happyliedmond的个人专页

難得放假又起得早，就出街搵下好野啖個靚早餐。見到有間新開茶餐廳就去試下，環境都算唔錯（畢竟係新開），而且睇落都幾乾淨，諗住可以發掘到好野。嗌左份碎雞扒麵（附上一份炒蛋+多士），睇到個招牌有佢地特色菠蘿包，所以都順便嗌左一個。雞扒麵既碎雞扒味道唔錯，脆口而且肉質結實，份量就得幾舊唔係好多；個麵就係普通公仔麵，好差真係唔好食，如果有米線或者河粉會更加好，但湯底OK既。炒蛋同多士就正常發揮冇乜特別，都算OK。個特色既拉絲菠蘿包幾特別但味道一般，裡面有流心芝士而且份量都算多，但就冇張相咁誇張既拉絲，不過勝在特別。…查看更多

之前有幾次路過呢間鋪，睇舖面其實都幾靚，就諗住試下味道質素如何。面底有分幼麵，中麵，粗麵同寬麵，湯底都有好多選擇，麻辣酸辣基本野都有，亦可以揀辣度，其實同其他米線鋪差唔多，除此之外仲有餃子同餡餅，而我就試下食涼麵。等候時間唔算耐，個份量睇落其實幾少，雞絲上落左芝麻醬，好唔健康。。。個名係手撕雞涼麵但一D都唔涼，仲幾熱添。。而且無知係唔係芝麻醬落得太多定水冇篩走晒，搞到好多水唔似食緊涼麵，雞肉份量唔多，本身冇乜味，但因為芝麻醬，成碗麵都係芝麻醬酸酸甜甜既味道，沒特別之處。唯一可稱讚只有環境，光線唔錯，服務一般般。…查看更多

前排見「香江花月」食評唔錯，裝修環境走懷舊老香港格調，今日「偷得浮生半日閒」就帶同爸爸媽媽同老婆4個人去食個Lunch Tea。入到去喺遠處有一架非常搶眼嘅「小販檔」搶晒我哋4個人嘅視線。老人家差啲唔記得嘟「安心」就急住走埋去影相話要打卡Send俾親朋戚友喎。職員好好人見我兩老係架「小販檔」到影相勁開心，就安排我地座係「小販檔」隔離個6人位。4人座6人位當然闊落舒服。其實啲位真係好大，就算6個人坐一啲都唔逼。我地就叫咗個商務套餐(4人用)再散叫咗啲點心。落完單之後爸爸就想去洗手間，去咗大約兩分鐘佢就走返出黎叫晒我地入去去洗手間嘅走廊到。原來牆上面掛有好多舊報紙。全部年紀都大過我好多……爸爸由去厠所到出返嚟都不停講「舊史」……開心到呢。點心非常精緻，睇得出點心師傅嘅用心，蝦餃扎實大粒，蝦肉新鮮彈牙。米網腸，雪山叉燒包都好好味。最出色喺個「是日燉湯」今日我地飲嘅係鹿茸菌鳥雞湯。職員話燉湯每日買料新鮮煲，日日唔同，啱唔啱飲就睇彩數。埋單4個人平均百幾蚊，真係抵到爛。坐得舒服老人家又開心。臨走職員話原來晚市係做特色打邊爐。下次就同老婆兩人拍拖試下先。…查看更多

如果冇提前拎飛，就直接去排隊等會等超耐，好彩呢次去都算少人，但都等左成個鐘，繁忙時可能要等成兩個鐘！不過最後都係排隊食到呢間熱門壽司店！食得壽司當然海鮮為主，日本產帆立貝大大隻味美又鮮甜，而且肉身晶瑩剔透有彈性。日本產頂級池魚有少少腥味，魚片係近透明色澤，食落去幾爽口同埋有淡淡的甜味。鐵火卷睇字面唔知係邊種魚，但其實係鮪魚卷，鮪魚味道淡淡地，加入豉油或者醋會比較入味。而圓殼蟹壽司好脆好香，雖然睇落好似好大，但其實蟹肉比較少，勝在味道唔錯。…查看更多

MENU話係無骨，但食食下除咗雞翼外其他雞件都可能有骨雞件肉質尚算OK，不過可以再滑啲。沙薑汁/醬溝水溝得有啲多，變相味道有啲淡飯煮得唔錯，可能KEEP住墊係雞件底，變左有味飯食落都唔錯！電視播住台灣中森，成件事有啲搞笑不過食個LUNCH都可以知道埋世界各地新聞都幾好吖…查看更多

利申！等候時間係零，因為一個客都無呀裝修上係OK嘅，睇得出有擺心機不過餐飯最緊要係味道囉隻雞$680，仲要預先BOOK，但其實你BOOK定先又唔見得快咗好食咗，真係唔太明BOOK嚟嘅意義係咩？雞肉又鹹又柴，零肉汁之餘啲皮可以是淋的，嗯…除咗夠熱之外我都諗唔明有咩優點啦老師！海膽RISOTTO，海膽完全無影，可能溶咗做汁啦…加埋SO CALL「魚子」係嘅賣相係吸引嘅但就沒有然後了…個朱古力杰到…完全飲唔到但你唔好諗住朱古力味/奶味會好香濃其實真係好普通…好彩世界上有飲管…如果唔係都唔知點飲好最好食嘅可能只係個凱撒沙律啦哈…總括來講，成餐飯價錢極貴，但味道唔好食…所以真係價錢同食物不符想去要諗諗…查看更多

齊柏林有幾出名，大家都知，不過之前人龍太長，好多時都放棄食！今日見人龍算短，決定一試！芝士薯條上面有大大塊芝士夠哂香濃，加埋千島醬啱哂重口味朋友勁邪惡，大家食時要小心啲田園風味 大大條法蘭克福腸，加埋蕃茄、洋蔥、青瓜非常清新，加埋千島醬、蛋黃醬感覺懷舊小食店口味雙重芝士芝士味夠香，不過味道較為一般…查看更多

十三姨出名好食，琴日終於有機會同同事LUNCH食到！依到嘅牛肋條煮得夠腍，加埋湯底夠香夠濃唔會淡而無味而且唔止得一兩舊咁少，一啲都唔姑寒，抵讚！有大量芽菜，加埋剛剛好嘅溏心蛋係一個非常好嘅LUNCH選擇！加埋熱菊花蜜同加一大概$70，雖然未必有位不過好食嘅餐廳，要等是常識吧！同事話必食佢地嘅辣椒醬，見佢地落極都唔夠咁，唔怕辣嘅朋友記住食多啲喇！…查看更多