Rei Lee的个人专页

今日同朋友去呢一間嘢，本身好期待，但係服務態度超差朋友book咗12點，我哋去到之後，朋友只係唔小心口誤講咗book左一點，着西裝嘅女職員一副好似我殺咗佢老竇咁嘅樣，好串嘅語氣講「一點？！」跟住用佢對眼望住個鐘，示意我哋睇吓時間其實你正正常常可以問一聲係唔係早咗到或者記錯時間咁串嘅語氣想點？呢個時候已經嬲嬲地，但係最過分係，朋友叫咗iced black佢落錯單，換咗熱飲，跟住我哋同佢反映，冇sorry，冇唔好意思，佢就話拎返個冰杯俾我哋跟住就嚟料喇，佢竟然直接喺我哋個位將杯熱啡倒入冰杯，因為熱飲杯杯口好大，所以一如意料係倒瀉晒，成個盤都係咖啡，仲整瀉埋張枱隔離枱都望到眼突我唔明白換過一杯或者拎去Bar枱位幫我哋到有幾難跟住佢就拎塊抹枱布過嚟抹，但係塊枱布已經hi晒我哋啲食物，我哋忍住冇出聲 跟住佢見都係太多咖啡，先至話幫我哋換過個咖啡盤但係我想講，竟然唔係沖過一杯，而係將一杯熱飲咁樣倒入嚟，其實成件事根本唔係凍啡，飲落去係暖暖地期間我哋見到有人行入嚟坐低咗，但係最後都係離開咗，唔知係唔係決定唔識跟住就聽到呢位寸嘴女職員企喺一邊講妖，早知係咁頭先就俾個鬼佬坐啦成件事都好差，雖然限時90分鐘，但感覺係每一分每一秒都心理壓力好大比人趕緊咁見到有人早左幾分鐘到，個女職員就叫佢出出邊等等先，話個客仲差兩啖咖啡如果個客聽到心裏面會有咩感受呢？好似俾人趕緊咁同埋抹枱布整到落啲食物度，又整到我哋成枱咖啡，又唔衛生，亦都冇講唔好意思，到底想點？呢一間唔係茶餐廳，食物唔係平，我唔係要你好好咁喎，點解態度會差成咁總之超級唔推介。…查看更多

間中lunch都會嚟呢間食，但食完今日唔會再食。1245去到，落左單之後我等個鯖魚飯都等左勁耐，杯咖啡超難飲，我好少覺得野飲難飲，真係飲唔落去，跟住個飯嚟到，我都好快手食完，食左冇10分鐘，呢個時候有人等緊位，有職員就行嚟我地位話差唔多夠鐘交枱，我望一望錶1323。因為都食完喇，就去埋單啦，跟住又冇人收銀，望住廚房職員整焗飯整左一陣，先嚟幫手收錢，我就順便問佢lunch係坐幾耐，佢話好似係90分鐘。我唔知實際係咪真係有90分鐘，可能冇，但我地前後坐左半個鐘多dd，即係連45分鐘都冇，咁即係依家午飯時間係30分鐘交枱係咪？我明白有人等位，但我都係坐左喺到冇耐，仲要等左勁耐先食物，勁快手食完就比人趕走。野食質素又唔係特別好，只係好一般，要咁樣食飯法真係唔會再嚟。…查看更多

今日喺旺角行到攰，特登帶媽咪嚟食呢間食過一次覺得唔錯，之前同朋友兩個人叫三個定食價錢唔係平但一個定食食完都幾滿足媽咪叫左個和風牛肉釜飯，我就叫海膽三文魚釜飯牛肉偏乾，但量都算多，味道唔錯可惜個海膽飯真係中哂伏！！🤮一上嚟望落顏色已經唔多新鮮媽咪一試第一啖，話又苦又臭，忍唔住吐返出嚟到我試時我都覺得係臭左D，唔緊要啦照食啦，可能唔係好新鮮但再食多啖真係臭到個口頂唔順連帶啖飯都臭埋完全唔想食，臭到有餘蘊要係咁飲茶漱口於是同職員講cancel個餐職員問洗唔洗轉過第二個餐，但因為已經比個臭海膽打擊到，加上實際上又唔太餓，所以最後冇轉到餐到最後同職員講埋單，就係幫我拎走個餐嗰個，佢好似叫我自己去埋我唔知係聽得唔清楚定點，定係佢話叫第二個職員幫我呢？總之我等左一陣都係未有人拎單比我記起上次嚟時都係職員埋位埋單同時望一望隔離枱亦都係咁於是即刻叫第二個職員，佢即刻就已經㩒單比我我唔知嗰位職員想點？係咪因為你D海膽又臭又苦我要cancel所以連埋單都要自己埋？🙂食物咁唔新鮮，職員又咁樣，諗唔到有咩理由要再去🙃🙃🙃…查看更多

今日同屋企人喺YOHO買完野，想搵嘢食就random入咗呢一間之前都食過幾次旺角分店，知道食物質素OK，只係價錢有少少偏貴不過今日我屋企人生日，冇所謂啦我哋坐咗張四人枱，啲食物陸續上枱，咁就有一位店員拎住個all day過嚟當時我哋而家枱上有龍蝦湯，有牛角包，仲有一碟risotto，所以嗰張枱上面已經冇咩位剩咁我哋見到店員行埋嚟，已經自動喺度移開啲碟，等佢可以有位放低先唔講我去其他餐廳，啲店員係會自動波幫手移開啲碟咁我都唔介意自己做嘅，但係呢位店員真係非常之串，勁大力pat低碟野講緊真係bang一聲勁大聲嚇親我地我心諗咩事？我識你？我借咗你錢唔還？憑咩你收咗我服務費，仲要咁大力放低我啲食物定係你嫌我哋騰空啲空間騰空得太慢？點解你收咗我服務費，我仲要俾錢受你氣呢位店員係紮住一條馬尾頭髮係有啲金色同粉紅色，當時係着住一件淺藍色上衣呢位店員叫毛毛先唔講呢一個名係真定假，點都好，問咗就更加確定我真係識你條毛，唔知仲以為我得罪左你我已經唔係要求你好Nice對我，我亦冇叫過你拎任何嘢，點解你可以咁有性格，咁西口西面對客人最好笑係食嘢中途，我哋隔籬枱有張二人枱嚟咗一位女士，呢位店員行去拎Menu俾佢，都係勁大力咁pat喺張枱然後勁串咁樣講咗句手機落單就極速行開咗當時兩點幾三點，餐廳入面仲有好多吉枱，即係唔係最忙嘅時候唔知嗰位女士有得罪咗呢位店員啲乜嘢不過，佢好快已經走咗講真如果唔係我已經落咗單，啲食物又嚟咗，我都唔會想繼續喺度食受氣呢間嘢真係不可一不可再服務態度極差，價錢又唔係特別吸引嘅時候，嚟到元朗搵嘢食真係唔需要入嚟呢一間俾錢受氣最好笑係我睇食評，都有唔少人話呢一間態度差咁到底係呢一間公司嘅訓練有問題，定係只係呢一間分店啲店員特別有性格唔會再食囉！！！！！…查看更多

大熱天時喺尖沙咀想搵個地方同朋友飲杯野傾下計真係好難行左一粒鐘入左呢間門口個牌見到d cake有d吸引又有位就入左去叫左一件伯爵茶cake，味道係唔錯同埋只係$38性價比唔錯上碟亦好presentable，個碟都暖暖地但係其他野真係令我唔想再嚟呢間🤦🏻‍♀️同朋友坐近水吧位，傾傾下計突然聽到嘭一聲原來係侍應上cake但佢係上到好似茶記好豪氣咁掉碟西多上枱咁😀另外叫左杯earl grey latte，諗住配合返件cake點知等左勁耐都未到，等到件cake都凍埋好啦到上碟喇，應該係頭先上cake嘅同一位侍應，我都唔肯定，因為嗰陣冇抬頭望但係呢位上野飲嘅侍應，整瀉哂杯latte講緊佢喺水吧位拎上枱只係兩步路，因為我地坐正係出野飲個位震到成隻碟都係d latte😀到佢放低左都冇出聲，好啦都唔緊要，跟住見到我拎杯野飲望下瀉左幾多望左好一陣子，佢先行埋嚟話幫我換隻碟我話唔洗喇😀😀😀 心諗你上嘅時候就已經知自己整瀉哂啦係咪？好啦算喇照飲喇，因為行左咁耐又熱真係好口渴但睇返杯野飲，顏色非～常淺色講緊淺色到就嚟全白咁一聞，好重奶味，literally真係暖牛奶一杯咁，心諗伏伏地喎重奶味到我覺得有d臭了😀照飲，說好的earl grey呢？點解我飲唔到嘅？再飲多兩啖，冇喎，再飲，飲到喇！個earl grey係好似用左1:99嘅份量嘅水去沖咁淡到我完全飲唔到有earl grey口入面只有嗰陣好重好臭嘅奶味成件事係錯哂，整瀉左，又唔好飲朋友都知我好難話一樣野難食或者難飲今次真係遇到我此生覺得最難飲嘅earl grey latte仲要成個experience感覺太差$48+1嘅呢杯野飲真係蝕住咁比😀😀朋友仲話好彩佢只係嗌檸水唔會出事🫠持平d講件cake真係ok，take away仲要$28唔洗加一更加抵諗但飲品同埋服務真係太差🙂 唔會再食…查看更多

喺沙田行到攰，見差唔多到晚飯時間，路經呢一間店，見到唔使等位，於是走入去試吓一坐低，好快就決定咗要食啲乜嘢見到裝修都幾靚可惜一檢查啲碗碟，發現碗仔下面隻碟超級污糟好多油漬同埋污跡，見到都唔開胃不過因為隻碟唔會用嚟食嘢，所以都費事同職員反映落咗單之後，不停有店員走來問我哋到底帶咗乜嘢嘢食係咁攞唔同枱嘅單嚟問我哋係唔係落咗呢啲食物，非常混亂其實當時店內都冇坐滿人，點解落單都可以咁混亂呢跟住想問店員拎兩杯水，點知佢哋話今日唔提供水🙄我忍唔住問咁幾時會提供水呢？佢哋話星期一至五就會提供，星期六日假期就唔會提供水水一杯姐，我真係未見過有餐廳係唔會提供水🙄到到嚟咗碗牛肉麵，個碗好似洗面盤咁大真係大到好誇張，唔知嘅食客喺外面睇可能以為碗麵係超大碗但係其實兩個人食，一人一碗仔已經差唔多食完有啲理解唔到點解要用咁大個碗，成個頭塞入去洗面都OK跟住當我哋食緊牛肉麵嘅時候，個煲仔飯就嚟到但係當時朋友仲夾緊麵，個店員一句聲都冇出就隊個煲仔飯過嚟格硬將我哋個牛肉麵推向一邊而我哋喺碗麵隔離就放咗我哋支水，差啲撞跌我及時新隻手去接住支水，個店員先至求其講咗一句唔好意思其實你上菜，係咪應該要講聲呢？仲要聲都唔聲，我哋仲夾緊麵，格硬俾你推走咗碗麵，咩事呀而家？😡嗱嗱臨食完之後埋單，本來已經喺度諗，連水都唔提供，會唔會收加一點知張單嚟到之後真係有加一忍唔住問咗店員一句，你哋連水都唔提供，點解會收+1服務費點知個店員回答：哦，因為我哋唔收茶位，但係我哋都會收服務費吓？你哋又唔係酒樓，本來就唔應該會收茶位錢啦？到底有啲乜嘢服務提供左呢？個服務係咪就係落單混亂係咁騷擾我、夾緊麵時推開我碗麵搞到d湯水fing出嚟、撞跌我d野先態度求其如夢初醒咁講聲唔好意思呢？呢啲就係所謂嘅服務？如果係咁嘅服務，真係多謝晒😡野食又唔係特別好食，用具又污糟，唔會再幫襯👎🏼…查看更多

今日早左收工，想搵個地方坐低食少少野，去到朗豪坊見到呢間好多位，設計又唔錯，於是就入左去食。叫左兩樣野，一個擔擔公仔麵，一個法式西多配雜莓。枱面有自助落單QR code，方便我呢d一個人唔洗行出行入又要睇住個位。野食麵好快送到，落左單3分鐘已經嚟左個麵。個擔擔公仔麵係幾好味，d麵都幾彈，份量唔算好多但夠一個女仔食。本來仲同朋友whatsapp緊話呢間唔錯，上野又快，價錢唔算貴，可以一試。但食到差唔多最尾，竟然見到有條短頭髮喺個湯底到😡 於是叫staff過嚟，問係唔係頭髮嚟，個staff好似發呆咁，話「應該就係喇」。下，一句sorry或者唔好意思都唔講？跟住仲問我係想點，雖然唔係好差態度咁問我，但一句唔好意思都冇，真係令我好嬲。我只係同個staff講我唔要喇，你收走。其實你講一句sorry我都唔會再追究，但依家呢個時勢仲要食到有頭髮，仲要我今日5點幾嚟，全場都冇10個客，完全唔忙嘅時段衛生都咁。最緊要係個staff handle得太差，問我想點？你講聲唔好意思先好嘛？我冇影低報食環，只係想你正常識講一句sorry啫？！😡😡😡真係太嬲，搞到我用一分鐘食埋個甜品走人。唔會再嚟呢間！！🤬🤬🤬🤬🤬🤬…查看更多