foodiefairyhk的个人专页

太子花園街同埋小精靈好有緣份，小精靈成日都經過呢間咖喱店，但係每次都有嘢做，所以從來未試過。今日平日夜晚終於約到好朋友一齊嚟試吓呢一間澳門過嚟嘅咖喱店。我哋將牛三寶嘅飯底變咗做菜底，兩個女仔食一碗飯就夠了。然後嗌咗一個淨柱侯牛腩，豬皮拼盤，仲有兩杯超級大嘅1公升檸檬茶。首先講呢度嘅招牌菜柱侯牛腩，炆得好腍好入味，而且無論根同埋肉為都好好食，調味10分好。點咗一下個咖喱汁，果然係辣到飛起，本身以為冇可能飲得晒嘅1公升呢檸檬茶都全部飲晒。然後發覺原來筷子筒上面早有提示，話咗咖喱係超級辣，只係我哋一開始冇睇到。雖然真係好辣，但係其實係好好味，鍾意食辣嘅朋友，記住試吓。然後試埋豬皮魚蛋牛心定菜底，全部都好正。我哋仲試埋腩汁同埋瑞士汁，個人最鍾意瑞士汁，甜甜地好好味，又估唔到會咁夾。白飯都份量十足，如果自己一個嚟甚至可以嗌少飯添。聽講呢度嘅下午茶特別抵，店員都有熱烈咁樣介紹同埋叫我哋下次去試吓。如果下午茶都可以食到牛腩嘅話又真係好正。喜歡呢度嘅店員同埋氣氛，個個都好友善會再過嚟。精靈味道評分 🧚‍♀️🧚‍♀️🧚‍♀️🧚‍♀️🧚‍♀️精靈環境評分 ⭐️⭐️⭐️⭐️⭐️精靈抵食指數 🧚‍♀️🧚‍♀️🧚‍♀️🧚‍♀️🧚‍♀️精靈服務評分 ⭐️⭐️⭐️⭐️⭐️精靈總體評分 🧚‍♀️🧚‍♀️🧚‍♀️🧚‍♀️🧚‍♀️…查看更多

橋香園雲南過橋小鍋米線 (上環)香港上環永樂街79號地舖超好食，超好食，超好食! 小精靈又去到上環搵食，呢一間喺上環地鐵站嘅米線舖成日都經過，下午好多人，所以特登揀咗夜晚過嚟食。第一次入嚟，嗌咗四拼小鍋米線，叫咗魚皮餃，韭菜餃，生菜同埋老闆特別介紹嘅牛腱。嗌咗一個小麻辣嘅湯底，超級正，配埋酸菜同埋肉碎完全同其他大連鎖嘅米線距離拉遠好多，覺得真係好好食。老細同埋員工所有都好好人，無論生客熟客都好傾得埋，佢介紹韭菜餃嘅時候同隔籬嗰位姨姨講，”一睇你就知平時喺超級市場買急凍餃子，你試吓我哋自家製嘅餃子啦，一定係非同凡響。”都係偷聽到呢個對話我先至叫咗韭菜餃子，果然係覺得好正。魚皮餃都係普通質素，但係煮得唔錯唔會爛晒，生菜浸啲湯好好味。米線煮得啱啱好。超讚!!! 精靈味道評分 🧚‍♀️🧚‍♀️🧚‍♀️🧚‍♀️🧚‍♀️精靈環境評分 ⭐️⭐️⭐️⭐️⭐️精靈抵食指數 🧚‍♀️🧚‍♀️🧚‍♀️🧚‍♀️🧚‍♀️精靈服務評分 ⭐️⭐️⭐️⭐️⭐️精靈總體評分 🧚‍♀️🧚‍♀️🧚‍♀️🧚‍♀️🧚‍♀️…查看更多

原本book呢一間鐵板燒嘅時候預咗價位係$1500一個人，但係去到嘅時候小精靈同埋朋友發現竟然係有五周年套餐，只係需要大約$400一個人。一開始覺得會唔飽同埋會唔好食，但係喜出望外！首先蟶子配搭柚子汁，好清新蟶子好爽口！茶碗蒸係黑松露味，小精靈好鍾意，但係朋友原來好怕黑松露味道🥸 肉類嚟講喺呢個餐唔係太多，但係係好味嘅，我哋食咗一個黑豚肉肩同埋一個牛肉薄燒，兩個都好香口好好味。炒飯我哋加咗錢升級咗海膽炒飯同埋和牛炒飯，味道唔錯。甜品都升級咗做焦糖多士，係好脆同埋幾好食，不過會好甜膩，兩個人食一個就差唔多啦。服務不過不失，覺得呢個價位嘅餐廳應該服務更加體貼，我哋嘅男侍應一開始連我哋有冇忌口都冇問，叫我哋主動同佢講要走蔥同埋走芽菜。覺得呢一啲服務可以更加體貼。精靈味道評分 🧚‍♀️🧚‍♀️🧚‍♀️🧚‍♀️🧚‍♀️精靈環境評分 ⭐️⭐️⭐️⭐️⭐️精靈抵食指數 🧚‍♀️🧚‍♀️🧚‍♀️🧚‍♀️🧚‍♀️ (若果食五周年套餐就真係好抵食)精靈服務評分 ⭐️⭐️⭐️⭐️精靈總體評分 🧚‍♀️🧚‍♀️🧚‍♀️🧚‍♀️ and a half…查看更多

小精靈一向對麻糬波波情有獨鍾，但係唔係好鍾意食原味嘅麻糬波波。最鍾意就係食朱古力味嘅麻糬波波，但係今日嚟到店員話啱啱賣員晒要等15分鐘。實在等唔到了，所以店員推介開心果麻糬波波。唔係好甜，開心果味極濃，麻糬唔係脆嘅係腍嘅，但係同埋開心果內涵好夾。本身一定要買兩粒，但係店員好好俾我先買一粒試食叫我下次鍾意嘅時候再去買。其實成日都會經過呢個舖位，每一個店員都係超級Nice，同埋佢哋啲嘢飲都好好飲，建議大家飲吓! 精靈味道評分 🧚‍♀️🧚‍♀️🧚‍♀️🧚‍♀️🧚‍♀️精靈環境評分 ⭐️⭐️⭐️⭐️⭐️精靈抵食指數 🧚‍♀️🧚‍♀️🧚‍♀️🧚‍♀️🧚‍♀️精靈服務評分 ⭐️⭐️⭐️⭐️⭐️精靈總體評分 🧚‍♀️🧚‍♀️🧚‍♀️🧚‍♀️🧚‍♀️…查看更多

小精靈覺得呢個工作日嘅午餐絕對有令人驚艷嘅程度。熟成牛扒超級好食，勁多汁，叫咗medium煮得啱啱好。意粉揀咗松露汁，朋友揀咗辣汁，兩個都超好食，意粉軟硬適中。有個甜品雖然冇影到相，係香香嘅檸檬味配搭上布丁，好好食。夜晚嘅話可能會有少少貴，但係環境同埋服務絕對配得上價錢。我哋係平日下午來到，每人差不多$200埋單超級抵。極度建議訂位因為好full，真係令人驚艷唔係講笑，大家快啲去試吓精靈味道評分 🧚‍♀️🧚‍♀️🧚‍♀️🧚‍♀️🧚‍♀️精靈環境評分 ⭐️⭐️⭐️⭐️⭐️精靈抵食指數 🧚‍♀️🧚‍♀️🧚‍♀️🧚‍♀️🧚‍♀️精靈服務評分 ⭐️⭐️⭐️⭐️⭐️精靈總體評分 🧚‍♀️🧚‍♀️🧚‍♀️🧚‍♀️🧚‍♀️…查看更多

彩虹呢間大排檔絕對係人氣之選，平日夜晚都爆曬人記住早啲嚟攞位。同朋友嚟佢選擇咗蠔餅，簡直就係不得了。勁多蠔仔，勁脆，超級超級好味。然後叫咗個金銀蛋菜，但係店主介紹而家夏天啱食勝瓜，超級好味，勝瓜又淋又入味，然後好多金銀蛋。跟住仲叫咗個沙嗲蝦煲，全部蝦都好大隻好多膏。呢度真係好好風味，我哋係夏天夜晚嚟，雖然有啲熱，但係飲埋啤酒就啱啱好。精靈味道評分 🧚‍♀️🧚‍♀️🧚‍♀️🧚‍♀️🧚‍♀️精靈環境評分 ⭐️⭐️⭐️⭐️⭐️精靈抵食指數 🧚‍♀️🧚‍♀️🧚‍♀️🧚‍♀️🧚‍♀️精靈服務評分 ⭐️⭐️⭐️⭐️⭐️精靈總體評分 🧚‍♀️🧚‍♀️🧚‍♀️🧚‍♀️🧚‍♀️…查看更多

第一次嚟到旺角砵蘭街嘅呢一間餐廳，首先入到嚟覺得氣氛好好，仲見到店舖裏面有樂器，星期五星期六都有歌聽！一落嚟店員即刻介紹招牌嘅西班牙入口檸檬啤酒，好好飲，唔係甜味而係新鮮嘅檸檬味，配埋啤酒好清新夏天最啱飲。然後試咗招牌嘅海鮮飯，好好味，好多海鮮好足料，而且飯嘅質感啱啱好。仲有試咗豬仔骨拼薯條，條條薯條都好脆，豬仔骨份量十足，而且煮得好腍好好食。跟住試埋甜品嘅churros, 超級脆，同埋朱古力醬都好好味。仲有記憶點嘅都係檸檬啤酒，真係從來冇試過呢隻味，老闆話如果唔係呢一度飲嘅話就要自己飛去西班牙飲啦。精靈味道評分 🧚‍♀️🧚‍♀️🧚‍♀️🧚‍♀️🧚‍♀️精靈環境評分 ⭐️⭐️⭐️⭐️⭐️精靈抵食指數 🧚‍♀️🧚‍♀️🧚‍♀️🧚‍♀️🧚‍♀️精靈服務評分 ⭐️⭐️⭐️⭐️⭐️精靈總體評分 🧚‍♀️🧚‍♀️🧚‍♀️🧚‍♀️🧚‍♀️…查看更多

有田牛 (沙田) 沙田沙田正街18-19號新城市廣場一期1樓128號舖竟然自己一個出街都可以食到壽喜燒!! 行過沙田，見到呢間最近開嘅有田牛，竟然有一個人自私食嘅壽喜燒套餐可以食，即刻衝入去！壽喜燒嘅牛肉油花十足，好香口，壽喜燒汁都好正咁！職員10分有禮貌，仲幫我將第一片牛肉煮好，示範俾我睇。首先用油脂開鑊，然後將牛肉煎香，如果好似小精靈一樣唔需要太熟嘅就唔使煎咁耐。然後再倒入壽喜燒汁，好快就可以食啦！食完晒啲牛肉之後仲可以將高湯擺入去鍋裏裏面將洋蔥同埋其他蔬菜一齊煮，真係好好味。順帶一提，小精靈覺得連白飯都係好好味，覺得應該係日本入口嘅米!! 精靈味道評分 🧚‍♀️🧚‍♀️🧚‍♀️🧚‍♀️🧚‍♀️精靈環境評分 ⭐️⭐️⭐️⭐️⭐️精靈抵食指數 🧚‍♀️🧚‍♀️🧚‍♀️🧚‍♀️🧚‍♀️精靈服務評分 ⭐️⭐️⭐️⭐️⭐️精靈總體評分 🧚‍♀️🧚‍♀️🧚‍♀️🧚‍♀️🧚‍♀️…查看更多

#尖沙咀美食推介 #香港搵食 @justerestaurant 去到尖沙咀成日都會頭痕，要搵啲乜嘢好嘢食，有啲地方太難搵位又坐得唔舒服，有啲地方又太貴。今日小精靈同埋喺外國返嚟嘅朋友想試吓山林道嘅呢一間JUST‘er Bar & Restaurant ，好有驚喜，二人套餐份量十足差唔多食唔晒。有龍蝦，有pork ribs ，有超脆嘅燒雞同埋有好好食嘅哈迪斯味道薯條。環境好正，地方細細，靜靜地好適合大家Catch up! 店員服務周到，加水同埋要拎紙巾嗰啲全部都係好快就留意到我哋嘅需要，值得加分。我哋仲加咗啤酒，係蜜桃味嘅啤酒，好特別好好飲，下次會嚟試埋其他嘅啤酒。上嚟食飯嘅記住要訂位啊，我去嗰日平日都爆曬!精靈味道評分 🧚‍♀️🧚‍♀️🧚‍♀️🧚‍♀️🧚‍♀️精靈環境評分 ⭐️⭐️⭐️⭐️⭐️精靈抵食指數 🧚‍♀️🧚‍♀️🧚‍♀️🧚‍♀️🧚‍♀️精靈服務評分 ⭐️⭐️⭐️⭐️⭐️精靈總體評分 🧚‍♀️🧚‍♀️🧚‍♀️🧚‍♀️🧚‍♀️…查看更多

終於食到最近喺網上好紅嘅平價手工意粉。呢一間店舖係正宗意大利人開，午市套餐唔使$100就可以食到意粉甜品同埋咖啡，環境係喺food court裏面，唔係高級餐廳嘅環境，但係食物質素絕對有高級餐廳嘅質素，覺得喺佐敦中心區域搵到一個咁抵食嘅地方實在好難得。意粉類型可以自己揀，可以配上嘅汁醬亦都很多選擇，甜品超出色，細細碟一個人食啱啱好。大家可以嚟試吓。精靈味道評分 🧚‍♀️🧚‍♀️🧚‍♀️🧚‍♀️🧚‍♀️精靈環境評分 ⭐️⭐️⭐️⭐️⭐️精靈抵食指數 🧚‍♀️🧚‍♀️🧚‍♀️🧚‍♀️🧚‍♀️精靈服務評分 ⭐️⭐️⭐️⭐️⭐️精靈總體評分 🧚‍♀️🧚‍♀️🧚‍♀️🧚‍♀️🧚‍♀️…查看更多

想過嚟好耐，終於嚟到了。一直好想瘋狂咁食海膽，吞拿魚腩，鵝肝，今日終於實現到。全部嘢都好好食，超級高質，性價比極高，座位都幾舒適。店員都好幫得手。但係唔知點解明明係電腦落單，但係瘋狂漏單，因為坐咗成20分鐘一碟嘢都未嚟過，就問店員到底係咪冇落到單，店員話冇落到單我哋重新再落過，然後過咗40分鐘之後啲嘢食不斷咁樣嚟，連本身話漏單嘢食都嚟埋。希望下次再嚟嘅時候落單嘅問題會改善。精靈味道評分 🧚‍♀️🧚‍♀️🧚‍♀️🧚‍♀️🧚‍♀️精靈環境評分 ⭐️⭐️⭐️⭐️⭐️精靈抵食指數 🧚‍♀️🧚‍♀️🧚‍♀️🧚‍♀️🧚‍♀️精靈服務評分 ⭐️⭐️⭐️⭐️精靈總體評分 🧚‍♀️🧚‍♀️🧚‍♀️🧚‍♀️ and half…查看更多

上環食嘢好似真係好貴，而且午餐時間嘅時候實在排唔到隊。今日好慶幸朋友搵到呢一間樓上Cafe，環境好，可以訂位，價錢非常合理，仲要全部嘢食都好好食。首先一上個湯，超可愛，係兔仔造型嘅圖案💕💕個湯係粟米湯，好足料，食到粒粒粟米。然後兩個主菜，燒雞好脆好好食，意粉有少少辣，真係好香口而且意粉嘅軟硬適中! 午餐連埋飲品，我哋叫咗一杯凍美式咖啡同埋一杯椰子水，兩杯都好正! 店員超級Nice環境超級好一定會再來! 精靈味道評分 🧚‍♀️🧚‍♀️🧚‍♀️🧚‍♀️🧚‍♀️精靈環境評分 ⭐️⭐️⭐️⭐️⭐️精靈抵食指數 🧚‍♀️🧚‍♀️🧚‍♀️🧚‍♀️🧚‍♀️精靈服務評分 ⭐️⭐️⭐️⭐️⭐️精靈總體評分 🧚‍♀️🧚‍♀️🧚‍♀️🧚‍♀️🧚‍♀️…查看更多

小精靈覺得何蘭正簡直係無懈可擊! 由舊舖開始我已經開始支持，最鍾意飲嘅就係湯圓cocktail 🍸 今日有時間坐低食咗二人餐，我哋一共三個人，原來可以升級將饅頭同埋甜品嘅湯圓變成三粒，份量剛剛好。我哋仲加咗其他飲品❤️ 全部嘢食都係超水準，同行嘅朋友第一次嚟，話呢度嘅嘢食差唔多係全港最強，仲話叉燒好食過外面幾百蚊得四舊嘅餐廳。小精靈最欣賞嘅就係腸粉，喺個鍋裏面熱辣辣，然後食起嚟嘅時候卜卜脆又香口! 今日有朋友生日，店員好好送上蠟燭。嚟嘅時候係星期六，仲有live Band超有氣氛🎤🎤好想瘋狂再去何蘭正!! 精靈味道評分 🧚‍♀️🧚‍♀️🧚‍♀️🧚‍♀️🧚‍♀️精靈環境評分 ⭐️⭐️⭐️⭐️⭐️精靈抵食指數 🧚‍♀️🧚‍♀️🧚‍♀️🧚‍♀️🧚‍♀️精靈服務評分 ⭐️⭐️⭐️⭐️⭐️精靈總體評分 🧚‍♀️🧚‍♀️🧚‍♀️🧚‍♀️🧚‍♀️ (SUPER)…查看更多

因為某一天小精靈喺網絡上面見到有人介紹SOMM嘅朱古力疏乎厘，係世一嘅朱古力疏乎厘，睇完篇食評之後不斷心心念念，所以就來了! lunch set超好食，首先係麵包sourdough都超鬆軟，連配上嘅法國牛油都超出色， encore咗兩塊包🤣 然後Starter嘅smoked trout 同 duck confit我哋都好鍾意! 主菜叫咗三黃雞同埋toothfish 大愛。呢度嘅三黃雞係主打，但係我哋覺得toothfish都好有驚喜。然後小精靈最期待嘅甜品就來了，朱古力疏乎厘真係好濃郁，配上嘅朱古力雪糕都好好食。但係出乎意料嘅竟然我係覺得千層酥更加出色，真係好脆。仲有咖啡，超級好味，超級好味，超級好味! 環境超級好，服務超級好，食得超開心! 果然不枉我心心念念咗SOMM 一個月 ❤️精靈味道評分 🧚‍♀️🧚‍♀️🧚‍♀️🧚‍♀️🧚‍♀️精靈環境評分 ⭐️⭐️⭐️⭐️⭐️ (super) 精靈抵食指數 🧚‍♀️🧚‍♀️🧚‍♀️🧚‍♀️🧚‍♀️精靈服務評分 ⭐️⭐️⭐️⭐️⭐️ (super)精靈總體評分 🧚‍♀️🧚‍♀️🧚‍♀️🧚‍♀️🧚‍♀️…查看更多

真姐港台美食 (觀塘) 觀塘開源道60號駱駝漆大廈第三座地下1A號舖小精靈除咗咖啡之外，好鍾意食燒賣。今日咁啱要嚟到觀塘駱駝漆大廈，終於可以試吓呢一間好多人都介紹嘅真姐港台美食燒賣。辣油好正，但係燒賣喺我晏晝12點食嘅時候有少少蒸熟有啲粉，但係可以想像如果係其他時間嚟應該都幾好味，因為魚味十足。總括嚟講，下一次再經過嘅話都會買精靈味道評分 🧚‍♀️🧚‍♀️🧚‍♀️🧚‍♀️精靈環境評分 ⭐️⭐️⭐️⭐️⭐️精靈抵食指數 🧚‍♀️🧚‍♀️🧚‍♀️🧚‍♀️🧚‍♀️精靈服務評分 ⭐️⭐️⭐️⭐️精靈總體評分 🧚‍♀️🧚‍♀️🧚‍♀️🧚‍♀️…查看更多