Railychy的个人专页

同男朋友係the one睇戲之前想搵間餐廳食飯經過見到呢間泰式野食就入黎試下😋呢間餐廳嘅環境都幾舒服 位置都闊落 同埋都幾有氣氛 好適合拍拖同埋各種嘅gathering我地嗌咗一個招牌串燒拼$188、原隻菠蘿焗飯$118同埋香芒糯米飯$68我哋係食咗串燒同埋焗飯先，香芒糯米飯要後上，發現都要需要好長嘅時間先可以上到，由於我哋嗰陣時趕時間所以轉咗外賣都等咗差唔多25分鐘，所以建議大家如果想嗌呢一個香芒糯米飯，上最後一道餸嘅時候就可以嗌定！…查看更多

黎到airside見呢間拉麵店都多人食 因為入面好多位 所以唔洗排隊就可以入座人數：2💸有加一服務費▪️橫浜終極MAX拉麵$118佢地呢個拉麵有得揀粗麵同幼麵 面頭嘅菜係冇味嘅 需要撈埋啲湯一齊食係最好 啲湯嘅味道都夠濃同時唔會鹹 肉嘅口感就冇乜特別肥瘦相間不過有一個唔好嘅位就係佢溏心蛋嘅蛋白係唔入味嘅▪️章魚小丸子$28呢一個章魚小丸子就同我期望嘅有出入 外面係好脆嘅 但係入邊就好似漿嘅狀態就唔洗咁鍾意 不過就有一粒章魚可以食到😗…查看更多

🍴用餐人數：4朋友對印度菜有興趣同透過YouTuber嘅影片推薦所以所以過黎食😚🍽️前菜：▪️印度脆餅（免費贈送）呢個印度脆餅配芥末醬係我地一入座就免費送嘅口感都好鬆脆 同埋味道係有啲辣辣地 醬就幾清新 不過因為食唔慣所以就覺得麻麻🤔🥘主菜：📌強烈推薦！！▪️芝士烤餅$28呢個芝士烤餅見食評有好多人都推介 所以都嗌嚟食吓 呢個烤餅口感係外脆內軟 同埋啲芝士係拉絲架！！😋 不過有一個唔好嘅地方係佢嘅芝士分布唔均勻 所以唔係每一塊都食到咁足料嘅芝士😶‍🌫️就算係咁佢都依然係好好味！所以我地係encore咗一份架😝▪️香濃腰果汁燴魚$87呢度餸嘅醬汁係有啲甜甜地嘅 佢嘅魚都幾特別口感食落去好似瑤柱 然後魚肉乜味好淡▪️瑪莎拉烤雞$78呢度餸就冇乜好突出嘅地方啦 鹹鹹地因為揀咗因為揀咗最輕微嘅辣所以係食唔到有辣味 但係佢嘅雞嘅量都俾得幾多👍🏻▪️薄荷雞肉咖哩炒飯$70📌推薦！呢個炒飯都幾唔錯 食落幾乾身（覺得呢一點係好好）然後佢嘅薄荷啦同埋香料呢令到佢哋係好match 唔會比薄荷搶走咗啲味 所以都幾鍾意食😋🍹飲品:▪️檸檬特飲$27飲落個味道就係檸檬汁➕梳打水（都幾酸架） 我就好鍾意酸嘅 所以食完啲主菜再飲呢個嘢飲係會覺得好清新 😚▪️印度瑪莎拉奶茶$18呢個奶茶會偏甜 但係聞落都幾香▪️芒果乳酪$35呢個芒果乳酪都幾傑 但係佢地嘅味道都幾match▪️印度啤酒$30飲落唔會好易入口 雖然酒精濃度高 但係飲落都重酒味（ps 我唔係好識飲酒 偏好果酒😝)🏬<新德里餐廳>📍尖沙咀彌敦道36-44號重慶大廈C座3樓3號舖…查看更多

🏬<小肥肥>📍新蒲崗景福街63號地舖用餐人數：1有去過新蒲崗嘅人都知道呢度有好多嘢食時不時就有一啲新開嘅店 小肥肥就係其中一間 鍾意試新嘢嘅我都唔執輸入黎試下😚🔔溫馨提示 因為新鮮出爐 大家要小心熱🥵▪️爆汁生煎包（2隻）$20📌強烈推薦！呢個生煎包非常有水準 會見到佢個底煎金黃 食落好香脆～ 同埋唔知係咪因為煎過嘅關係 食落去有種麵粉獨有甜甜地嘅味道 加上入邊真係好多湯汁同埋啖啖肉食落好過癮😆 ▪️招牌小籠包$40我覺得呢一個小籠包最特別嘅地方係佢嘅配料係有薑絲 因為我第一次食小籠包係會配薑絲 咁我就上網去搵原來呢個食法都好普遍 點薑絲醋 薑絲可以突出小籠包嘅鮮味而醋就可以解膩 呢個小籠包都好多汁😋…查看更多

📍旺角通菜街2A-2P號鴻光大廈地下D號舖用餐人數：2黎到旺角呢頭真系好多野食可以選擇 個陣同男朋友咁啱係附近 睇完open rice就決定食呢間▪️照燒雞扒石燒手打烏冬$82覺得佢嘅雞扒都幾大份 份量足夠同埋佢嘅手打烏冬都好出色 食落唔單止彈牙而且都夠腍唔會好難咬👍🏻▪️蒲燒鰻魚雞扒石鍋飯$86覺得需要表揚一下呢個石鍋飯 因為佢係鰻魚雞扒雙拼可以一次過滿足晒我兩個願望🤪同埋都鍾意佢俾咗好足夠嘅蔬菜 所以感覺上食落去都幾健康㗎😚…查看更多

📍旺角亞皆老街8號朗豪坊9樓22-23號用餐人數：2個日經過見到呢間未食過就好想食下 食落覺得係中規中矩嘅味道▪️蕃茄煙肉香腸蘑菇意粉$72覺得呢個意粉需要去讚揚一下😗因為覺得佢嘅醬都幾多同埋佢嘅腸仔都多 唔係淨係喺面頭度show一啲出嚟 意粉軟硬程度都適中▪️超級薄餅（半個）$64呢個超級薄餅 包含咗：黑椒牛肉、辣肉腸、菠蘿同埋煙肉覺得佢幾好 有得揀半份 就可以試吓好唔好味 然後又唔使食到太滯個人覺得呢個薄餅都OK嘅，不過覺得嗰個嘅辣肉腸就比較硬身啲 同埋嗰個薄餅外邊嘅部分都比較乾▪️蜜糖雞翼$64📌推薦今餐最鍾意食嘅就係呢個蜜糖雞翼 因為覺得佢嘅火候呢都幾好 所以見到係好上色上到枱個陣都好熱辣辣新鮮出爐😋👍🏻大大隻嘅雞翼都整得好入味 咬開肉質鮮嫩又多汁都幾surprise👍🏻…查看更多

📍西貢市場街47號地舖同男朋友透過open rice見多好評就過黎食呢間我地係平時lunch過黎 所以唔係好多人 cafe係好舒適 分咗兩層 個人覺得上一層更加有feel😂不過個陣就以為冇得上去 就係地下嗰層食環境都好舒服㗎▪️照燒雞扒拌飯團$98呢個照燒雞扒簡直係大滿足呀！食落都好飽肚佢嘅醬汁都好適中 同埋個人都好鍾意食呢個飯團加咗飯素唔會好單調😋▪️巨大鰻魚玉子丼$128呢個鰻魚食落都幾嫩滑 個人覺得玉子都幾特別，唔係好似出邊食開嗰啲好實淨嘅玉子😛…查看更多

🏬<The Pearl>📍尖沙咀加連威老道20-22號瑞生尖沙咀酒店4樓（近尖沙咀/尖東站B2出口）▪️香煎北海道帶子配枝豆蓉及金山寺味噌$128帶子口感掌握得非常好 食落好嫩口 入口即溶😋▪️日式豆腐糕寶雲蘇羊架$218呢道菜建議即上即食 雖然主角係羊架 但係佢嘅薯仔都好出色 經過特殊處理薯仔變到一片片食落好有層次感🤤▪️香煎牛封門柳$178呢個牛封門柳肉質係幾嫩 點埋隔離嘅醬汁會感覺幾清新 都建議試下唔點汁 味道都非常出色 食完齒頰留香陣陣牛香味 真系好滿足😋同埋佢嘅薯蓉都好好味▪️和風醬油大蝦煙肉扁意粉$168甜甜地嘅扁意粉加上煙肉獨特嘅鹹味係一個唔錯嘅配搭😚而且大蝦都好鮮甜😋▪️吉士忌廉拿破崙蛋糕$78呢個拿破崙蛋糕可以要求寫字覺得呢個蛋糕最美中不足嘅地方係 水果唔算好甜 但係就令到蛋糕食落冇咁漏😋💸有加一服務費…查看更多

📍銅鑼灣耀華街4號（近銅鑼灣地鐵站A出口）事緣當日諗唔到食咩好同男朋友經過呢間店比佢吸引到（我地都幾鍾意辣😋）▪️四川擔擔麵$55呢個麵口味都幾適中 花生碎令到佢食落口感更加豐富同埋都幾香😋▪️四川燃燒麵$59‼️唔食得辣/淨係食到輕微辣嘅人慎食‼️當時見到呢一個麵嘅名覺得好奇 所以嗌咗點知⁉️第一啖擺落口嘅時候覺得自己嘅口腔辣到好似跳緊舞咁 嘴唇都麻痹到冇咩感覺大概5-10分鐘先慢慢正常番😂PS佢辣嘅程度好似韓國辣雞麵咁🥵▪️藤椒麵$85平時食得多口水雞 所以好好奇咩係藤椒雞本身預計佢偏辣 食落又OK 肉質都嫩滑…查看更多

薩莉亞係一間耐唔耐經過就會想食嘅餐廳🍴中學時期已經好鍾意同同學一齊食 成班人一齊食可以嗌好多餸大家一齊share除返開個價錢都唔會好心痛😚所以薩莉亞都算係一個好經典嘅回憶繁忙時間排隊有陣時都差唔多要25-30分鐘不過環境係幾舒服同friend子兩個人食-原味雞翼（8隻）$38-蒜汁燒魷魚$30-BBQ醬烤豬肋骨$58覺得喺薩莉亞雞翼係必嗌之選，同埋每人最少要食返四隻先至可以夠喉😋可惜冇咗辣味🥹不得不重點講吓呢一個醬烤豬肋骨 覺得$58一份真係好足料同埋啲肉都唔會好韌 不過個人覺得醬有啲多🙈…查看更多

經朋友介紹一齊黎食呢間泰式野食係一間好有特色嘅店 店入面嘅設計係好有年代感嘅街邊設計👍🏻❗️我地個陣係6點零鐘黎食 7點半左右時間走出面已經排曬長龍⭐️會收加一服務費⭐️因為我地得2人一齊share野食所以淨係叫咗兩道餸同埋兩杯嘢飲最後發現我地係食唔曬 所以以下嘅餸係3人份量有泰式檸檬茶$26同埋泰國龍眼水$26份量好大杯😗同平時啲手搖嘢飲差唔多嘢食嗰度呢我哋就嗌咗呢一個曼谷火山排骨$148一擺上枱都熱辣辣出曬煙㗎佢地都好貼心地會提供一次性膠手套比我地👍🏻同埋最後都嗌咗一份豬肉碎生菜包$78呢個組合食落都幾清新 令到呢一餐唔會淨係食肉咁dry…查看更多