EricWong456的个人专页

今日同屋企人來到銅鑼灣，想搵間餐廳食個冬至飯，見到呢間餐廳門面錦神秘，於是吸引左我地去呢間餐廳。入到間餐廳開頭仲以為係bar，入到去入面原來係餐廳。今次我地選擇左個冬至套餐，另外加左幾道小食。首先來嘅係藥膳雞卷，呢個雞卷非常精緻，酒味不會太濃，同埋有少少蔘味，肉有少少汁然後就來左套餐嘅蒜泥白肉，呢個白肉內卷有青瓜爽口，一齊食有少少解膩效果。炸物有炸雲吞，與一般酒樓食嘅有少少特別，呢個餡多皮少。然後就有個干貝雞湯，湯足料，味濃，不會太鹹。較為特別的有呢個一口鮑魚，廚師很好將鮑魚一開二，而下面有片魚糕，鮑魚唔韌，而魚糕就吸收左d鮑魚嘅味食套餐當然要有魚啦，唔好只係見到得幾片龍躉片，其實食到呢個時間都已經飽飽地，而呢幾片龍躉片上面都加有橄欖同酸梅醬，食起來有d解膩。差唔多去到尾段當然有個炒飯啦，呢個炒飯料足，有蟹子、帶子、蝦米、仲有d肉鬆，好香口，加上上面隻大蝦好有氣勢之後以為會上甜品，點知仲有一道，唔講一定估錯，原來呢個係松露奶油百合，食起來完全唔似，質感有d似煮到好腍嘅蒜頭，加上奶油同松露香，入口即化最後當然有個黑芝麻湯丸紅豆湯啦。呢間餐廳可以再來，都幾有驚喜，食物質素都唔錯。…查看更多

疫情放緩開放晚市堂食後，緊係要「報復式」消費下，今日行過旺角朗豪坊附近見到一休呢個居食屋招牌就決定晚餐食佢啦。餐廳係1樓有獨立電梯上去，上到去見到一邊係卡位，一邊係大檯。空間算闊落。食物種類算豐富，而我地今次就點左6款食物：刺身拼盤、生蠔、壽喜燒、燒牛脷、三文魚串 & 雞皮餃子刺身都算新鮮，無腥味，而生蠔有淡淡嘅海水味，同埋無碎殼，所以都幾推薦壽喜燒賣相唔錯，牛肉唔算肥，加上配料同醬汁，好食串燒方面，鹽燒牛舌燒得剛剛好，唔會好干，肉嫩。燒三文魚都係，雖然有少少散，但係肉嫩，唔會腥。天婦羅因為剛出爐，炸皮脆，南瓜好甜，炸蝦都ok。較為特別嘅有呢個用雞皮包嘅雞皮餃子，份量剛剛好，一口一隻，雞皮酥脆，加上醬汁食唔錯。總結，呢間餐廳價錢ok，份量足夠，可以一食。…查看更多

今日難得放假，同朋友想慢活一下，就搵間咖啡店坐下同閒聊下。行過鳳琴街附近見到呢間店就入左去。環境好舒服，有吧位，2人台，仲有打卡位。開放式廚房，店員整咖啡嘅時候仲會聞到好香嘅咖啡香味。食物選擇都ok，有幾款唔同嘅早餐可以選擇，而我地今次選擇左食一份 deluxe 同 一份普通 嘅 all day breakfast。呢份係deluxe ，有好香嘅松露炒蛋，脆脆嘅薯餅同埋燕麥麵包，三文魚配大啡菇食可以解d油膩感，再食埋車里茄同露筍普通嘅 all day，就有煙肉水波蛋，沙拉菜，大啡菇，竹炭麵包，同薯餅。個水波蛋配上個麵包，正，流心嘅蛋汁配鬆脆嘅麵包野喝方面叫左杯熱嘅 flat White ，口感順滑，咖啡同奶嘅比例幾好。另一杯係抹茶拿鐵，唔會苦澀，混合埋奶泡…查看更多

今日陪朋友去打針，打完針就去搵野食，係體育館對面就有間好似酒吧嘅泰國餐廳，一路播住泰國MV，錦有泰國feel，就入去食下野。餐廳係半開放式嘅，我地就坐左係室內位置，有冷氣嘅。我地散叫左5款食物，分別有冬陰功湯、細小食拼盤、軟殼蟹咖喱、薄餅、豬頸肉沙律。先來個小食，份量細細地，係醃製過嘅青瓜同蘿蔔，呢個唔會太酸，食落清爽，係合適嘅餐前開胃小菜。第一道來嘅係豬頸肉沙拉，呢個菜係餐牌上邊有兩個辣椒圖案，果然不出所料，都幾辣，都落左好多調味料，除左辣椒籽，仲有黑胡椒、炸蒜等等，辣得來幾香口。第二道來左個冬陰功湯，呢個餐牌有一個辣椒圖案，不過就無錦辣，我地叫嘅係細份，但係都每人分到2-3碗，分量都好足，湯料都好多。第三道就係細雜錦拼盤，有兩串串燒一雞一豬，燒得幾好，唔會太干，而脆脆蝦餅下面就覆蓋住，半舊蝦餅，半舊香茅肉卷同一條春卷，都好脆。而第四道就係軟殼蟹咖喱，另加左一碟薄餅。薄餅係手抓餅，幾吸汁。咖喱唔辣，底下料多，三色椒加洋蔥，軟殼蟹都有2隻。汁唔會太稀，配薄餅食幾好。…查看更多

今日行過天盛街市，一入玻璃門就見到間榮少喇沙，就買左個肉骨茶飯外賣返去食。首先肉骨茶肉多腍嫩，相對來講都少油，藥材味唔會太重，可以加入飯中，當泡飯食。蛋就係小小半熟蛋。杯餐飲系檸檬薏米水，幾足料，薏米都多，青青地甜甜地，值得推薦…查看更多

今晚行過佐敦，搵間越南餐廳食下，搵左一陣，最後決定食越萊。入到餐廳位置唔多，但我同朋友好好彩一到就有位。餐廳提供嘅食物都好多，除左有基本嘅火車頭、撈檬粉外，仲有自選嘅湯河、同小食，亦有套餐可供選擇。而我地就叫左2碗河粉、同2個小食。第一款係扎肉牛筋湯檬，檬粉除左撈嘅食法外，原來湯食都好正，感覺有少少似湯米線，但係就爽彈d，牛筋都幾冧，湯底重味，但係配搭埋配青檸同芽菜就岩岩好。第二款就係生牛肉扎肉生菜湯河，湯底好熱岩岩好就可以整熟d牛，濃味嘅湯配河粉，河粉吸左d味小食方面第一款就當然係米紙卷，爽口嘅蝦配青瓜同米粉，用米紙包住，點埋個汁，成個卷就好清爽。餐前小食一流第二款小食就係迷你拼盤，有雞翼、春卷、茄子。個茄子有d驚喜，上面有蝦同帶子，食落無普通釀茄子錦油，加上茄子唔會好乾，春卷就一般，但係雞翼就脹卜卜，肉唔會好乾，咬落仲有啲汁，唔錯而餐飲就叫左一杯青檸梳打，同另一杯鹹檸七。整體來講食物都可以，可以搵到d越南嘅味道。…查看更多

今日放工同朋友嚟大角咀搵下午茶食，行吓行吓見到呢間賣漢堡包嘅就入左去。入到去就聞到好香嘅煎肉味，原來係個開放式廚房。客人坐嘅位置都算ok，下午茶時間來唔算多人，係到食個包抖下都幾舒服。餐牌有10種包選擇，當中有個包幾特別叫omakase，問過店員係咩來，佢話係每日都唔同，係用當日食材整嘅漢堡。而我今次就叫左2個包，一個係芝士和牛漢堡，另一個係黃金流沙醬蝦堡。佢地嘅漢堡包係即叫即做，所以好新鮮。第一個係芝士和牛漢堡，成個包漲卜卜每一層都好清晰，佢地嘅漢堡扒好濃牛味，煎得岩岩好，漢堡扒香口。第二個係黃金流沙醬蝦堡，呢個超邪惡，煙肉配上蝦扒，睇落好似無醬，原來精萃係個蝦扒，個鹹蛋流心醬係塊扒入面，非常驚喜佢地每個包都係跟餐，可以選擇薯條、汽水、果盒，3選2。食完行去奧運站都幾方便嘅，下次去開附近可以再來食下。…查看更多

今日朋友推介我來呢到食西餐。入到餐廳，店員好貼心錦拿左個藤籃比我地去放低d個人物品。店內環境幾有氣氛，同朋友來食野傾下計幾好。今次我地點左幾樣野食，首先係蜜糖燒豬手，燒得幾好，D肉唔會好干，仲有少少汁，配上酸菜食，好夾。之後叫左個澳洲肉眼配薯條，薯條炸得好脆，肉眼扒整得岩岩好，好有肉汁。然後叫左個炸魚薯條小食，呢個份量其實可以當一份正餐，大過手板嘅魚柳，切開魚肉唔干，D肉仲有小小汁，魚肉滑。加埋沙拉醬食，正。主食來啦，我地叫左個茄醬松露芝士雲吞，首先個醬汁好好，唔會太酸亦唔會好稀，醬汁剛好掛係d雲吞到餐飲方面我地叫左一杯熱巧克力，同一杯西柚檸檬蘇打。兩杯都唔錯，巧克力好香一上台就聞到香味，另外個拉花幾好睇。而杯西柚檸檬蘇打，外相幾好，味道酸酸甜甜錦，好正。最後叫左份士多啤梨藍莓班戟。…查看更多

今日同朋友去荃灣做gym，做完之後正苦惱食咩嘅時候，朋友建議去荃灣大鴻輝睇睇。去到樓下見到好多人喺門口派街招，果棟大廈全棟大部份都係食打邊爐放題。喺眾多餐廳嘅選擇下，我地選擇左食18樓雞煲。上到去唔洗等位，好快就入座，職員帶我地到卡位，卡位非常闊。同樣呢到都係用QR code 電子落單，仲有wifi 提供，唔洗用數據。餐單有好多選擇，雞、牛、豬、海鮮都有好多種，酒精類飲品需要額外收費。菜可以到出面有大型雪櫃取，都有幾款菜。雞煲我地點左中辣，配料都算多嘅，洋蔥芫荽都足夠，而醬汁濃，辣度剛剛好。職員將爐開保溫，既可以熱住d雞，又唔會焦。d雞肉嫩滑，加上辣醬汁，真係絕配食曬d雞我地就開始加湯打邊爐。加左湯之後醬汁味道都無減，呢個時候見到d配料浮上面。打邊爐響鈴不可少，當然今次雞煲係重點，打邊爐係其次，所以隨意點左dd野食就算。而野飲方面都有唔少選擇，除左普通嘅罐裝同支裝飲料外，有自家製冬瓜茶同烏龍茶，烏龍茶一杯一個茶包，味道十足。最後當然唔少得乳酪雪糕機，今次有原味同草莓味，隔離仲有6款配料可以加料。…查看更多

今日來將軍澳做野，收工本來約左同朋友來食韓燒，book埋位，點知個fd臨時ot來唔到，無計唯有自己來食。套餐分有幾個時段。一入到餐廳已經有幾檯人食緊，但係無煙霧離漫嘅感覺，值得一讚，好怕好大煙好嗆。入座時店員好細心講解，110分鐘任食，用手機落單，份量係1項1件。另外呢個係半自助形式，出面有熟食、蔬菜、甜品、飲品。飲品方面好齊全，又有少有嘅有氣利賓納。果汁有果肉，稍微有點驚喜，另外有酒精類飲品可以用電話落單，但係要另外收費。而各款即食小食當中，咖喱魚蛋較為出色，好入味，咖喱汁唔會太稀。而生肉方面，各款肉都醃得入味，當中覺得厚切豬頸肉比較好食，燒起來唔會乾爭爭。來韓燒點可以唔叫炸雞同炸物呢，啲炸雞唔會炸得好燶，剛剛好，仲好脆。食到最後緊係要食埋甜品，有幾款甜品，雪條、西米露、蛋糕、泡芙⋯較為特別有低卡雪條，食多支都唔怕啦食完臨出門口仲見到原來有lunch set，下次經過可以來試下。…查看更多

今日朋友介紹我來試呢間買咖喱，話呢間咖喱十分出色，於是同佢來虹橋來試一試佢。呢間咖喱有幾款，有雞、豬、牛，當中牛腩有分筋腩、爽腩、坑腩。而我呢次食嘅係筋腩，佢嘅咖喱唔辣，好香，雖然睇落去好似好水，但係溝埋個飯一齊食岩岩好，d飯吸曬d汁，正。腩方面，筋腩較為韌，有嚼感，另外咖喱同薯仔嘅比例剛剛好，感覺抵食👍…查看更多

今日因為屋企人生日，所以想搵個地方食個飯，結果就搵左呢到。呢間餐廳係荃灣有2間分店，而呢間就近千色店嘅，相對路德圍店較為寬躺。今次去叫左8個送。椒鹽豆腐，豆腐大舊，d炸蒜辣椒都好多，所以比較辣。咖喱軟殼蟹，汁多，但係唔水，好香，唔辣，而軟殼蟹正常水準，食完見仲有d汁，所以叫多左個蒜蓉包。海南雞1隻，雞肉都滑嘅，配上甜辣醬汁食魚翅雞煲，湯底用上椰肉煲，所以好甜👍，但係魚翅比較硬，雞肉就煲得岩岩好。整體都可以。冬陰功海鮮湯，呢個湯足料有蝦有青口有菇，辣度適中呢個豬頸肉沙律就比較遜色，豬頸肉較薄，食落無咩質感，雖然配合埋芽菜食係好，但係量就較少。海鮮炒飯都係一般，因為比較濕。餐飲就叫左芒果沙冰、牛油果沙冰、青檸梳打、象啤。沙冰就便甜，其他都正常。總結來講都可以接受，算係中水平嘅，下次可以再食。…查看更多

最近好多xxx關注組，今次朋友係米線關注組見到呢間鋪頭話正，於是去試食下。今次點左小窩米線肉碎辣加蘿蔔豬大腸，個米線非常香，辣度適中，米線彈牙蘿蔔無渣。另外叫左麻辣豬耳豬肚，呢個都幾辣。…查看更多

果日行完山，係嘉道理農場結束，之後就肚餓，本來大算等巴士出返市區先食，結果誤打誤撞就去左呢間餐廳。果日叫左個kabab同咖喱角，都幾驚喜咖喱角酥脆，外皮酥脆內多餡，奶茶香滑，仲有少少薑味，呢仲味道都幾夾。kabab好正，雞肉拼羊肉非常夾，加上山菜同獨有嘅醬汁，出色，最重要佢係即刻整，非常好👍…查看更多

今日同事帶我去元朗食嘢，佢話呢間超抵食，所以就去咗啦。我地等左大概15分鐘就可以入座，我叫咗炸髀煎蛋飯。隻雞髀成隻手板咁大，外皮脆內肉嫩，又有肉汁，配上半熟嘅流心太陽蛋，一絕…查看更多