kwan_0517的个人专页

屋企人住天瑞邨，以往每次返去食飯都必買大甲芋圓。自從兩年前開始有幾個出名既影片分享平台紅人介紹之後，佢地既生意係好左，夜晚堂食好多時候都差唔多滿座。上個月係大甲芋圓幾個月前轉左餐牌之後，我第一次再幫襯，發現新餐牌既糖水種類多左好多，多左好多港式糖水。由於唔知食咩好，聽左店員介紹佢地楊枝金撈（$42）同仙草特盛（$38），味道係合格，只係價錢上無左之前$2x就食到個種抵食既感覺。但今次要寫食評係因為每當我睇餐牌，店員就好主動推介，推介親都係算貴既糖水。今次佢推介俾我既係芒之迷（$38）同豆花特盛（$38）。豆花特盛賣到$38，仲要無左有餡既包心芋圓同芋泥，我已經有d失望，不過味道係正常，合格的。但不可不提芒之迷，由於餐牌無寫係包括咩配料，落單時問左店員係咩黎，佢話係芒果汁、小丸子、芒果雪糕同新鮮芒果，我都幾鍾意食小丸子，所以就嗌左。我一打開個蓋，我真係呆左，賣到$38，個份量係裝得個碗既2/3都無，只係一半再多dd⋯⋯小丸子10粒左右，芒果6粒左右。我寧願佢裝個再細d既盒比我都無咁肉酸。因為本身芒之迷個外賣碗係矮身過豆花特盛添嫁啦。呢個價錢，我想講行去天瑞街市有芯記、有錦記，真係唔一定幫襯你大甲。老實講呢個價錢我可以去T town 食椰子媽或者天水圍一糖都係差唔多價錢。希望大甲你睇到評價，重新考慮過自己定位同定價，你要加價無問題，但水準同份量要成正比呢！…查看更多

前一日訂座Book咗第二日星期四晚上食極盛2人餐（買咗OpenRice 套餐價錢$690包加一，冇Book枱嘅話現場$798），d肉都唔錯，擺盤好靚，而且出面有d日式裝飾，整體都好啱女仔/情侶打卡。套餐包一大盤前菜蟹籽沙律、3定4款牛肉+1款五花豚肉（各4件左右）、生蠔2隻+1條切好嘅北海道魷魚，生菜+翠肉瓜（各4片/塊）、2杯特飲、2個甜品（自選雪糕一球）同2個紫菜白飯。總結黎講成餐除左要挑剔果個飯唔係用珍珠米，係普通冇咬口嘅淋身嘅白飯，紫菜唔算脆口同唔肉牛x既牛角飯有麻油香，而且飯入面嘅燒肉汁又唔多，重口味嘅我地略嫌淡味。不過我地兩個女仔食得好飽，本身唔食飯都OK，而且個飯量係好大。我覺得呢間燒肉係好有誠意，特飲會用新鮮菠蘿，甜品係雪糕但佢有加紅豆蓉係底，唔hea。牛肉既質素老實講同牛x差唔多，最好食係魷魚，燒到乾身好好食！當晚係平日晚上，但成場得2枱真係好可惜呀，因為買左OpenRice 劵之後唔洗再加一，埋單唔洗$700，真係CP值高，食完就話走得，我地都呆左，而且兩位服務員服務態度都好好。撐住呀，希望下次黎食會改下個飯做珍珠米啦，話哂都係日本料理嘛，同埋醬汁方面可以多d選擇（佢一開始提供每人兩格醬汁碟係日式燒肉汁同類似韓式辣醬，再加枱上一樽黑椒同椒味鹽），最後私心希望可以改一款牛肉做牛舌，哈哈！ …查看更多

朋友琴日生日一行四人嚟咗金壘餐廳食飯，星期五晚市八點都唔算多人，出面都幾多車位可以泊車。在場有食煙朋友，但七月咁熱咁梗係坐室內啦，不過佢哋出去食煙話戶外有冷風機吹住都唔熱喎！講返食物先，嗌左朋友話必叫嘅招牌德國咸豬手（炸），啖啖肉但略嫌咸左少少，所以唔落醬都好夠味！之後嗌左周打蜆湯同龍蝦湯兩款湯，周打蜆湯無得輸，入面勁多蜆好足料。因為想試多d嘢食嘅關係，我哋係叫全部係小食，除咗蒜香蜜糖雞翼同沙嗲雞mix豬串燒normal 正常發揮，法國鵝肝、肉醬焗薯皮同牛肝菌松露意大利雲吞我哋一致都話好食，下次嚟都會再encore！最後餐廳好好service ，Waiters 會主動斟水換碟，經理有問d嘢食O唔OK！…查看更多