foodie_m的个人专页

8度海逸酒店既芒果甜品一直都好出名，因為屋企人就快生日，所以去酒店睇下有咩蛋糕款。一行入酒店既左邊就有得買蛋糕! 有件裝同原個蛋糕出售。現場有leaflet可睇下有咩蛋糕款式，然後上酒店既官網買。我即場上網訂左個芒果忌廉蛋糕，估唔到上網買有discount, 比原價平左少少🤩。兩日後去返酒店拎蛋糕! 一見到個蛋糕已經好心心眼😍 蛋糕上面係排得好整齊既芒果玫瑰，而蛋糕邊就係以cream整既玫瑰包圍，賣相好吸引🤩食第一啖已經覺得好好味😋 d cream好滑好香，而芒果亦好鮮甜，唔會好酸! 切開個蛋糕見到有一層一層既芒果粒，係一層層好鬆軟既蛋糕入面，好味道! 🤩總括依然，呢個一磅芒果忌廉蛋糕性價比十分高，好食，抵食同高質，好值得試試! …查看更多

三十三元兩餸飯，加五元可配是日例湯或糖水。選擇超過十款，行過見到咁多餸都流晒口水🤩。味道方面好不錯，可以同中式酒樓吃既小菜相提並論😋。而份量方面，比一人份量多，佢地用既外賣盒係比一般既外賣盒大，餸多到一開就滿瀉! 同時，餐廳有堂食，不過堂食位不太多。超值既一餐! 🤩…查看更多

係利舞台行完街, 就係附近搵餐廳醫肚, 想搵間可以吃中菜又可以坐得舒適既餐廳, 最後揀左呢間”百味”。我地叫左一個冷盤, 兩個小菜同一個主菜。冷盤: 涼拌窩筍絲賣相十分精緻, 影相影到唔捨得食. 味道清新, 同個配菜汁好夾, 好醒胃。雖然有辣椒係面, 但其實係唔辣, 好易入口!😋小菜: 蜜椒薯仔牛柳粒未放上枱已經流晒口水, 遠遠已經聞到好香! 薯仔好好味, 外脆內軟, 同一般吃既薯仔唔同; 而牛柳粒好大粒, 亦好入味, 一咬已經覺得好有肉味, 炒得亦好香口, 吃到停唔到!😋😋😋😋😋主菜: 酸菜鱸魚鍋 (細)餐廳有分大酸菜鱸魚鍋 (2-4人) 同細酸菜鱸魚鍋 (1-2人)。而我地今次叫既係細酸菜鱸魚鍋。酸菜鱸魚鍋都好足料, 有好多鱸魚, 底下有好多芽菜同透明麪條, 透明麪條好滑好易入口, 同芽菜一齊食幾好食! 我地先吃芽菜同麪條, 大約十分鐘後等鱸魚浸一浸酸菜湯, 鱸魚更加入味。🤤小菜: 三色蒸水蛋賣相滑流流, 好似一個大布甸! 水蛋入面有好多材料, 包括蟹柳, 肉碎, 蝦米等等。材料同水蛋既比例適中, 唔會因為太多料而搶左本身水蛋既滑同輕型, 好好味! 就咁當小食都可以!!🤤🤤🤤總括而言, 價錢適中, 味道也不錯, 環境不太差, 好適合朋友聚會既一間餐廳!…查看更多

平時落觀塘都係去apm, 今次試下入工廠區淘下寶! 餐廳不算難搵，我係牛頭角地鐵站出，經過創紀之城入工廠區，一直直行就到。一入到餐廳，見到個bar枱，左面有棵大樹，仲以為自己去錯地方。而餐廳統一用藍色餐具，幾有特色。我地叫左兩個主菜，加一個小食。三件炸蝦餅 - 一碟六件。一咬，熱辣辣，啖啖蝦肉，蝦餅好實，好真材實料。呢碟經典泰菜，真心值滿分! 黃咖喱 (牛) - 好大碟，好足料，啱晒好牛既我。牛腩幾入味! 黃咖喱辣度啱啱好，有少少椰香。我地特登另加個白飯，用咖喱黎撈飯😋😋😋泰式炒河 (豬) - 好夠鑊氣!! D河粉炒得幾可口，唔會好油，唔會癡埋一舊舊，亦無斷粉出現。而豬肉亦好大塊，好多片，唔錯。唔錯。驚喜既一餐。無論係環境，食物質素，職員服務都高質，性價比十分高!!!…查看更多

黎到九龍塘，今次來個新趣不到又一城食野，試試在九龍塘淘一淘寶! 行到浸大，原來有間西餐廳，係門口見餐廳入面都幾OK, 就入去試一試! 一入去見到個好大個open kitchen, 可以睇住廚師煮野食😂 雖然是open kitchen, 係餐廳一點油煙味都無，給一個讚! 👍🏻晚餐既選擇好多!! 最後我地揀左兩款starters同兩份main courses! 三文魚他他 - 食得架？😂😂😂 靚到成件藝術品咁，一上枱就梗係相機食先，之後我地先慢慢品嚐😂。好多三文魚!!! 啱晒我呢個三文魚控，三文魚下面係藜麥，一粒粒咁，好得意，食食下不其然會有地中海風情哈哈。而三文魚上有黑魚籽同脆餅，撈埋Ｄ三文魚同藜麥幾易入口幾醒胃。魷魚西班牙辣肉腸沙律 - 好味! 個source酸酸地好醒胃，好似食極個沙律都仲想再食哈哈。而魷魚同辣肉腸都好好食，魷魚彈牙，辣肉腸就燒得香口!! 溫泉蛋卡邦尼意粉 - 溫泉蛋夠滑!!! 而意粉煮得剛剛好，不會太淋或太硬，食落有咬口，撈埋卡邦尼加溫泉蛋就好正，creamy得黎不會太"漏"。安格斯肉眼扒 - 肉眼扒燒得好香，加埋個source，真係食唔停!!! 而薯條粗幼適中，剛剛炸起好好味!飲品方面，我地跟餐分別加$10要一杯士多啤利乳酪同一杯紅棗枸杞茶。士多啤利乳酪甜甜地，可當甜品黎飲，而紅棗枸杞茶清潤。總括黎講，餐廳環境舒適，食物高質，好啱情侶或大伙兒gathering!…查看更多

行完朗豪坊，向旺角街市個方向行，經過見到呢間石磨腸粉。聽個名都知係手工野，好，就試一試! 腸粉選擇都幾多。除左石磨腸粉，仲有砵仔糕，價錢十分相宜!! 可惜想食之時已經賣晒... 最後叫左一份叉燒雞蛋腸粉。因為係即叫即做，要耐心等待一下。大約五分鐘就到手!! 我呢個麻醬控只是加左豉油同麻醬。腸粉熱辣辣的，比一般既豬腸粉幼滑同薄，好好食! 😋😋😋 食得出手工美食既細膩👍🏻👍🏻👍🏻👍🏻👍🏻總括來說，性格比高，一定會再幫襯! …查看更多

Lunch搵野食，無無聊聊行過泰國人海南雞，加上排隊既人唔多，就試試啦! 叫左個皇牌海南雞金邊粉。海南雞算大份，最後都食唔晒。肉質都幾滑! 而碗金邊粉都幾大碗，不過湯底就一般。午餐係套餐，會跟杯野飲。除左基本既檸茶檸水，仲可以揀特飲而不另收費，亮點呀!! 😍😍😍…查看更多

想食金鳳好耐，次次lunch都排長龍。難得今日經過得兩三個人排，機會就黎啦飛雲!! 例牌一定叫個 "特價午餐"。要左五香肉丁公仔麵，火腿奄列同波蘿飽。個麵就正常質素，不過不失; 火腿奄列好香牛奶味; 波蘿飽好軟淋淋，隔左幾個鐘食都仲好香😋😋😋整體來說，常餐黎講算唔錯，分量夠大，食物質素中上。不過環境一般，地方細，坐得不太舒適，這可以叫做香港茶餐廳既特色! 職員反應快，亦友善! …查看更多

同事升職，請我地去天一食lunch。黎之前都知道天一d野好食，裝修又靚，未食都覺得呢餐會好有品味!! 我地叫左d點心同個炒飯蝦餃 - 賣相不錯! 成粒蝦餃漲卜卜，餃入面d蝦好大隻，好足料! 😍😍😍😍😍黑松露小籠包 - 好味!! 味道不錯，小籠包的皮厚薄適中，夾的時候不易爆。賣相精緻，有黑松露點綴，一見到就想食! 😍😍😍雪山叉燒包 - 皮夠"雪山"! 😂😂😂 而餡亦算多。趁熱食，好好食!! 😋😋😋鵝肝炒飯 - 不過不失。算多料，不過炒飯不算熱，也不太有炒氣。總體來說，今餐飯ok既。食物普遍高質，環境亦好舒適，好啱大伙人聚會! …查看更多

同朋友gathering, 唔想再食西餐韓燒放題etc, 把心一橫就去試試飲茶!! 未去已經知道飲茶既必食 - 卡通包子。所以我地一坐底已經叫左幾籠😂😂😂 果然無令我地失望! 包子真係好可愛好得意😍😍😍 一見到就忍唔住係咁影相! 仲要趁熱整個流心效果，等d流心係包子個口度流出😂😂😂 言歸正傳，包子睇得食得幾好味架!! 另外我地仲叫左d小菜.... 炸雲吞 - 外型好精美，炸得好香口，唔錯! 酸甜骨 - 一貫酸甜骨味道，炸得較脆，d排骨幾好，有肉亦有骨! 小魚片 - 甜甜地幾易入口! 好啱用黎送飯! 紅米飯 - 正常味道，正常質素。比想像中大份，四五個人分量來的。總體來說，食物質素中上，價錢合理，地方舒適，好啱同朋友gathering. …查看更多

係apm睇完戲，經過見到呢間但馬屋個menu幾吸引，就排隊試試。Lunch有60分鐘同45分鐘，湯底同肉質選擇都好多! 真係花多眼亂!!! 等左大約20分鐘入得座。我地要左一個千夜鍋同一個藥膳麻辣鍋。左上角果個就係藥膳鍋，湯底色澤好深，但不算濃。而右下角就係千夜鍋，是鏗魚精華來的，淡黃色的，同樣地，湯底不算濃。好快主角就到。雖然我地叫最基本既套餐，豬同牛既質素都不錯!! 另外，配菜選擇都有好多。最正就係個拉麵，好彈牙!!! 甜品就有任食四款haagendazs 😍😍😍總體來說，食物質素不錯。不過地方淺窄，枱與枱之間既距離較少，行出行入去拎野食不太方便。枱亦較細，擺放食物位置有限，所以一次唔好拎太多野食。…查看更多

一直都有留意呢間甜品餐廳，難得今日入荃灣，食完飯就去試一試! 舖頭細細，門口已經有人排緊隊。等左大約十分鐘就入得座! 一坐底就落單! 想試個梳乎厘，不過已經賣晒😫😫😫 真係十分失望!!!! 唯有食其他.... 士多啤梨waffle - 好好味😋😋😋! 個waffle暖暖地，好鬆軟好好食。雖然有一小瓶蜜糖提供，但我就無用到。原本既士多啤梨果醬已經好夠味!! 蘋果批 - 好好味😋😋😋! 蘋果批好香，真係好有蘋果味!! 整體黎講，食物質素高，價錢合理。唯一不足就係地方細，坐得不太舒適。…查看更多

平時都有幫襯開壽司仔買壽司食，今次見到有便當賣，就搞搞新意思試一試! 叫左一份咖哩吉列豬扒便當。見住師傅落單後即時製作，所以件豬扒好熱好脆😍😍😍。d飯都夠熱，軟軟既珍珠米飯，夠晒日本風味。而包裝好精美，豬扒同飯係分開，而個咖哩汁有個小盒子裝住。美中不足應該係咖哩汁太少，未食到一半已經點晒。45蚊一份便當，性價比高! …查看更多

今日lunch食上海野! 平平地又要快快地的話，君戶真係一個好選擇! 基本上，君戶既食物選擇都好多。而我今次就叫左雙拼 - 雲吞豬扒麵上菜速度快，大約等左五分鐘就食得! 豬扒炸得夠熱夠脆! 而雲吞夠大粒，夠足料! 麵夠多! 食晒成碗真係好飽肚!! 38蚊一碗，平靚正，性價比超高!! …查看更多

同朋友行朗豪坊，經過見到呢間餐廳個名幾得意，就入去試試。以為係有d玩味既餐廳，原來係一間品味西餐廳。我地叫左一份蕃茄吉豬飯同一份rib。蕃茄吉豬飯 - 好味! 熱鍋上令到個炒飯底夠熱。吉豬炸得靚，又啖啖肉😋😋😋Rib - 燒得幾靚，幾香口。我反而欣賞d薯條，啖啖薯仔好正😋😋😋總括黎講，野食okay, 環境okay, 價錢合理。…查看更多