corriander_bear的个人专页

魚生用料好新鮮，種類亦十分豐富。店面乾淨整潔，可以買後即刻堂食。而且夜晚仲會有40% off嘅discount，路過總是忍唔住會買，因為實在太吸引！店員親切有禮，而且對唔同魚嘅種類及食法都頗有研究。服務態度係日本水平，香港嚟講好難得。除左魚生，亦試過買其他海產及飲品，例如三文魚頭，果汁等，價格及質素都非常優質。店員仲教埋我哋點煲日式魚頭湯，返左屋企第一次嘗試就大成功！無論如何都想反覆到訪嘅良心小店！…查看更多

從來冇試過係香港食拉麵食到成肚氣。一開始落單嘅時候白色衫店員態度已經好麻麻，問我哋要咩小食，我先生客氣表示睇一睇先決定，店員頭也不回就走咗，個表情好冷漠甚至有些黑面，當時仲以為自己諗多咗。之後麵仲未上嘅時候單獨上咗叉燒，同隔離檯比較形狀完全唔同，size都細好多。我同先生商量後決定問下店員，因為實在無法接受兩張檯明明叫咗同一碗麵，人哋塊叉燒食咗幾塊，仲多過我哋啱啱上嗰碟，仲要大半都係得肥膏？我哋禮貌詢問，係咪因爲跟餐，所以size唔同。店員回答表示，是師傅隨意夾，每塊size有不同。我哋表示我哋不太喜歡太肥，詢問可否換一換，店員再次表示係師傅夾，無嘢可以做。我哋好聲好氣話，既然係師傅夾，可唔可以叫師傅出嚟同我哋溝通下。白色衫店員再次過嚟，黑面，重複另一位店員的說話，係師傅夾，叉燒有大細好正常。我先生見她態度差，簡單回應：「咁你幫我換過碟。」店員繼續黑面，拎走碟叉燒就走。第二碟上嚟，明顯比較第一碟大，並且肥，肉層次分明，我哋就無再出聲。俾錢買難受，樓下茶記態度都好過佢！麵味道可以，但下次不了。…查看更多

非常有驚喜的小店！老公同我分別撿咗懷舊車仔麵和鮮魚麵，搭配紅薯寬粉和烏冬麵。紅薯寬粉很彈，食材很新鮮而且極多餸。豬骨湯可以肯定沒有味精，飲完都唔會口渴。本來對車仔麵無咩期望，但估唔到原來可以好清！茶飲包裝好靚，特別係有茶隔可以阻擋茶葉，第一次見到咁貼心嘅設計。而且難得茶係無糖嘅，唔會感覺到heavy。尤其鍾意黑杞明目飲同老闆傾咗一陣，可以體會到佢嘅用心。很滿足很健康嘅一餐，會再幫襯。希望良心小店可以有更多人發現和欣賞！…查看更多

Perfect friendly neighbourhood cafe for reading a book on a Sunday afternoon. Quiet and cozy, great food, reasonable price, friendly service, relaxing background music. The lemon pancake looks beautiful and tastes yummy - fluffy, soft, not heavy at all. Cannot recommend enough!…查看更多