athena_shiya的个人专页

早係一個月之前，已經book咗位，因為佢都實在太full。今晚一行三人去試呢一間喺網上好多人宣傳嘅餐廳。頭盤叫咗蜜柑鯛魚，魚肉鮮甜配上蜜柑汁，非常清新。另外叫咗韓式生牛肉他他配上西米脆片，牛肉新鮮，配埋韓式辣醬，味道帶少少酸，非常開胃。小食方面，就叫咗炸和牛波波，口感其實似可樂餅，不過係迷你版。另外叫咗韓式燒羊頸，羊肉味非常之濃，所以配埋紫蘇葉會比較好食。另外，職員推介紅蝦紫菜夾餅同海膽拖羅紫菜夾餅。比較喜歡食膏嘅人，比較推薦紅蝦嗰款。最後當然係必食嘅左口魚煲，魚油味非常之濃，連埋飯焦一齊食，非常惹味。仲有今晚特別推介嘅冷麵，但棉質偏硬。整體嚟講，價錢OK ，食物質素都唔錯。唯一唔好就係要好早之前預約先有得食。…查看更多

原本都係睇社交媒體網站Foodie介紹，所以慕名而來。其實都真係抱著一個試嘅心態。唔好食就一次過，好食就當bonus。始終依家時下所謂嘅foodie都可信性有限，唔自己試過都好難作判斷。所以今日經過太子，決定去搵搵佢，試一試。去到門口，已經見到有4-5個人係到買緊產品，有位客人仲即場食佢地嘅芝麻糊。而我，就買咗一盒芝麻卷同芝麻糊。芝麻卷味道好香濃，最重要係唔會太甜。時下嘅香港人都追求健康，呢一點佢地做得非常好，食多一兩條都唔怕肥。芝麻糊同樣香濃幼滑，食到有微粒芝麻。絕對值得再次光顧…查看更多

到訪呢間2019年已經開業嘅餐廳。我同朋友大約晚上7點黎到，全間餐廳只有我同朋友兩個人。心裡面多少有啲覺得奇怪，但仍然照坐低。睇一睇餐牌，價錢同地理位置一樣非常高級。當晚，我哋叫咗兩份龍蝦同飛驒牛嘅鐵板燒餐。食物質素嚟講，食材係貴價，選用澳洲南龍蝦同日本飛驒牛，食物都非常新鮮。龍蝦肉質彈壓。牛肉方面，我地選擇一份西冷同薄燒牛肉。西冷五成熟，肉質紮實，唔鞋口，但就太油。薄燒牛肉裡面包住蒜同蔥，不會食落唔夠香。擺盤都算精美。但整體黎講冇咩驚喜，而且整個套餐食落嚟，覺得好油膩。飽腹感有八成，但當中有兩至三成係因為太油，所以覺得好滯。最後個甜品亦係最失望，只係俾咗幾舊蜜瓜同埋哈密瓜加幾粒藍莓。說實話，比得一個相對高嘅價錢，餐廳係咪應該提供返一啲自家製嘅甜品搭配時令生果？如果只係需要普通果盤，我去酒樓食都有啦。呢個位我覺得完全唔配合食物嘅價錢同餐廳嘅地理位置。餐廳嘅廚師表示佢地有落廣告，請傳媒宣傳餐廳。但整晚都係得我同朋友，及另一枱情侶客人。如果真係想出奇制勝，餐廳要考慮一下調整個餐嘅搭配，先對得住比呢個價錢嘅客人。如無意外，應該唔會再翻轉頭食第二次。…查看更多

從來都唔寫評價，唯獨呢間餐廳，我必須要寫低飯後感。實在感覺差到核爆！幾年前，我已經去過旺角分店。當時已經覺得名過其實，根本就係傳媒誇大咗。食物味道根本好普通，但價錢就真係唔算普通。我相信同樣價錢，可以有更好選擇。自個次經驗後，已經冇意欲再去呢間餐廳。直至上星期，諗住同一班同事係銅鑼灣搵食。所以一行六人就決定去申子食Lunch，點知食到一肚氣。Lunch嘅餐牌，指定要叫一個貴價餐（每款$200-400內），先可以叫一個價錢相對較平嘅餐（$120-250內），仲要唔包飲品。咁講法，人均$200幾先可以落樓。食物質素真係普通到壽司郎仲好食，完全唔值呢個價錢。奉勸大家，如果唔想再交智商稅，最好唔好再黎呢間餐廳。我地一行六人食到火都黎埋，以後請都唔想黎。…查看更多