or#Tm66446887的个人专页

三代目剛剛開的時候，將軍澳寶琳店都不錯，但三個月後就有啲退步啦，兩年後的現在更加差，炙燒牛肉拉麵，牛肉居然硬得厲害，個面嘅湯底勁味精，唔知係咪用咗佢集團嘅味精呢，以後都唔會再幫襯。由以往開的時候對佢極高評價，到現在是極低的評價，失望失望！…查看更多

呢間食店由西餐轉泰國菜，本身西餐就做得唔好，所以要轉型，以為請咗一個識煮泰菜嘅師傅，點知係亂咁嚟，完全唔用心做餐廳。機會只係比咗一次，中伏，以後都唔會再幫襯，同佢嘅餐廳名一樣you only live once, 應改名「you only dine in once」。馬拉盞炒通菜，喊到飛起，根本就唔係用馬拉盞去炒，用咗一啲類似豆瓣醬嘅東西加一啲喊到死嘅嘢一齊炒，而且係非常非常之油膩，根本係食唔到，我叫侍應比一杯暖水，洗咗啲鹹味及油先至可以食到碟菜😱😱😤。個廚師嘅味覺係咪有問題？最後我睇返食評，之前已經有人話呢個通菜好鹹，呢個餐廳完全都冇睇吓喺OpenRice嘅食評而作出改善，非常唔掂。另外叫咗一個蘑菇忌廉湯，來的是「忌廉忌廉湯」，蘑菇只有5%，忌廉是95%，成碗放在面前是一杯牛奶一樣的白色，我只有將兩碗湯都退了。今晚只有一個燒牛扒是可以的，總括我今晚嗌了三樣食物，只有一樣可以，命中率是33%，非常低。一間餐廳做唔住，轉型之後都冇用心去做，仲可以持續多久呢？😤😤😤…查看更多

今日愛上了和食🇯🇵😋中午和晚膳分別幫襯了兩間日本餐廳，兩間都好食。中午是我經常去食的餐廳，晚上到了尖沙咀山林道一間居食屋第一次光顧，食物水準高。壽司，魚生大大件又新鮮，魚生份量是飯團的一倍size。三文魚茶漬飯，很正宗，和日本的味道很相似。茄子味道是淡了少少，但是也是很細心去了外皮，軟綿綿的，而且上面有些木魚絲，點些少豉油食都還OK。 最後以芝士年糕結尾，芝士非常creamy, 外皮鬆軟，美味的一餐和食！價錢稍貴了一些，但也是物有所值的。…查看更多

暑假就快過，已立了秋，天氣仍然炎熱得要命，全副防曬裝備出去Chill 一chill, 去食雪糕Pancake!這個和栗Mont Blanc 班㦸都幾Fun, 冇諗過一條條麵嘅東西都叫pancake，原來pancake喺入邊， 自選了最喜歡的焙茶雪糕，味道夾到啱啱好，冇得頂！和牛漢堡pancake也很好味，要講最好玩嘅就係蟹肉撈烏冬，花雕酒及陳醋分開上，花雕酒放喺一個好可愛的噴噴樽裏面，放了陳醋及花雕酒整個烏冬就完全升華咗，可惜蟹肉少咗啲，但整體仍然好味。蕃茄牛肋肉意粉，就欠缺了少少，如果意粉有些少醬汁掛喺麵上就會好啲。 不過都係咁話啦，呢間舖頭叫pancake，梗係入去食甜品啦，或者以pancake造成的鹹點。百德新街環境比較少人，加上呢一間餐廳座位嘅密度都比較疏，冷氣空調都很夠，喺呢度食個悠閒嘅假日午餐，非常悠閒！…查看更多

去呢間餐廳前，見啲食評都寫得唔錯，沒有dislike 點知一食就中伏！！😡呢個雞翼， 非常難食，又咸又怪味，我唔知點解Buffalo雞翼可以整得咁難食，都係第一次見識。🥵🥵🥵呢個芝士pizza，得舊麵粉，只有餅的味道，沒有芝士味，只係食一件麵粉！最令人失望的是牛面頰意粉，牛肉沒有味，好似係湯渣，意粉又煮得太淋，咁都可以收$228 ，有冇搞錯！😩香港有好多餐廳，不是用心做，比起自己煮的還差很多。…查看更多

初次去這餐廳，食物及味道都很好。澳洲和牛味道非常好，非常軟熟及做到五成熟，配炸番薯條， Yummy Yummy😋。青口配酸種麵包也是很開胃，適宜夏天食用呀。前菜及甜品亦都認真製作，咖啡更是他們的招牌，係一間值得推薦嘅餐廳！👍不過這間舖頭就有些難搵，舖頭用咖啡店的名稱放在大水牌上，寫着Cupping Room（舖頭的咖啡店名稱），應該加個大水牌喺隔離。…查看更多

很久找不到好食的清湯腩啦，今日居然在兒時居住的舊居北角找到！下午2:30 仍有人排隊。食左崩沙腩麵及爽腩麵，兩個都好正！腩肉軟冧，牛味濃郁，最難得係麵都係認真製造非常爽口彈牙。阿仔食完，話有和牛牛初吻的感覺😂。食完先睇到原來此店舊年係攞米芝蓮！…查看更多