stkvivi的个人专页

同朋友一齊試試新店壽喜燒，之前食過呢間既omakase 都好掂又抵食，今次見有新野壽喜燒set就試下，師傅話關西口味比關東口味比較冇咁甜，我鍾意少甜所欲我覺得甜度適中，好啱我口味。今次揀既係壽喜燒980套餐，超級飽呀好滿足！sake仲要買一送一一個套餐原來都幾多野下，有先付，前菜，時令刺身三款，壽喜燒有日本A5和牛唔同部位！野菜五款仲有漬物，櫻花蝦滑蛋飯，味增湯，米飯任裝，就算真係唔夠飽仲可以追加。師傅好風趣幽默，同埋好細心介紹每一道菜，服務員都態度有禮貌主動問夠唔夠食，店內整體感覺好舒適。先付：熊仔最中餅有海膽同和牛他他，賣相可愛好適合打卡。前菜：水髮菜，菠菜同三文魚子海膽豆腐。好好味個豆腐好香濃。刺身：網烤梭子魚，赤身醬油漬配柚子胡椒好特別，刺身中拖羅同大拖羅。季節料理：香煎北海道銀鱈魚香軟嫩滑壽喜燒：日本宮崎5A和牛三個部位肉眼齒頰留香，西冷口感豐富，牛肩味道濃郁。有幾種菜菜有豆腐有菇京蔥。滑蛋櫻花蝦蓋飯吸收晒牛肉嘅肉汁再淋喺個飯上面非常之香滑。最後蒟蒻粉絲加上蛋汁一齊食爽脆彈牙。最後仲有甜品！自家製紅豆綠茶布甸配蜜桃瑞士卷，綠茶布甸唔算好甜綠茶味道濃郁非常之唔錯👍🏻有驚喜，體驗感好好，回味無窮，下次會繼續光顧！聽講兩人同行點讚社交媒體網站會有串燒拼盤或者野飲送😻…查看更多

服務態度超級差: 唔會再嚟第二次 唔知係咪因為服侍得大陸人多 對住啲香港人都態度勁差 叫極都扮聽唔到 係咪淨係識聽普通話唔識聽廣東話 完全冇服務態度你估茶餐廳呀宜家 其他地方d分店服務態度都唔會甘差 尖沙咀服務態度好少甘差勁 落單冇人: qrcode都冇點落單呀大佬? 入嚟等勁耐都叫唔到人落單 啲人都唔知去曬邊 又話限時 連個人都見唔到 速度極慢: 之後上菜 速度勁慢 其他啲蔬菜上曬啲肉過咗差唔多20分鐘先上 加野唔加湯: 叫佢加湯同鴨血豆腐 加完見到個鍋冇湯見底啦 都唔識幫我加 多次出漏野: 出菜出少左野 一個海鮮拼盤(蝦x4帶子x4蟶子x2鮑魚x2)都可以少一大半野 足足少兩隻鮑魚同埋兩隻蝦 睇落好似隔離枱食剩噉 要補兩次搵三個人問先齊 浪費時間 態度差冇道歉 本身極大錯誤! 叫佢地補翻我 正系比翻鮑魚 蝦都扮聽唔到漏左 之後我要再叫服務員比翻個餐牌check翻先補翻多兩隻比我 其他兩個服務員一碌木甘乜都唔知要問廚房催買單: 七點落單 七點半d肉先到 海鮮仲要係d肉到晒先補齊 即系我上齊野隔十五分鐘就過來黑面甘話就快夠鐘唔該買單先 七點55就叫買單? 一個鐘唔夠 催人走買單一句多謝歡迎下次光臨都冇 食唔晒要人打包生野: 隔離台大陸同胞仲犀利 成枱嘢仲有一大半未食 跟住打包上四五碟生嘢 跟住俾人趕走 你估宜家食刺身放題啊? …查看更多

特登入去元朗去食辣媽，之前係朋友介紹嘅，一試難忘。大概六点鐘等位七點幾先有台，經理話廚師全部都係四川人老闆係香港人，同行有四川嘅小夥伴，一齊試下正唔正宗。芥末魚皮 好好食 四川人都好食到講粗口毛血旺料好足 除咗平時d食材竟然仲有大腸 水煮桂花魚 唔錯下 魚肉嫩滑酸菜鱸魚 十分之驚喜 用炸蒜鋪面淋油 酸蘿蔔酸菜都好正 鱸魚同桂花魚片一樣都係甘滑膠原脆皮豬手好大舊三個人食唔曬 表皮好香脆 入面嫩滑有嚼頭乾鍋脆肥腸好好食 有少少脆卜卜又唔會好辣田雞味道有少少唔夠鹹 肉質嫩滑 賣相同四川差唔多加酒水 人均五百…查看更多