alvincheungh的个人专页

===== 服務欠佳 =====首先，今日係我生日飯已經預早咗兩星期book 訂座嘅時候已經講明想要窗口位，員工亦都有講最低消費$600/位入去嘅時候，接待員望咗一望竟然話冇備注要窗口位Excuse me？咁我早兩個禮拜book做咩？打電話嘅時候，你都有確認個喎之後改口話好彩有一張窗口位嘅枱好啦入到去 張枱其實係下層行到最入邊旁邊係條柱 基本上唔算開揚之後睇餐單 有個女侍應不斷Sell套餐$800/位 +10%我見到有一杯薏米水 好多前菜 主菜都有海鮮 就叫咗之後上前菜，原來極少份量一隻碟每樣裝半啖然後我問侍應係咪有包薏米水？佢竟然同我講個套餐係要早一日dining city預訂先有 要散嗌我問佢攞咗個Menu 上面冇寫到相關要求 只係下面得個logo 你唔係expect我望到個logo知道有咁多隱藏條款呀？之後經理都嚟解釋，話照俾我啦嘢食嚟得好慢埋單嘅時候 有個鬼仔侍應竟然照收我薏米水嘅錢我同佢講經理明明應承咗照包佢竟然同我駁嘴解釋每個人都差唔多$1000呢啲服務真係好失望我嘅生日就咁俾你間餐廳破壞晒！以後唔會再幫襯===== 極之一般的食物 =====魚翅冇乜味，好一般 蟹蓋加咗啲蛋白一般鮑魚都算正常個蝦仁又係冇乜味小籠包同我街邊買嘅一樣 唔好食蜜汁火方先離譜 個皮竟然乾到裂開 火腿肉薄得可憐 啲桂花蜜係冇乜味 青瓜咁平都得一小嚿 甜品杏仁茶總算OK啲總體嚟講食物好普通 根本唔係米芝蓮一星嘅水平…查看更多

週末本來有輕鬆心情出旺角行街先食少少野。一入門口有幾個空位，就同友人坐門口位。跟住有個戴眼鏡阿嬸叫我地坐中間枱，話門口位熱。我地話唔緊要。睇左陣menu打算落單時，個女人又要求我地坐中間枱(留意返中間都好逼，如果坐滿人根本會掂到隔離)。我地已經講多次想坐門口位，我問佢係咪唔坐得？佢好串話唔係～不過你地會阻住人入黎囉。心諗你之前熱嗰啲根本係廢話。你打開門口做生意，放得兩張櫈喺門口就預左人坐啦。有種你咪唔好放個位囉。但係又要做生意做到盡，成個場咁逼！我想講，門口坐左人後面一定行到，一定冇你中間啲位咁逼。嗰下真係好嬲，走左冇食。中間都有人一開門見到啲位咁逼唔入黎。香港做生意就係好多呢啲計到盡嘅人，明明有位都唔俾人坐鬆動啲、唔識做生意！…查看更多

晚上walk in想試下呢間餐廳入左門口侍應都唔主動問幾位上到樓上坐 安排垃圾桶旁2人枱當時成個場仲有好多位 佢偏偏要安排嗰張我要求坐旁邊一張4人枱(都只係闊少少)最後可以坐之後點菜有好多野都冇 石鍋飯、野蠻奶奶雞、所有酒精飲品都冇 (都唔知係咪冇酒牌):(叫左冇幾耐 一個戴眼鏡長頭髮嘅阿嬸行過黎問我地介唔介意換張2人枱 大佬 成個場咁多位你洗唔洗咁做呀好啦行過去睇下嘩個位逼到... 入面個位得返一半(隔離枱放晒啲大褸):(嬲嬲地就同朋友走 話唔食啦點知個阿嬸好惡咁話 你地落左單啦喎我心諗 你係咪應該好態度留返個客？我一漏水都冇飲 好似欠左你咁同埋廚房肯定未整 因為有幾枱早過我地黎嘅張枱都係空好差嘅經驗 服務態度極差以後唔去…查看更多

晚上差唔多9點黎到土瓜灣呢間圓善素食。可能因為偏夜，唔算太多人，一入去就有位。餐牌大概$70-$80一碟小菜，睇到二人餐有湯、有小菜、有三色飯、甜品都係$238，所以揀咗呢個餐。前菜有黑木耳青瓜，都幾開胃。呢個竹笙湯唔錯，冬天有啲滋潤嘅感覺素鵝好香脆，點啲黑醋汁就啱啱好主菜係鮮百合秋葵炒鳳梨，味道唔錯，如果可以再多少少調味會更出色！花浪香菇，正常水準。最後係南瓜芋頭西米露，吃完就飽飽整體來說都唔錯嘅一間素食餐廳。…查看更多