blackhead_eat的个人专页

荃灣小越廚位處荃灣同荃灣西站中間，兩邊出站都要步行約10分鐘；相對等位唔需要太耐，約10-15分鐘。呢間鋪雖然人手唔多，但食物品質上絕對屬於優質小店。今次叫左個抵食二人餐，有兩個湯麵，三個小食+2杯野飲，埋單都係$228。冬陰功雞俾肉檬粉，食落唔太辣，雞肉配合冬陰功湯底非常入味，檬粉口感新鮮。馬來喇沙豬頸肉河粉，個人最愛，豬頸肉唔會太靭，湯底非常惹味。三個小食，炸春卷，魚餅，雞翼，炸春卷咬落爽脆，口感非常獨特，三種小食之中評分最高。魚餅口感亦好好，至於雞翼炸得恰到好處。龍眼冰，喜歡較甜既朋友可以一試。牛油果奶昔，個人認為眼前一亮，奶昔配合牛油果味道相當夾，又唔會太甜。對餐廳整體感覺7.5/10。味道當然非常好，而小店負責人雖然忙，但亦有體會顧客心情，唔會怠慢客人，值得一讚。…查看更多

Mano西餐廳其實唔止一間分店，今次離到銅鑼灣決定試一試佢質素。距離銅鑼灣站C出口約3分鐘步程，非常方便。舖頭裝修雅致有格調，座位舒適。Mano係需要book枱，想試要趁早。本身想試牛柳，但牛小排唔係咁多地方有質素，所以決定專程試一試；另外再叫左比較常見既卡邦尼意大利麵，同埋荔枝特飲。$338，意式燴牛小排配澳洲西蘭花苗，牛小排肉質偏淋，輕輕一切已經同排骨分離，外表非常吸引；入口味道豐富，又能鎖住肉汁，配上特色醬汁值得一試。$168，卡邦尼扁意大利麵，味道質素好好，食落有咬口又唔會太靭。一般卡邦尼醬汁稍嫌太多水份，但Mano呢方面做得唔錯；唔會太乾，亦唔會殘留太多汁。配合芝士碎，口感獨特。$68，Lychee Lemongrass Lemonade，食野點少得飲品，大大杯荔枝特飲賣相相當吸引，絕對值得打卡，中意偏甜既朋友必定喜歡👍🏻。每枱客人食完，餐廳職員都會問食物質素如何，態度有禮，仲會出門迎送，有種賓至如歸既感覺，老實講香港餐廳確實小見，值得加分👍🏻。對餐廳整體感覺良好。埋單$620，份量足夠，銅鑼灣地段來講價錢合宜。地址：銅鑼灣駱克道 459-461號 The L. Square 5 樓電話：28976368…查看更多

黃埔附近民宅多，餐廳自然越開越多。呢間扒房Flame今次係黃埔開分店，就約埋朋友去試。餐廳位址非常方便，距離黃埔站C1出口講緊只係3-5分鐘步程，而且就係馬路旁邊，一D都唔難搵。餐廳牌面搶眼，但入邊非常有格調。燈光柔和偏暗，感覺舒適。餐廳正中有一個吧枱，成個觀感再加分。座位亦算舒適。感覺適合男女約會。餐牌選擇林林總總，意粉、小食、Pizza都有；但食得扒房梗係要試下牛扒。今次叫左一個10安士肉眼扒配忌廉薯蓉，黑松露蘑菇扁意粉，加一個雞鹽薯條做小食。驟眼睇落好似好少野食，但份量非常足夠二人；而且食物質素一流。首先，10安士肉眼扒配忌廉薯蓉，$268。叫左一個五成熟，牛肉口感鮮嫩，配燒肉汁非常好食。正當以為牛肉一定要配燒汁既時候，試下唔用醬汁一樣好食。一問之下，原來牛扒係用炭燒，陣陣炭燒味在口中散開，味道除特別之外同醬汁冇違和感。薯蓉都好好食，整體值8/10。黑松露蘑菇扁意粉，$138。鍾意黑松露既朋友必叫。黑松露氣味撲鼻，食落口味非常濃烈，扁意粉靭度適中，配合蘑菇好食，份量亦比想像多。個人認為抵食，比7.5/10。最後雞鹽薯條，$48。估唔到雞鹽配薯條係非常夾。薯條當然係即炸，熱食既薯條係最好食，唔覺唔覺食到見底。值8/10一D都唔過份。特別一讚侍應服務態度認真；當我地有疑問提出，佢會盡量解答。當佢唔識，會幫我地尋根究柢，最後得到我地滿意既答案。對餐廳整體感覺良好，8/10。買單連加一講緊$500有找。唯一遺憾係冇試Cocktail，如果有機會一定返去再食。…查看更多

正宗御好燒唔太常見，呢類餐廳買少見少。樓上鋪位置唔多，想去食一定要預早book位。餐廳格局靚仔，環境有特色。開放式廚房仲見到師傅手藝，仲設有bar枱位，加添左餐廳氣氛。餐廳距離車站需要7-10分鐘，算屬方便。食物上枱速度可以接受。今次試左個免治雞肉燒，芝士免治雞肉燒。雞肉熟成非常到位，鐵板燒口感味道一流。芝士免治雞肉燒，生雞蛋非常搶眼，味道非常配合👍🏻。雪見大福，口感獨特，食落有種幸福感。對餐廳整體感覺8/10，以食物質素而言，價錢抵食👍🏻。…查看更多

沙田實在太多好野食，附近商場又多，絕對係新界中心地段。今次試食呢間沙田放題，算係「大喜屋」另一個選擇。位於好運中心新開商場一舖位，人流算多。由於係放題，等位亦需時。餐廳內位置供應有限，所以想食就趁早。價錢都係一般晚市放題，可供選擇既野食數量可以接受。上菜速度算迅速，而且食物擺位亦算OK。放題一定唔少得刺身，食落口感可以接受。炸物方面，稍嫌有小小過火候。今次另外叫左個地獄海鮮鍋。你以為叫得地獄鍋，應該expect會有辣感，但呢個鍋個人認為唔辣，建議唔食得辣既朋友可以一試。對餐廳整體感覺OK，服務態度可以，距離沙田火車站有夠近，附近亦有巴士站，交通非常方便。…查看更多

圍方新開好多食肆，呢間coffee shop位於商場4樓，餐廳外觀望落高檔，會等位人流較多，唔大約15至20分鐘。入到去環境闊落，座位舒適，如果人流唔太多，同朋友享受一個下午絕對OK👍🏻。服務態度有質素👍🏻，以coffee shop而言食物價錢偏貴。但始終位處旺舖地段，加上餐廳環境，個人認為價錢可接受。今次叫一個All day Breakfast同Angus beef burger。食物上枱速度算迅速，食物精緻，絕對可以打卡👍🏻。餐廳整體感覺6.5/10。…查看更多

喜歡鋸扒既朋友一定聽過outback。呢間位於沙田站商場內，距離火車站只需要五至5-10分鐘。行街肚餓搵地方食飯，呢間餐廳好方便。價錢比起附近餐廳相對貴，等位相對唔需要太耐。入到去座位舒適，餐廳氣氛良好。服務態度亦見認真👍🏻。今次叫左幾款食物，款款值得打卡，而且味道不錯。首先介紹當然係餐前菜，麵包口感外脆內軟，好多朋友食過返尋味就係為呢個餐前菜。烤肋骨雞搥芝士薯條拼盤，炸物口感味道都剛剛好😀，唔會感覺油膩。到主食美國紐約西冷牛扒配焗薯，熟成度掌握得剛剛好，牛肉唔會太煙靭，配搭醬汁，口感一流。特色雞味飯，屬於正常操作，冇大驚喜，個人感覺稍嫌乾身。白汁烤蝦燴飯，醬汁配搭唔錯，份量十足。餐廳整體感覺7.5/10。食物質素亦算對得住價錢。…查看更多

呢間日式餐廳係將軍澳中心入邊，距離港鐵站，只需要3分鐘距離，非常方便。雖然位置咁方便，人流相對唔算十分多，等位時間亦都唔需要太耐，約5至10分鐘。今次可以話係食過返尋味。簡簡單單食個午餐set。$125一個set聽落好貴，但用料非常充足。配合壽司同少量前菜，份量絕對抵食👍🏻。刺身亦算新鮮，造型精美。主食湯底清新，烏冬食落口感彈牙。餐廳環境闊落，座位充足舒適，服務態度正常，整體對餐廳感覺7/10。…查看更多

個人喜歡日本料理，專程試呢間日本餐廳。餐廳就係悅來坊，距離荃灣站10至15分鐘路程，附近有巴士站，交通都算方便。繁忙時間等位約15至20分鐘，可以接受。餐廳乾淨企理，座位舒適，整體感覺唔錯。今次冇選擇放題，反而叫左幾道日本料理。吉列豬扒拉麵，個人認為屬正常操作，味道唔太突出，湯底味道較濃。築地四鮮丼，味噌湯味道唔錯，魚生都算幾新鮮，可以同味噌湯味道互相配合，而且賣相唔錯👍🏻。至於三文魚蟹籽炒飯，蟹籽份量足夠，味道不過不失。個人認為冇乜太大特色，屬於正常操作。餐廳服務態度OK，埋單人均約$100左右，整體感覺7/10。…查看更多

大圍糖水舖慢慢變得買少見少，呢間距離港鐵站遠少少，變相等位唔需要太耐。餐廳環境同座位舒適，間隔四正。去得糖水舖當然想試D屋企整唔到既甜品。呢間糖水店餐牌冇特別大驚喜，同出面市面大部份差唔多，但食物質素絕對有保證。今次試榴槤窩夫，外型值得打卡。外皮好鬆脆，食落口感一流。窩夫感覺稍甜，但榴槤雪糕味道清新，同窩夫有鮮明對比，味道互相補足，恰到好處。加上少少糖漿，絕對唔會覺得Heavy。餐廳整體感覺7/10，服務態度良好，價錢可以接受。…查看更多

之前上網見過好想試，今次轉登去食。距離大圍市中心都有一段距離，如果你行入去大約半個鐘。但附近小巴，巴士站好多，交通尚算方便。餐廳分室內外，想同朋友飲野可以揀室內，感覺良好。餐廳座位充足，仲設有Bar 位。始終屬於屋邨餐廳，人流唔係十分多，唔需要等位。入到去佈局，感覺舒適。今次叫左刺身定食，鰻魚炒飯，兩客壽司同少量串燒。首先刺身定食，個人感覺八爪魚同油甘魚刺身好新鮮👍🏻。主食鰻魚炒飯，價錢可以接受，用料係珍珠米。個人鍾意食珍珠米，但整體食落鰻魚味道被蛋覆蓋，炒飯整體唔太突出。至於串燒，牛舌口感可以更煙靭，五花腩荔枝串燒個人認為質素合格。服務態度優質，埋單約$650-700。餐廳整體感覺良好，6.5/10。…查看更多

趁圍方新開張去湊湊熱鬧，呢度每層都有好野食。先去呢間千両。距離大圍站有幾近唔需要多講，位於商場中心位置，人流極多。繁忙時段有機會等半小時以上。但餐廳佈局精美，座位舒適。雖然位置有限，但能食物質素同埋位處地段值得一讚。今次叫咗一個午餐定食，$108有8件壽司已經相當足夠，加埋天婦羅烏冬同少量前菜，簡直就係小型晚餐👍🏻。呢個份量絕對對得住價錢，而且烏冬彈牙爽口，天婦羅亦炸得恰到好處。壽司款款精美，絕對可以打卡。如果唔係位處商業地段，同朋友我坐耐少少都願意。整體觀感7.5/10。…查看更多

灣仔台式餐廳有好幾間選擇，呢間算係唔錯。座位舒適，環境四正，既可以打卡，飯聚亦一流。台式餐廳質素上有一定保證，選擇雖然唔多，但每一樣都係招牌。距離車站短短幾分鐘，路程尚算方便。今次揀左一人餐，紅燒牛肉麵。附送少量配料，牛肉麵彈牙，牛肉屬不過不失。加一杯野飲，簡簡單單又一個晚餐。$106 一餐，灣仔地段，價錢可以接受。等位亦只需要10至15分鐘，服務態度亦良好，整體感覺7/10。…查看更多

同屋企人食飯，揀返佢地最喜愛既中菜。呢間中式餐館格局同樣適合年輕人，設計新淨，環境乾淨舒適企理。餐廳位於商場之內，步行沙田站只需要5-7分鐘。其實今次已經唔係第一次離食，上次食覺得味道唔錯，今次食過返尋味。當然再試一試唔同菜式，但乳鴿可以話係必要，味道冇退步👍🏻。至於醉蝦，口感非常清新，但留意有少少辣。另外叫一個餐前小食泰味魚皮，感覺新鮮亦唔會太鹹:)。主食煲仔飯，留有少少飯焦味道唔錯，稍嫌有少少鹹。鹹蛋黃涼瓜炸得恰到好處，亦唔會遮蓋苦瓜原有味道。最後叫咗一個夏日限定買二送一手打檸檬茶，入面仲有香茅，味道一流。對餐廳觀感仍然冇太大改變，整體感覺7.5/10。喜歡中式菜式既朋友，可以話必食之選。…查看更多

上海菜比較小食。今次專登揀呢間餐廳試試。但呢間餐廳比較隔攝，位於天宇海隔離商場。人流唔算多，附近餐廳選擇亦小。座位舒適，環境可以接受。住宅式商場唔需要等位。服務態度亦比以前有改善。一餸一飯分量足夠。另外再叫一個小食，兩人平均$100左右。價錢絕對可以接受，食物質素亦都好好。唯一挑剔係距離港鐵站有一段距離。咕嚕肉肉質上乘，皮脆鮮嫩，醬汁唔會太酸。四季豆唔會太老，非常易入口。至於雞則屬正常操作。另外餐廳奉送甜品，甜品味道一流👍🏻。整體觀感8/10。如果靠近港鐵站，相信好旺場。…查看更多