marcotsang20的个人专页

環境係幾好嘅，好有西餐廳嘅氣氛，燈光暗暗，好浪漫。豬扒沙律沙律好豐富，有沙律菜之餘仲有牛油果又有蛋，不過汁可以再多啲羊架羊架唔點蘇，但配沙律醬唔係甘特別。芝士pizza Pizza 即叫即整，等得有啲耐，又唔係話甘好食，好乾身。野菌天使面呢個好夠味，仲有好多汁，多菇，好好味。意大利飯意大利飯都好好食，好夠味。…查看更多

個餐牌啲名好特別好吸引，聽完好想試下係咩咪，叫左四樣甜品。焦糖燉蛋面頭嘅糖薄薄一層，唔會覺得好甜，搶左啲蛋味，好味。芒果西米好濃芒果味，好重料，西米好有口感。榴行曲食字取名，吸引我叫左，好香榴連味，有幾舊榴連肉，抵食。仲有多重配料添。雪糕芭菲杯-粉好靚個賣相，有個雪糕筒，仲好脆。…查看更多

間鋪唔係好大，啲位唔係好多，成日都要排隊，食左個鰻魚飯定食，定食好豐富，有熱辣辣嘅面豉湯，湯嘅味岩岩好，入面仲有豆腐同海帶，好好飲。蒸蛋蒸得岩岩好，好滑，入面仲有香菇，蟹柳，令到蛋好有口感。冷碟有粉絲，爽口彈牙。鰻魚飯好大份，飯面鋪有一層蛋絲，鰻魚大塊好味，一啖飯一啖鰻魚，簡直人間天堂。…查看更多

叫左個set dinner 加多個黑松露醬薯條，set dinner 有個海鮮併盤，有多款海鮮，大部分都好新鮮，除左個蟹，好粗糙啲肉，一啲都唔滑，似擺左好耐。蟹肉龍蝦汁意粉就超好食，以為會好咸，但調較到岩岩好。西冷牛排五成又岩岩好。…查看更多

只有牛排同薯條食，侍應就會問你幾成熟，呢間三成係最好食，五成已經好銀，三成好軟淋，又唔會見到血水，薯條係可以不停添加，啲薯條超好食，好重薯條味，而且超脆。環境超嘈，周圍嘅人都係斯破喉嚨講野甘，如果要傾計就難啲。…查看更多

炸蕃薯條好脆好甜，大條夾抵食。炸魚仲用新鮮魚仲炸，好有魚味，通常啲人都係炸魚柳，唔係新鮮魚，只有呢間有得食，外脆內軟。安格斯牛肉漢堡無晒普通包，比左黑炭包，都一樣甘好食，好厚嘅一層牛肉，咬落好軟，個包好大個，一啖食到多重口感。龍等漢堡有兩塊炸龍等夾係個包到，好脆，個醬超好食，個包一流。…查看更多

環境全間餐廳都以黑白為主，人手畫的牆壁，好厲害，好美。餐紙都好有立體感，好特別。燒春雞配珍珠面原隻燒雞上碟，擺設好靚，吸引食慾，雞內放有珍珠面，隻雞肉嫰多肉，易切開，好香，配菜新鮮鮮甜。蛋黃醬薯條薯條好脆好熱，好好味，配埋蛋黃醬簡直一流，啲醬好多但食完都唔會覺得流。粉碟花之丘糖膠拉花，好靚，底下係曲奇餅碎，入面藏有幾粒類似朱古力蛋糕，好有驚喜。肉醬溫泉蛋小貝殼空心手工粉溫泉蛋蛋白熟透，蛋黃流心，肉醬似係自己調製，令到貝殼粉好入味。Tiramisu coffee 係杯邊癡有大量朱古力碎，飲落去好特喇，好好飲。…查看更多

估唔到香港仔都有抵食嘅日本野，午餐好抵，叫左一個set，有十款壽司，三文魚口感好軟淋，基乎入口即溶，正。玉子壽司好甜。海膽好新鮮。吞拿魚可以食晒兩種口感。個沙津用啲醬好特別，同出面果啲一啲都唔同。仲有蒸蛋同烏冬。…查看更多

服務上菜好快，侍應會不斷倒茶。食完好窩心會比濕紙巾。埋單仲有100蚊coupons 。環境 環境好大，唔怕要排隊。椒鹽豬手望落好吸引，企豬手細細隻，而且無咩肉，只係食皮，少少肥肉。事實係好香椒鹽味，好困難食。鮮肉小籠包熱辣辣送上枱，肉汁鮮甜。皮薄肉多，又多汁，超級好食。蘿蔔絲酥餅好鬆脆，外脆內軟，炸得好靚，多蘿蔔，好食到唔停得口。老干媽茄子炒年糕好咸唔好食，好重豆鼓味，好少茄子，年糕痴住晒。健康炒飯紅米加白米，啲飯有啲硬，但都算幾好食。…查看更多

第一次嘗試多國菜，和朋友滿足地離開。Naan bread配雞肉咖哩醬汁的味道既香且濃郁，雞肉串的肉質剛剛好，配上特製的花生醬，味道特別，碟上的沙律配菜也很好吃，我們都把沙律菜清光了，至於我們的主菜便是香煎三文魚扒，魚扒煎得金黃色，厚厚的一塊，三文魚扒還有配有薯蓉和沙律菜，味道令人難忘的還有牛肝菌黑松露意大利飯，飯不會過熟也不會太硬，是我喜歡的口感，個人喜歡牛肝菌與黑松露的配搭，食物的份量不錯，餐廳的環境燈光柔和，坐位舒適。…查看更多

環境佈置到好有泰國風格，有啲泰國匠，燈光暗暗地。有一個自助bar, 任飲冬蔭公湯同中湯，任食泰式沙律同炸雲吞，全部都有質素，好好食，食得最多係炸雲吞，細細粒，又好脆。叫左炒金邊粉同青咖哩雞扒飯，炒金邊粉甜甜地，好夠味，青咖哩亦都超好食，雞扒大塊，份量好多。好抵食。侍應服務方面就人地未食晒啲野就係甘收，搞到每次沙律食左一兩啖就比人收左，又出去攞過。…查看更多

環境幾浪漫，燈光暗暗地，有高枱有梳化枱，侍應服務態度好好，可以比我地選擇。西冷牛扒擺設都幾靚，有秋葵、黃瓜同薯仔，五成岩岩好。大啡菇好多汁，表面有芝士，茄醬同車厘茄焗，好好嘅配搭。大啡菇仲有配埋沙律，個沙律個黑醋好好味，食完好開胃。白酒煮蜆，粒粒蜆都好大粒好新鮮。…查看更多

紅燒牛肉麵牛肉好大舊，個湯底好濃，好味。啲面係粗面，厚厚地，好有口感。豬軟骨面同牛肉面差唔多，豬軟骨好淋好味，好入味。鹽酥雞份量好多，好大粒，肉都多，熱辣辣仲好脆。豆腐份量亦好多，外脆內淋，入口即溶，超好味。豬扒肉躁飯好大份，豬扒好大塊，啲肉好滑，啲皮好脆。珍珠奶茶要搞混啲先飲，因為啲珍珠好甜。芒果磚塊啲包比以前食無甘脆，啲醬可以多啲，有啲少，不過都好食嘅。…查看更多

第二黎喇，今次食High tea ，個high tea 性價比好高，去之前要早一日book。 環境好有feel，燈光暗暗地，幅牆好有中國風，有啲茶具擺設。high tea 擺設好靚，用圓形嘅架放食物，有啲食物會碟上。有九款食物，一次過食到九樣野，超正，上到枱職員會建議食左啲無甘重味嘅野先，例如多士，紙米卷等，最後食個蛋糕。果仁餅一啲都唔甜，唔係用糖漿將佢地痴埋，超好食。腸包上到枱超熱，好好味。三文魚牛角包個包唔會覺得淋。紙米卷好有口感，非常好食。我覺得比西式食蛋糕果啲high tea 值得食。…查看更多

小籠包真係皮薄多汁，超好食，上到枱唔好即刻食，因為超級熱，啲汁會辣親條脷，好痛。嫩雞煨麵好似普通一碗米粉甘，但個湯底好味道，唔會感覺係味噌湯。素鵝又係超好食，雖然呢個等好耐，但好好食，個皮超脆。香油乾蔥挎面又係好好味，可以自己加湯嘅份量。…查看更多