or#ta66908272的个人专页

被餐廳名字吸引入去食 很香港風的食神車仔麵位於銅鑼灣時代廣場旁邊 店內很港式的設計充滿八九十年代的香港風 摺檯摺凳紅色鐵皮 覺得打卡也很好看。車仔麵湯底香濃 選擇乾撈的味道也有沙茶 頭抽醬油 咖喱選擇，麵的面頭有炸蒜和香蔥。配料選擇多，我們叫了幾款每款都好吃。個人推介食材是古早咖喱魷魚、五香牛肚、瑞士雞翼、糖心蘿蔔！而且麵底有得選擇薯粉 烏冬 豬腸粉。試過很多車仔麵舖這是數一二好吃的店後鋪 會再來光顧，是香港人食過都十分推介！…查看更多

見新開餃子店入去嘗試吓 入去嘅時候舖頭得一個客 入面有五六個員工，但係唔知點解由我行入舖頭去到拉椅坐低好似完全冇人發現我入左鋪 冇人諗住理我咁樣呢種感覺已經有啲奇怪，咁過左陣我就打開菜單嚟睇 價錢唔屬於平 我叫咗佢地最出名嗰個墨魚餃 加西洋菜餃雙拼 10隻餃$58餃子來到係冇湯嘅，就咁10隻平放喺碟上面 賣相唔吸引 最大敗筆係個餃子皮非常厚 ！咬落去一大舊粉，餃子個頂部煮完成舊粉真係死症就算話係最出名嗰款墨魚餃都係唔好食 ，入面嘅墨魚肉唔彈牙 個餃子皮話係用墨汁加落去 但係又厚又冇味 食完唔會想食第二次！建議想食既人可以唔使試旺角附近有其他好食好多嘅餃子店 ，這一間真係唔需要再幫襯！諗唔明點解咁差都可以係開第二間分店 咩人先鍾意食。。。張相有啲核突，不過可以睇到個皮係有幾咁厚 食完個餡啲皮喺返晒度…查看更多

極度推介第五街冰室既晚市煲仔小菜，過往我食過豆豉雞煲，魚香茄子煲，三杯雞煲，涼瓜斑腩煲 全部都好香 煲仔滾熱辣出曬煙送去枱面。冬天食夠曬正。打開個煲又好有鑊氣，味道夠重口味送飯一流！煲入面全部嘅食材餐廳都會先走油 好足料有好多嚿雞同埋魚。 以前食過身五街既水煮魚念念不忘，味道香麻 魚肉又夠香口，但最近再去食 由於店鋪簡化左晚市餐牌，所以冇再出現此菜式。但問左鋪頭 店員姐姐好好幫我地照出 價錢照舊＄118，成為隱藏Menu！ 個人覺得除咗煲仔小菜之外 水煮魚都係我好推介而加晚市好似減左價平過舊時食 好多款小菜包飯包湯先＄60-$80，仲抵食過以前，真係要食多啲煲仔菜…查看更多

遠處已經聞到好香炒野味道，餐牌有唔少選擇，價錢又唔貴。點完餐師傅會現場即燒，隔住塊玻璃都見到火光熊熊。麵底方面，雖然食過烏冬同拉麵，但都係覺得最好食是炒意粉，意粉爽口彈牙，唔會幾條黏在一起，是條條分明的。配料牛肉豬肉雞肉三款都食過，因為除意粉以外，師傅仲會加大量雜菜一齊炒，每款肉類配起嚟其實都好夾。醬汁方面個人推介一休醬油，比起較大路的黑椒汁同照燒汁，一休醬油會特別啲，而且好鮮味！最後師傅仲會喺麵上面放大量木魚，很有日式食物的味道。價錢三十幾蚊有禁好水準，真係底過食茶記！小食個人推介是燒魷魚鬚同一口熊本和牛粒。燒魷魚鬚每條都好大條，食起來有咬口但唔韌，配上店舖特製既汁同燶燶地既鐵板燒味道，真係食得出是即炒出來的。和牛粒份量充足，師傅用牛油黑椒粒等配料去燒，用埋支火槍燒至表面甘香，一啲都唔馬虎。和牛粒有肉汁又唔會燒到乾同硬，水準超班！性價比相當高！另外值得一讚是他們嘅小食外賣盒非常好和設計特別，有一個小手柄很方便…查看更多

太子地鐵站附近新開omakase店舖，入去試一下結果有驚喜，是意想不到的好吃。唔太懂得點樣形容魚生，但係吃落口魚生入口即溶，和壽司飯的珍珠米配搭得很好，今次我係選擇自選12款壽司，價錢又唔貴只係230左右，但每款都可以吃出有不同的鮮味！真的不知道如何形容得更好 但建議大家親自去試一下！另外還叫了香蔥吞拿魚茸井飯，同樣吞拿魚茸入口就馬上化在口中，有魚油齒頰留香。雖然一開始看似份量不太大，但食落絕對足夠 一個男人都可以夠飽。值得支持…查看更多

男朋友一向係沙嗲牛肉麵既粉絲，知道旺角開咗煲仔榮記仲滿心期待 諗住試吓佢好出名嘅煲仔牛肉麵。一去到門口好驚訝竟然冇人排隊，點知惡夢就開始。已經唔係希望越大失望越大咁簡單，而係食完會覺得好唔抵抌晒心口。我哋叫咗招牌嘅煲仔沙嗲牛肉麵，咖喱三寶同埋流心奶黃蛋撻。碗麵未到嘅時候已經覺得好出奇 點解滾住個煲仔都可以成間舖頭冇味。個煲到咗 首先個湯唔滾 完全冇啲人講到個湯係滾到有氣泡，只係普通一個湯麵賣相唔吸引，並冇任何芽菜豆卜，只係得牛肉亂放喺個面。招牌係沙嗲牛肉，但牛肉質素好差，好鞋口，好似街市買完牛肉然後滾熟咗咁完全冇味。湯底亦都冇傳聞講到好香濃好杰，只係覺得非常普通 一碗有沙嗲味嘅湯。反而旺角其他冰室嘅沙嗲牛肉面，質素更加比佢好，但係人哋價錢比佢平成倍。另外叫咗個咖喱三寶要30蚊，更加令人失望。就好似打邊爐食到最尾，係鍋底撈起嘅豬皮魷魚同牛柏葉，熟到一啲都唔爽口，又係淋嗰個所謂好好味既沙嗲醬，但係亦都非常啖口， 同食物味道夾不到。總括嚟講，間野名大於實，俾人呃咗尼食一次都真係唔會有第二次，大家未試嘅都可以唔洗試 無謂嘥錢食啲大家樂質素嘅沙嗲牛肉麵，絕對唔建議大家食！…查看更多

鋪頭位置的確是比較偏僻，夜晚去食既時間周圍附近既鋪都關左，所以條街係比較黑。不過地方偏僻也無損食物質素！今次已是第二次食，兩次都有叫招牌有骨海南雞飯，另外今次再試埋口水雞飯。先講冬瓜湯，個湯跟飯送，送到上尼仲好熱辣辣，味道好清甜。油飯有油香而不膩，食完見到隻碗唔係油淋淋，份量岩岩好可以配到碟海南雞。至於海南雞的肉質很嫩很滑，我選擇有骨因為相信會更加香有雞骨味。結果真的吃到雞既原始味道，就算不點任何醬汁也不會覺啖口。醬汁方面它配有三款，其實三款醬料都好味而且好特別，自己個人比較喜歡姜蓉同埋酸辣醬，也不知道係咪酸辣醬但係總之酸酸甜甜好開胃。今次試嘅口水雞飯都係有驚喜的，原來它的雞都係用嫩滑海南雞，但係淋上左香辣嘅醬汁係面，醬汁味道唔似坊間只係一般麻辣，而係帶有甜味的辣，送飯一流。題外話，兩次去大馬館都只有我一台客人，其實佢地嘅海南雞質素絕對不錯，性價比高，希望大家都可以行遠少少去嘗試下呢啲小店！…查看更多

呢間餐廳嘅最大特色係有好多唔同國家口味嘅雞翼，每款都係新鮮即炸 熱辣辣個皮好脆，咬落又好有肉汁。！ 對比起而排好出名嘅雞X山, WINGS都一樣好有質素 仲要差唔多價錢但係有得坐喺度聽住音樂涼住冷氣食。除咗雞翼為主 佢都仲有好多小食同嘢飲 坐住bar枱成件事好chill 可以搵埋一班朋友一齊食雞翼飲住酒吹水。餐廳既每款雞翼都唔貴 全部一樣價錢$45有四隻，所以多啲人嘅話仲可以一次過叫晒咁多款試曬尼食！雞翼方面個人推介美國 巴西同埋越南另外我都食咗煙肉卡邦尼意粉 估唔到佢嘅意粉都幾出色，55蚊但係性價比好高。個人覺得呢間餐廳其實幾好食，不過計埋今次 幾次去食都係冇咩太多客人 希望呢間餐廳快啲多人認識多啲人欣賞啦！…查看更多

通常喇沙都係好貴既野食，最近見花園街新開左間喇沙專門店睇餐牌竟然$50已經一大碗有晒唔同配料係入面。入店後先知道原來跟餐竟然仲要送汽水。老闆同我哋推介食喇沙滲滲，滲滲意思原來係米粉加油面，於是我地叫了一碗嚟試。雖然價錢只係$50 但係喇沙湯底好濃好夠味道之餘，材料份量真係好足，蝦亦都好大隻。新開張期間仲可以半價加配小食，我地點左炸墨魚卷 墨魚卷口感彈牙有墨魚味，而且有好多條，以半價價錢來講絕對係超值！ 最後老闆很殷勤，會自己落手落腳招待客人又會介紹食物，係結帳嘅時候亦都問返食客意見，令人有賓至如歸 真係小店嘅人情味…查看更多

睇鋪頭名小草都唔係好知食咩但見到石鍋米線個名好新鮮就去了一試。原來石鍋米線好似打邊爐禁用湯底滾下滾下，本身有米線 芽菜韮菜，再可以自己簡9樣配料。我簡左鯇魚片 花膠 墨魚 雞片 肥牛等等，無諗過竟然80幾蚊可以簡成9樣餸禁多！選擇好後店員就會拎石鍋同九宮格的餐盤配料到枱，食客可以選擇自行倒入石鍋煮或者搵店員幫手。由於第一次食未清楚點先可以用石鍋煮熟所有材料，所以我簡左店員幫手。原來石鍋是有足夠熱力令所有食材滾熟，倒湯落鍋既時候就好似打邊爐禁樣出煙卜卜聲滾起。另外我地仲叫左荷葉蒸飯，蒸飯比想像中好食好多，個飯好香油香味，但質地又唔會油林林，原個木盒上枱賣相好吸引。見鋪頭仲有好多串燒，價錢好平但款式好多，我下次有機會一定要試下！成間鋪頭既米線 串燒 小食 荷葉蒸飯價錢都唔貴，值得去食！…查看更多

鋪頭新開張時 我見鋪面靚就試了日式牛肉飯和鹽燒豚肉飯，價錢係唔貴但係味道好普通，仲要明明寫住鹽燒唔知點解返到去竟然發現係汁煮，仲要啲豚肉切到大大嚿，有肥膏但係肉質又好硬。當時食過一次已經對佢好失望。到第二次有朋友嚟屋企佢話想試下，我已經冇咩好期待，仲要㩒部自動售賣機嘅時候發現佢竟然趁着禁止堂食加咗價（當時佢先開左一個月已經咁貪心知多人外賣就即刻改價錢！！）結果不出所料，連朋友食完佢個咖喱牛肉飯都話唔好食，仲要佢啲所謂定食係格硬要人加錢跟沙律同湯，但個沙律細到得一執雜菜絲，睇到都唔開胃 唔知以為人地食淨左既。。。 成餐飯食到好頹 ，味道亦都唔好食 真係真係點都唔會再幫襯！…查看更多

之前每次都係幫襯佢既平價下午茶，今次第一次食晚餐。見有得堂食，就叫左鐵板黑椒牛肉飯，老實講聞起來是比起pepper lunch少咁啲香味，但食落其實味道又冇咩分別，價錢以40幾蚊來講算係好平。另外叫左牛肉雜炊飯，加＄2轉咗烏冬(係急凍有咬口個啲烏冬），湯底就揀咗店舖推介嘅麻辣湯。雜炊入面有肥牛椰菜冬菇木耳絲豆卜獅子狗雞蛋蟹柳 好多料... 驚喜的是個麻辣湯真的非常好味，麻辣配烏冬又係第一次食。最後循例會加$8要炸雞，因為當初食覺得太驚艷 熱辣辣好脆又有肉汁，於是以後就每次都會叫來吃。結帳埋單兩個人食咗＄118 飲飽食醉！…查看更多

整間餐廳裝飾好靚 充滿熱帶感覺有好多花花草草 但又唔屬於貴格餐廳。食過幾次都係下午茶 最近見佢轉左新menu。今日叫左冬陰功媽媽麵 蟹肉香蒜炒意粉 同埋小食冬蔭單骨雞翼。飲品就一向都係飲開佢嘅泰式奶茶（推介）！先講冬陰公媽媽麵，雖然去過泰國旅行嘅都知媽媽麵成本係好低，但係佢就整得一啲都唔Hea，麵煮得爽口 仲配有大蜆,燒豬頸肉,扎肉同蛋黃 非常開胃，即使有自己煮媽媽麵 都值得一試！ 另外今次試左蟹肉香蒜炒意粉，香蒜炒意粉同我想像中嘅味道唔一樣，略嫌比較淡口，若喜歡冇禁油膩既菜式都可以食下。但比較上次叫的冬蔭功芝士意粉，更喜歡冬陰功意粉！它的感覺好像是卡邦尼意粉加了冬陰功味道，好有創意而且味道好。場內環境加埋食物質素 真係值得去食。順帶一提，佢地既員工非常有禮貌 每個都好殷勤好客，我係覺得好欣賞的！…查看更多