ShoeLai的个人专页

今日一行五人book左喺荔枝角Monster Kitchen吃飯～ 餐廳位置少少格攝，我哋都打咗去餐廳問咗正確位置Monster Kitchen呢間餐廳一直都有朋友介紹，但從來沒有試過。今日第一次嘗試。餐廳夜晚都幾full booking，建議要嚟食飯最好都係先同餐廳預約。餐廳主打西式嘅Fusion菜，喺店員介紹之下，我哋叫咗五個餸。由於人比較多，所以我哋點左兩個前菜：第一個係蘋果拔蘭地雞肝醬 •及牛油麵包片 配黃梅青檸醬，香脆嘅麵包片配上雞肝醬，味道十分香濃加上淡淡酒味，黃梅青檸感覺1青新，而且雞肝醬份量真係太多，所以我哋再多點咗一個多士嚟點醬食：第二個就係偏向比較法式風味嘅奶油香蒜蝦球•麵包碗，呢個嘅做法有啲似我哋去泰式餐廳食嘅咖喱麵包蟹，佢用咗香蒜奶油碗蝦，食得出隻蝦非常新鮮爽脆，配上外殼脆皮麵包，大家到好鐘意。另外兩個主食，包括：澳洲m3和牛肉眼扒，法式忌廉胡椒醬配脆炸薯條，和牛肉眼扒煮得啱啱好，食落口仲有肉汁。薯條係粗薯條，識落香口配上忌廉胡椒醬，感覺新鮮，非常推介！而另一個主食係和風明太子蟹肉牛油果意大利粉，本人喜歡吃牛油果，但整體來呢個意粉係正常發揮，比起其他餸菜唔算太大驚喜，但係好食既。相反係店員極力推銷下叫咗一個是日精選炸池魚仔配辣芒果醬，呢一個小食充滿驚喜！估唔到原來池魚係可以咁樣炸嚟食，而且每一條池魚仔都係細細條，配上清甜嘅芒果醬，我一個人都食咗好多，而呢個份量亦都係夠五個人食！好抵！食品全部叫咗特飲白桃烏龍，開心果奶蓋。開心果奶蓋係我第一次喺香港飲到，很濃開心果味，配上清甜嘅白桃，喺夏天飲，真係透心涼！雖然入口比較難搵，但食物嘅性價比完勝！另外員工服務態度都好Nice，餐廳整體氣氛良好，希望可以好快再嚟試佢哋午餐…查看更多

D餃唔覺有咩咁好多，煎餃一咬落去成口油。D位又逼！食得好趕咁。都算！但最嘔心係肉飲下杯豆漿見到個杯發霉。。。。好嘔心！之後唔知係咪心理作用，好肚痛！！！無下次！！！…查看更多

係尖沙咀行完街，都要搵下好野食。兩個人食野唔食得多，所以都係食下串燒，一邊食一邊講。入到去油煙味唔勁，抽風做得好。燒午餐肉，配埋沙爹醬一齊燒係另一種嘗試。 燒芝士響鈴  響鈴燒一燒再加芝士做到拉芝效果，燒出黎好香口燒茄子，蒜蓉葱花鋪面，加少油，不過好味！ 😄串燒燒四季豆真係唔錯😍第二轉試埋燒麵根同燒韭菜。另一個賣點係串燒放上石板上保溫，唔使怕凍。好貼心舉動。 燒菠蘿就非常鮮甜，值得一試😋😋…查看更多

咁啱經過PAN de PAIN ，見今晚人少少就去試下同日本食既味道係咪一樣都咁好食係日本食過好多好味soufle pancake,坐低已經好期待~一送到就聞到好香濃蛋味,就咁睇已經感受到佢既鬆軟,搖下搖 下~味道甜度適中 ， 唔會 太甜。配搭上牛油同糖漿岩岩好，今次試左出咗berry cheesecake味都頗有驚喜就咁睇以為淨係加咗雜莓醬，其實面層既cream係cream cheese嚟，連埋pancake一齊食變左充滿梳乎厘口感嘅芝士蛋糕，夠哂特別。碟上既雜莓都好fresh，又加埋，成件事夾雖然有點貴，但都係值得。…查看更多

呢排見香港愈黎愈多川菜，趁依家開始轉涼，就係紅磡搵左間辣嘢食。十二味串燒第一次試不過唔夠入味，熱食更好味先選好鍋底，然後再選自己喜愛的配菜，多款配搭任君選擇。樣樣也很想吃，究竟要選邊款好呢。我地揀左經典香辣鍋招牌菜，可以揀左鍋底後，再自選至少五款喜愛的配菜食材，再加埋萵筍、蓮藕、寬粉、雞翼同肥牛。呢幾款食材撈埋一齊都好夾，揀左少辣，淨係睇個樣都知道夠曬入味，好香濃又食到食材原味。食得過癮街坊價錢，唔貴，值得推薦…查看更多

最近好鍾意食芋圓，夜晚食完飯經過深水埗就即刻又走去食.星期六晚特別多人，等左十五分鐘左右終於有位整體裝修唔錯，不過鋪頭空間有啲細，所以位都有少少迫甜品種類唔算多，今次兩個人分別試左椰奶紅豆沙配芋圓，同薑汁配芋圓熱辣辣紅豆沙加上椰奶，芋圓同小丸小超煙靭，好有口感另外薑汁夠哂薑味，而且就唔會太甜，食落好舒服，小丸子同芋圓嘅份量岩岩好兩碗都好足料，廿幾蚊一碗可以話係好抵食！不過最後都因為太飽所以食唔晒…查看更多

 細個果時就已經會去雲貴川，相信鍾意食米線既朋友應該唔會對荃灣呢一間唯一雲貴川風味陌生 。夜晚7點去到門外依舊排滿長長人龍 ，  前面位呀姨已經幫排隊客人落單，  等左陣就已經有位食米線最 最吸引一定係濃郁既湯底，而佢就除左辣之外，要記得一定再加酸菜，酸酸地幾開胃 ，另外叫岩配料好重要。個人推介呢間嘅腩肉,夠哂入味同唔會太肥、雞翼尖同雲吞(雪菜+肉碎)。價錢平，味道好 ， 不過因為坐位比較逼 ，食完要即刻走  …查看更多

間餐廳開咗咁耐，終於去第一次去試 。見係自己燒嘅好似幾吸引，覺得好好玩，每次煮都要每一個step都望一望個餐牌個。第一份分別係廣島燒$98店員會準備好晒食材，雖然有一張食譜教你點煮，不過最後都只係倒晒啲材料落去炒，再加啲調味料落去，希望味道都唔會太差🤣呢款廣島燒入面材料包括有大量椰菜絲，煙肉、炒麵、加上粉漿，整起來有成功感。怕咸嘅朋友就唔好加太多醬 ，因為醬就幾咸之後再黎左個御好燒和炒麵。少了新鮮感加上呢個有D難道，又怕中間唔熟，而且醬汁味道差不多跟餐還有每人一杯飲品、一份泡菜燒魷魚、燒牛舌和雪糕，食得勁飽，套餐份量太大，岩哂大食既人。下次會試下散叫，食唔同既野。…查看更多

近排想食下台灣野，平日放假就黎到西環呢間好有名氣既阿元來了，午餐時間去都已經要時候大排長龍，等左半小時左右  店內的裝修簡單,不過充滿台灣風味 ！滷肉飯$29很快就有得食，賣相吸引，充滿油脂加半肥瘦肉滷肉再配上白飯 ，充滿油香！唔怪得咁多人專程過來朋友叫左雞肉飯。整體味道偏重，所以要加上白飯，充滿台灣風味。 蚵仔煎餡料豐富，甜辣醬的配搭不錯叫左黑糖珍珠鮮奶黑糖味非常濃郁，珍珠係用黑糖整嘅，好香甜…查看更多