sfa_tan的個人專頁

以電車為主題的小型茶餐廳。在這裡吃了一個傳統早餐，榨茶公仔麵不過不失，茶走值得一like.雖然地方不大，但坐檯之間不算太逼壓。老細有一部絕版珍藏120電車模型，切記一看！…查看更多

今次睇吓新裝修完嘅友愛商場點靚！揀咗綠茵飲下午茶。老婆叫咗個魚疍河加奶茶。魚疍出奇地爽口，而且雖然下午茶，但都算幾大碗。而家物價高漲賣$25都幾有良心，—讚！:)我就一個鮮茄燴班腩意，班腩炸得幾脆，但係意粉就濕咗啲啦！:(最後當然要試一試我嘅至愛－茶走少甜！咦，OK 喎，有茶香味，奶和茶比例剛好！綜合來説，徝得推介！…查看更多

見好評如潮，也跟風飲杯奶茶，不過係茶走。嘩，小心，因為係超熱滾水冲，的確唔錯喎！跟住一個餐疍多士。多士好新鮮，重好脆，比ｌ個like先！餐肉和疍就比較多油；哩方面可以改善。餐肉—般啦，但疍就唔錯。反疍亦難得做到外脆內軟的效果，值讚！綜合是—個不錯選擇，推介！…查看更多

嚟到呢頭，見到呢間食店嗰名有D印象，望落又幾企理，咪試下咯。首先一碗例湯。唔多夠熱．ＯＫ喇。主菜係欖角豆粒煎魚餅同馬拉盞唐生菜。欖角加魚餠幾得意，夠創意．食落都唔錯喎！老婆就讃好。炒菜就幾夠鑊氣，不過馬拉盞幾棘。老婆話無理由唔食鎮店之寶—雲呑麵！於是試一試。雲呑唔錯，而且啲蝦挑咗腸㖭，好乾淨！不過湯底好似少少苦味。甜品西米焗布甸，唔會太甜，不過小心熱，正！環境方面算幾闊落同乾淨，又唔駛大聲同老婆講嘢㖭 （雖然掛住寫食評都無點同佢講嘢），可推薦！…查看更多

週末前夕—心同老婆食餐好，嚟到曼谷泰菜，但—句講哂－＂大失所望＂！首先一個炒椰菜苗，都還算可以，因炒蒜配味不錯,但颇硬然後係串燒沙爹牛肉同鷄肉，雞肉就ok喇，牛肉方面就充分發揮＂老＂肉嘅特色！然後係豬頸肉撈麵，哩碟係整晩唯一可介紹嘅菜式。不過最失望都係芒果黒糯米！睇menu至少有七塊八塊芒果，但—上枱便＂嚇驚人＂！芒果係薄片捲成朵花,圓週只有4cm嘅迷理物體，糯米就一大舊，有嚴重被呃嘅感覺！睇怕都唔會再幫襯喇！…查看更多

星期日西環食西餐選擇唔多，尤其大道西一帶。哩間是位於山道中比較不起眼的餐廳，在石塘咀熟食中心側邊。地方比較窄，祗能容納約40人。但坐落亦算可以，沒有＂背貼背＂問題。首先一個餐沙律，還可以，因為用了靚外國沙律醋！跟住同老婆share芝士漢堡飽和西冷牛扒：雖然係８安士，但可算幾大塊喎。牛扒雖然不是安格斯，但在100價位內算不錯之選，還有牛扒鮮味！漢堡飽原來可以咁juicy過喎，＂麥記＂肯定行埋一面！改善地方亦有、漢堡身可以爽一點！甜品方面可惜沒有我至愛的apple crumble,扣分：:(綜合來説，是—間西環不錯西歺之選！…查看更多

星期日夜晚同老婆撐枱腳。Order 兩個晚餐, 首先係咖哩咸牛脷飯，然後係芝士焗薯蓉肉醬千層麵。頭盤係羅宋湯，咦.....竟然完全唔茶餐廳喎，而且略带半山沙連娜和銅鑼灣金雀feel!咖哩又點呢？都OK嘅！只是略為甜咗少少，牛脷好＂林＂，得！裡面啲洋葱係佢嘅靈魂！千層麵係焗壚出哩，所以夠哂熱，記住唔好掂個碟啊！味道方面不過不失，但肯定好過大家楽，接近 Spaghetti House 添！仲有，茶走好掂！另外鍾意英超嘅話呢道有得睇直播！收費每位60有找，值得推薦！…查看更多

星期五同老婆食西餐，行到永樂街見大厦樓上燈光燦爛所以試—試！首先一個番茄湯，有驚喜因不是罐頭而有番茄茸添！:)隨後—個雜果沙律，今次罐頭出場喇。而且汁稍甜、扣分。:(頭盤主角係羊鞍，跟蒜蓉汁，咦.......掂喎，因為完全唔"un",無渣，再者啱啱熟帶小小血水，老闆亦唔孤寒有三件羊架添，正。招呼方面老闆亦好好人！綜合來説是—個遠離銅鑼灣油尖旺的不錯幽靜選擇！…查看更多

:)星期日—早和老婆試吓哩間傳統茶餐廳。早餐Ａ可以喎。通粉湯底味道不會太＂味精＂，鮑魚亦有鲜味，有驚喜。炒疍便比較一般，但勝在不太油膩。啡走小甜不錯，極力推介。綜合來說是一間不＂求其＂並值推介的地道傳統的茶餐廳！…查看更多