sikhiusai的个人专页

難食到忍唔住要入嚟寫食評嗌咗如圖咁多嘢食首先佢個豆乳湯完全冇豆乳味加$10嘅法式龍蝦湯衰過麥當勞嗰個關東煮舊豆腐完全唔知發生咩事關東煮個汁完全冇味，大根雖然幾腍，但一食就知好cheap，但講緊我都加咗$10一嚿米飯就係普通白飯讚岐烏冬，食落去係煙靭得來帶啲生嘅感覺馬鈴薯煮豚肉夠豚肉係完全唔知發生咩事牛腩嗰個OK 正常豆腐都OK 雖然裝修係日式風格，但係張凳係發晒霉佢雖然係主打日式，睇落去又好似唔貴(咁樣埋單$200)，但食落真係好cheap，建議大家食返壽司郎…查看更多

雖然餐牌冇乜好多選擇，我個人本身真係唔太鍾意食pizza但係呢一間嘅Pizza真係好impressive!! 係我覺得呢啲都真係好個人口味，但係我平時有幾個食開Pizza嘅朋友都覺得好正，意粉就正正常常嘅好食，但係個Pizza係會令人想再幫襯！同埋嗰陣時因為我哋一去到佢淨係俾咗套餐嘅Menu，以為淨係可以叫套餐唔可以散嗌，其實都可以！侍應都係要講英文，服務態度都係有禮貌！講真唯一比較麻煩嘅就係佢嘅位置真係有啲難去。…查看更多

講真我已經期待咗食呢間好耐，因為我個人真係好鍾意佢嘅bohemian嘅裝修，但係食物質素同埋服務態度都令我大失所望，我係以後都堅決唔會嚟呢間。首先就服務態度而言我從來都唔係要求侍應去點樣服務我，而係究竟有冇基本嘅禮貌。。。嘢食方面唔使講咁樣嘅價錢來講我真係寧願食花園餐廳。。。大佬呀，三百幾蚊嘅牛扒同橡筋一樣咁韌。。。甜品都還好啦，我哋坐室外嘅冬天酷狗15分鐘嘅雪糕都未溶個沙律嘅配搭都好一般，上菜嘅次序又慢又亂來。。。上咗前菜之後同我哋講話要埋單，買單係冇問題只不過佢竟然可以問，仲有啲咩未嚟，講笑咩。。。你淨係嚟咗個沙律同埋湯咋喎。。。留意番講緊係688+1。。。講真喺大時大節食真係好傷心…查看更多

四個人，一共嗌咗: 兩個意粉、一個飯、一個pizza、炸雞翼、一人一杯朱古力沙冰！埋單$520!! 除開$130一個!! 真係好surprise~ 首先，唔太建議嗌套餐，除非你好想飲湯，哈哈！以上嘅嘢食都係散嗌，好飽！嗌咗海蝦青口墨汁意粉同埋煙三文魚黑松露忌廉意粉，兩個都$70! 對墨汁意粉冇乜研究，評論唔到好唔好食，但係覺得幾有誠意，所以都值得一嗌！至於煙三文魚黑松露忌廉意粉就好有水準~~(以價錢作為標準)，晚市可以搵到咁樣嘅價錢，咁樣質素嘅意粉真係好開心一定會再去！另外，忌廉雜菌飯，覺得唔錯只不過下次未必再嗌，好多雜菌，鍾意食菇嘅人都開心！Pizza叫咗食肉獸，同想像嘅pizza唔同，餅底好薄，都幾脆，只不過唔夠熱，如果唔係因為在場男士唔太肚餓，pizza份量應該唔夠~ 炸雞翼又熱又脆，只不過下次會想試吓其他小食，例如德國鹹豬手！見到隔離枱嘅burger好似好正！至於杯朱古力沙冰我朋友話唔好飲覺得好淡，我自己就覺得正常質素啦~ …查看更多

多人去食嘅話真係好抵！去嘅係閒日午市，waitress 同我哋講無人嘅話坐幾耐都得！環境適合傾計舒服！嗌咗最出名嘅炸雞，係蒜香味我自己就覺得唔錯，佢應該無落/落好少炸粉，蒜味唔太重，中意蒜嘅朋友可能會嫌唔夠下次可能會試吓其他味最有驚喜同埋最好食嘅竟然係海鮮煎餅！！好少食到材料足 煎得好好好好好脆 嘅海鮮煎餅魚糕串嗰個鍋食落幾過癮，但係下次唔會嗌了個人感覺比較襯烏冬，有啲鹹，知道係味精，但係都忍唔住飲，可以加湯有個圖碌碌嘅紫菜包飯，佢問我哋想自己包定佢包咁我哋就話佢包啦xD 包得好cuteee，個樣都幾過癮只不過冇乜特別，下次都唔會再嗌一人一杯嘢飲，再加上述嘅食物食到好飽好飽，七折咗之後都不過係150位！…查看更多

外賣嘅老闆娘鵝肝煎蛋飯都咁出色，真係好想堂食一次！分別試咗手撕雞飯同埋老闆娘鵝肝煎蛋飯！手撕雞飯都好有驚喜，配埋嘅配菜鹹鹹地撈飯，好好食！有別於傳統嘅手撕雞飯，仲有少少辣辣地好過癮，辣到適中，食唔到辣嘅朋友都可以試吓！而招牌嘅老闆娘鵝肝煎蛋飯更加唔使講！鵝肝分解出嚟嘅油脂恰到好處，無論係鵝肝本身定係鵝肝嘅油脂配飯都係一流！而流心蛋撈飯就點都好食㗎啦。老闆娘煎蛋鵝肝飯絕對令人回味！！！！！！ 嚟緊會想試埋鵝肝蒜蓉多士…查看更多

凌晨好肚餓，見到佢價錢相宜諗住試吓，點知唔單止等咗好耐，而且食物質素真係我食過咁多麵線裏面最差沒有之一 =_=嗌咗上海麵、米線同埋北京水餃，講真冇一樣好食… 其實都幾難做到，最重要係佢個豆漿真係唔係講笑，飲一啖想嘔返出嚟…首先個北京水餃，其實講真由細到大都唔知道原來餃子可以整得咁難食，佢個湯底好奇怪，食落去雖然冇怪味，但係絕對稱得上難食。至於上海麵唔使講，個湯底唔得，啲麵唔得，除咗個娃娃菜食得落肚之外其他用了都好垃圾，尤其是嗌咗枝竹，譚仔送嘅腐竹都係佢數量嘅幾倍，同啲上海麵一樣咁幼！講真我咁肚餓，照道理其實食乜嘢都會覺得好食，但係佢都可以令我嬲到打呢個食評，真係太有料到。下次寧願去遠啲觀塘都唔會再食呢間垃圾屎==…查看更多