THE INNER HARMONY的个人专页

🎄2020年嘅聖誕對大家黎講非常特別，而對我地黎講都係。今年係我地第一年一齊係香港過聖誕，雖然無得去間靚餐廳食餐勁，但係兩個人平靜咁係西九文化區度Picnic一下，已經好滿足🥰西九海濱都幾多新開嘅餐廳同Cáfe，繼上次試過Hooman之後，今次我地決定試下依間Café Bohème😚🍕Margarita Pizza🍕個Pizza看似好普通，就咁一大塊，上面無特別嘅配料，或者大家期待嘅肉。但係依個Pizza真係勝價比最高，而且可以分成8件🤣我地兩個都竟然食得曬，可以想像到佢幾好味啦🤩佢地用左水牛芝士🧀超級香👍🏻個餅底唔會好厚，反而薄薄地，個邊好脆，食幾塊都唔會好膩😊番茄醬嘅味道同芝士味無互搶，佢地各自嘅份量啱啱好，有種特別嘅風味☺️食落口感豐富，仲有啲啲拉絲添～推薦推薦🤠🐓Chicken Wings🐓怕只係食Pizza唔夠飽🤣就叫多左五隻雞🤩啲雞翼炸得好香脆，而且真係即叫即整，上碟嘅時候真係熱辣辣😉啲炸粉唔會好厚，所以食完都唔會話好滯好Heavy😁食落有啲啲辣味，但係唔會好辣，反而更能過帶出佢嘅香味👍🏻咬落去都幾Juicy，配番罐可樂就Percet池😆咁難得可以去西九坐係草地上面享受下陽光，同散下心，而且可以望住個海景，真係一流呀😚依度真係好多選擇架，大家放假想搵地方Chill下嘅，推薦大家黎西九文化區行下～❤️📍尖沙嘴西九文化區藝術公園地下GF-06號舖…查看更多

成日見到啲人post和牛三文治🐂，我地真係bookmark左好耐都未得閒去🤣今次終於滴起心肝try try佢❤️見到其實香港都有唔少店舖有得食和牛三文治，所以我地就random揀左依間係中環嘅「魚治」🙂🐂A4和牛三文治🐂好多人都話依度嘅A4和牛sando係必食，所以我地都叫左一份。佢一碟有四件，但係每件都比較細一啲，我地兩個平均去分，食完都唔係好夠喉😟外層兩塊麵包幾好味，而且幾脆，索左啲牛嘅肉汁，食落好有牛香😍但係反而個牛就真係令我地失望😖原本以為A4和牛會好軟熟，入口會溶，但係我地一咬已經咬唔開😣仲要扯都扯唔開，最後唯有成舊放入口咬🥲碟嘢真係唔平！咁樣都要❗️💰2️⃣0️⃣8️⃣❗️真係未試過比錢係咁心痛😿🦀蟹味噌甲羅燒🦀聽聞依個都係必食之一，所以我地都叫左一客，配個白飯🍚個蟹膏真係好多，鋪滿成個殼，而且蟹膏好鮮，好香，撈飯真係一流😇但係諗諗下，會唔會有部份蟹膏係開罐頭放入去架呢？😕一隻蟹點可能有咁多蟹膏架？？☹️真係有啲不解🍵抹茶Sake🍵食日本野點可以唔叫番杯Sake先🤣見到有抹茶Sake，佢地又稱之為健康之選，我地就叫左杯試下☺️但係飲落抹茶味好淡🥲得番Sake嘅味道😖有啲失望，過唔足癮😿加埋男朋友唔飲酒😣自己獨隊大半杯有啲難受😭如果鍾意濃味啲嘅，建議大家可以叫下其他酒精🥺Overall黎講，依度環境其實係唔錯🤩但係食物質素真係令我地失望😢加埋佢個價錢唔平，份量又唔算多，貴格唔飽，勝價比好低🤨唔知係我地口味同大眾唔同定點啦，建議大家可以試下其他菜式，或者試下其他餐廳嘅和牛三文治😎如果大家有邊間和牛三文治覺得好食嘅，記得係下面留言比我地呀👇🏼👇🏼📍中環威靈頓街2-8號威靈頓廣場M88 7樓(港鐵中環站D1出口，步行大約3分鐘)…查看更多

四季常餐會係中環數一數二抵食，環境舒服，而食物又高質嘅茶記😎每次一到晏就，門口就會大排長龍。雖然我地唔係第一次幫襯，但係每次都覺得食過番尋味🤩價錢幾親民，勝價比絕對高過係Food Court度食～🐷叉燒炒蛋飯配秘製醬汁🐷碟飯黎到，味道聞落已經好香🤤而且顏色好靚，未食已經覺得佢值好高分👍🏻叉燒厚薄均勻同瘦身啲，食落絕對唔會韌同嚡，個人黎講幾好，因為唔會多肥膏而食到膩😁但係如果食開有肥肉嘅朋友仔就可能會覺得口感dry左啲啲～炒蛋非常嫩滑，每一啖都好容易入口😆另外佢地自己啊製嘅秘製豉油汁非常惹味，份量適中，撈飯同淋落啲蛋仲有叉燒上面，令味道份外昇華😙啲醬汁唔會得個鹹字，而係帶左少少甜香味，所以食曬成碟飯，都無話會好口渴，不停飲水😋可能大家會覺得平平無奇，賣相唔係特別靚嘅一碟叉燒飯點解值得一po👉🏻👈🏻但係信我地，一路食，真係會一路比Like🤙🏻幾細食嘅你，都有能力食曬成個飯㗎😍經過就過黎支持下啦)📍中環德輔道中88號地(港鐵上環站E1出口，行大約4分鐘）…查看更多

🍔Burger Tasting之Honest Feedback🍔首先好多謝 @nomad_burger 對我地嘅信任，邀請我地試佢地新出嘅Signature Burger「軟殼蟹蝦餅蟹皇漢堡」🦀🦐🍔 今次已經係我地第二次黎，有Follow開我地嘅就會知道，佢地第一彈嘅招牌漢堡「龍蝦安格斯漢堡」🦞🍔已經俘虜左我地個心❤️所以今次有幸再黎食，我地表示十級興奮～🦀軟殼蟹蝦餅漢堡 Feat.蟹皇醬🦀❤️個漢堡非常足料，就咁睇已經可以見到裡面有大大隻軟殼蟹、牛油果🥑同塊蝦餅！個軟殼蟹非常之脆，因為佢地係即叫即炸，所以絕對確保唔會淋👍🏻平時出面食開嘅軟殼蟹食得多都會膩，但係佢地就用炸粉去炸，令成個口感滿足得黎唔咁快滯😁個蟹裡面我地仲好似食到有少少蟹膏，雖然唔算多，但係味道已經好濃🤩❤️近期我地兩個都大愛牛油果🥑平時最多只係會係早餐搽下牛油果蓉係多士度，但原來配搭係漢堡裡面都會咁夾🤤大家可以見到有舊大大嘅牛油果係裡面，絕對唔孤寒！有牛油果係度，中和左個蟹同蝦餅嘅油膩，平衡同配搭方面都做得好😋❤️而個蝦餅帶比左我地驚喜😙蝦餅好重蝦味😂佢唔會話好彈牙，偏向淋身啲，而裡面個餡料幾豐富，好似係有啲雜菜定椰菜係裡面咁😍值得一讚嘅係佢炸得啱啱好，完全Keep到外皮脆脆，而裡面軟身😋❤️個蟹皇醬我地稱之為「精髓」🤤原本漢堡裡面各樣野已經無得彈，但再加埋個醬，令所有材料嘅鮮美再提升😎🍟黑松露醬薯條🍟上次到訪，我地都叫左個黑松露醬薯條😝果然食過番尋味，所以今次都堅決食多次😙由攞上手開始，到攞住袋野係街行，成身都散發住黑松露味😂🤣咁大家已經幻想到到底佢有幾足料啦～佢係粗薯條黎，但係絕對唔會好似平時出面嘅薯條咁食落啲油支曬出黎。佢嘅黑松露醬加埋蛋黃醬同啲啲嘅檸檬酸味，淋落啲薯條一齊食，變得好開胃，令人一啖接一啖咁食，完全忘記左「邪惡感」同「罪惡感」！依個就係佢地嘅魔力啦🧚Overall黎講，我地兩次都會比💯👍🏻除左係小店值得支持之外，佢地對所有野食嘅追求都非常明顯同值得一讚😝雖然只係出過兩次嘅招牌款式，但係兩款漢堡各有鞦韆😁唯一想講下嘅可能係佢地個賣相🥺漢堡可能因為厚嘅關係，會令到入面嘅擺位感覺好亂，而薯條嘅賣相都未必係最吸引👉🏻👈🏻不過，食落嘅口感同味道就真係無得輸啦💪🏼💪🏼經過嘅或者就算住得遠嘅朋友，我地都誠意推薦你地黎一試😙📍紅磡德民街29號德民大廈地下F3號舖…查看更多

-上環PMQ真係為各位偽文青帶黎左個打卡點😙依度有好多古式嘅本土商店，亦有好多本土嘅咖啡店比大家行下歇下☕️我地兩個咁有「藝術氣息」，趁住Happy Friday，梗係黎行個圈，食下野啦❤️我地已經唔係第一次黎依間Moment By Moment㗎啦😋可能大家會話「點解又黎番同一間嘅？」🤣我地本來都想試下其他㗎，但係每次行到黎門口，店裡面嘅朱古力味就直撲我地個鼻😙又再次比啲窩夫吸引住！所以我地叫左個Chocolate Chips Waffle配Hazel Nut Chocolate Dip☺️個窩夫係即叫即整㗎，不過等得唔耐。攞到上手熱辣辣，啲朱古力味聞落已經好濃，影多幾影啲Dip已經溶緊🤣🤣佢咬落個Texture真係好掂，有麵包嘅香味，而且甜甜地。味道Balance得好好，朱古力味同窩夫原本嘅香味唔會互搶🧇咬落口感都扎實，有別於平時出面食到果啲好脆嘅窩夫😋朱古力味唔會太甜，食完都唔膩呀👍🏻👍🏻如果大家經過，又想搵個地方坐下同朋友吹下水嘅，咁就黎依間高汁而且Chill Chill地嘅窩夫Cáfe坐下啦❤️😍📍中環鴨巴甸街35號PMQ B座1樓H102號舖(港鐵上環站E3出口行大約7分鐘)…查看更多

-Dear Lilly嘅環境一直都比人一種好優雅嘅感覺😍第一次就係同閨蜜黎嘆個港女Tea Set👯‍♀️今次我地兩個終於可以黎食個Dinner、欣賞下咁靚嘅夜景，最重要係拍下拖❤️成日聽人講，依度嘅菜式唔係特別出眾，但係我地試完之後覺得其實唔差架，都有驚喜🤩我地一黎就叫左個Tuna Ceviche做Starter！佢地個吞拿魚食落幾新鮮，完全無話有種冷藏、雪、同腥味🥰啲牛油果都好新鮮，有啲就生啲，有啲就淋啲，兩個口感都好正👍🏻配埋佢嘅Onion soya sauce，酸酸地咁，好開胃，食到心動添💓再黎我地叫左個Smoked Short Ribs Burger🍔佢賣相就唔係特別靚，個麵包都有啲爛爛地嘅，打卡就一般啦🧐不過味道就唔錯啦😌明白口感好軟熟、好容易入口，而個Ribs真係好淋，一啲都唔難咬、唔韌，上面仲有Grill過嘅印，非常有誠意😙而佢旁邊嘅薯條係偏幼嘅，唔同啲粗嘅薯條，佢係無咁多油膩感，而且炸得啱啱好🤩我地都叫多左個Lentil Tabbouileh Salad🥗份量都算多，而且好多紅石榴粒同小扁豆係入面，加埋啲檸檬汁，酸酸地，又好fresh，幾開胃🤣但係食下食下有啲啲懷疑人生😂好似食緊草咁～如果想食下沙律嘅朋友仔，不妨揀下其他款啦😋最後我地都叫左個Dear Lilly Heart做甜品❤️味道有驚喜😍佢係白朱古力蛋糕，好Creamy，裡面仲有個🍫朱古力慕斯，而外皮就脆脆咁，加埋佢嘅Raspberry汁，酸酸地，令成個Cake無咁膩～但係可惜係影相途中，個蛋糕比我地搞到移曬位😣所以就無得Post比大家睇啦👉🏻👈🏻Overall黎講，佢啲菜式都Okay架，價錢都算Acceptable👅，而且啲Waiters都好有禮貌，環境坐得舒服，同朋友或者男女朋友黎傾下計Chill住食，咁依度就啱曬你地😙…查看更多

-尖沙嘴海港城一直都幾多野食😙而最近行LCX經過，發現有間新新地嘅韓式打卡特色主題店 - 奇納百川🤣Menu上有嘅菜式好多選擇，而且入到去望住個海景食野，景觀好開揚🤩最Impressed到我地嘅啲服務好周到，而且好有禮貌🥰服務分我地比💯我地叫左個「芝士辣雞定食🐔」！佢用鐵板上碟，上菜嘅時候熱辣辣，好大煙🤣佢份量真係足㗎，有埋芝士係裡面真係幾時都係最正嘅配搭，仲有少少拉絲嘅效果添！雞嘅份量都幾多，而且大大舊，絕對唔孤寒😆食之前仲諗緊佢會唔會韌，但係原來係好嫩滑😙有驚喜！但係價錢就要啲偏貴$138😢勝價比唔算高我地另外都叫左杯「肥納百川」🤣佢係一杯勁Creamy嘅Halzelnut Chocolate Milkshake黎🤩上面除左有一大pat cream之外，仲有兩舊棉花糖！睇餐牌以為好細杯，但係送到黎心諗「哇！咁大杯嘅？」😵不過佢真係有啲膩😢飲到一半其實已經飽曬，配埋個飯真係飽到上心口🤯不過佢同樣唔平㗎，都成$72杯.....總括黎講，環境、服務、味道，我地真係覺得好滿意😎但係價錢就偏向唔抵🥺大家就自己衡量下啦～📍尖沙咀廣東道3-27號海港城海運大廈3樓LCX34號舖…查看更多

-早排黎過Sensory Zero食佢個牛肩肉溫泉蛋飯🤣果次我地無叫到野飲，但係記得個個都大推佢個Crazy Chocolate (痴X線朱古力)🍫所以今次就專程再黎試下杯野😋成日以為朱古力係屋企自己沖都得啦😂洗乜出街嗌姐！但係見到杯野擺係我地面前，我地先醒起個Term「儀式感」😂佢嘅賣相出眾，面頭用左好多磨碎左嘅黑白朱古力做裝飾，而且杯朱古力係完全漏曬落隻碟度🤩另外佢用左好多高級嘅材料，甜度適中，好Smooth好Creamy，入口即刻融化🤤由第一啖飲到最後一啖都有驚喜😋冬天飲杯熱辣辣嘅朱古力，真係好正，飲完心情即刻好勁多🤣果然明白少女心❤️不過飲完一杯真係飽曬，仲充滿罪惡感添😂但係依然會再番兜架！📍尖沙咀廣東道3號海港城馬可孛羅香港酒店G樓連卡佛( 港鐵尖東站L3出口行大約10分鐘)…查看更多

平時成日經過尖沙咀連卡佛都唔知道裡面有間咁正嘅Cáfe😂今次由碼頭果邊入海港城竟然無意中見到佢，我地就決定入去食番個Lunch🤤位置唔算大，排隊都要排上樓梯，但係好彩等得唔耐，最後仲有個舒服嘅位置坐低添☺️佢地個 感味午市套餐 Weekday Lunch Combo ~ 都有好多選擇，雖然全部都係一百蚊以上，但係佢地就包一杯$40樓下嘅飲品☕️$40以上嘅你就要自己補差價，不過都食得過😋又到左無肉不歡嘅時刻🤣今次我地就叫左個M5和牛肩肉溫泉蛋飯🥩睇相已經覺得正，估唔到食落仲正🤩佢看似全熟，其實咬落去仍然非常軟熟，上面嘅牛帶左陣油香味，幾Juicy而且鮮嫩😌加埋隻流心蛋撈飯，除左有超大嘅滿足感之餘，仲有滿滿嘅飽感🤣🤣但係上網睇人地果碗飯，啲牛都係半熟、紅紅地咁好靚，但係望下自己果碗點解一啲紅都無😂就有啲啲失落感咁囉☹️☹️整體黎講我地覺得好唔錯😙下次亦會想試埋佢地個鰻魚飯，好似都好美味咁😝Btw，佢地係銅鑼灣、灣仔、太古城同黃竹坑都有分店㗎，各位朋友仔記得Saved低佢，下次經過入去支持下啦😏📍尖沙咀廣東道3號海港城馬可孛羅香港酒店G樓連卡佛( 港鐵尖東站L3出口行大約10分鐘 )…查看更多

-黎過Peek-A-Poke幾次，一直都好想同大家介紹🤤平時我地嘅原則係，盡量唔會同一間餐廳食完一次又一次，但係依間真係例外🤣依間小店有別於其他食魚生嘅舖頭，佢比左好大自由度每位客人，可以自由配搭，所以每次都有驚喜😚今次我地稍有控制下，終於無叫到好似「放題」咁款😁我地叫左個"TUNA" Poke Bowl (吞拿魚撈大碗)跟日本醋飯🍣再額外加左青瓜、雞蛋絲、蟹子、牛油果做配料！啲吞拿魚好新鮮😆無乜筋。雖然飯量唔算多，但係配料就好足，如果大食嘅朋友仔可以要求加飯架！而醬汁我地就叫左鰹魚昆布醬油，老實講佢嘅味道就唔算突出🥺如果要重口味啲嘅建議可以揀烤果仁芝麻醬或者蜜糖香醋汁會比較好😋飲品我地就點左個Fruit Punch🍹有啲可惜嘅係佢唔似Fruit Punch，只係純粹一杯橙汁咁😫建議朋友仔可以揀其他嘅凍飲試下架🥳總括黎講覺得依間餐廳幾細心😚因為佢比客人客制自己想要嘅配料，同時又有啲配搭好嘅Combination比有選擇困難症嘅大家🤣經過銅鑼灣唔知食咩嘅話，記得去希雲街Try下佢啦👍🏻👍🏻📍銅鑼灣希雲街16號地舖(港鐵銅鑼灣F1出口行大約7分鐘)…查看更多

-大家知唔知最近好興「未來肉」呢？🤤食得多真肉，有時候都會膩左啲，想食番啲Light啲嘅野，但係好矛盾地又想有肉嘅感覺🤣如果你同我地一樣，咁Green Common餐單上有嘅野都應該啱你地口味啦😍尖沙咀依間環境幾闊落，坐得舒服又唔逼，經開海港城嘅就黎支持下啦🤩今次我地叫左個「焗豬扒意粉」！記住啦係意粉呀，我地開頭以為佢係飯🤣碟野黎到先發現佢係意粉！依個偽豬扒真係有驚喜呀，食落口感同真豬肉分別唔大，好真實，完完全全可以滿足我地依啲想食肉，又想減下肥嘅黑洞🤣最值得一讚係佢一啲都無真豬肉嘅油膩！面頭嘅素芝士我地比滿分呀，融左落啲意粉度，但完全無罪惡感🤣飲品方面，我地叫左杯熱絲「麥」奶茶☕️依杯奶茶用左燕麥奶去沖，口感非常滑同有幾濃嘅茶香，個人黎講好有特色，又適合腸道對鮮奶敏感嘅朋友仔😍Green Common嘅菜式水準比以前高，絕對推薦大家🤤我地都有網上Order佢啲食物架，係屋企自己整番熱，簡直方便又健康☺️！…查看更多

每逢一號，我地兩個都會出黎食餐飯、拍下拖🥰今日我地就黎到一間係中環嘅浪漫意識風情餐廳度Chill下、享受下依度嘅寧靜同情調❤️依度環境好舒服，人流唔多，有個Open Kitchen，我地坐係Bar檯附近，佢柔和嘅燈光令成個晚餐嘅氣氛升溫🤤我地專程黎食佢最出名嘅Roast Beef Topped Japanese Rice (日式烤牛肉飯)🥩佢啲牛肉切到好薄，咬落去好軟熟，雖然望落好粉嫩，但係完全唔會覺得佢生🤤將面頭嘅蛋黃撈落啲飯度，啲飯更加香！佢旁邊就比左個Apple Ginger嘅汁我地，雖然蘋果同薑味都唔算突出，但係兩隻味加埋就好出奇地夾左😙但係唯一可惜嘅係佢唔算大碗，個碗都比較淺，但係收費HKD140 (+10)，我地個人就覺得有啲唔抵🥺可能佢啲牛肉比較貴啦！中環蘇豪區真係好多特色美食同小店，環境好適合大家三五知己黎Chill下，上班一族黎Happy Hour都唔錯🤩大家有時間就黎試下依間正宗意大利菜同高級牛排系列啦😋📍中環蘇豪伊利近街13號地下及閣樓(港鐵上環站E3出口，步行大約8分鐘)…查看更多

話說我地兩個好鍾意親親大自然⛰一個禮拜總會抽一兩日嘅時間去行山，而早幾日我地就挑戰左位於西貢萬宜水庫嘅浪茄，就咁係西灣亭行到東霸再落西貢🌴行到肚仔餓，我地就去左西貢好出名嘅Little Cove Espresso嘆番個Tea🥰依間Cáfe我地已經唔係第一次黎㗎啦，而兩次都係叫番同樣嘅野🤣就係依個Middle Eastern Lamb啦！面頭有啲風乾左嘅羽衣甘藍、烤花椰菜同啲乳酪。而下低就有啲薑黃、鷹嘴豆同蔓越莓墊底😋整體黎講羊肉嘅味好突出而且佢嘅口感好煙韌。原本以為會好膩，但係佢用左檸檬汁同乳酪去中和，成個感覺啱啱好！而最滿意嘅就係佢唔係大大舊羊咁上碟，而係拆成一絲絲咁，更加容易入口🤤另外我地都叫左杯Mango Smoothie同Lemonade Soda🥤個Lemonade Soda就真係好滿意，可能因為行完山特別口渴啦，佢嘅味覺衝擊令成個人好爽，又唔會太酸，好容易入口👍🏻相反個Smoothie就真係普通左啲啦！平日下午黎真係唔算多人，如果大家有得揀嘅，記得揀坐出面呀🍃吹住秋風去嘆番個餐，真係好舒服🥰下次黎再同大家介紹其他美食啦❕Btw🤣唔知大家有無興趣睇我地介紹行山路線呢？有嘅話歡迎Comment話比我地知呀❤️❕📍西貢海旁廣場兆日樓地下1-2號舖…查看更多

銅鑼灣就一向都多Cáfe，而今次想同大家介紹嘅係一間超高樓底同勁開揚嘅咖啡店☕️坐係度嘆番杯咖啡，食番個tea，都係放鬆同慢活嘅一種態度😌見到佢啲Main Dish、沙律、Bagels同三文治都好好味，多重選擇下我地決定食個Zucchini Risotto🍛食之前我地擠左啲檸檬汁🍋令第一啖已經酸酸地好開胃！佢嘅帶子細細粒容易入口，同啲節瓜一樣燒得啱啱好，唔係好鍾意食瓜類嘅男朋友都鍾意食🤣🤣佢啲飯好煙韌又Creamy，真係唔錯嘅一個義大利燉飯🤩我地係平日黎，但係都好多人，落地大玻璃附近嘅位置都俾人坐滿，所以只好坐係Bartender前面嘅高檯🥺雖然係咁，但係我地就有另一番體會☺️聽到佢地員工之間嘅溝通、對話，我地覺得佢地好和諧，仲唔覺意笑左出聲添～如果鍾意同朋友黎Chill下，趁住秋天享受下暖洋洋嘅陽光☀️，咁依間Coffee Shop就啱曬你地啦📍銅鑼灣軒尼詩道500號希慎廣場9樓( 港鐵銅鑼灣站C出口行大約6分鐘)…查看更多

大家都知朗豪坊頂層好多餐廳架啦，所以今次我地就決定一戰果度間Texas Burger😋只此一間，冇其他分店㗎！今次，我地叫左個藍芝士牛肉漢堡🍔個包都幾大個，而且好厚，無可能一啖咬到🤣個包烘到有啲脆，塊肉好Juicy，咬落去唔韌，加埋啲Blue Cheese醬令成個漢堡包提升一個層次！但係可能佢啲油落得比較多，所以食完已經覺得膩🤯佢隔離都擺左個酸瓜同薯條。首先個酸瓜好大條，但係真係好酸😂而薯條就係普通粗薯條，無乜嘢特別我地另外都叫左個墨西哥芝士夾餅，佢有得比你揀脆皮或者軟皮，我地揀左脆皮但係因為太脆食到周圍都係😂如果佢有比個碗裝住可能會比較好啲！個夾餅同個漢堡包都有芝士，食到好膩好玩命😂！反而果杯雜莓奶昔🍓有驚喜！莓味好夠，唔會太膩，幾好飲，推薦推薦🤤依度嘅座位唔算多，撞啱Lunch嘅時間黎，大家都要預啲啲時間排一排隊呀！都想讚下嘅係每一張檯佢都擺左洗手液同濕紙巾比大家，幾貼心❤️…查看更多