tommy0824的个人专页

焗芝士肉醬意粉，意粉係即刻焗出嚟，熱辣辣。意粉上面有一大堆茄汁同埋芝士㗎，意粉焗嘅時間啱啱好，意粉同埋嗰啲茄汁和芝士一齊撈來食，好好食蔥油雞飯，呢個飯會有一碟蔥油雞，另外有一碗飯包埋，啲雞好軟身，好易入口，蔥油醬調配得都唔錯上湯浸娃娃菜，娃娃菜啲湯煮到奶白色，啲菜浸完啲娃娃菜係特別好食。餐廳位置就係正鰂魚湧地鐵站對面，喺地鐵站行過去大概30秒左右，所以餐廳嘅位置係好方便，好容易可以去到。餐廳用咗懷舊嘅裝修方式，都幾特別。…查看更多

海南雞飯喺呢度嘅招牌菜，啲雞好嫩口，同埋肉質係比較滑㗎。飯係用咗雞油嚟撈飯嘅，但係啲飯一啲都唔會話好油膩，啲飯係會有雞油嘅香味，幾好食㗎，醬汁都有齊三款醬汁，個人覺得左邊嗰個豉油汁甜甜地，係最好味。新加坡肉骨茶，肉骨大約有四舊左右啦，肉骨嗰啲肉會同埋筋嗰啲部位一齊嘅，變咗咬落去會比較爽口啲。飯可以揀雞油撈飯或者係白飯都可以，另外兩條油炸鬼系包埋。呢間餐廳係新裝修嘅，所以個環境都係比較乾淨同埋整潔㗎。餐廳位置，喺西灣河地鐵站行過嚟，大約兩分鐘就到喇。…查看更多

餐廳嘅位置由於佢喺朗豪坊朗行過嚟都係一分鐘左右, 所以餐廳個位置係比較方便現場有好多卡位, 而且啲卡位係窗口位嚟㗎, 所以景觀唔錯呢間餐廳枱與枱之間有一定嘅距離, 所以都係坐得比較舒服嘅芝士蛋糕啲芝士味夠濃, 同埋個蛋糕好綿密同埋又滑, 值得一試芝麻醬豆腐沙律, 呢個沙律個份量都幾多㗎, 足夠兩個人食三文魚頭鍋, 魚頭份量有好多㗎, 又有魚頭, 又有好多魚肉, 配菜方面有豆腐, 有菜, 如果一個人食曬呢個魚頭鍋, 絕對夠飽, 價錢就係65蚊, 唔算貴, 都幾抵食…查看更多

呢間日式放題, 甜品嘅選擇係比一般放題多, 有朱古力布甸, 芒果布甸, 栗子蛋糕, 雪條和雪糕等等另外有軟雪糕機, 有綠茶味, 同埋朱古力味呢間日式放題食物嘅質素唔錯㗎, 三文魚刺身, 鰻魚, 蜆, 蝦都好食餐廳環境方面, 由於呢間餐廳新裝修, 所以有比較多卡位可以坐, 同埋呢間餐廳樓底比較高呀, 所以個環境係比較開揚, 冇咩壓迫感另外, 呢度有個好大玻璃窗, 望出去個景觀又係比較開揚食物上菜速度, 都比較快, 落咗單之後五分鐘左右啲食物就會陸陸續續嚟到, 呢度系用手機落單, 比較方便…查看更多

鮮茄焗豬扒飯, 呢個焗豬扒飯係即叫即刻焗出嚟嘅, 豬扒上面除咗有蕃茄, 仲會有啲芝士㗎, 所以食落會有芝士嘅香味, 豬扒係屬於厚切嘅, 大約有五塊呀, 豬扒份量都唔少呀紅豆冰, 呢個紅豆冰佢啲奶嘅份量會比較多, 所以飲落好香同埋有好重嘅奶味, 紅豆煮得夠淋, 跟住又夠甜, 呢杯紅豆冰嘅質量唔錯呢間冰室啱啱裝修完, 所以佢啲環境, 燈光係比一般嘅冰室好, 而且裏面大部分都係卡位, 坐得會比較舒服下午茶嘅選擇, 都幾多㗎, 有三十幾款可以揀…查看更多

今次已經係第三次食呢間餐廳，今次食桂花魚鍋，可以揀要辣定唔辣嘅，個魚鍋擺到上檯面之後，我睇一睇魚嘅份量都唔少，而且下面有好多蔬菜，呢餐又有魚又有菜會比較健康。魚嘅肉質都轉口和滑。啲湯佢係用咗啲魚嚟淆製嘅。.另外叫得魚喎，我哋就叫咗啲配菜打邊爐，我哋叫咗魚皮餃，牛丸，雲吞。.嘢飲方便，我哋叫咗呢間餐廳自家製嘅竹蔗茅根，可以清下熱氣，呢個竹蔗茅根好冰凍，所以飲落去會比較清涼解渴。呢間餐廳啱啱完成新裝修，所以個環境係比以前係坐得舒服。.…查看更多

今次已經係第二次嚟食呢間餐廳，今次就食呢個豬骨湯湯底嘅烏冬，我揀咗配牛肉，佢嗰個豬骨湯嗰個味道係好濃郁㗎，佢應該係落咗好多材料先可以淆製到咁好味嘅豬骨湯，另外佢嗰啲牛肉係薄切嘅，薄薄地好易入口，上面仲有啲燒汁另外一個豬骨湯烏冬，我就揀咗鰻魚呀，鰻魚都幾厚身，上面有好多鰻魚汁，好好食加十蚊有牛乳奶凍，奶味好香，同埋個奶凍好幼滑加15蚊有個芝士蛋糕，芝士味好香濃另外上面有啲cream喺度，甜甜地令到嗰個芝士蛋糕更美味.嘢飲個套餐會包埋，有凍比利時朱古力…查看更多

呢間餐廳主打牛呀，淨係牛都有六至七款選擇另外，海鮮方面都有兩款選擇，有蝦和蠔，啲蠔都肥肥地，脹卜卜㗎，咬落去食得出有蠔嘅鮮味。另外啲蝦都唔細隻，比一般嘅酒樓大隻少少間餐廳由於係新裝修，餐廳環境坐得都係比較舒服，兩個人去食，都可以有一張四個人嘅卡位，活動嘅空間唔會話好迫夾.嘢食方面出面有好多丸和蔬菜係自助形式，如果想叫啲肉同埋海鮮，就用手機嚟落單.呢兩款牛丸一款辛辣脆牛丸，一款芝心牛肉丸，咬落去係彈牙，而且裏面係有肉汁…查看更多

呢個小食有魚蛋，燒賣同埋雲吞，啲醬唔好睇佢咁紅以為好辣，其實只係有少少辣辣地甜甜地，啲小食點咗呢啲醬嚟食特別好味紅豆沙豆腐花，呢碗豆腐花幾抵食㗎，14蚊一碗，嗰啲紅豆係大大粒，好清甜㗎，如果鍾意食雪糕嘅朋友可以加五蚊，會有一個雪糕球，個雪糕球係另外上的，雪糕球係雲呢拿味沙茶牛肉炒河粉，啲沙茶牛肉整得好冧呀，好易入口，啲沙茶牛肉醬撈埋啲河粉食，唔錯㗎呢度連海南雞飯都有得食呀，呢個海南雞飯有三個醬汁，另外啲飯係雞油飯嚟，所以特別香…查看更多

呢間餐廳每樣食物都係幾好食，食得出廚師係比較用心去烹調。呢間餐廳係唔收加一服務費的。法式橙醬三文魚扒，三文魚扒煎到香香地，塊魚皮係脆，魚嘅肉質新鮮，配菜方面有薯仔，豆角同埋一啲菇類，醬汁方面用咗橙醬，甜甜地的紐約芝士蛋糕，芝士味做得幾香濃呀伯爵茶慕絲蛋糕，呢個蛋糕呢會有伯爵茶嘅清香味喺度呢度啲蛋糕係自家製，值得一試呀卡邦尼意粉，呢個卡邦尼汁煮得夠濃，另外隻意粉係屬於有口感嗰隻，咬落去煙煙韌韌。餐廳裝修都唔錯嘅，會播住啲好柔和嘅音樂…查看更多

雞絲扎肉湯河粉，個湯底用咗鮮雞湯，所以個湯底係好好味，個湯連埋啲河粉一齊食真系唔錯，配料方面有雞絲，扎肉同埋蘿蔔，下午茶餐會包埋嘢飲㗎。招牌無骨海南雞飯，碟雞個份量都唔少，每一嚿都係啖啖肉，而且啲雞肉的肉身都係好滑，啲飯都係用咗雞油飯，所以啲飯會有雞油嘅香味，醬汁方面有一個系辣嘅醬汁，另外一個就係甜嘅豉油。香芒糯米飯，下午茶餐加28蚊，會有呢個甜品可以食呀。餐廳嘅裝修都幾新淨，應該係裝修咗冇幾耐，餐廳用咗好多顏色作為佢嘅裝修風格。…查看更多

入到餐廳之後，我想食比較淋嘅牛扒，於是就問下店員邊一隻牛扒係最淋，店員就話牛柳扒係最淋。結果上到枱之後，果然牛柳扒真係好淋呀，其實我都好少喺其他餐廳可以食到咁淋嘅牛柳，而且好有牛味呀，呢蝶牛柳扒有兩塊，另外下面會配咗啲薯條同埋翠玉瓜。醬汁方面可以揀蒜蓉汁或者黑椒汁。呢個餐會包埋忌廉湯，同埋餐包，個餐包上到枱係熱，而且好鬆軟呀，配埋個忌廉湯嚟食真係唔錯。嘢飲方便會包咗一杯凍檸茶。我朋友就叫咗荷蘭豬扒，豬扒有兩塊，而且好大塊，比較抵食，豬扒肉質都係新鮮的。L…查看更多

呢個海南雞飯嗰啲雞肉係滑身, 而且冇乜骨架, 肉質唔錯 ,醬汁方面都有三款一個係蒜蓉, 一個係甜酸醬, 另外一個係黑色豉油, 呢三款醬汁要嚟撈埋啲雞油飯食啱曬南乳雞翼麵, 雞翼有三隻外面陳皮係脆脆地, 裏面啲雞肉都幾滑, 廚師用咗南乳來醃隻雞翼, 所以有好香嘅南乳味, 呢三隻雞翼都整得唔錯呀呢個套餐會包埋飲品嘅, 呢杯係朱古力咖啡餐廳裝修冇幾耐, 環境比較乾淨, 而且啲店員都比較後生, 我十二點鐘去到餐廳, 裏面嘅人唔算太多, 所以都食得幾舒服…查看更多

呢間餐廳喺橫街上面所以嗰個環境係比較寧靜。部隊鍋，價錢168元，啲麵上面會有兩塊芝士，如果想食芝士味比較濃嘅朋友，可以先煮滾咗啲麵之後，先夾起面頭嗰啲麵食，會食到好重嘅芝士味。呢個喎會包咗韓式年糕，牛筋丸，午餐肉，翠玉瓜，泡菜。啲麵係屬於韓式，比較有彈性同埋粗身少少嘅。另外我仲叫咗兩串串燒，一串係牛筋丸，另外一串係雞翼，牛筋丸係幾好食，因為佢裏面有牛筋，外面燒得好香脆，而裏面仲有少少肉汁。嘢飲方面叫咗王老吉，甜甜地好似涼茶咁，可以清下熱氣。…查看更多

呢間餐廳啲海南雞飯都幾受歡迎，我見到隔離枱有兩個小朋友都點咗每人一個海南雞飯來食。呢個海南雞，雞的份量都吾小，大約有十件，其中有幾件會特別多肉嘅。醬汁方面就會有兩種，一種係蒜蓉，另外一種就係甜甜地辣辣地嘅醬汁。呢個飯仲會包咗一個冬瓜湯，另外仲會包咗一個飯，個飯係雞油飯來的。芒果糯米飯，芒果個份量大約有半個芒果，跟住就加咗啲椰汁喺嗰啲糯米飯上面，啲糯米飯口感系煙煙韌韌咁。呢間餐廳有兩層，下面嗰層大約有十張枱。…查看更多