不能肚餓的个人专页

睇到YouTube 食過話好味，專誠排隊試店外落單比錢，可加快速度進店前已準備好因閣下點既餐所需既食具白湯賣相唔錯第一時間飲啖湯先，魚湯味唔算好濃，層次亦唔夠，只飲到鹹味之後略帶魚味咁，完全無介紹講到咁誇張，以百幾蚊一碗黎講，完全無性價比喇！仲未計要排隊呢！麵既軟硬無得揀，都係一般貨色碗邊係柚子蓉，用黎解膩，我就覺得唔多夾加15蚊要左糖心蛋，都有陣煙薰味既，無咩特別。超open kitchen, 師父後面再d 湯加工，前面就砌麵上枱環境乾淨舒適，等既時間店員都會問定幾位，等安排暢順d.純以食物質素黎講，試過就算。…查看更多

難得放假，終於可以試下beans🙂黃金蟹肉意粉，全場個個都叫面層感覺蟹肉無腥味，亦都乾乾地，中層既蟹粉多左陣油香，下面既意粉軟硬適中，份量岩一個女仔食。三成熟牛漢堡個樣好吸引首先係order 3 成熟變全熟，整個burgers 偏淡味亦唔夠肉汁，略微清淡洋蔥生食都好甜蜜糖檸檬水，飲得出有陣花蜜味，跟餐隨送，唔錯丫加28蚊甜品，柚子慕思配伯爵茶蛋糕非常小的一件，非常精緻，伯爵茶蛋糕茶味同質感都唔錯。假日要排下隊預算四百蚊左右二人…查看更多

好掛住台灣呀，見呢間新新地就入去試下紅燒牛筋麵乾拌麵 $68麵太糊口，唔似乾拌麵，牛筋炆得夠，但唔香，似車仔麵鹽酥雞 $38裡面唔算乾，鹹香唔錯，但唔係台式起司蛋餅 $30蛋餅個皮唔夾，應該用酥油餅底會香d(左)蜂蜜烏龍 ;(右)蜂蜜鐵觀音， 各22飲品我地叫正常無走甜，望下張相，個底透透地既位置就係甜既部份，太甜喇，茶味都飲到，上半部都避到d 糖，飲到一半已混埋一齊，真係飲唔到落去 二人 $180 左右。勝在樓底高幾好坐，但因為張枱好細，多人時就會有點逼，袋都無位放。試過就算。…查看更多

呢間下午茶真係抵食又好味，以下3款都有40蚊仲有野飲乾炒牛河$40靚河粉，彈牙又滑身。仲食到d 洋蔥，呢幾日菜價好貴但竟然落左咁多洋蔥同芽菜，真係好感動！牛肉ok 既，一般茶記做法同味道，下午茶黎講份量都好多下拿破倫西炒飯$40茄味偏淡，但勝在夠獲氣，粒粒分明，而且用靚米五香肉丁炒公仔麵$40，夠獲氣，但超鹹！食到個底已經唔想食。例湯都唔錯，飲到羅漢果味，仲有西洋菜同豬骨食添！總括黎講，好食抵食夠獲氣，一定再幫襯！！…查看更多

呢個set lunch $68 主菜餐湯加甜品蕃茄魚柳飯薯仔湯超鹹，飲左一兩匙已感到鈉含量超晒標！茄底唔錯，食到蒜粒同椰菜絲，有驚喜，幾夾魚塊juicy, 但熱食都腥。跟餐雞蛋布甸，但佢地用另一個名，唔記得左滑但無蛋香睇得出係家族經營，由於午市時段，加上落單系統壞了，現場靠人手落單，洽巧可以體現店舖的應變能力。樓面主力2人，收銀主力1人，但繁忙起上黎各人都會補位。值得大大力讚既係樓面一位男仕士，非常落力，又落單又傳菜，仲要EQ超高！話說其間有店員做到炆，呢位男士硬食左佢既脾氣之餘仲唔介意補位幫忙問番個客要咩，真係好配服佢舖頭好彩有佢咋！…查看更多

專誠黎朝聖好多款好吸引，但仲要留肚食晚餐。最後選擇了基本既蛋撻同檸檬撻望落好靚檸檬撻個饀酸甜剛好，質地唔lim口都唔錯。但個撻皮真係一d 牛油香都無。蛋滑，皮薄，但都係個皮完完唔香，好失望。…查看更多

話說又無堂食，轉登過黎呢邊睇下有咩外賣啦，醒起怡怡豆漿店，真係好由細食到大。今日去到嚇親，以為自己睇錯價錢。由16蚊6隻去到今日21蚊7隻。真係好耐無黎。好彩味道如一。只係貴左又無似前咁大大隻同漲卜卜了。…查看更多

話說因為之前食這第二間日本壽司店既鰈魚邊回味無窮，一直想再食，可惜果間店要排幾個鐘，都唔係話食就食。有日，路過見到左口魚裙邊既宣傳，就記住，得閒可以去元氣試下特大帆立貝，唔錯，好鮮甜，後面既鮪魚三味只有一件過得去，有魚味。見有龍蝦茶碗蒸就試下，點知好失望食到落底先見到有粒蟹柳同一粒唔新鮮好鞋口既蝦，個底好似有d 龍蝦醬同芝士拉絲。整個蛋漿都充斥住呢陣類似公仔麵湯底既鹹味，好唔夾好鹹，呢款23蚊，我寧願食番20蚊基本款仲好為著魚邊而黎，呢款左口邊邊軍艦好腥，我自己接受唔到前面既燒廣島蠔ok, 但個醬搶晒d 味。左邊既燒帶子就應該係基本款茶碗蒸果粒帶子size，鮮味欠奉。右邊係蟹肉卷物，蟹肉ok 啦，唔算乾。最上就係燒左口魚邊，燒過就無咁腥，仲有魚油既甘香，但有對比之下真係唔算出色，仲係12蚊得一舊。二人食左三百約蚊，係有對比之下，太多店做到選擇多又新鮮，仲要平過佢。呢到就勝在分店多同唔洗排隊。…查看更多

鳳爪排骨飯，米濕左d, 但滲晒肉香都唔錯鳳爪入晒味，又肥美蝦餃都幾大粒，但裡面無筍粒略嫌單調牛腸抵讚，勁多牛肉牛肉似自己調味唔係叫貨，有陣香葉味，又有小塊馬蹄粒睇錯似為蝦角，個名叫黃金沙律蝦，原來係咁既樣食落好普通燒賣無冬菇唔夠香呀茶錢$7位，早市某個時段前賣單有折，抵好多，記得問店員！…查看更多

假日兩點幾拎飛，五點半終於食到，時間真係好難預算，仲要得一個鐘食，分享下咩野推介啦～紅碟$12； 銀碟$17； 金碟$22； 黑碟$27開動了（左邊開始由上至下）：（推介）甜蝦軍艦，超鮮甜，甜蝦份量每艦5粒左右，可encore；（正常）池魚壽司，沒有魚味，但唔腥;(正常) 三文魚壽司，唔算有魚味但有唔腥咁囉；（正常）帆立貝壽司，太隻但超薄切，都甜，但係帆立貝一般容易達到既甜，沒有驚喜；（正常）油甘魚壽司，都係無魚味；（正常）赤蝦，有蝦味但唔算甜，肉質都算彈爽既；（超推介）赤貝壽司，首先赤貝唔係間間有，然後係果種肉質既新鮮爽甜真係好正，仲仲銀碟$17蚊兩件，鐘意貝類既唔可以錯過；（正常）？好似叫極上中吞拿魚腩，期間限定，即刻order 黎試下。可能期待高啦，都新鮮，但有筋，又唔算食到滿嘴魚油，$27蚊得一舊，試過就算喇；茶碗蒸都好推介D 相係下面，因為打打下亂左碼，張相insert 唔番海膽醬好假好鹹（推介）鰈魚魚邊，超香魚油，質地爽得黎又有d 魚腩，texture 好得意，加埋紫蘇葉減低油膩感，仲有種清香，好yummy 呀～ 清晒！！排緊隊既大家加油呀，你既等待係值得嫁！記得dl 佢個app 睇下叫到幾多號，唔洗呆等。最後，都無咩服務，點解收加一？！…查看更多

首試新挑戰之前，搵左一個好重要既人陪我食lunch 打氣。附近完全唔熟路，見有位就入去。樓底勁高，空間寬敞lunch 黎講幾貴廚師發板意粉，伏，自己煮到。配料有辣肉腸，菇，茄，好普通，意粉又overcook.鰻魚蛋飯鰻魚極厚無噏味，超多滑蛋環保飲管味道黎講，鰻魚飯可以，意粉就，係個環境好舒服，岩晒傾野。最後，多謝陪伴…查看更多

附近食開野，於是買杯凍飲。諗左好耐飲咩，但因為食飽要唔到奶蓋，簡單要左杯紅茶，最試到茶味。做到濃而唔苦，亦有茶既回甘，好飲好飲！個茶底太正啦。茶色非常清澈，亦使用環保飲館！…查看更多

N年前，在銅鑼灣sogo 附近與大學同學，經過一條長長既樓梯，落到地底到食呢間拉麵。學生時代無咩錢，亦未去過日本，還記得渴下第一口白豚拉麵湯既震撼。早幾年經過再入去食，見樓面唔同晒，以為日本老板請人幫手 自己退居幕後休息。誰知一吃，知道已不是那回事。有天，因為工作到訪側魚涌，見到舖面熟悉既裝修，再望入去，見到自製函館夜景既 poster, 加埋足球隊既相，我竟然重遇了！！二話不說點了當年的豚肉拉麵蔥係精髓，鮮香爽脆肉咪濃郁拉麵熟度剛好湯底唔算鹹，非常濃郁，加埋海帶清香，飲左半碗炸豬排自製醃菜，很有日本小店特色豬排質感很有趣，薄身濕潤是當年既味道，竟然重遇番，仍然係日本老板親自招呼，太好喇！…查看更多

平日黎食個 lunch叫左兩個 set lunch 加個蝦餅小食蝦餅有驚喜， 唔死實，算鮮味第一次食蝦餅有蝦粒海南雞飯米飯鬆軟夠油香個雞就唔得，好蘇雞胸亦好鞋口炒金邊就幾好，唔會太濃味，金邊都有彈性open rice 訂座平日 set lunch 兩點後有88折，但小食就無折啦。總括野食正常，但就唔夠泰式，而且個海南雞算中下，有陣雪味。…查看更多

天婦羅烏冬豬骨白湯 $78炸物唔錯，但內裡完完全全無味一定要點醬油佢地醬油好特別，有種鮮味呢種醬油可以獨立買烏冬湯底似出前一丁，烏冬滑溜，份量都好多，唔洗追加小食都夠飽了…查看更多