VW0203的个人专页

一放假就想hea係屋企全日，唔郁唔做野唔煮飯。但身為一個吃貨食少一秒都等於滿清十大酷刑。好彩屋企附近多的是平民小餐廳。今日就揀左呢間。位置係正太和消防局對面。之前食過荃灣分店覺得都幾抵食質素又好。最鍾意入呢間餐廳睇呢個lego摩天輪🎡食物都特別，而且份量我覺得都算大香辣蒜香蜆肉意大利麵香蒜炸得金黃可口，香氣十足。蜆肉新鮮甜美又無沙，我最鍾意食佢呢度啲意大利麵因爲口感非常好，軟硬適中👍🏻黑洞奶黃芝士麵包脆雞食法新鮮，賣相討好。炸雞非常juicy,粒粒都爆汁。粉漿唔會太厚。奶黃芝士唔會好似我本身諗咁杰咁膩。有呢個芝士我連裝汁個包都啪哂落肚👅Latte有水準，非常香既咖啡味，入口絕對唔會苦澀黑魔王窩夫Oreo雪糕加oreo餅加oreo碎再加上熱辣辣既窩夫。窩夫外脆內軟，今餐真心太滿足了🥰…查看更多

最近經常要去銅鑼灣上堂，上堂真係好易死腦細胞，有見及此，我男人梗係打算用食黎為我呢個正宗吃貨打打氣啦收工時間超多人，好多都一早book左，好彩walk in既我地都仲有張bar 枱位坐都好多野食揀，而且吃貨表示想全部叫哂坐吧枱可以睇住廚師燒斧頭扒🥰是日湯係黑松露磨菇湯，磨菇無全部打爛仲有一粒粒好有口感，湯好濃郁👏🏻炭燒豬膜肉鹽味焦點汁配青蘋果沙律擺盤用心。豬膜肉個皮燒得香脆，肉質多汁彈牙。配青蘋果沙很解膩一流。^_^燒安格斯眼扒配薯泥雜菌完美五成熟。牛味超重，少少焦香味。配既薯泥香滑，配雜菌食一流甜點係tiramisu,唔會話甜，而且咖啡同酒既配搭剛剛好！為呢幾日要上堂既我加滿油！…查看更多

之前同男友食過呢間餐廳覺得環境好好,野食又好味,所以忙左成個星期約閏蜜都特登約返佢去呢間真係好鍾意佢個裝修同格局超級靚靚既環境主打係食西班牙菜,好多出面食唔到既菜式都有蜜瓜黑毛豬(24個月) $198好香既黑毛豬火腿,脂肪分佈平均,配埋超爽甜蜜瓜簡直係天堂般既享受士多啤梨莫希托 $68可以揀有酒精,朋友揀左無酒清,士多啤梨甜甜的~幸福感滿滿的仲夏水果茶 $46茶味好夠,仲有回甘,水果量多,係我每次黎必點飲品西班牙豬手 $388烤到超香脆,用沙律伴碟可解除豬手既油膩感,而且件件都好軟~不會硬到咬唔到雜果麻糬窩夫 $98入面既麻糬超Q,窩夫鬆脆,甜點果然可以為晚餐做最好既句點…查看更多

無辣不歡的我，每次行經The one 個十字路口，見到呢個招牌都好鬼想去試。難得男友今日係尖咀做完野，終於肯帶我呢個吃貨去會一會佢了👏🏻位置就係the one十字路口大nike對面條街入到去我以為自己去錯地方。個裝修真係好似入左party room咁，費盡心思，難怪餐廳名叫麻辣派對🥳叫野食既規則就係一個膽，例如一個辣子雞，可以加錢加下面仼何配料。仲有其他川味小食。蜜語水果茶 $38佢餐單寫住麻辣絕配。又真係去台灣食麻辣鍋都有水果bar喎😂茶味香濃同甘口，唔會過甜，生果量多，尤其真係食到個嘴麻麻地既時候食舊西瓜🍉馬上舒緩👍🏻歌樂山辣子雞 $158我地仲加左肥牛同豆乾。份量超足，肥牛食極都食唔完。麻而不辣，仲有淡淡既孜然味，辣子雞炸得香脆可口，仲要啖啖肉唔似出面個啲得盤炸子雞骨咁😒酸辣土豆絲 $68我第一次食熱辣辣既酸辣土豆絲。熱食都炒到爽脆咁，辣中帶酸，非常開胃。紅油火雞腎 $58紅油味香，雞腎唔會太韌，仲有花生同芝麻香味。食完仲會送上一碗甜品。今日係喳咋。唔好以為送就hea煮丫，勁多豆同煲到起哂沙。為呢次麻辣派對劃上完美句號🌶👍🏻…查看更多

今日發現左屋企附近又開左間新餐廳，二話不說今日收工即刻同男朋友去試下先😋門而睇落裝修好用心咁喎原來係食星馬菜之類，有印尼炒飯丫，馬拉盞等等環境光猛，寬敞，坐得都好舒服😌檸檬薏米水清甜解渴，薏米份量都好多香茅豬頸肉湯麵係鴛鴦麵，金邊粉加油麵，口感彈牙，湯非常濃郁，唔算太辣，豬頸肉煎得脆口，醃得都夠入味。馬拉盞炒通菜火喉夠，菜剛剛熟不會過老，馬拉盞味濃郁咖哩牛腩仲有烤餅，撈汁食一流。牛腩出乎預料地多，超抵食。咖哩味香濃，牛腩非常軟冧，牛味很重。烤餅都夠香口，撈汁食一流。小食拼盤有魚餅，雞翼等，全部都香脆可口仲有近期最火紅既黑糖奶茶。以為呢啲餐廳唔會夠出名專門店好飲，但竟然出乎意料，珍珠超好咬口而且多黑糖味夠甜，真的不錯👍🏻…查看更多

今日家姐卜左呢間中菜同老豆慶祝生日...聽講好出名既一間中菜位置比較隱秘,係K11後面行入去好多野食揀...仲有好多好特別既野食蜜汁叉燒又香又腍,而且呂會乾身,係我食過最好食既蜜汁叉燒燒鵝都非常出色,係連骨都有味水煮魚係食到停唔口,麻而不辣,而且仲有紅薯粉~窩巴士多啤梨骨 竟然係夾到我都唔敢相信,水果做菜我多數都好怕,但士多啤梨係香但唔太甜,配埋窩巴食剛剛好,排骨好腍而且吸哂士多啤梨味,實在太好味了!秘製日本黑蒜醬解筍紅皮炒飯呢個我嫌佢略甜,但蒜味好香…查看更多

呢幾日天氣都好凍...本人本身就已經有個火鍋魂,天氣咁凍就真係想一日餐都係打邊爐....所以今日就同男友去左食我至愛既雞煲了~位置雖然有D偏,但住大埔一定會識去就係街市邊個條巷他,其實都好多人知呢間餐廳,因為我本人覺得CP值超高!呢度係放題形式,店鋪雖小但我想食既呢度都滿足到我之前都有試過佢個麻痺雞煲,所以今日就黎食佢既麻醉雞煲啦~(麻辣+醉雞)一上枱個陣酒味一聞就爭D醉,聞完都覺得個身暖返好多,湯面個紅油簡直令我口水直流雞係分開上,好多藥材,店員會貼心地幫你搞好哂所有野,只要等食就可以了~手切安格斯肥牛 厚薄適中,口感極好,而且牛味都好重其他配料都乾淨新鮮,最鍾意食放題係因為每樣野都想食但都只係想試下,所以放題就可以叫好多種每樣食少少~每次黎都捧全個肚走~又大滿足的一天^^…查看更多

最近係石門返工，一到食飯時間就聞到好香藥材味，先知原來開左間新既台式養生鍋🥳我呢個邊爐達人梗係身一時間call男人出黎陪食唔🤪環境光猛，坐得舒服有好多藥膳鍋揀，眼花撩亂丫😫最後揀左個精選養生鍋，一上台個陣藥材味真係搞到我洗哂口水，我一口氣飲左2碗湯，越滾越出味，而且食完都完全唔口乾，證明真材實料👍🏻特級安格斯肥牛牛味超重，淥兩下已經可以食，一啲都唔韌包芋丸呢度竟然有得食呢樣！佢係貢丸入而包芋泥，超好味！但唔係好多地方有得食！實左令我太驚喜🥰桂花蚌同珊瑚蚌叫半份份量都超多，新鮮鮮甜，又夠爽口其他配料都新鮮乾淨，午餐肉都係即叫即炸😍而且份量都俾得好足而家新張優惠17:30後入座及19:30前離座全單有7折丫🥳🥳…查看更多

為慶祝我同男友轉工之喜，梗係要食返餐好既賀一賀佢啦🥰講到食餐好既，梗係第一時間會諗起我心目中No.1既放題，大喜屋啦🎉銅鑼灣分店從來係我首選，環境大而舒服，今日食第一輪17:30，我五點就黎排隊，可以第一個入去✌🏻值得一提同一讚既係，而家改左用Apps或者WeChat落單，只要掃描QR CODE就可以，餐廳仲提供左免費WiFi，既環保又方便👍🏻而好多小食例如螺肉，煎餃子個啲就變左自助式，仲有師傅現場斬雞同燒鴨🤗原盅燉湯都係自助區拎。今日係烏雞燉姫松茸，清而不膩👏🏻刺身係大喜屋最出名，既新鮮又肥美，而且叫幾多俾幾多，前提當然係你落既數量都要合理啦煎炸同燒物都係我最愛，全部新鮮即叫即整，款款都係熱辣辣噴哂煙咁，所以話大喜屋永遠係我心中都係第一名👍🏻…查看更多

今日男人又帶我食好西了難得過海，當然交俾佢諗啦，過海本但不太熟嘛。佢話上次朋友帶左佢去一間食都幾唔錯仲有波睇，就帶我去試下啦門面超大同裝修好靚燈光舒服而且好多關於運動既細節位仲有足球機同桌球俾食客玩。咁大個女都係第一次見咁既餐廳野食都係一般西餐有既野，但酒都算幾多選擇餐湯應該係蘑菇湯，咬落仲有一粒粒既蘑菇，口感creamy,應該係加左薯仔既緣故latte咖啡超香而且不酸不澀海膽忌廉汁帶子扁麵一試台已經聞到好香海膽味，食落口口感豐富同超級creamy,帶子煎到剛剛熟，鮮甜彈牙。意粉中我最愛扁麵，呢個煮到軟硬適中，不會過硬，有口感之餘亦唔會過爛美國特級肉眼扒一睇個炭燒紋已經令我垂涎三尺我地叫左五成熟，可能我掛住影相rest耐左，但入面都係粉紅色而且超多肉汁，好重牛味，都算出色坐得舒服，服務一流，又有得睇波，下次約班朋友一齊睇波食野飲酒先…查看更多

天氣一凍，就好似食幾多野都唔夠飽，今日野完邊爐都總是餓男友就話附近好似開左間好吸引既甜唔鋪，甜品係女人第2個胃，而且又未飽，咁就梗係要試試佢啦！裝修小清新全部甜品都係視覺試既享受，款款都好吸引丫😍士多啤梨奶昔入口香滑，而且係清新既士多啤梨味，唔係假假既香精味，口感濃厚香醇💯魔鬼🦹‍♂️朱古力採用movenpick雪糕球，香脆既蝴蝶酥再加口感綿密既brownie，層次豐富芝士粟一燒呢舊野真係夠哂驚喜，其實佢係cheese cake黎架仲有香濃粟米味。cheese cake口感厚實濃滑果然係超水準既甜品店，以後可以成日黎呢度餵飽第2個胃了😂…查看更多

12月，係消費最高既月份男人仲要今個月生日。左諗右諗，俾我發現左先前食過既呢間高質日本料理，出左秋之海蟹宴，就請男人食餐勁既生日飯啦北海道鱈場蟹肉刺身肉質彈牙，蟹味極濃而且非常鮮甜冰鎮香醋松葉蟹原來蟹肉配白醋係咁夾，酸味剛好帶出蟹肉既鮮甜味，蟹肉有哎口而且好夠味海蟹更婦羅+海蟹茶碗蒸茶碗蒸超多蟹肉，而且蒸蛋滑溜，天婦羅卜卜脆海蟹鍋物湯頭雖係清湯，但有蟹肉吊味非常鮮甜，冬天黎一鍋真係暖入心丫海膽蟹膏甲羅燒齋睇賣相已經100分，海膽超creamy而且鮮甜，撈埋蟹肉簡直係一流丫最驚喜既係佢入面原來係滿滿既蟹膏，仲有沙律醬同芝士，食完呢個簡直係大滿足丫🥰海蟹箱押壽司飯已撈左醬汁，所以唔使點豉油已經好夠味，飯唔會太散太緊，雖然係壽司但上面蟹肉都係真材實料，好常鮮味今日甜品仲有黑糖水信玄餅同抹茶🍵蕨餅蕨餅煙刃，水信玄餅齋賣相已經贏唒好滿足既一餐，壽星仔都表示非常滿足…查看更多

天氣一凍，就好想食好多野食少啲個人都好易發嬲，所以男友為左封住我呢個地雷，今日就帶左我去食放題喇餐廳位於美食集中地，旺角創興廣場，好易搵環境超大，裝修用心價錢以旺角放題黎講真心抵食應有則有，都好多野食揀刺身超級新鮮，舊舊都好肥美，而且切得夠厚叫幾多黎幾多完全唔小氣，但當然大家都要適可而止啦壽司全部新鮮整，塊紫菜仲卜卜脆，飯唔會太大舊想塞飽你咁，大細剛剛好炸物都新鮮炸好，好夠熱，而且炸蠔多汁肥美串燒都係即叫即整，調味夠而且火喉剛剛好…查看更多

今日同男友出左奧海城行街街。平時好少行呢頭，原來都幾多野行。而且仲有好多正野食。不過一見到呢間野就同男友心有靈犀二話不說入去坐了因為本人同男友都係蒜頭控，見到個名已經馬上手刀跑入去果然係全部菜都有蒜，係連甜品同cocktail都有加蒜，也太有創意了吧環境大，但座位唔算迫，坐得舒服欖油蒜片蝦配法包片個汁超濃郁夠味，蒜味簡直直沖鼻腔蝦超大隻而且份量好多，難怪佢可以加錢加法包片，因為個汁點法包真係好好味，我同男友爭啲飲哂個汁MFG招牌蒜片墨西哥辣椒銀魚柳炒意粉意粉軟硬適中，啲炸蒜片超酥化完全唔痴牙。墨西哥辣椒我就覺得唔算太辣但過癮熱板烤MFG招牌肉眼扒配蒜頭山果然係蒜頭山，同男友掛住食蒜爭啲唔記得左個扒完美五成熟，粉紅色美的過份，因為店員落單時仲會同你講幫你hold住個扒先，等你食哂前幾樣野先夾好時間整認真用心先有好菜式好滿足既一餐，食到成口蒜味都抵丫…查看更多

男友又帶我去吃好西了🤤今次佢揀左呢間係朗豪坊頂頂既漢堡。就係有live band 同Lego 店個層雖然開放式但裝修都有格調餐牌超多選擇，而且價錢比平時食個啲都平少少👍🏻水牛城棒棒雞外型非常討好，酸辣度適中。炸雞鮮嫩多汁。本身諗住咁多醬點解仲要俾沙律醬我，但原來食一舊已經有啲膩，呢個時候點個沙律醬就可以中和中和🤗黑牛我未見過用軟雪糕整既黑牛。雪糕非常軟滑👏🏻德州燒烤牛肉漢堡用料超豐富舊牛好厚，而且仲係粉紅色燒得剛剛好，非常juicy,配埋煙肉，炸洋蔥圈同芝士簡直係大滿足😋卡萊羅納燒烤骨我最鍾意係佢可以咁細份，平時個啲一叫要叫成條，呢個一人食剛剛好。燒烤醬非常開胃，豬肉熟度剛好，骨都可以輕鬆拆出👍🏻…查看更多