Kenzoe的个人专页

今次同朋友食飯搵到呢間cafe，環境幾好適合朋友傾計聚會。酥皮龍蝦湯酥皮好香 配埋龍蝦湯鮮味十足威靈頓牛排酥皮脆卜卜，牛排生熟程度剛好，份量夠曬大。香煎比目魚＆蒜茸焗虎蝦 比目魚好滑好多汁，調味唔會太重手，虎蝦超大隻❤️❤️芝士焗龍蝦配野菌意大利飯龍蝦上面鋪滿芝士，龍蝦肉質爽甜，唔會過熟，意大利飯creamy 得黎又唔會好重味。飲品方面 奶茶好出色 最後重有Movinpick 雪糕 🤗服務態度好好 推介大家有時間可以去試下👍👍…查看更多

Lotus Courtyard Restaurant位於大埔林村，人生第一次去林村就係之前朋友介紹去食呢間餐廳。入到去有一種去左東南亞RESORT 既感覺，室外有以園林設計特色嘅座位，仲有獨立嘅小木屋，私隱度夠高岩哂一班朋友聚晚上超有氣氛，無論室內定室外都好寧靜好有情調，非常chill。講下我又食左D 咩先酥皮龍蝦湯配蒜蓉包 🦞$98一早已經諗定要飲酥皮龍蝦湯酥皮個鬆化度好好。 將個酥皮浸埋啲龍蝦湯，湯有有少少龍蝦肉，配埋蒜蓉包一齊食😍😍😍美國美國辣肉腸比薩比薩🍕$198Pizza 餅底好薄好脆,食落一啲都唔滯，一上台就已經聞到好香芝士🧀️味，配上辣肉腸同新鮮既青椒 香煎魚柳配蜜糖柚子汁🐟$228兩大塊魚柳煎得外脆内軟，魚皮極乾身但魚肉極滑。 配上蜜糖柚子汁酸酸甜甜，加埋綿密既薯蓉同新鮮既沙律，清爽得黎又飽肚香燒豬肋骨🐷$198因為朋友唔食牛所以揀左豬肋骨  ，份量超大，加埋秘製燒烤醬，辣辣地好開胃，肉質一啲都唔乾身好軟又唔痴牙。多到食唔曬要打包😋 極推介大家一定要食焗火焰雪山🍰$128出發前已BOOKMARK 要食既甜品，２個人所以揀左個細既，外層係打起咗嘅蛋白，淋上燒着咗嘅冧酒糖漿，再加上黑朱古力醬，充滿住酒香同蛋白嘅香味；裏面係雜果海綿蛋糕，仲有一球雲呢拿雪糕，食落好鬆軟有層次，味道又唔會太甜！🌟🌟荷塘青蛙🐸HK$58呢杯係青檸沙冰，飲落酸酸甜甜，夏天飲一流總結返，食物選擇多，上菜速度快， 員工嘅服務態度都好好，每道菜逐碟上，有足夠時間慢慢享受美食👍🏻推薦大家有時間去享受下身心安寧既好地方👍🏻…查看更多

放假難得出觀塘搵下有咩野好食啦 上OpenRice 又見咁多人寫到好好食咁樣首先入到去d 樓面已經串77咁 好似唔多想做野，個女人講野又大大聲勁冇禮貌價錢都叫算可以接受既叫左小籠包，鱔糊同炒年糕個小籠包厚皮但一夾就穿，唔知點解可以咁樣鱔糊同炒年糕咸到洗腎🤢完全唔明點解咁多人話到好正又米芝連又剩再睇返全部好評都係2/3/4級打手所有伏評都係素人 就知出事請打手呀都請得聰明d 啦好冇？請都唔會再去 🤮🤮🤮🤮🤮🤮…查看更多

同朋友兩個人又去尖沙咀揾食，本身想去嘉蘭圍食韓國野，去刊先發現原來己經執左 so sad...於是就求其揾間舖入去啦。 見到呢間豚豚拍子，個名咁得意，裝修又咁日式。坐低就叫左個二人餐，都唔算貴2百幾 可以一人一個主菜，3個小食， 咁梗係試食人氣野啦 叫左兩碗白豚拉麵 1人1個蟹籽沙律，再加一份餃子。蟹籽沙律正常，除左沙律醬多d之外都冇咩問題。到拉麵上檯喇！一上黎己經見到同平時白豚湯顏色比較深。咁可能唔同煮法啦，試啖湯先，一試就知中伏，湯好鹹，好味精 ，好似食即食麵既湯 再試啖面，喂！日式拉麵？點解我食緊上海拉麵？ Why? 馬上放棄呢碗不知所謂既垃圾！再試下佢個餃子，首先佢上菜既時候已經係暖，咁都知呢種餃子係交貨既，但皮硬內乾。總結係，我覺得自已完全浪費左2百蚊。乍地亦都浪費左舖頭既裝修同名，建議改名做豚豚拍檯！…查看更多

夜媽媽 一個人又唔知食咩好，朋友就介紹我黎天文台道呢間和牛專門店野食和牛拉麵。叫左個白牛拉麵，可以揀一份/兩份/三份牛， 本身就己經跟左半隻溏心蛋。和牛仲可以選擇火灸定刺身。貪心既我梗係嗌三份再要左一半一半啦，一上黎就聞到好香松露味，入口又唔咸，麵彈牙又易入口。待應哥哥仲好細心咁提醒和牛要先食，牛入口即溶又唔冇渣。溏心蛋煮得岩岩好，忍唔住要加多半隻，食完麵連湯都要飲埋佢！下次一於黎試埋個極牛拉麵同牛肉飯先！！…查看更多

終於去食到呢間高級日本鐵板，3個人就揀左龍蝦鐵板巡，前菜有一份清新沙律菜，之後就有一個香煎魚，師傅將魚肉同魚皮分開煎，食落脆卜卜。食完魚就再黎一份奶油露荀，奶油味勁香，露荀甘甜（利申：本身我就唔太鍾意食荀，但佢個奶油好好味可以蓋曬荀本身既青草味）。登登登。。。 主菜黎喇，海膽汁煮龍蝦一面睇住師傅煎一面流緊口水一上黎就聞到超香海膽味，龍蝦啖啖肉，因為師傅己經拆左殼，極之極之鮮甜！好野唔可以比佢停，另一主角登場，和牛和牛和牛，我揀左5成，屋企人想食熟d 就要左7成。 4個字入口即溶，牛味濃郁。師傅仲會介紹四種食法，唔同層次唔同口感。最後黎多個和牛炒飯，出去食炒飯最怕炒到濕立立一pat 野咁，和牛炒飯粒粒分明，重點係份量十足！加埋個甜品芝麻雪榚 滿足感100分！整體黎講。環境一流，食物同服務都冇得輸。…查看更多