apqnztbcyt5d的個人專頁

睇相見到啲炸雞睇落好吸引就嚟試下！嗌咗招牌芝士炸雞餐，加咗份粟米濃湯薯條（+$22）炸雞偏細舊，好脆，炸雞外面超級多粉，味粉係好食嘅。不過實在太多粉，食一舊就已經好膩！強烈建議如果要食，最好同朋友share..炸雞入面偏乾身，似係食緊雞胸質地🙂‍↕️希望可以改善下！至於薯條，都係超級多粉，味道正常，似係shake shake薯條咁，但唔值得用$22加購一份😂呢到總共食咗$73感覺食物好普通，專做炸雞嘅店，炸雞都唔滑冇汁，咁令人失望；份量亦偏少，建議食kfc/Jolliebee好過😓…查看更多

平時都見呢間多人排隊，諗住應該好食，就決定今日試試佢，點知一試真係嚇親🫠環境正常偏逼，嘢食就偏劣啦不過都仲算正常可以食嘅不過，佢哋樓面人手明顯不足。 落單都等咗好一陣先有姐姐過嚟幫手落單。其次，我嗌咗個常餐，盛惠$60，都唔算貴，但上餐之後見到原來得一碗通粉+個包，同埋煙三文魚2片…（btw，啲姐姐上餐個陣隻手指就快插落個湯到🫠）食食下個陣仲發現佢個通粉入面有蟲🙂‍↕️咁我緊係即刻想同樓面講！不過因為唔夠人手，所以又等咗好一陣先嗌到姐姐過嚟樓面姐姐聽到我講有蟲，係極冷靜🥶望咗一眼，咩都冇講就拎走我碗通粉其實冷靜到咁係咪姐係話平時成日發生所以佢都習慣咗🫠🫠最後佢有幫我換過碗但依然係咩都冇講重點係點解可以住程一句道歉都冇🫠咁嘅服務態度、咁嘅衛生，加埋咁低嘅性價比，到底點解仲係日日都咁多人食🥲…查看更多

睇咗網上食評，見到係荔枝角工廠大廈有隱世餐廳，即刻黎試下！點知真係超級失望。。蟹肉意粉個份量係超級少，好似兩啖可以食完，完全唔夠飽！！🥲 不過平心而論，個意粉係好食嘅～不過最精彩都係個慢煮豬𩣑😂等都等咗起碼半個鐘～食落一啲都唔嫩又唔香食落似好韌嘅叉燒..仲要好多筋又多肥膏 切都切到手軟😂夾硬食到一半真係頂唔順放棄咗🥵咁都要$188😂本身諗住慶祝搵個好食嘅地方先黎食到咁嘅一餐 真係超級超級失望 絕對冇下次🥲…查看更多

個麵硬到好似唔熟咁🥲 個湯底有少少泰國香料味 一般船麵嘅味道但真係好淡… 粒豬肉丸都冇乜味🥲🥲真係好難食🥲難怪冇乜人買!個飲品都好難飲.. 一pat 嘢咁 居然仲要26蚊一包🙄…查看更多