ee0971的个人专页

假日食早晚飯，由於餐廳未到晚市，所以只開左一半坐位，等左15分鐘左右，5點半入坐。祖傳肉燥飯（😋😋😋3.5/5）正正常常既肉燥飯，冇咩特別，飯同肉既比例都岩岩好。叫左胚芽奶茶對比下個飯既大細，其實就細細碗，當下午茶食就岩岩好，當然要叫埋其他小食/餸就會更好啦。擔仔米粉（😋😋😋😋4/5）用左新竹米粉，蝦下面白色既係蒜泥，再下面係肉燥同埋芫荽蔥。溫馨提示 唔食芫荽蔥既朋友記得提前走左去。事關味道都幾影響成個湯，而我就食芫荽蔥，所以覺得好味，湯底清清地配上肉燥味。黑椒杏鮑牛柳粒（😋😋😋😋4/5）牛柳粒好嫩，同杏鮑菇一齊炒細細粒好come 食，亦好送飯。鑊氣就真係同大排檔個啲唔同，但佢正常發揮。蚵仔酥（😋😋😋3.5/5）同樣冇咩特別，正常發揮既蚵仔酥。冇蠔既臭味，粒粒都新鮮香趣，放耐左都冇淋烤紹興香腸（😋😋😋3.5/5）真正既台灣腸，甜甜地配上旁邊既生蒜，建議如果重要日子就唔好食生蒜啦。雖然夾住食會有兩種層次。總結：正常發揮😂 不過不失😋 唔好太期待啦。價錢有啲貴，但尖沙咀食飯都係咁上下。兩個人呢到大約每人$150…查看更多

假日下午2點左右到，等左4枱客大約15分鐘。冇得攞飛，要即時排隊，等緊期間有職員出黎俾餐牌我地睇，睇定野食岩岩好有得入座。原味竹簾烏冬（冷）🍜烏冬粗大，有彈口，每條都好長，口感十足。冷麵汁 另外配有芝麻、蔥粒、wasabi、薑末)Wasabi我只放左一半，其他配料都落哂入冷麵汁，烏冬再占上冷麵汁食十分清涼☺️夏日熱辣辣食就岩岩好啦🤤鰹魚湯咖喱烏冬（熱）同樣口感烏冬配上好好飲既咖喱湯，冇錯 係可以一大啖咁飲既咖喱湯，係好日式甜甜地既咖喱。 啲烏冬係有掛湯，味道會令你好想去多次日本既味道。骨付雞勁好食一定要食嫩滑多汁，醃料超入味。甜甜地又有香料味又有燒雞既味。 呢個唔洗多形容，食就岩！天婦羅炸雞🤤用左雞髀肉切件炸， 火喉岩岩好，嫩滑多汁。由於佢冇醬點黎食，但唧左啲檸檬汁，食落口鮮味就冇，但又唔會話冇味，因為嫩滑多汁個下已經滿哂分。最後提一提，呢到係自助式，自己斟水（冷/熱）、攞筷子🥢、仲有啲天婦羅碎俾大家拎）…查看更多

今日係銅鑼灣行到攰攰地，早左啲5:30pm左右就去左餐廳飯食早飯順便休息下對腳。時間咁早店內都只有一兩枱客，雖然枱同枱之間空位唔多，但人少少係坐得舒服啲。食物配搭好多，基本上你想食既食材都可以左配右搭，梗有一款你鍾意。三文魚配三文魚子 $88 （包埋前菜中華沙律同麵豉湯）三文魚厚薄適中，入口鮮甜，加上5大片三文魚，絕對唔會話食到到喉唔到肺三文魚子鹹淡適中，唔好睇相好似好少，其實份量又係岩岩好，可以配搭到成個丼飯食哂。和牛配蟹肉$108（包前菜螺肉同麵豉湯）餐一到個下有少少失望，因為蟹肉得好少🥲同埋啲蟹肉同餐牌上既唔同（餐牌係蟹肉）但黎到係爛左蟹腳，呢個位置有少少唔開心。事關我好鍾意食蟹，失望都正常既，因為呢個丼飯重點係和牛。原本諗住都係普通牛肉，但我想講好好食😍！牛肉係5成熟左右，冇血水，鮮嫩多汁 油脂豐富🤩，可能加左汁煮過食落甜甜地，仲要我分左3件俾朋友食都仲有好多件。可能因為牛肉煮過，啲肉汁滲入啲飯到，令到啲飯又甜又好味😋😋不過有啲美中不足既係個麵豉湯唔熱，係個餐一到我就飲個下都唔熱，朋友個碗湯亦都一樣。煎餃$38個人覺得餃子一般，餃子餡同大小都好正常， 但係我同朋友都覺得餃子係一早煎定然後有人落單再叮熱個種。你見到餃子睇落係煎過，應該係少少🤏趣，但其實餃子係淋哂。除左餃子之外所有野都好，有機會會再食。…查看更多

星期六晚上6點幾去到冇乜人，即刻有位坐。店員主動攞杯熱水幫我地浸住筷子匙羹，餐牌簡單易明。1️⃣揀餸 （我叫左頂級安格斯牛肉）2️⃣揀麵底 （我叫左金邊粉）3️⃣揀湯底（食得辣既朋友就要試試冬陰公啦）頂級安格斯牛肉冬陰公金邊粉 $88 🥢餸 - 一黎到成碗麵都紅卜卜咁🔥辣味十足，不過吸引我既係配料，有蝦、青口、蟹柳、秋葵、菇，同埋主角牛肉🐃。全部材料都新鮮好味。🥢湯底 - 一般正常野，冬陰公味比較稀，但食落辣辣地🥵。🥢麵底 - 我叫金邊粉，朋友叫黃麵，我地兩個碗麵都係碎屑屑，直頭要用匙羹先食到，係呢個位扣分最多😥。泰式小食拼盤🥢人人都話好食既炸芝士雲吞 - 我覺得一般般啦，唔係話超好食，但唔係必叫個類，不過都幾特別既，我都係第一次食。🥢炸蝦餅 👍🏼👍🏼- 真係好食😋 佢呢個冬甩形狀既炸蝦餅，食落啖啖肉，食到實實在在既蝦肉，好滿足呀🤤😍🤩諗起都流哂口水，我會為左個蝦餅再黎多次。🥢雞翼👍🏼 - 呢到既雞翼包滿肉多，完全唔係發育未完成個啲，有淡淡既牛油香味，熱辣辣咁咬一啖，😋出色既雞翼，唔會炸到過哂火。枱側邊放有香料：有魚露、辣椒粉、辣汁。整體上都有70分啦，對蝦餅印象真係好深🤩，其他食物都中規中矩。仲叫左兩杯飲品都唔記得影，咁啱青檸梳打又ok啱我口味，唔會話太酸。…查看更多

星期六晚上7點幾到，咁岩一去到有位，入坐都keep住9成滿。大家都知食齋食串燒當晚餐好貴，所以我同朋友兩個人叫左一碗烏冬再+其他串燒食。極上牛肉蕃茄沙烏冬蕃茄湯底 - 濃郁，仲有蕃茄係個湯到。牛肉 - 嫩滑，牛味都重。名副其實蕃茄烏冬，想像中既蕃茄湯牛肉烏冬同實際食落既係一樣（好重要！）左上 ↖️- 鹽燒豬肋肉 （推薦1）嫩、有黑椒味、食完會想再食多串。中上 - 鹽燒海鮮菇豬腩卷 （推薦2）菇好多汁、好鮮味。右上 ↗️- 茄子串（不推薦）其實我係叫錯左，我係想食一條原整既蒜燒茄子，但呢個唔係好食，只係食得唔過癮 唔夠喉、好多木魚係上面 食木魚多過茄子。下面 - 七味燒雞翼串 （正正常常）大家都會知想像得弓既七味粉味既雞翼。鹽燒雞皮蘆筍 - （推薦3）雞皮超趣、蘆筍都新鮮辛辣雞皮串 - 由於我係超鍾意食雞皮，呢串真係必叫（推推推薦）蒜香燒元貝 - 又係叫錯左既野食芝士明太子玉子燒 - 可以一試，玉子係比較實淨，唔係好霖好滑個款玉子燒三重芝士大菌燒 - 菇好大舊，上面既芝士食落似芝士加罐頭忌廉因為選擇太多，同一樣食物都有好多唔同款式，所以係咁叫錯野食，店員會落錯單、入錯單，建議大家落單前睇哂有咩食先，落左單再睇下有冇入錯單😉。當日既店員服務態度都好既，叫多幾次都唔會嬲爆爆咁。…查看更多

係2月既時候食過一次鮨勘，上次食中午時間冇乜人，仲食左好多款凍食都好好食，所以今次晚餐再食多次，今次主攻熱食。我叫左人氣牛牛湯烏冬。 牛肉都有4/5片，肉質都正正常常。食落同烏冬比例都幾好，唔會話食到一半剩番啲烏冬。 雖然個湯睇落好似好清，但係都有鰹魚湯味。 仲有啲波菜同蔥係面，成件事健康哂😊朋友叫左人氣燒牛丼。牛肉鋪滿係飯上面，牛肉同飯既比例岩岩好。千其唔睇少啲蔥，雖然我唔係好鍾意食啲蔥，但啲蔥係不可少的角色。先舀一啖飯，再加一塊牛肉同埋少少蔥，嘩，其實係好滿足。 但整體上成個飯都係淡味，但加左旁邊既豉油又多左陣酒香味。再叫左一杯宇治抺茶，對抺茶一般既我，佢冇乜苦澀未，又唔係好甜，入口凍冰冰。夏天流。 因為大口乾 所以一黎飲左先記得影相😅食物，環境，服整體上都好好👍🏼不過我覺得呢到食壽司或者然生飯會好食啲，下次會再食😎…查看更多

穴 既餐廳係朗豪坊同尖沙咀食得多，今次因為有coupon 所以黎到銅鑼灣食呢間。 原本以為呢到都一樣有唔同既丼飯或set，但原來呢到係以居酒屋形式咁運作，大多都係串燒或者精緻壽司，同埋唔少得既日本酒。相個如果想飲酒或者傾下計既人黎呢到就岩哂。 而我只為填包個肚而黎，所以我叫左特上壽司御膳。件件壽司都好高質，用料好新鮮。飯少刺身大，入口刺身比例佔7成。另外仲叫左我最鍾意食既蟹，蟹皇粥。🦀唔好以為得個蟹蓋，寶物沉歸底，其實佢有一隻蟹仔係面🦀，唔大隻既水蟹。但粥就散發出濃濃既蟹味，入口更加強烈。粥入仲有蟹膏同少量既菇類。 以為平平無奇既蟹粥，點知原來比想像中更好食。每樣都好食，始終呢到係講氣氛同埋重質唔重量。雖然食物比較貴，但食到高質食物。😋…查看更多

見到好評好多，今日黎食中午。等位唔多人，但店內就坐滿哂。疫情關係，雖然2人枱有塊板遮住，但都係同隔離貼住坐。但值得一讚，店舖會用消毒酒精抺乾淨張枱，有陣消毒咪聞到，感覺上都乾淨啲。一坐底就有炸蝦片，唔同顏色唔同味，仲係好趣口。十三么 - 主打雞肉。一半粉絲一半米粉；湯底滿滿胡椒味(我平時食得辣就唔覺呢款胡椒味辣)；個人黎講腸粉同個麵唔太夾；有好多既雞肉絲；仲有雞叉燒，雞叉燒配枱上甜豉油醬會好食啲十三飛 - 主打牛肉。一半粉絲一半米粉；湯底有濃濃既牛肉味，同平時食既車仔麵湯底唔一樣；牛肩胛同牛肋條都好淋；同樣都有腸粉；不過呢碗多左西芹。左邊加$8古早味牛奶紅茶，飲落飲奶茶，但好好味😋；右邊跟餐凍飲都唔洗加錢凍烏龍茶，正常一般烏龍茶。食個咁熱既都有杯凍飲真係好緊要，仲要係唔洗加錢就飲到。枱上有好辣既辣椒醬，我平時食譚仔三小辣，呢個加少少就好夠，事關佢係成粒辣椒子，味道倍增🌶🌶🌶仲有點雞叉燒食既甜豉油醬。個人比較推薦十三飛，因啲啲肉真係好好食😋…查看更多