TAK TAK's Profile

今個星期日終於有機會試呢間係T Bay樓上嘅法國餐廳。餐廳地方唔大，大概得九張枱，但整體裝修給人一種法式bistro comfty 嘅感覺。叫了Nicoise salad, assorted crostini, lamb 同 crepes. Salad 用料新鮮，portion 亦夠大，crostini 好開胃，烘得好脆口。反而lamb 就冇乜特別。Crepe 打咭一流，有淡淡橙酒香亦唔太甜。呢間餐廳值得東涌街坊多多支持，－定會再幫襯試其他菜式😋…Read More

今日想食日式pancake, 東薈城得呢間餐廳有得食，2點半經過見得一枱客，已經feel到伏伏地，諗住試多一次，果然中伏。叫左一個日式咖哩吉烈豬扒飯，一個香蕉pancake同一杯焦糖咖啡。先講個豬扒飯，個豬扒硬到好似石頭咁，舊舊都咬唔開，都唔知雪左幾多千年。到個pancake, 等左半個鐘，入面d texture 死實實，真係食過史上最差。最後講個服務真係「冇服務」，d waiters 好似啞咁，一句野都唔應客，全程掛住玩電話。黑向你黑面。終於知道點樣d生意越嚟越差，其實咁樣做生意，d管理層有冇正視過d問題。今日餐飯只想盡快食完快d走😫…Read More

今晚試呢間Rosewood 入面好評如潮的餐廳，真的很失望。頭盤order了 Octopus 及Langoustine Tart. Octopus 很諗身，但除了烤味，食唔到Octopus 本身嘅味道。Langoustine tart 裏面的蟹肉也很淡味. Main 叫了Red prawns 及Toothfish. Red prawns 上的時候已經沒有什麼溫度，蝦肉甚至有少少苦味，整個菜體驗很差。魚則正常發揮。我覺得佢係Rosewood 入面最唔食嘅餐廳。唯一可取係餐廳氣氛有d chill。…Read More

東涌海堤灣畔商場呢間餐廳嘅set lunch, 抵食精緻，環境舒適。有露天室外位置，可以帶狗狗一齊lunch. 佢哋嘅蔬菜沙律非常新鮮，擺盤優美。如果唔想係東薈城入面嘅餐廳用膳，呢度係一個唔錯嘅選擇，值得推介👍👍…Read More

終於有機會試The Silveri 入面呢間新餐廳。佢哋而家做緊嘅set lunch非常抵食，3 course只係$208/位。Starter嘅buffet 雖然唔係好多choice, 不過用料新鮮。Main course 暫時有三款，主要係meat, fish同一款veggi. 份量足夠，味道亦幾好。甜品都好味。如果可以加少少錢包埋tea/coffee更佳。…Read More

今次係第二次去呢間餐廳用膳。上次感覺幾好，景觀開掦，職員有禮。雖然牛扒質素只係average, 但對於東涌居民黎講，多一個choice都係好事。今日再去試佢地個seafood platter, 水準大失所望。除了oysters係正常，其他海鮮一d都唔新鮮，esp d 蝦同青口，似已經死了幾天，差過一般3星自助餐水準。Crab leg 好咸。呢個seafood platter 收$688，感覺好搵笨，好失望。呢個價錢已經可以食1⃣️餐buffet. 希望酒店管理層見到，多加改善。…Read More

今日經過K11, 見時間尚早，便試下成日排長龍嘅大都烤鴨。二個人點了半隻片皮鴨，鴨肉炒飯同𧐢油磨菇。點菜時，原先order了炒鴨鬆，過了半分鐘，想將鴨鬆改作炒飯，店中嘅女服務員立刻黑面，話唔知改唔改到，之後話ok。個炒飯有分二人同四人分量。二個人當然叫二人分量，女服務員聴到我叫二人分量後，不停強調二人分量好細碟，唔夠食。但我已叫了其他餸，而且餐牌上明明是寫着二人分量，如果根本係唔夠兩個人食，點解餐牌寫二人分量，真是令人費解？片皮鴨上桌時，吃了一口,完全是沒有溫度的，亦沒有鴨味。蒙著眼食嘅話，完全講唔出食緊乜嘢。我叫了點菜嘅女侍應同佢反應d片皮鴨是凍的，她沒有説什麼，話換過一碟。半分鐘後，另一碟片皮鴨換上來，分量少了，再吃一囗都是沒有溫度。我完全唔明再換一碟凍的片皮鴨是什麼意思？我再叫經理來反映，我叫她自己試下d片皮鴨，她問我是想換另一碟還是想cacel?我説我只想反咉，她說會同廚房講。之後再上了一個迷你版嘅鴨肉飯，味道不過不失，但已沒有什麼心情吃下去，只想匆匆結賬離開！今次嘅用餐經驗可算經典，連招牌菜都可弄至如斯地步，服務員嘅惡劣態度亦一絕。這餐吃唔飽嘅飯埋單都要四百元。…Read More

係openrice search左一輪，見到這間餐廳好評如潮，於是book了週末一試。訂枱時，職員說要分兩輪，頭輪係六點至八點，我book了六點。準時到達，六點時人客不多，講英文嘅女侍應不停催促我們點菜，感覺不太好。我們二人叫了Bouillabaisse（$680）同Braised beef cheeks （$250）Bouillabaisse嘅價錢真像海鮮價一樣，見之前openrice嘅食評係$600，但今日巳charge $680. 現 今食肆嘅加價速度如直昇機一樣，令人驚訝。首先上Bouillabaisse， 材料頗豐富，有蝦，蟹，魚，蜆。湯不太濃味，但頗鮮甜。海鮮吃得出新鮮，只是魚嘅鮮味較差。Braised beef cheek嘅肉燜得好鬆化，好腍，有驚喜，好味。但不太滿意此餐廳嘅service,好pushy, 侍應放低dessert menu後，見我們兩分鐘內無反應，即刻拿走個menu. 這間餐廳價錢定價中上，但服務跟價錢並不成正比，有茶餐廳feel, not pleasant at all. 做不到令客人賓至如歸嘅感覺。再好嘅食物都要有好嘅service, 希望餐廳management 能留意。…Read More

同之前個食評一樣都係買咗$188一位嘅和牛團購餐。我想講個餐嘅牛肉只是普通牛肉，烤完後有d係韌的，絕對唔係入牛即溶嘅和牛。個餐加埋一兩個人要成$500，如果佢俾的只是一些普通嘅牛肉，我諗平時俾$100 lunch set都食到，有d搵老襯。我經過其他枱，發覺其他客嘅牛肉係有降霜嘅和牛，好明顯餐廳係張貨就價，希望其他顧客如下次幫襯此餐廳嘅團購時有所驚惕。…Read More

今日趁週六試咗$99團購二人午餐。午餐包凱撒沙律，餐湯，主菜及餐飲。是日餐湯為南瓜湯，主菜點了牛扒配紅酒汁及招牌青檸啤酒燒雞。所有食物都很美味，主菜嘅牛扒有驚喜，惟燒雞嘅肉質略謙不夠嫩滑。看得出這間前身為曼聯嘅主題餐廳，絕不會好像某些做團購嘅餐廳一樣將貨就價，絕對值得推介。如有機會，一定會再幫襯，以這個價錢和這樣嘅食物質素，真是非常超值。…Read More

huffy:買咗2人餐$398 Groupon,原本諗住開開心心同老公慶祝紀念日，但今晚食完飯後真是敗慶而歸，食到一肚氣。我買嘅團購係有2個餐湯，2個自選頭盤，頭盤嘅選擇有煎鵝肝，意式頭盤（有芝士，煙三文魚），鴨胸Cesar Salad。主菜都係4選2，有Steak, 燒三文魚，Linguine同燒雞，另每人一杯餐酒，甜品同飲品。我7：45pm到達餐廳由一個貌似經理，著綠色衫嘅中年女人帶位，到門口附近嘅2人枱坐低。坐低3分鐘到，我同她講我們是買了團購的，叫她俾團購嘅Menu我們睇。怎知她一聼我們是團購食客，就好惡咁講：＂你是Groupon客，為何訂枱時唔講？＂，我說：＂我訂枱時，你同事冇問wor!", 她即是覺得很厭惡似的，大聲地說，Groupon嘅客唔係坐呢d枱，你們要坐入面的枱，因menu唔同。我們無奈地自己行去入面嘅枱坐，但全程無侍應帶枱，有d尷尬。我即時有d以為自己係鐵達尼號三登倉乘客嘅感覺，覺得Groupon嘅客俾歧視，要俾人大大聲咁話。好啦，坐低後，有個侍應俾咗個menu我地睇，睇咗一陣，我同佢講可以落單，但他落單嘅態度勁似茶餐廳待應，好快。跟住d嘢陸陸續續嚟，食品嘅質素是可以的。 尤其係個鴨胸沙律，d菜好新鮮，份量足。而佢個蟹肉Linguine, d意粉炒得頗香，蟹肉亦很多。但上菜嘅外藉侍應都是全程木口木面，零表情，而上菜嘅速度亦好緩慢，唔知係未要上唒其他客嘅菜先，我們由7：45食到10：10先食完。其間我又見到綠色衫嘅中年經理時不時同其他侍應指住我們張枱。好啦，食完後，我老公想揚手埋單，那個綠衫嘅女人扮睇唔到，他揚了2次手，她都扮睇唔到，連其他食客都見到這樣嘅情况，覺得有d奇怪，最後我老公忍唔住，叫了聲唔該，那個女經理才過來，她過來後同我老公講: "點呀？＂救命，這間話唒都係中價餐廳，點解他們侍客嘅態度可以如此惡劣。難道因我們是買了團購嘅客同埋因訂位時忘記了提給這點而要以此態度侍客。今晚是星期六夜晚做埋團購客都只是七成full,就算客人訂枱時忘記講是團購客就會影晌他們嘅坐位安排，以這樣嘅生意情況都不見得。有時真的不明白，做Groupon嘅餐廳目的不是想借Groupon做好招牌吸引更多嘅客戶幫襯？但以此餐廳為例似趕客多d。此餐廳位處半山，地點隔涉，如果不是做Groupon會更少人光顧，但經此一役，真是請都唔食，希望公司管理層能認真檢討員公嘅服務態度。…Read More