sleeplessnnight的个人专页

明明之前食過幾次都正正常常點知服務質素大幅下降🤭我哋一座底未放低個袋個呀姐已經係咁催我哋落單揀咩餐🤭最神奇係我哋明明未落單📝個呀姐即刻就上咗三碟我哋冇叫過嘅嘢過嚟？話就話係放題姐 🤗但全部都唔係我哋有叫過嘅嘢食嚟係咩玩法? 我哋好肯定我哋一定冇叫過🥱驚之後啲柯打全部岀錯 就同個呀姐講翻 點知個呀姐未搞清楚咩事一嚟態度同語氣都勁西👺勁大聲咁鬧我哋一口就咬定係我哋有叫過呢幾碟嘢🙂仲話：「係你哋呢枱叫嫁喎，肯定係你哋落單有揩錯制囉！」問題係嗰三碟嘢我哋係全部人都唔鐘意食嘅？🤯仲要我哋QR code落單個時有睇清楚一定係冇叫過呢三碟嘢嘅。懷疑個侍應呀姐係更年期？我完全明點解越嚟越多香港人北上消費🤗就係因為唔想係香港比錢食飯都仲要受氣。假設如果唔係放題嘅話🤫嗰三碟嘢係計錢嘅🙂‍↔️咁係唔係照樣賴落個客度？話係個客嘅問題？今次真係食到一肚氣唔會再有下次。大家唔洗浪費時間食呢間垃圾🥳…查看更多

天氣開始轉凍❄️諗住拮一兩粒燒賣魚蛋食下附近又冇咩好食嘅魚蛋燒賣諗住試下呢間一落單個呀姐就開始西口西面☠️好似得罪佢全家咁？招牌寫$15一碗魚蛋燒賣 但我淨係想食一串就問「唔該可唔可以一串咁落單」跟住個呀姐就發惡勁晦氣咁講「$15一碗呀」啲態度真係惡過狗🤭作為客人都係問下一句姐🙂‍↕️小食檔冇得一串串咁賣魚蛋燒賣真係第一次見侷人要買$15一碗都算啦😂仲要個碗個份量少到得幾粒就冇燒賣又淋到爛爛地咁🙂‍↕️完全唔明點解會咁多人排長龍買😂絕無下次 希望早日執笠🤭…查看更多

今次真係幫唔落賞茶🥲因為一路以嚟都有幫襯開賞茶🥲但係今次真係諗住叫熱飲奶茶 ☕️真係令我好失望………諗住叫極品賞奶茶一定實冇死🫶🏻唔會有咩問題岀錯點知一飲落去好似水溝奶咁樣💩直頭係個味道就好似你比錢買水奶茶🫶🏿真係好失望 🙍🏿 諗唔到有咩可以繼續支持嘅理由？其實到底知唔知自己沖出嚟係沖緊啲咩？到底係有冇用個心岀嚟沖嘢飲？我叫少糖唔係叫走糖🙏🏻想大家繼續支持但請你keep住個水準🙏🏻…查看更多

放假諗住同朋友去居酒屋chill下見到hungry monkey 好似唔錯就去幫襯下點知真係伏嘢試一次就夠了～一入到去已經一大班待應圍住你店舖空間明明唔大 一開始都唔明白點解會有咁多待應~點知落order叫嘢食嗰一刻就明白了~ 原來成班待應應該好似有佣收咁一嚟就好積極踴躍咁sell我哋買枝最貴嘅大吟釀🤗當然就只係揀咗枝中等價位嘅大吟釀就試吓就算了一路飲個待應就不停留意我哋嘅酒杯fill 酒，好似趕住收工咁樣，催我哋飲快啲～啲嘢食嚟得真係好快，叫咗個蒜香炒飯，份量又真係少到冇朋友，幾啖就食曬lu ，唔知以為我哋減肥呀🤗唔洗諗住可以份量足夠送酒～待應成餐飯都好似冇嘢做，密切留意我哋張枱嘅情況㗎～壓迫感十足，見我哋食晒就係咁sell我哋,叫我哋加單。仲要時不時係我同朋友傾計期間不斷加把嘴埋嚟🤗 叫我哋叫多幾款菜可以送酒食。朋友飲得chur得滯最後唔舒服，衝咗去廁所嘔。待應見到情況都不忘有冇商機，又落力黑心sell我朋友。叫佢點多個開胃前菜蕃茄，仲話開胃可以嘔多啲嘔得舒暢啲咁喎🤗 總括而言呢間垃圾唔會再幫襯～每個待應都好似有佣金收咁乘勝追擊每台客人～大家唔使浪費時間試呢間hard sell居酒屋🤗貼錢買難受…查看更多

本來試食過一次滷肉飯 已經感覺質素參差，諗住小店偶爾一次失手☺️今日經過小店諗住俾多次機會，試試紅燒牛肉麵 。本來價錢已經唔平，一個麵餐嘅價錢有其他更好嘅選擇。估唔到食物質素可以如此差劣🧐 紅燒牛肉麵湯底全部係紅油，得個辣味，好似食緊豬油落肚。完全冇用心烹調過牛肉麵湯底，希望店主可以好好學習一下研究食譜何謂牛肉麵。食食吓面仲食到有百潔布碎，衛生完全好有問題。基本嘅食物水準都未能夠達到，嚟元朗嘅朋友唔需要浪費時間幫襯呢間食店。…查看更多