lee_trinity的个人专页

食材夠新鮮，麵同餃子溫度夠熱，味道好湯好飲 擺盤夠用心！ Side dish 既泡菜味道唔錯醃夠時間！ 價錢可以接受～ 服務員係韓國人，好好禮貌同笑容！ 有機會會再次幫襯～～…查看更多

8點45分入到去食飯，知道要趕少少食，不過待應好趕客，趕住落單。叫咗二人餐喺冇通知我哋嘅情況之下一次過上曬菜，未食完主菜就上咗雪糕曲奇甜品…食到趕頭趕命。食完沙律之後個pizza 已經凍咗唔好食如果熱食會更好食！ 不過值得一提係佢嘅嘢食真係唔錯，下次我會再早d 去幫襯，咁就唔使急住食。…查看更多

我朋友要求食麻辣，第一時間諗起呢間麻辣派對尖沙咀成日經過但就未有機會試，兩個人點咗個水煮魚&一碟生腸。 水煮魚上枱一陣油香味，魚好滑身，我地加咗豬紅、栢業同埋薯粉做配菜，全部都好食。生腸口感爽，有帶蒜味。叫最尾甜品送咗個桂花啫喱都唔錯。…查看更多

今次係我第二次黎依間舖頭食飯覺得環境幾好又唔會趕客走，啱晒朋友聚會。本地手工啤唔錯我叫咗冬革亞里啤酒幾特別麥味重。今次再叫黃金薯條、燒豬頸肉、雞翼同蒜蓉燒茄子一樣咁好食。我有surprise 到佢有文宣攞🥳。唯獨今次唔滿意既地方係地板好污糟癡粒粒同埋廁所好污糟，衛生有待改善。…查看更多

我呀媽外賣咗盒堅信號生煎包番黎（係我地第一次食同幫襯）由鋪頭番到屋企大概要30分鐘番到黎個包仲係暖同埋脆架！！！我一啖放入口佢爆汁呀！！！個皮煎到好脆唔太燶！勁Juicy好好味！估佢唔到！係我食過最多汁既生煎包！…查看更多

去匡樂食早餐大大份先$34 蚊我加咗錢要杯凍奶茶待應一放低我嚇一嚇勁大杯！係珍寶嗰隻杯！我未試過食飯飲剩野😅講番個餐原本我想叫炸魚柳但係賣晒咁唯有叫煎豬扒豬扒係醃過既鹹味適中勁大塊👍🏻抵食…查看更多

星期日投票後有時間就去咗八鄉飲茶飲完茶興起揸車去雷公田食燉奶，每次黎到都大排長龍...排咗10分鐘左右然後order 燉奶同埋要自己搵位所以我地兵分兩路一個排隊一個搵位。我媽話佢地自家製薑汁撞奶好好食但係我同朋友都唔鍾意食薑所以我地冇叫。由於係新鮮製作燉奶要等2分鐘凝固咗先食得燉奶好滑好有奶味👍🏻…查看更多

依間街坊小店不嬲炸雞脾出名大件做到9月29號，所以今日專登搭車出去食。去到好多人排隊，華哥不停地同人講唔好意思因為人手不足所以要等耐啲，我等咗45分鐘😅今日有個小驚喜—香港加油鎖匙扣而後面就係號碼牌😂終於叫到107號，我去攞雞髀嘅時候華哥話個牌送俾我😂😂 最後我問佢之後有咩計劃佢話暫時未知會唔會重開。…查看更多

平時幫襯開晚餐，lunch心血來潮咪上去打個快邊爐。上菜速度好快抵讚。lunch set 包杯野飲，我叫咗奶蓋綠茶，偏甜。我叫咗黑松露野菌湯底，好清甜，飲完唔口渴。點咗客麻辣花膠，好入味。加多咗份魚皮但有啲冧。…查看更多

餐廳waiter 服務麻麻，叫極唔應。我地4個人叫8個點心加一個泡飯，入單入錯送多咗籠包黎，然後有1個點心漏單，個泡飯我地食完野都未黎。點心質素唔錯，即叫即整，流沙包賣相好cute ，亦好鬆軟。皮蛋豆腐好開胃，沙薑雞好好食。間餐廳好趕客，就算碟野未食完都想收走個碟。成餐飯我地都食得好急。…查看更多

餐廳食野係無限時既，所以好適合同朋友聚下，環境又夠靜。野食方面價錢偏貴，我地點左個2 人tea set 承惠 $588 加一。食物賣相好精緻，唯甜品有少少失望，甜品死甜，尤其係個朱古力蛋糕，條脷甜到食吾出係食緊朱古力蛋糕。茶飲幾特別。…查看更多

星期六夜晚8點半去食，等左約15分鐘先有位。一入坐就 serve 茶同埋沙律菜，佢地個麻醬好好味，除左麻醬仲有柚子醋。我地點左個咖哩豬柳飯同埋芝士千層豬柳卷配燕麥飯。豬柳鬆化同埋好 juicy !下次一定再黎幫襯。…查看更多

午餐時間去食，半自助式服務，我欣賞佢地支持環保走飲管，見隔離枱要求飲管侍應比紙飲管客人。我點左碗雞脾喇沙，偏咸，飲曬杯凍咖啡番到公司仲要飲多杯水先得。餐廳上菜時間都算快，坐位闊，唯一不足係洗手間係餐廳外面。…查看更多

抱住試新野既心態黎食～點知又okay喎，份量足...餐湯我揀左紅菜頭湯，調味輕，好清甜，幾好飲。個漢堡扒既質感係完全做到真肉一樣，味道方面偏煙薰味，個漢堡入面有菇同黑松露醬，都幾夾。薯條係即炸，脆卜卜…查看更多

我唔係第一次食 beef and liberty ,最鍾意佢地漢堡包, 即炸薯條。尋晚叫左支processco,都幾易入口。我覺得佢地service 好好，都好care客人。…查看更多