coccconut的个人专页

加咗$5轉燕麥奶，第一次整我睇住佢落完燕麥奶再落少少牛奶，之後另一個職員話：喂轉燕麥奶喎，原本個職員先發現整錯。如果大家對牛奶敏感嘅話，請留意店員有無偷偷落牛奶🙂可能店舖標榜岀名咖啡就淨係識處理咖啡類飲品，杯matcha latte 1) 唔係即嗌即whisk，而係一早整定裝喺膠唧樽 2) 整我嗰杯嘅時候，樽入面嘅抹茶得返唔多，店員無搖一搖勻先唧落杯。眾所週知，不論whisk得幾好，抹茶放得耐會有茶粉沉喺底，無搖勻會令到口感變嚡 3) 抹茶口感非常powdery，飲完個口會澀，大概係本身抹茶粉同水嘅比例調得唔平衡先會岀現嘅情況。杯飲品嘅口感同味道完全唔合標準，更加唔符合$62呢個價位。另外俾錢嘅時候店員完全問我哋係堂食定外賣，因為原來堂食同外賣嘅餐牌係完全唔同而出面係冇清楚寫明。上一次去食甜品嘅時候，再另一位店員只係喺俾錢嘅時候提及外賣同堂食係兩個價錢。幫襯咗兩次都仲係對店舖規矩毫不了解因為職員都未有清楚解釋或者無地方寫俾客人睇。…查看更多

服務: 正常環境: 略嘈，唔係坐得特別舒服但又未係超迫食物: 先講落單。餐廳有個奇怪規矩，如果一個人嗌咗set dinner，另一個人都只能嗌set。意思係，一係全部嗌set，一係全部散嗌。呢樣嘢menu上係無寫，落單嗰陣先知。隔離枱嗌嗰陣都遇到同樣情況。唔知咁嘅規矩有咩意思。辣肉腸薯仔蛋餅 - 普通。辣肉腸唔辣無咬口，係普通腸仔就咁一pat sourcream加薯仔蛋餅軟殼蟹燉飯 - 好似水浸咁但好在個汁都幾鮮甜，唔會太鹹或者好假嘅海鮮味。不過啲飯唔係al dente，係煮唔熟飯嘅硬度。唔記咩魚 - 賣相真係有啲唔掂。魚肉又唔係嫩，魚味甜味咩都無，雖然個汁幾好食。炸牛奶麵包配檸檬雪葩 - 西班牙版french toast但完全無肉桂味！！！！我專登上網摷食譜，係要落肉桂但佢完全無...佢話配lemon sorbet...岀面gelato舖頭嘅sorbet會更加好食。檸檬味唔夠所以食落感覺唔refreshing，甚至有啲heavy…查看更多

1. 環境: 乾淨整潔，坐得幾舒服。始終係bar，音樂會有啲大聲同偏pop。如果想搵地方同朋友飲杯嘢傾談下心，未必係個好地方。2. 服務: 有禮貌、細心3. 食物: 嗌咗龍蝦意粉同豬手各一份。意粉有小學B餐嘅燴意粉感覺，亦都好有中式感覺。見到其他食評話茄汁味濃，唔講其實都唔太覺有。太油都係個問題，個盤底有一浸油所以去到底嗰浸就無食。豬手就正常水準，皮脆、厚肉、肥膏同肉比例啱啱好。配菜係有調過味所以有丁丁辣嘅薯條。成道菜不過不失。…查看更多