Him~~的个人专页

成日都去葵青劇院睇風車草劇團演出，之前都會去葵廣醫下肚先而食親米線，都食小雨天今日咁啱響出面見到間細妹唔知咩，係食餃子，見到個餃字就想食menu都幾多選擇，食d野同小雨天好似差唔多我叫左個咖哩牛腩，台灣麵底（$36）女朋友叫左個大腸，台灣麵底（$36）另外加左個椰菜豬肉餃（$30/8隻）咖哩牛腩麵咖哩湯：無咩咖哩味，但本身味道唔錯牛腩：好多！抵呀！十幾粒，夠晒稔，味道唔錯，不過有d牛腩似加工過既普通肉台灣麵：麵質有咬口，但都易食，唔錯大腸台灣麵女朋友話湯都夠辣，似小雨天大腸我都有食，我自己本身好怕d好羶ge大腸，但細妹姐清潔左大腸入面d野，所以我覺得幾好，有大腸味但又不至於太腥羶 （可能大家都覺得入面果d先係精華）椰菜豬肉餃外表幾飽滿食落幾多餡，椰菜爽，豬肉有汁，味道一d都唔咸成個感覺似屋企自己包，所以呢個我比好高分！另外加左＄6要個凍OT少甜，質素不過不失，同其他食店果d無咩分別總括黎講，呢間細妹姐係抵食既，份量足，用料同味道超出預期地好。但佢個位係角落，有先天不足，所以好少客，有都比小雨天拉走晒（我同女朋友都有諗過呢間細妹姐其實係咪小雨天開既）點都好，細妹姐加油，風車草加油！…查看更多

行過呢邊幾次都係第一次響度搵野食呢頭食店唔多，舖頭不外乎車房、菜檔、肉檔、雜貨舖、地產等茶記就少d，反正天就黎黑，見到呢間都無諗咁多就入去了舖頭細細，人唔多睇一睇牆上d餐，都唔平，羊腩飯要＄58不過依家食野邊度唔貴最後叫左個常餐$26沙爹牛意、牛油方包、火腿炒蛋，加多杯茶走食物味道不過不失，反正我餓住個肚咩都會覺得好食火腿炒蛋睇落熟果頭，似我自己屋企炒，不過原來入面蛋汁仲會漏出黎沙爹牛意d牛味道同出面差唔多，但個樣有d唔同，睇落無咁濕笠笠，可惜份量少左d奶茶還好唔算濃，仲有d稀，其實我都唔鐘意咁濃老細做埋廚，可以睇到佢純熟既炒蛋手勢另有一個阿姨清潔緊有個著住NOW外套既食客去完toilet走左次後，個阿姨係咁鬧佢唔沖廁果位哥哥，下次唔好喇，我食緊野嫁，唔想聽到關於你唔沖廁既野。。。環境方面，當時人唔多，都坐得幾自在，睇住電視仔時間好快過老細幾nice，成個感覺好街坊不過呢d茶記，唔知下次黎仲見唔見到呢…查看更多

一向去澳門都幫趁中旅社，每次都會有一個免費叮噹堡豬扒包送，而每次我地都會特登去換包。免費固然吸引，但豬扒包好味更吸引！包係即焗夠脆，豬扒似普遍快餐果d，但夠入味又夠稔，無咩骨，同個包十分夾。成個包俾我既感覺就係實而不華。見佢都係做街坊生意多，遊客通都係換免費包多，所以次次我都會俾錢再買多個，或者幫襯佢地其他食物當支持下。有時豬扒包要好食唔需要咁複雜又話炭燒又呢樣果樣，事實上某老店整出黎既一d都唔好食，搞太多野，令個包又硬又韌，仲要又出名又開到成行成市，遊客力量真係強！…查看更多

其實exactly幾時食我唔記得左, 大約係今年5-6月之間岩岩考完試, 而一位外國返黎ge visiting同學又差唔多走, 諗住去一轉澳門玩下啦咁例牌都係去大利來記搵食ga喇一去到搵位, 問阿姐, 又例牌比佢串幾句啦, 廢鬼事理佢自己搵位, 1-2分鐘就搵到每人叫左豬扒包, 飲品都無叫, 成十九幾蚊叫凍冷飲我先唔會咁傻(同枱有個後生仔自己一個人食, 一個包+一杯凍奶茶已經成40蚊落樓, 真係難為佢)呢度呢就無咩衛生可言ga喇, 去過ge朋友都知咩事, 樓下都有講過咁2010年果時都同女朋友去食過一次, 感覺mama地, 不過第一次食澳門大利來記ge豬扒包呢個感覺加左佢唔少分今次再食, 感覺得好唔同, 唔再係第一次ge感覺, 而係有最後一次嚮大利來記食豬扒包ge感覺個包黎到, 無咩香味, 放到去個鼻隔離先有d炭燒味, 無錯係幾香ge不過一咬落去, 嘩, 咩黎ga?? 咁硬ge!?個包凍凍地不故止, 仲要死咬難咬先分得開, 之後仲要死趙難趙先吞到至於塊豬扒.....算吧啦, 同個包鬥乾總結就係呢d點睇都唔係叫咬口, 係叫咬極都放唔到入口其實一個豬扒包, 我唔要求你整到識飛, 但最起碼唔會食到人地牙較痛先.我同d同學都食到無晒聲氣, 最後我本著唔浪費食物ge態度好辛苦咁ko左佢難食唔係罪, 但難食得黎仲要出名、仲要收人咁貴就罪無可恕雖然我相信大利來記呢個金漆招牌嚮短期來ge吸引力唔會有明顯下降, 但係作為一間對食客負責任ge食店, 希望佢地可以改善對客人ge態度同食物ge質素, 客人係一個都唔可以得失, 食物質素更加無再差落去ge餘地.最後最後, 我岩岩嚮一個剛去完澳門ge朋友fb度見到一句說話：原來真係求其食一間都好食過大利好多對於未食過其他舖頭ge豬扒包ge我黎講, 呢句說話已經有70%係真.…查看更多

3點幾下午茶時間，去開石硤尾有d野要做，做完之後諗住走又肚餓wo，諗住搵d野食下la，但病病地唔想食茶餐廳，見到有間粥舖，唔係好貴，即管入去試下la。見到個menu，花多眼亂，突然見到個魚片粥，諗起細個呀媽煲果d，就揀呢個la!另外再叫多個齋腸粉，因為病緊清清地算喇。個齋腸黎先，見佢個樣幾靚仔，好似幾好食咁，就相都無影快快手手食晒-.-都唔係無影ge，碗粥張相入面見到隻吉碟。齋腸粉我唔識點形容佢，總知就好食，特別係d芝麻，唔知點解，一入口果下，我即刻打左個問號：點解d芝麻咁香ge-.-?。可惜份量就少左d。個魚片粥無幾耐之後就黎到喇。第一啖，真係同呀媽以前煲果d有幾分相似，師傅仲要落左薑絲，我食之前心入面諗ge野佢都有，可能係我太耐無接觸過粥舖。d魚片，都幾多幾大塊，少少腥，但幾過癮，同埋佢有少少幼骨，吞得落果隻。總之....就好食。近年黎出街會食粥ge機會都唔多，而且多數都係食海王果d大大間。雖然細個去開d細舖食，甚至以前食冷巷果d生滾粥，但有時想搵番，發覺已經無晒影，有時見到d入去試下，又唔係咁好食，咁岩今日行開好少去ge石硤尾就遇到間，希望佢長做長有，等我可以去試埋其他野la。…查看更多