Fat Pig & Me的个人专页

係第五波仲未咁嚴重果時訂左枱食大圍小館，果然唔係得個名，大部分點心都好好味，特別係蝦籽油炆筍（好清新但又入味，好難形容😂）陳皮豆沙煎堆仔（濃郁陳皮味）,仁稔蒸排骨（酸酸甜甜幾正），手拉腸粉（好滑）反而比較有期望既叉燒我就覺得佢太厚同未夠鬆化（同埋一定要趁熱食，凍左就會覺得肥膩），眼淚流沙包就皮太厚仲有好多點心同菜式都想試🤤有得book位嫁，book左唔使等咁耐👍大圍小館同北角鳳城酒樓d點心好似，兩間都好味，不過大圍小館就坐得舒服d，兩間都係高質點心，值得去…查看更多

今日e間黃酒雞令我重出江湖寫食評 可能我冇expectation之下去食 所以覺得雞功房remarkable 天氣凍凍地就order左黃酒煮雞肉湯麵，見到有好多配料而且配搭好有營養，包括我好鐘意食既竹笙，仲有雞肉，雞蛋，響鈴，桃膠等等，個麵仲可以轉好吸湯既新竹米粉😍黎到飲左啖湯，帶小小藥材味同淡淡酒味，雞柳嫩滑同埋有比黃酒煮過（而且好大方，有好多舊），響鈴未浸湯果part仲脆，荷包蛋都有酒味😂😂仲有菜心同蟲草花令成件事更健康，食完係度諗上環番工既人好幸福，有健康又有營養餐廳簡，最後我差唔多成碗湯都飲哂，飲完好暖身（好濃味味又冇油👍），雞功房亦令這個frozen左咁耐既foodie ac 出番個post😆我係食上環分店嫁，唔知點解location冇上環簡，tag住佢天后分店先P.s. Lunch time一個人食都唔使如人搭枱，非常好的做法👍…查看更多

一間真高質好食又唔貴既意大利餐廳，聽講係fb自助餐關注組已經略有名氣。星期六得番第一輪1100-1230有位，但也好，食得清優亦有更加時間消化，Weekend Brunch的價錢$268 (buffet only), $288 with main course. 我地當日淨係加左一main,加$88叫左龍蝦🦞意粉，意粉Al dente, source有龍蝦味但肉就冇咩味。講番buffet section🦐🦀有海鮮（包括蝦，青口，牛油果蟹肉杯）除左蝦比較一般外另外兩款都好高質🥗salad超過十款，每一樣都好fresh,蕃茄仔都係用靚貨，食落爆汁（你諗下落樓下taste買過沙律都差唔多一舊，而家係任食，其實蔬菜有時仲貴過肉），salad bar唔只得菜仲有tuna, ham, octopus,澱粉質代表就有吞拿魚長通粉，熱食區有roasted chicken, beef and sausage (個人覺得chicken最好食）。以上既野每樣食一次都已經飽飽，所以根本係唔需要主菜。除左以上食物，buffet section仲有🥧甜品同新鮮雜果。甜品推介班蘭千層，d pancake皮好薄而且唔太甜。最後飲埋coffee☕完美結束整個burch😌我覺得佢係貴精不貴多既代表，的確係仲好過酒店，而且餐廳採光度好好，坐得舒適，如果閒日黎既話性價比應該會更高。期待下次😊…查看更多

整體黎講普通既牛肉麵，叫左三寶手工麵 （有牛肚，牛筋，腱心）牛肚係成碗夠淋又有一絲絲質感，牛肉同牛筋都夠淋但味道冇咩特別。手工麵就似刀削麵，有麵粉味同咬口，如果有牛肚手工麵就正。湯底帶好輕微辣味，冇咩特別。另一碗叫左紅燒半筋半肉細麵，餸既份量都多既。 最後仲有極淡既珍珠奶茶，奶水咁樣，冇茶味，只有珍珠好食。所以段純貞唔需要特登去食。#段純貞牛肉麵 #段紀貞 #台灣牛肉麵 #紅燒牛肉麵 #半筋半肉 #牛肚 #手工麵 #刀削麵 #珍珠奶茶 #hkfood #foodiefgg #fgginkln #fgg在九龍 #fggintsuenwan #fgg在荃灣 #fggwithtaiwanesecuisine #fgg食台灣菜…查看更多

張秀玲會再回頭幫親既泰菜，係幾年前食老闆娘米線發現張秀玲，門面以為係cafe,點知原來係食泰菜，所以餐廳有裝修好緊要🕌btw張秀玲係咪好中意食泰菜同對自己的出品好有信心，拎埋自己個名出黎做招牌🤣😂今次黎食lunch,因為成兩點幾先到，所以好快等兩張枱就入得去食。叫左一個燒豬頸肉飯 $78，兩串串燒$28同一杯芒果百香果沙冰$18 🥭🍧燒豬頸肉飯個份量大到嚇親，不論豬頸肉或米飯都係二人份，望望隔離枱發現都係咁多，好彩我地本身唔餓就兩個人share一個，豬頸肉燒得脆口，有蜜味，加埋佢個醬汁好快就KO哂個飯🍚串燒要左一雞一豬🍢我覺得雞好味過豬，肉都係入味同嫩口，沙嗲汁有花生粒及帶有椰汁味最後芒果百香果沙冰真材實料，用真生果加冰打出黎，好消暑解渴👍成餐飯唔使加一，大件夾抵食。…查看更多

今年試試這間在石硤尾南山邨的小店-嘉湖嘉湖粽子全部係上海粽，咸粽材料好簡單，咸粽配料有調味糯米，豬肉，蛋黃 （optional) 甜粽就係糯米同豆沙🔸火腿鮮肉粽 $72🔸雙黃腩肉粽 $90🔸雙黃鮮肉粽 $70🔸素豆沙粽 $54🔸豬油豆沙粽 $54我既推介跟以上排名，咸粽分別在於豬肉，我中意火腿鮮肉既咸香，所以放第1,屋企人就中意腩肉多小小肥膏，值得一提嘉湖豬肉d肥膏炆到化哂，入口即溶好 yummy😆素豆沙粽就乾身d但豆沙味出d,粽葉味都滲到入糯米，而豬油豆沙粽口感就幼滑。歡迎大家推介好味既粽，學術交流一下，祝各位端午節快樂…查看更多

得知今日係金所3.0 last day,要出個post分享番鮪魚丼食評 （雖然有點遲😂）由於初期人潮太多又不能太早起身，我係二次到訪先可以品嚐到中落，中落係鮪魚骨旁的魚肉，需要用匙羹刮出黎，而金所既中落更是未經急凍運抵香港。每日0800開始發售，售完即止，似足築地，有點想念在東京時的瘋狂😔當日嗌左：1）中落、鮪蓉丼 配蘭王蛋2）中落、鮪蓉、中toro、大toro丼配蘭王蛋3）兩隻日本生蠔 老實說，今次冇咩太大驚喜，唔需要特登晨早起身排隊去食，而且食中落、鮪蓉丼就已經足夠，因為中拖和大拖你都可以係其他鋪頭食到e個質素，所以我都係食左一次就冇食，至於生蠔新鮮所以好味😋但不是今餐重點，所以黎緊中環popup我建議都係經過先食，不用特登去。…查看更多

先黎總結，食得好趕既一餐，樣樣野都好味，但諗住慢慢歎要傾計既唔建議去。有興趣就繼續睇落去。因為係in house guest,所以就唔需要早兩個月上網book。我當日就食15：15-17：15既時段，佢係要準時先比你入去，入到去簡下飲咩就可以了落單，全部人都係同一時段入座，你見d staff係忙到飛起。個個都好忙，所以你都要等一陣先落到單，變左兩個鐘內要扣左15分鐘係等落單。之後每一個環節都係要等around 10mins餐飲我簡左the butterfly room tea blend同白茶，兩款茶都好岩配tea。先黎一件elegant surprise - 黑松露南瓜雞肉puff,我覺得用酥皮盒形容更貼切，新鮮熱辣（包括埋隻碟😂）好食但又唔會留有印象咁樣咸點有四件sandwiches，青瓜蟹肉卷，磨菇牛肉，煙三文魚，黑松露青豆撻。四件都好味，但最好味我會簡青豆撻，青豆好大粒好fresh好爽，配埋個醬好match👍Scones有原味如提子味配clotted cream & 橙皮醬 & Berries醬。Scones好對版，有溫度有口感，外脆內軟唔會太乾帶左麵粉香。encore左一次。Pastry Trolley 有5款可以簡，其中最好味果款係mille feuille，酥皮好鬆化，甜度岩岩好，中間個雲呢拿吉士好滑，其他甜品仲有班蘭撻，蕉糖芝士蛋糕，士多啤梨海綿蛋糕和瑪德蓮。除左士多啤梨cake普通之外（賣相「詳情睇相」及味道）另外四款都好值得食😋之後經過漫長既歲月（more than15 minutes， 報時：1645) Confectionery trolley 終於黎，果時基於等到悶同埋心入面好急，都冇心機聽果幾款甜品係咩野，就叫佢每樣黎一款，淨係記得個香蕉朱古力撻同埋復活節蛋糕有馬拉糕味驚喜，之後白朱古力mousse, brownie and 花生朱古力就冇咩驚喜 （d名全部我作🤣果時淨係想快d食）而十分鐘之後甜品車都再黎問我地使唔使refill, e個時候同行友人refill左mille feuille和班蘭撻，之後5分鐘後就要埋左張單先，最後17：15離座。感覺佢地好似空姐空少，自己飛左一轉台灣，由上機到落機好快完左件事咁。但佢地好attentive,因為我倒灑左水佢地好快比紙巾我，加重佢地workload真係唔好意思😓（黎緊e段比餐廳睇既）擁有美味食物，雅致環境，優質服務，但沒有一個從善如流既system實在太可惜，用餐體驗大打折扣☹️詳情如下：我係坐最角落果張枱，所以甜品車係第一枱serve我，朱古力車就係最後，我覺得hightea應該係休閒咁enjoy食物、環境同影相打卡。本身兩個鐘係冇問題（例如四季都係兩個鐘但食得好輕鬆），我覺得餐廳需要檢討下係咪要兩架trolley serve 全場 。每枱推架trolley介紹太浪費時間，人手不足同限時情況下就唔係一個好做法。我建議應該咸點上一輪，甜點（pastry & confectionery combine in one trolley) 一齊上會比較有效率；亦可以係menu影埋今日pastry and dessert款式名，一來staff唔使再講，二來大家都知自己食緊咩，現在這個做法staff又辛苦，又要睇住時間，所以擺盤都唔夠時間砌靚佢 （Hugo同st. Regis都用trolley但人地有時間整得靚好多）。錢係要賺，但一日3場tea,staff又辛苦，客又失望，長久落去會失去支持。如果能夠改善以上問題，我相信用餐經驗一定更好。p.s. 唔知點解地毯爛到好大個loan都唔補補佢🤔…查看更多

見佢d便當好大份，所以我地叫左一個滷排骨便當另加滷肉🐖台南蝦卷🦐台式香腸🍖一杯炭培烏龍茶 🍵同埋鳳梨冬瓜茶🍍招牌滷排骨便當 $64一份share就冇錯，因為塊豬排好大塊同埋好多配菜，睇下張相就知好豐富，一個女仔實食唔哂一份，佢塊豬排好淋加埋帶微酸既醬汁好岩送飯👍但底味差小小，如果多番d底味就正🤏配菜方面今日有蒜香白菜，炒粉絲，宮保素丁，咸菜粒，蕉糖玉子，我地仲另加滷肉，成件事好滿足，配菜未至於好好味，但咩都可以試下都唔錯，至於滷肉我就覺得唔加都得，因為我本身唔鐘意食入口唔溶帶有肥膏既肉（滷肉阿元來了正d)台南蝦卷（兩條） $18蝦卷都好好味，入面有蝦有馬蹄，調味又好又炸得脆台式香腸 $12叫左蜜蒜味，唔掂，味道質感都唔得，可以skip炭培烏龍茶（跟餐送）&鳳梨冬瓜茶 $31兩杯飲品都好得，跟餐烏龍茶唔會hea9你，純茶好香濃且有茶味，我諗佢珍珠奶茶應該會好飲，下次試。鳳梨冬瓜茶都好清甜，唔會太甜，比起程班長好飲十倍。今日晏就去就排左半個鐘左右（但中午去就預左要曬🌞），上次夜晚經過條隊係轉左灣，如果太長隊就唔建議排（排完冇mood食）食完有台灣感覺，因為用一個合理價錢就可以食到岩好味既食味，亦都feel到d野用心煮，唔係話好味到大推但都可以去試下😊ig name=hkfoodiefgg…查看更多

Odea隱藏係1881入面，英式殖民地裝修，酒店服務（好過酒店），會幫你鋪餐巾，主動影相（仲要影好多張）,主動fill熱水，食物睇得又食得（especially 咸點，甜點就一兩舊偏甜但可接受），冇限時，環境靚靚，打卡一流🤳有得住室外chill住咁食（不過音樂聲可以細番小小就prefect）如果scone多番兩舊會好d,始終下午茶重點都係scone，同埋佢唔知點解過左聖誕但d甜點仲好聖誕feel🌲☃️😂Price $568 for 2 with 10% service chargeig name=hkfoodiefgg…查看更多

因應疫情，鮨逸既晚市omakase係中午都有得食，價錢$1280 食25道菜with 20% discount. 見到都幾抵就黎試下。註：我覺得特別好味/難忘會用小量文字形容下😆總括來說鮨逸不是令人有“嘩”感覺既餐廳，一來地方淺窄，二來一分錢一分貨，平均每碟$45-50,其實同千兩差唔多，當然刺身溫度，服務差十倍。師傅亦都好好咁介紹下每件刺身/壽司既特點，你亦都可以欣賞個製作過程。可能本身帶住expectation去食，鮮度未如預期，未必會再去第二次了。但想唔太貴係港島食下omakase都可以既👌食物介紹1）沖繩水雲-開胃前菜2）平目魚昆布漬 with柚子醋（新鮮魚，煙韌）-都係開胃3）新鮮帆立貝及裙邊4）九洲天草真鯛5）鮫鰈魚配魚肝醬及日本蔥-魚味比較淡，反而魚肝醬係主角，好甘香6）海膽豆腐-邪惡食物健康化，有海膽甜味但豆腐質感👍7）BB吞拿魚-好難忘，因為食到元氣壽司既質素😅8）燒左口魚邊配紫菜-夠油紫菜又夠脆9）真名鰹-不是鰹魚，師傅話係高級食材，印象中係幾新鮮10）小長野生蠔配柚子醋-屬爽甜型沒有after taste👍11）深海熟成池魚-第一次食池魚12）藍鰭吞拿魚根-上層係魚根下層係肉，好特別，愈食愈有魚味13）野生鰤魚-市場罕有，肥美而且的確有一陣魚香，最難忘既一道👍👍14）蟹膏鮑魚，鮑魚好鮮甜，互相不搶大家味道，配酒一流👍13）白見貝刺身-厚肉爽甜14）灸燒白見貝15）半鮮北寄貝-新鮮度同日本食差好遠,半字係我加比佢16）天婦羅海鰻17）鰹魚壽司with大蔥&彩色芝麻18）馬糞海膽-唔係唔鮮甜，但同其他omakase店比低左一個level，所以有小小失望19）藍鰭吞拿魚腩-因為有expectation,所以一般20）松葉蟹膏蟹肉壽司21）天婦羅佐賀草莓加煉奶-爆汁👍22)玉子布町最後上埋面豉湯同甜品就完滿結束。ig= hkfoodiefgg…查看更多

Chill環境味道 OK大澳棚屋cafe應該係得番e間，閒日到訪，不用等位，感覺非常悠閒寧靜。係放鬆/放空下既好地方。食物方面選擇唔太多，一定係食combine (i.e. main+drink+dessert),咖啡同食物味道不是十分出色，但環境絕對加哂分。如果唔使等位應該會再encore.…查看更多

終於知道點解金豪可以係九龍城䇄立多年，係九龍城浦左n年第一次去食。叫左崩沙腩同爽腩，兩款牛腩都好有肉味而且帶有小小調味，兩款既分別就係一個肥d一個瘦d,我鐘意帶小小肥同筋膜，所以崩沙腩比爽腩再正d。以$50餘蚊食到高質牛腩竟值物有所值，下次想試埋普通牛腩。有時都唔使特登去試都食到好味有質素既食物，真係好開心😆另外都推介筲箕灣王林記牛腩撈麵同埋天后八寶清湯腩，都係可以食到好味牛腩但就價錢偏貴/人氣店要等位。想地道都係金豪🤤好想試哂金豪d粉麵配料🤣😂…查看更多

天婦羅丼睇門面，以為係一間cafe,其實係一間日本人開既天婦羅店，細細間，10-12個bar枱位，menu得幾樣簡，離不開天婦羅，入面基本上全日文，你可以講英文，完全係日本感覺🎐🎎我試左海鮮天丼 $300，有蝦，蟹，鰻，魚，帶子，魷魚，秋葵，蛋。天丼已經配上醬汁同埋有山葵，一黎到食左鰻魚先，果種肥美令我有小小後悔冇叫鰻天重😫（怪唔之有個食評話一定要叫鰻魚）其他配料全部都好好味，不過要提醒下應該第一時間應該食左帶子先，因為佢會出水，擺得太後食會皮肉分離，有小小影響。套餐仲有一款小食，麵豉湯，綠茶。亦有自定醃製得柚子蘿蔔，餐前小食同麵豉湯味道一d都唔馬虎，體現日本職人對食物認真。成餐食完，好有日本感覺。當日我係一開門就要，幸運地不用排隊☺️…查看更多

@imperialfoodies介紹我去蛇王林食蛇羹🐍一路bookmark住。蛇王林既蛇羹係用新鮮蛇，蛇肉比較幼身同嫩口，同埋佢蛇羹佢得蛇肉同木耳絲，冇落其他野落去，湯頭都係稀身冇咁濃味。但奇就奇左一路食個口會keep住有陣微甜味，直至食完仲keep住有小小甜味而且唔會口渴，好似飲完湯咁。所以我都推介比大家。蛇王林同蛇王協係走兩種路線，蛇王協會迎合唔太鐘意食蛇/想試下食蛇羹既朋友，因為比較濃味而且會落埋雞肉等配料，感覺上係食碗仔翅但加左蛇肉。所以第一次食應先去蛇王協打開左食蛇既大門，之後可以去蛇王林食小d調味但多d蛇味既蛇羹（蛇王林獨孤一味賣蛇羹）。兩間我都咁中意，各有特色🤗…查看更多