醬汁，酸酸甜甜好開胃，而且個面鋪滿芝士、啱晒芝士控。雞翼送嘅雞翼有3隻，炸得好香脆入味，入面仲鎖咗好多肉汁，有驚喜草莓牛奶鍾意飲台式飲品嘅一定鍾意，入口唔會太甜，Keep到士多啤梨嘅香甜味，牛奶應該用左3.6以上嘅奶，好厚身好滑，值得推介爆漿拉絲菠蘿包 $20臨走買多個爆漿拉絲菠蘿包，入去有勁多芝士，記得一定要趁熱食…查看更多

原來南昌V Walk有唔少優惠比住喺附近嘅街坊，見到食下午茶好著數，於是去試一試。喺南昌V Walk間Bugis，下午茶食夠$100，就送迷你海鮮叻沙。2個人剛好啦！大滿足迷你海南雞飯拼叁峇肉燥烏冬配蝦頭抽銀芽 $62一個餐滿足哂3個願望，有齊雞，菜，飯，烏冬，無骨海南雞髀好嫩滑，而油飯好香薑，葱同香茅味，烏冬好惹味，芽菜就好開胃。鮮牛油咖央吐司 $38吐司烤得好香脆，咖央醬好地道，而且夾住好邪惡嘅厚口油，好啱下午茶時間食。迷你海鮮叻沙 $0 （原價$60）因為有住址證明，所以以免費，就算係迷你，都非常足料，有蝦，魚蛋，魷魚，蛋、豆卜等，湯底香濃，有椰奶香，辣度剛好，麵底摻摻，份量剛好，食完好滿足，埋單唔駛加一，只係$106，CP值真心高，又抵食又好食！…查看更多

睇社交平台見有人推介，仲話自己回訪多次，於是去試下。我哋3個人叫左3樣嘢，全部都係普通貨色，普通味道，冇一樣嘢擺入口會有「嘩，好好味」嘅感覺，而且價錢唔平，絕對唔值呢個價。點解openrice同社交平台都咁多正評 ，平時好少寫食評都忍唔住要寫一寫小食拼盤薯條，雞翼，炸魚，炸蝦，全部來貨嘢炸一炸就得，冇一樣係特別出色牛扒沙律牛扒只可揀7成同全熟，本來想叫5成，嚟到啲牛扒又乾又柴，份量又少，同menu張相差好遠有一杯仔麻醬烏冬，得果幾條，唔擺好過擺，沙律菜亦都唔會有咩特別，仲有2大塊少淋嘅蝦片龍蝦扁意粉真係打卡專用，for影相only，味道同普通白汁意粉冇分別，雪藏龍蝦亦唔覺得好食，味道冇融入意粉入面，基本上可以分開上碟，成$280一碟究竟食咗啲咩杏仁綠茶Menu寫好少杏仁味唔駛擔心，其實真係一啲杏仁味都冇，有啲甜味，講唔出似咩糖，起碼比起啲嘢食好少少芝麻latte (冇影相）據我個frd講係全晚唯一可以推介嘅嘢本來餐前諗住喺度叫甜品，食完後都係決定轉場去第二度食諗到啲菜名咁特別，不如諗下啲嘢點整得好食啲先啦，真係冇下次…查看更多

一直對日本飯團都有偏見, 以為只係一舊白飯包住少少配料, 但一次日本の旅改變咗我嘅想法。幾年前一個人去日本旅行, shopping得太瘋狂, 卡都碌爆埋, 最後果日只係剩返幾百yen現金, 又冇人可以借錢, 唯有去便利店醫肚。日本便利店選擇十分之多, 有便當, 意粉, 炸雞, 熱狗等, 但最抵都係百零2百yen一個御飯團, 仲有好多味選擇, 日本嘅飯團原來好好味, 返到香港我都食過好幾間, 唯獨華御結最有日本の味。今日lunch去咗南昌V Walk食飯, 見到地鐵站一出新開咗華御結, 都忍唔住買返個飯團做下午茶, 華御結有好多經典口味嘅飯團, 今日我就試咗佢期間限定"沖繩風火腿扒玉子", 除咗有厚厚嘅火腿扒同日式厚玉子外, 仲有好特別嘅黑椒沙律醬, 簡直醒神開胃, 下午茶食完充滿精神繼續開會。除咗日式御飯團, 華御結仲有好多日本甜品, 下次一定要買嚟做飯後甜品。…查看更多

聽講南昌地鐵站上蓋開咗個新商場V Walk, 交通都幾方便, 而且好多舖頭新開張有好多優惠, 趁住星期日就搭地鐵嚟, 連住地鐵站A2出口, 今日落雨都唔怕濕身商場有好多唔同嘅舖頭同餐廳, 都幾好行, 行到攰攰地, 見敏華冰廳好多人排隊應該唔錯, 一於同朋友入去試試呢間地道茶餐廳。裝修格局走懷舊風, 好有香港情懷, 而且keep住有新鮮出爐蛋撻, 喺門口已經聞到好香, 一坐低乜都唔睇即叫咗2個先, 蛋撻都係新鮮出爐熱辣辣最好食, 仲有流心效果, 蛋味又勁濃, 一流!!!雖然只係5點幾, 但行街消耗咗勁多體力, 見到有敏華最出名嘅黯然銷魂飯, 都忍唔住要試試, 簡直聞名不如見面, 叉燒靚不在話下, 最令人驚喜係果2隻半熟荷包蛋, 流出嘅蛋黃真係好治癒, 連埋獨家自製頭抽同埋白飯一齊擺入口, 真係想大叫好好味呀!!!同行朋友點左下午茶嘅沙茶牛麵, 係勁地道嘅"香港原味道", 值得推介。本來今日想試呢度嘅"夠薑豬潤牛麵", 但竟然賣哂, 唯有下次再嚟試啦。…查看更多