sisi2008的个人专页

經常會打邊爐，見愉景新城有泰式邊爐，一於就走去試試，誰知一試愛上。小食方面：雞、豬、牛串樣樣齊，仲有豬頸肉、炸雞翼、春卷、魚餅、木瓜沙律、肉碎粉絲、無骨鳳爪...甜品： 蛋糕、雪糕、雪條、椰汁糕...飲品： 除了檸水、檸茶外，仲有泰式奶茶，各式梳打（乳酸梳打、提子梳打菠蘿梳打...)，緊有一款會鍾意架❤️牛： 牛肉靚，有水準、服務： 非常好，夠貼心環境： 都唔錯架，好乾淨👍木瓜沙律、肉碎粉絲、無骨鳳爪一定會再去食3個大人，一位BB, 埋單$587…查看更多

有格調的餐廳，lunch去食，行得快，入得快，唔使等位，平時見要排隊，lunch 冇得訂座，一定要walk in,今次有機會試到啦。一個人 點了一碗場一個薯條大頭蝦海鮮冬陰功湯金邊粉湯粉放到面前，成個人心情愉快，顏色鮮艷，有青口、菇菇、魚片、豆卜，唔少得的當然大頭蝦啦，吱啲青檸汁出嚟，成碗粉的酸辣味出晒嚟👍冬蔭功炸薯條薯條即炸，外脆內熱，配埋冬陰功醬，都係第一次食，好味，yummy😋🤤，一個人食，份量太多😌…查看更多

晚餐： Set B $420包括： 成鍋上的現煮辣炒年糕+麵（另上） 炸雞：酸辣味 及 原味 香脆雞 沙律菜 兩柸飲品另外加了---蝦紫菜包飯埋單計埋加一個鍋好低食，即係現煮辣炒年糕，材料多，款式多，味道唔錯，對於食得辣的人嚟講，一啲都唔辣，食到好飽，好飽沙律菜： 擺盤靚，賣相好，味道ok, 幾種顏色放埋一齊，見到都開心😍炸雞： 會為你準備手套，方便食炸雞。炸到外脆內暖，咬落有汁漏出，正呀😋（我鍾意食酸辣味，少少辣+啲啲酸）😋蝦紫菜包飯：味道唔差（開頭覺得個餐唔夠食，點知食食下都飽😌）…查看更多

去到APM, 剛好食飯時間，於是今次去試燒肉(之前經過幾次都冇入🤣終於試到啦）今次選擇了60分鐘，時間都唔算太趕，合理的坐卡位，幾舒服，環境唔錯，而且夠靜😊職員服務態度良好👍有禮貌的除了牛肉外，還有啲菇，脆肉瓜、栗米、菠蘿可以燒下，菠蘿好甜👍同埋有個自助區，想食乜就自己攞啦，包括有前菜、飯、甜品，仲有飲品、咖啡機✅。。。。。。。醬汁方面，選擇算多👍lunch 嚟講，其實選擇算多，抵食，有機會會再去的😄…查看更多

食飽飯搵間糖水鋪坐下，搵到研香---特別的地方係自己研磨，所以去試下，幸好，唔使排隊，因為每檯限食45分鐘，所以點餐後，上糖水都好快架，呢方面做得幾好。會再去食，下次去會再點招牌開心果豆腐花蛤🤤招牌開心果豆腐花：果然係招牌食物，送到埋嚟已經聞到開心果味，好香，豆腐花好滑，好食👍芝麻糊：好香+好食👍榴槤冰：加多份果肉，好好味，鍾意食榴槤就覺得好味👍環境方面，坐得有少少迫，店鋪唔大，多檯、凳，與隔離位好近好近😊…查看更多

食開韓國菜，多數都係泡菜、燒肉、部隊鍋、炸雞等等。。。。。。。。今次試下韓國刀削麵未入到去，首先要排隊，大約30-45分鐘排到，坐低後掃QR code 落單，原本想點泡菜餅，可惜售罄，希望下次去有機會食到啦最後點了花蛤刀削麵，送到面前個一刻，嘩，好大碗，真係好大碗花蛤：勁多花蛤，花蛤殼多到可以砌高，變成迷李山😆湯底：清清地，幾好飲，都飲了唔少湯，下次去試下加啲辣椒醬😋刀削麵： 自家制的刀削麵，食落好qq,下次會再去😌…查看更多

為長輩慶祝生日，點了半圍餐，包括以下龍蝦伊麵：味道唔錯，咸左少少，龍蝦都大隻糯米飯： 不過不失竹笙海皇燕窩： 唔覺得係燕窩，係素翅脆奶炸蝦球： 呢個幾好味，炸到好脆👍西蘭花雙蚌片： 唔錯👍玉環瑤柱甫：好大粒，幾低食，唔錯👍清蒸龍躉：好味，好滑👍清菜：冇乜特別桂花糕：因為冇桂花糕，換了陳皮紅豆糕，唔好食的加點了：壽包： 點了一打，來了11隻，同侍應講，之後補返一隻雞：$28/隻 , 好低食雖然有餐牌係食乜餸，不過去到最好問一問職員，餸菜上到，覺得唔對路時問，職員先講今日冇xxx,轉了xxx就係咁啦…查看更多

平時食開泰菜都出九龍城，有時荃灣，今次揀了旺角，試下先嘩，新鮮感嚟啦打開餐牌見到原隻椰子海鮮焗飯，俾張相深深吸引，嚟到的確好特別，椰子面頭佈滿晒海鮮，好多椰汁，不過食到中間就冇乜特別啦，個人意見，如果飯同海鮮撈埋一齊再放入椰子，之後再放海鮮會比較好啲蝦餅配春卷： 蝦餅👍好彈牙，春卷脆的，口感正，味道都正豬頸肉：好味，點埋個汁仲好味👍粉絲什菜煲： 食到好重的糊椒味，幾好食，粉絲入晒味👍生菜肉碎包：我地點了少辣，食的時候覺得好酸，於是配埋啲飯食，好味👍椰青：好飲，好清甜提外話（洗手間要上一層）…查看更多

平時打邊爐會限時，好快就要走。今次搵間唔限時的，食物質素又唔差Book 好檯，夠鐘可入座，座位都坐得舒服飲品：都係茶/汽水。。。。。。好啦，講下湯底先，我地揀了蕃茄雜菇，湯底唔錯，唔係好濃，味道剛好比我想像中好，食物送到，見佢每碟食物都鋪到好整齊，肉好新鮮，比其他地方，鮮蝦算大條，真係好新鮮，另外有炸魚皮，配4款調味包（海苔、芝士、香辣及梅子）任你揀或者試晒4隻味，隨你喜愛落幾多我地係正價時段，即是每位$308,最後埋單$1050每檯都會送炸魚皮+4包調味粉…查看更多

明記食物，唔會令人失望。早兩星期已經book 定檯食中秋飯，全場坐爆，雖然有少少迫，都係短短兩粒鐘，可以接受。其實之前食過一次係外賣的，今次堂食。魚皮：食食下覺得好辣，不過好好味蠔餅：超好食，好脆，去到無可能唔食蠔仔肉碎粥：呢個又係好正，去到必點黃金鮮魷：正滷水鵝半隻：面頭一片片，切到好薄，刀工勁，好入味西檸雞：正韭菜豬紅：好味，有少少辣鵝翼：屋企人好鍾意食，食兩次都讚檸檬茶：好大柸，1個人飲唔晒，要share 飲石鍋啫通菜：正蒜蓉油麥菜：正下次去會試下海鮮…查看更多

訂了檯，未夠鐘已經可以入坐👍，安排了坐卡位👍一路食一路見有人等位。今次三個人，每人點了一柸咸檸七，味道唔錯，幾好飲。菜式方面，點了炒鮮魷🦑 配上西芹，有家常菜的感覺，份量都正常的。大肚婆炒飯，好特別，其實用了羌，加了啲蝦炒埋，幾好食。蒜蓉炒豆苗，都係家常便菜，少油會更好。排骨，一般蒸扇貝，有蒜蓉，豉椒，羌蔥，我地揀了羌蔥蒸扇貝，味道ok,不過熟過頭。我地無浪費食物，食晒😆。服務方面，幾好，覺得真係有服務水準的。:)…查看更多

晚飯時間，無 book 檯的情況下，等一陣就有位，算好好彩✌️入到去環境唔錯，空間大，到自助吧取食物好多選擇，有熱食，好多台灣小食，甜品有雪糕（movenpick😊movenpick😄movenpick😋），雪條，芋圓，仙草。。。。。。種類都多，仲有關東煮，台灣腸。。。。。。大人細路都啱食。好適合肚餓時入到去而未開始打邊爐，去拎少少熱食頂一頂肚，滿足下肚餓的感覺湯底揀了兩款，唔錯牛肉都新鮮，今次揀了上選安格斯牛肉#90分鐘任食（時間適中）優勝之處在於食物多種類，環境舒適台式食物有進步空間…查看更多

知道佐敦開分店，好快就網上Book 定檯等食，去到準時入座，真係好準時呀用i pad 落單，走時要記得按check out,之後到櫃檯俾錢，只收現金/八達通期待太耐，食物到就即食，有好多都唔記得影相🤭最最最驚喜係碟薯條，超級脆，而且價錢非常平，$12蚊就食到，極力推介，除了脆，仲熱的，好咪過xx,又平過佢，大家一定要試，唔好錯失機會我仲食了抺茶紅豆雪糕，好好味呀，唔知幾時有機會再食呢。今次覺得大食左，兩個人食了好多好多，埋單4xx(用八達通）…查看更多

佑胖子😋朋友介紹下即管去試下我地4個人點了兩餸1) 酸辣魚2)椒䀋聖子先講講酸辣魚，好味、好味、好味、真係好好味，佢的辣慢慢出，即係越食覺得越辣，辣度我接受到的，而佢的酸又好啱我口味，剛剛好，酸辣適中，個底仲有少少福花👍😌不過提大家一點，要小心魚骨，唔好食太快，一啖仔一啖仔咁食，同埋可以飲埋個湯，好正。到椒䀋聖子啦，多數食豉椒炒聖子，佑胖子係椒䀋，所以試下，食落乾身，有少少孜然味，味道配搭唔錯。整體嚟講，兩樣都好好味，我會再去食🤭…查看更多

之前都寫過，不過今次主要po甜品相有人覺得呢間唔好食，但我覺得幾好食，一個價錢，可以打邊爐，可以刺身放題，飲品任飲，甜品任食，都唔錯呀唯一唔好，係卡位的梳化殘舊，坐得唔舒服，食物質素，服務都ok 的，侍應收碟超快。…查看更多