呢間舖，買過好幾次了，因為老公鍾意食，所以有時收工都會行過去買，因為我係荔技角返工^^因為這間滷水真係好食，所以都係要寫一篇先得 收工時間，都會有人排隊，但排左一陣先到我，可能手腳慢d，要改善 買左滷水鵝，腎，扎肉，牛展，鵝腸先評滷水鵝，滷水入味，d滷水汁好香，返到屋企打開個盒，都仲有香味出來，鵝肉沒有滷到好"鞋"，居然仲有滑的感覺，最怕食到d"鞋"到死 好似食爛布咁，呢個滷水鵝good，老公話非常好食，比好多名店好，如果即場食，可能更好 再評牛展，牛展係我至愛，平時最鍾意食就係呢間滷水牛展，不會太硬，可以話軟硬適中。再來腎和鵝腸，由於我唔食內臟，所以唔知點寫，但老公就好鍾意，佢話呢間出品都有水準 最後要評一評個扎肉，今次係我第一次買，我問過老細呢d咩來，佢話係自家製的炸扎肉，好好食咁話wu，我就信佢買左少少返去食，食第一舊，掂!!!!!very good，本身未識過食滷水扎肉，但我估計佢唔係將舊扎肉炸完再滷，應該係炸左先出來，再將滷水汁淋上去而已，但這個組合，很有驚喜，大家有機會真係要去試試 總結這店食評，有名店質素(感覺好過好多大潮州酒樓)，我認為最主要係個滷水汁出色，佢又有街坊價錢，完全係超值之選，只是沒有堂食，可惜可惜!!!…查看更多
比佢個門面的櫥櫃裝修吸引，再睇餐牌都唔錯喎，咁未入去試下啦，我地 7:30 落單的，嗌左酥炸豆腐粒、扇貝明太子焗長通粉、三文魚 Pizza、飲品﹕海爾必思及芒果汁 ( 海爾必思，你地讀快 d 似咩﹖哈哈﹗) 
加 $ 12 要左飲品同沙律，這兩樣野係最快到的，( 個沙律少到死﹗) 
之後就等左成半個幾鐘個豆腐粒及焗長通粉先到，( 豆腐粒好似麥記的麥樂雞味道一樣，長通粉好少，食幾啖冇晒﹗ )好啦﹗我地食完野啦，咁又繼續呆等個 Pizza 啦，等等等，等左好耐都仲未有，由落單果一刻至到 8:20 Pizza 都唔到，其他檯的遲過我地入，都有啦﹗我地都奇怪架啦，駛唔駛整咁耐呀﹖頂唔順咁等法，即時叫個侍應埋黎跟一跟，我見住佢拎住我地張單入廚房，跟住又出返黎同另一個侍應吱吱噚，個侍應行埋黎同我地講﹕「唔好意思呀，三文魚賣晒啦，不如你地再嗌第二個，我地即刻做呀﹗」我同 BF 都齊齊話，點解你地一知道三文魚冇晒唔第一時間通知我地，要我地提出問到啦先講，如果我地唔追單，一直起度等咁點呢﹖
侍應竟然話﹕「我都唔知廚房點﹗」侍應行開，搵經理同我地講，經理不斷向我地 Say Sorry，話同我取消個 Pizza，再比返個九折我地，最後埋單 $ 100，根本就冇平到，只係唔計我地加一。之後我地轉去大家食果度再食過。我都食唔飽，何況 BF，唉﹗首次食唔飽再去下間食的。
