特色都失去埋，已經失去繼續幫襯既動力。本身諗住撐下小店，點知真係超失水準，上菜慢就算了，出菜都唔跟先黎後到咁不斷出外賣客，睇到火滾，等左20分鐘先上個醉雞米線，以前明明幾分鐘就出到菜。墨魚餅又差曬，半個鐘先出菜，仲聽到佢即場解凍撞擊的聲音，墨魚餅上菜個樣真係不忍直視，三塊爛蓉蓉既賣相同以前間舖真係無得比
以前真係超鐘意嗰兩個姐姐煮既野食，依家呢個後生仔真係好唔掂，不可一不可再，難怪佢拍曬烏蠅無人幫襯啦，以身試伏完畢。…查看更多
對此餐廳感到十分不滿及憤怒，服務態度極差，食物質素惡劣，員工態度超級差，上菜速度應該無邊間可以慢得過呢間世界級餐廳。放心，我一定會同我所有mirror fans朋友唱衰呢間餐廳。係呢間餐廳我感受到前所未有用餐極差既體驗，係專登黎俾錢買氣受。所有mirror fans如果係鍾意俾錢買氣受，推薦一間垃圾餐廳可以繼續努力幫襯。事源是咁的，我幫個frd慶祝生日，佢揀左呢間餐廳食飯，咁我係兩個禮拜前已經係呢間餐廳既openrice到book左位，一早預訂了6月18號夜晚食飯。咁我同個frd到左，係個場唔爆唔滿既情況下（大把空位，好多2人食客坐4人臺），居然安排book左位既我地去坐一張二人小圓檯，明明我個frd已經攞住兩袋野都安排咁既位置。我已經好不滿，要求換位，心諗點解我提前book位都安排啲咁既垃圾位置俾我，仲要個場係半空咁濟。我見到佢有張四人檯空既，要求佢換位俾我地，佢都話ok，我就算了費事講啲咩。但接落黎既事情就好精彩了.......坐低無耐見到一個waitress倒瀉人地檯既熱茶落個食客既身上，我地當時見到都驚驚地，不過都無太關注件事，淨係見到個女食客大脾淋濕曬+成台成地都係水，真係為個食客默哀三秒鐘。咁我同個frd睇左menu一陣，揀好野食就叫個waitress過黎落單啦，當時個場得兩個後生waitress，睇落得十尾二頭左右咁大既歲數，叫左幾次先叫到佢地其中一個過黎落單。好啦，體諒下個waitress好忙又要拖地又要抹台，費事講啲咩。咁落單，我地叫左幾樣野，包括黑松露薯條、意式肉丸意粉、香煎鱸魚配龍蝦汁、粉紅梳乎、彩虹梳打同杯蘋果梳打。講左梳乎厘後上，個waitress話ok咩都無講就行開左。（請特別留意呢句ok，並冇提示過甜品要等好耐or即叫即整）如是者，我同個frd傾左差唔多成個鐘計，見一杯水都無上過俾我地，我地叫既野食同野飲無一樣黎到，已經覺得好不妙。咁就諗住叫個waitress黎跟下啲嘢食啦，點知個waitress居然上埋野飲俾一檯遲過我地好多入座既二人客野飲同野食，都未上菜俾我地。我已經覺得好無奈，咁都照叫waitress黎跟單啦，跟住過兩分鐘就上左個黑松露薯條同蘋果梳打。好啦，咁都同個frd開餐先，等左好耐傾計都頸渴，但請留意另外一杯野飲都係未上（已經過左一個鐘+依然冇俾過水我地）。利申個薯條真係劣食到不得了，難聽啲講句麥當勞薯條都好味過佢，仲要個薯條上有塊芝士唔溶，痴實曬啲薯條，啲薯條唔熱得個暖字可言，又淋patpat，杯野飲完全無乜味，好似飲緊梳打水。不過都算啦，叫做有野食，當打卡餐廳啲嘢食難食食一次算了。咁食食下，個frd頸渴，叫個waitress俾兩杯水黎，都擾攘兩分鐘先俾我地都算了。咁啱好意式肉丸意粉都終於上菜了，等左咁耐以為終於有啖好食啦！個frd食左兩啖意粉，咬開粒肉丸，今次唔講粗口都唔得了，個肉丸中間係粉紅色生既，有啲凍凍地。咁我個frd都盡最大努力忍左佢，叫個waitress黎睇下點解決生肉既問題。呢個時候唔知點解有個著住黑色tee既staff出現左黎幫手接待，個staff係著住吞pot既制服，咁佢就話幫我地換個意粉啦。我地都ok，點知佢由廚房轉出黎就話唔好意思啊，得返個卡邦尼意粉同肉醬意粉，你地啱唔啱啊？咁呢度我都覺得尚算客氣，但個frd對呢兩樣嘢無乜興趣就話算啦取消啦。點知呢個黑色制服既女人呢就大大聲係個水吧對住佢啲同事大叫：喂，取消喎！（語氣已經好似好不滿咁）我聽到已經好唔舒服，不過都忍左。如是者，咁繼續食薯條，點知等到遲過我地黎同遲過我地落單既嗰檯客上曬嘢食嘢飲，我地都未有第二杯野飲。無錯，我個frd杯彩虹梳打依然係唔知邊個國家等緊上飛機送黎俾我frd飲（一個鐘十五分鐘了）。咁就無可奈何之下，叫個staff黎問下，終於一問一催先出野飲，仲要一出出兩杯。好啦，都算了，真係唔知點解我地咁忍得，我本住個frd生日費事破壞佢心情都一路同佢say sorry，估唔到呢間餐廳上菜咁慢同服務咁差。咁又繼續食薯條同飲嘢啦，又等左陣，覺得好唔對路，香煎鱸魚配龍蝦汁應該唔洗咁耐一個幾鐘都未上啦，心諗會唔會係漏單？咁逼於無奈之下，又要叫個waitress黎問，個waitress話幫我地跟，但眼見佢做左一輪其他上菜野，先幫我地入廚房問，入左先有條魚出黎。咁出到黎，我地都係繼續算啦，食野醫肚，點知條魚又乾又硬又老，唉！自知中伏了，見個魚都咁耐，即刻再叫個staff黎上埋個梳乎厘，驚唔知等到幾十世紀都未有得食。哇！呢下先係精彩既片段，個黑色制服staff同我地講唔好意思啊，由於好多客同好多單，你地個梳乎厘要45分鐘之後先上到。我同個frd真係好無奈加好嬲，見到人地遲過我地入坐既野食都齊曬，點解我地要受埋啲咁既冤屈，仲要係幫個frd慶祝既生日飯黎。真係好難忍呢鋪，咁我就問個staff點解要等咁耐之前你地啲waitress唔同我地講要等要叫即整？如果係知要等咁耐，就一早叫你地全部一次出啦，個黑色制服staff淨係講唔好意思但無任何表示。我要求佢搵返個落單既waitress出黎解釋返件事，真係接受唔到點解有book檯又早叫左成個幾鐘既甜品可以再要我地等咁耐，一個詳細既交代同道歉都無。咁個黑色制服既staff就行開左，好似當我地無到咁，行去水吧傾計，我個frd就真係徹底嬲了，叫佢搵人黎解釋，黑色制服staff：叫緊喇！等等啦！先慢慢行入去叫廚房叫個衣衫襤褸儀容污糟既女人疑似廚師出黎解釋。我到呢刻都真係諗唔明點解可以叫個廚師出黎解釋。好啦，點知個廚師態度更加差，本住更加差既態度對我地，仲話甜品等45分鐘佢個waitress一定會同我地講，我同個frd一口表示佢無講過，而且啲嘢食等左好耐，兩杯野飲等左一個幾鐘，人地遲黎都齊曬野係咩事。個廚師就避開唔答呢個問題，話幫我地取消個梳乎厘啦咁，跟住行去水吧問返個waitress係唔係無講等45分鐘，佢個waitress覆佢無，先再行埋黎講句唔好意思。大佬啊！咩唔好意思就想了結件事？呢餐飯等左成個幾鐘換黎一肚氣同咁差既服務態度。我堅持要個廚師解釋返點解遲黎過我地啲野都上齊，而我地啲野點解要催先有，個廚師個態度好惡劣咁覆咁廚房得我一個唔夠人手整唔切係咁啦，唔好意思囉，咁啦，最多幫你地免左呢單囉！（講到自己好似大恩大德咁，人地專登黎R免單，意思叫我地唔好咁多嗲已經免你地單佢已經做到狗咁唔好再話佢）哇！呢下真係極品，即刻起身攞袋走人，發誓一定會幫呢間餐廳宣揚下10分好既服務態度同上菜速度（等候登機黎緊啲菜，無一個鐘都上唔到機），你地有興趣就記得幫襯下，感受下有幾咁惡劣既服務態度同劣食！呢間餐廳簡直毀壞左mirror既名聲，真係唔明點解mirror會授權俾一間咁既垃圾餐廳，好失望！！！！等你執笠！…查看更多
…查看更多
