thisgirlsdaily的个人专页

(開頭見到個名覺得好熟面口，老實講如果醒起係葵涌廣場嗰間真係未必會試......)其實呢間啲芋圓係偏貴嘅，所以對佢嘅質素未到應該都會有番咁上下要求或者期待。先講份量，都算十足，個外賣碗都裝滿哂嘅，其他配料都算唔錯，例如紅豆同咖啡味嘅啫喱。之不過，呢碗嘅主角係芋圓。四個口味(番薯、芋頭、紫薯、抹茶)自重，只有抹茶係食得出味道。其他三款基本上都係得粉團味都，恰埋眼食嘅話係唔會知邊粒打邊粒。呢個問題同佢地葵涌廣場嗰間係一模一樣。(所以話如果一早醒起係分點就唔會試...) 再加上呢間嘅芋圓係切得好大粒 (好似話係特色)，但又煮得唔夠腍/煙韌，所以食起來有啲啲辛苦。至於湯水個味道都唔錯嘅，但當個主角失哂色，其他配角做得幾好都冇用啦。假如係石門又好想食芋圓嘅話，其實係有另一間嘅，我會推介大家去嗰邊。…查看更多

呢度有石門區最抵食嘅魚蛋燒賣～ 而且味道質地都唔錯﹐口痕嘅時候值得一試。係香港﹐好耐冇見過有10蚊10粒呢個價位嘅魚蛋！不過啲糕點個人就覺得麻麻地﹐砵仔糕太林﹐同埋太甜﹐紅豆都唔夠林好似未煮透咁。…查看更多

真心推介呢間餐廳！超級養生嘅麵食。你面前嘅一碗麵同menu入面幅相係一模一樣嘅，材料絕不吝嗇，又好新鮮喎。如果鍾意食辣嘅朋友一定要試佢嘅麻辣醬呀~好似話係老闆自己整嘅，雖然少少已經好辣，但佢入面係有一浸出面食唔到嘅香味，唔係一味得個辣字，而係會食得出其他香料。唔係好食到辣都唔怕，叫麻辣口味時個辣醬係分開上嘅，可以因住個人口味而調教。加上餐廳入面嘅裝修好古色古香，同食物好似融爲一體咁，老闆又超級好人。呢間餐廳係must-try之一，包唔會失望。我個人已經幫襯左好多次，食得最多嘅係蟲草花豬肚雞絲撈麵(麻辣)。…查看更多

住左石門咁多年，你兩年終於有個新商場，食肆餐廳都多咗好多選擇。經常經過呢間餐廳見到好多人排隊，諗住應該唔會差得去邊，又咁啱屋企有嘢慶祝，就決定去呢度試新嘢食好啲，之不過今次嘅經驗令我哋好失望。餐牌入面嘅食物其實都算幾貴，我哋當然期望會有番咁上下質素。我哋叫咗湯、沙律同意粉。沙律算係過得去(其實將d菜撈埋一齊難食極有限)，但湯同意粉鹹到不得了，就算標榜唔落味精，咁鹹法都唔會健康得去邊啦。另外，我幫襯當日唔知係唔係借咗個場畀人開party定其實成日都係咁，好多五六歳嘅小朋友係餐廳入面跑來跑去，又玩氣球，又係咁尖叫，非常騷擾。食物已經唔好食，連環境都令人好失望。…查看更多