yukotrace的个人专页

真係好耐無寫評論，為大家身體同荷包著想，都係想提醒下準備幫襯嘅人。全部肉，除左第一round係正常肉味，其他都係無肉味，勁難咬爛。令出黎又未完全融雪。除左雞肉係正常，其他肉，完全唔知食緊乜…外面自助區選擇好少，都係丸、菜、午餐肉等等。啲蔬菜好霉，白蘿蔔有苦澀味，雲吞入面有碎骨，鯛魚彈到好似橡筋咁甜品方面得兩隻味既雪糕，係內地進口的雀巢雪糕，仲有啫喱食，但係啲啫喱好明顯溝左好多水，啲味勁淡。成餐最好味係南瓜同粟米😞但每人比二百尾既價錢食呢啲，真係好唔開心，一諗到辛苦賺返黎既錢，但食咁伏既一餐。衛生一般，牙籤筒同調味樽的表面都勁油，要用濕紙巾抹乾淨先令得上手。啲難食聲此起彼落。最值得讚嘅係店員嘅服務，態度唔錯，有時評論啲食物幾咁難食時，醒唔起佢地喺側邊經過，佢哋都維持專業的服務態度。本年度最難食既餐廳首位，火水爐屯門分店，當之無愧。…查看更多

第一次叫呢間新餐廳外賣，估唔到令人咁失望。一黎到成個pizza餅底大部分燶，本身諗住由佢，所以無一開始影到相。但真係愈食愈嬲愈唔開心，所以食到尾聲先記得影相同決定打呢篇食評。個餅底勁黑，苦到我忍唔住吐出黎，左挑右挑黑哂既部分，有部分深啡色，我先食落肚，但食落去都係勁大陣燶味啲薯條都好咸，個底勁多鹽，同埋偏乾身，似放左好耐時間。其他食物就普通水平，無乜特別。希望餐廳可以改善下食物既質素，至少唔好整燶哂啲野仲送比人食不過我已經唔敢再食……查看更多

首選佢既牛腰扒5成熟，好重牛味，而且肉質好軟熟，不過比較細份，唔夠喉！可惜第二次食，無貨返，所以叫左份牛腹扒，都好味既，不過肉質較硬。啲扒就算唔點醬都好好食，肉表面係落左鹽去煎，所以本身已有調味。第二次試埋黑毛豬鞍扒，勁大塊，不過肉質有少少乾同硬，啲汁係蜜糖芥末醬，幾開胃，但我覺得舊豬點牛肝菌汁，個肉味會更出。鵝肝燉蛋幾特別，所以叫左黎試下，食完感覺有啲浪費個鵝肝，鵝肝味唔算太出，似普通燉蛋～啲side dish都係有水準而且份量都多，松露薯條即炸，溏心蛋個樣好靚味道OK,椰菜仔一層層咁好有口感，不過有西芹味，唔中意食西芹既朋友要留意啦。牛肝菌汁意粉，無乜特別，個人覺得唔叫都可以。甜品方面，呢兩次食左黑白厚多士同埋有菠蘿既菠蘿包。黑白厚多士表面睇落無乜特別，但竟然係好食過菠蘿包好多，因為佢係即炸既西多配埋凍冰冰既雪糕，冰火二重奏咁。菠蘿包就上盤時好靚,食落係夾雪糕既包咁，都好食既，不過我唔中意食椰絲，所以個味道扣左少少分。呢間餐廳既main course 定價都高，兩個人食7-800蚊走唔甩，不過水準係唔錯，推薦大家黎食！大…查看更多

第一次食呢間野，見好多好評，又價錢平平地，諗住試一試！個餐湯普普通通，熱辣辣，味道尚可，無乜特別。然後叫左個手打牛肉漢堡配薯角，都好好味，牛肉超正，心諗無簡錯啦今次。跟住隔好耐先黎埋個芥末抹茶煙三文魚意大利飯，隔咁耐都諗緊係咪中伏…平時無人嗌，所以要整咁耐:(黎到就即刻試下啦！一試第一啖，已經講哂粗口，真係未試過咁難食既意大利飯一入口，啲抹茶搞到個飯好苦，但又完全試唔到芥末味喎。果兩塊煙三文魚應該係算好食了，成碟黎講….食呢碟野根本食唔哂，因為太難入口。成餐飯因為呢碟野搞到乜心情都無，真係無諗過可以叫一碟飯係難食到食唔落，浪費食物同錢不過除左呢樣，其他都味道ok,不過未至於好味，西餐黎講，性價比係高，希望快點剔除芥末抹茶意大利飯，唔想又有人中伏。…查看更多

呢間係我食過比較出乎預料既餐廳，因為就咁路過見到間餐廳裝潢比較舊，而且座位比較少，入去時，都覺得只係一間普通既茶餐廳。一入到，見到店員用消毒噴霧清潔枱面，衛生不錯👍服務態度好好，又介紹我地食咩餐，而且見我地係女仔就好貼心咁問「洗唔洗少麵，因為個份量都比較多」。我叫左沙姜雞翼和滷肉撈麵，碗野一到，不禁皺一皺眉：「乜沙姜和滷肉夾味咩？」但一食落口，真係好好食，無諗過會咁夾🤤而且好足料，啲滷肉唔係肉碎黎。其後我地都有叫外賣，叫左炸豬扒，啲豬扒熱辣辣又大塊，上面有啲椒鹽粉，好抵食！其實重點係杯野飲「黑糖燕麥」，軟綿綿又唔會太甜，好有口感，飲完已經好飽肚，但真係好滿足！一餐$45！又好食又飽到可以頂兩餐！我好少寫食評，但呢間野無論服務態度同埋食物質素都令我讚不絕口！…查看更多

Book枱時，店員已清楚講明限時九十分鐘，到當天入座時，我地就諗住盡快order哂所有食物，咁快啲上齊，慢慢食都夠時間準時交枱。所以我地就叫埋甜品「二世祖窩夫」，跟住個女店員話：「甜品可以遲啲叫，離座前三十分鐘就last order 架啦」所以我地咪聽佢講遲啲叫。跟住離座前四十分鐘，我地已落order,個男店員話ok,跟住轉個頭又返黎話「唔好意思，太多單做唔到比你地，因為做起左你地都要交枱了」我心諗，我一開始已經話要order,又逼人遲啲先落單，而家跟你指示又話做唔到比人？？？果日叫左軟殼蟹黑松露薄餅，明太子意粉，避風塘雞翼，特濃朱古力，其實味道係好食，尤其係個雞翼同朱古力。但係食物衛生有待改善，我食完即刻肚柯左兩次，柯返啲黑松露出黎，我懷疑係個pizza唔乾淨，而同行友人都柯左一次。黃店係要支持，但服務同衛生都要保持住應有既水準掛？？雖然味道係好食，但無人會想食完肚柯架..仲要話驚我地遲交枱，所以唔落我order,我一早已經話要落，又要人遲啲落..綜合以上，我建議大家食其他黃店，大把選擇。…查看更多

用左$29黎買杯酸奶加紫米，啲紫米係煮得唔夠熟，有啲直頭硬既，啲酸奶又好稀，有啲似益力多再加紫米露。xx酸奶牛啲紫米仲多過佢果杯！$29睇下你地覺得值唔值，令黎買麥當勞都無咁嬲。…查看更多