bibi011002的个人专页

炸黑毛豬火腿球，黑毛豬切粒味道非常甘香，裏面有啲白汁，外脆裏面甘香軟滑。些利酒炒什菜，輕微帶點酸，少少酒味，什菇很諗滑，菇味也頗重。玉桂條配朱古力醬，炸得很香脆，香香既玉桂味及糖粉已很好味，加上朱古力醬又係另一種食法。…查看更多

以旺角區黎講鮨心算得上頂級，不會比港島區既日本菜差，環境乾淨舒適，一點也不會覺得嘈吵。蟹子沙律，青瓜爽脆，蟹子份量也很足，沙律醬落得剛剛好，不會太多蓋過青瓜嘅清甜。酒煮大蛤，蜆肉白淨，味道鮮甜，有淡淡清酒香，最重要係非常新鮮，一點沙都沒有，我係非常怕食蜆有沙，那怕只有一丁點，都會非常掃興。牛油果軟殼蟹卷，軟殼蟹加上牛油，一向都係絕配，而且仲加了點青瓜絲，中和左軟殻蟹嘅一點點油膩。燒物我就最鐘意食雞亦，啲雞皮燒到冇乜肥油，食落很香不油膩，肉質嫩仍然keep住有肉汁。因為我地叫左清酒，所以店員推薦呢款炸澤蟹比我地，送酒非常適合，上碟時啲蟹仔仲排得好精神，細細隻一啖一口再飲一啖清酒，特別香。我喜歡酒味淡一點的清酒，比較容易入口，不喜歡太嗆的，店員介紹左純米吟釀，入口香醇，很順喉，平時不常飲飲酒的我覺得很啱我飮。順帶一提叫清酒可以自己選杯子，店員拿著一大盤酒杯給我選已令我心花怒放，眼花撩亂！…查看更多

分量頗多的，鮑魚絲火腿絲通粉，多咗鮑魚嘅香味令到個通粉好食左好多，口感也增加，餐包夠軟熟，加上牛油很香，我選擇咗荷包蛋，煎得不錯有很多蛋黃醬流出，好立克亦都好好味。…查看更多

個牛腩河唔係好熱，D牛腩又乾又好鞋，味道又唔好食，河粉還可以，都爽滑，湯底冇乜味道，我食到有水味，怪怪的，我只食到一半就唔想食，叫左柸冰豆漿，都係好一般貨色，算吧，下次不來。…查看更多

賣相幾好，好有夏日感覺，張包裝紙仲係有菠蘿圖案，個包都幾厚，牛油果很多，因為牛油果雪過嘅關係，個包唔算太熱，咬落去牛油果係凍凍地，而且會流出黎，味道不錯，值得嘗試。…查看更多

樓梯旁邊放滿字畫，很有氣氛蒜蓉粉絲蒸扇貝，已將內藏清走起肉，粉絲放係底，非常細心，扇貝清潔得好乾淨，一D黑色都冇，新鮮，扇貝很甜。鮮百合雲耳炒鮮淮山，非常清新既小炒，甜豆好甜，淮山又爽口，D甘筍仲雕左花添。燒腩仔，肥瘦分佈均勻，食落很甘香，又帶有燒香既豬皮的香口。…查看更多

$188套餐(2位起），2個人絕對夠食，6道餸加一甜品。叉燒很香淋仲要鐵板上可以保持叉燒嘅熱度，另外個煎堆亦都好好食甜甜的煙煙靭靭。冬茸𡙡清香味美，燕窩同鮮蟹肉感覺清新。黑松露珍珠蠔，珍珠蠔很香濃creamy加上黑松露，香上加香。龍蝦芝士會伊面，龍蝦份量不少，味道很鮮甜。冬陰公脆魚扒，脆脆外皮包住香滑魚肉，點一點冬陰公醬汁，香香辣辣。有機時菜，爽口清甜，十分新鮮。…查看更多

聽朋友講龍門居開咗間新嘅狗仔粉，於是就去試吓啦，個狗仔粉係粗身既，平時食開果D都係幼身，淋淋地，中間有D彈性，湯汁都幾香豬油渣味。豆腐花望落都靚，豆味香，夠滑。…查看更多

廚房有一大塊透明玻璃，可以一邊食一邊望到裏面嘅情況。鵝肝牛脷肉凍係由一層鵝肝一層牛脷組合而成，鵝肝很香很棉夾雜着牛脷嘅鹹香味很夾，伴碟嘅無花果乾剛好帶給清甜嘅味道，食多幾啖都唔覺得膩。溫泉蛋白松露，白松露爽口清新，點少少溫泉蛋嚟食，香味四溢。法式紅酒燴雞，分量很多，全部都係雞髀，雞髀肉煮得夠淋，食落有紅酒嘅香味。伯爵茶奶凍，很香伯爵茶香，奶凍軟硬做得剛剛好，入口即化，先嚐到奶味繼而慢慢滲出茶香。士多啤梨慕絲，士多啤梨味非常濃郁，帶一點酸，慕絲質感似New York cheese cake，我非常喜歡。…查看更多

早餐叫左個沙嗲牛肉螺絲粉，沙嗲牛肉做得幾惹味，少少辣，牛肉都幾滑，螺絲粉有點彈性，唔會太淋，煎蛋就油多左少少，至於柸熱奶茶，味道其實係0k既，茶香奶滑，可惜隻杯爛成咁⋯…查看更多

叫左個蟹粥再加了一份蝦，一上枱個樣已經好正好吸引，粥面有蟹糕既油，好香蟹同蝦既鮮味，粥底很綿密但又會咬到有米既煙韌，還加左薑粒同芹菜粒，令到味道有很多層次又豐富。香辣魚仔炒蜆，少少辣，蜆肉新鮮，我覺得青黃椒同洋蔥吸左啲汁仲吸引我胃口。菜脯煎蛋，蛋煎得夠香，菜脯清甜不會太鹹。第一次是擂茶，鹹鹹的，有米通，芝麻，花生，夾雜微微甘苦嘅茶香，夏天飲還是蠻適合的。…查看更多

一去到見到有酸菜盤烤魚，仲話店長推薦既咁緊係叫黎試下，魚係先烤過再放到酸菜湯度煮，夾開魚肉見到有啲魚油流出黎，肉很厚，無乜細骨，隨便一夾就係一大塊肉，魚肉鮮嫩夾著清香既酸菜味道，很喜歡大大粒既炸蒜，粉粉的好香蒜味。食完魚繼續用返啲魚湯黎打邊爐，頂級手切肥牛一上枱，嘩！真係眼前一亮，牛肉很厚身，份量亦多，肥瘦分佈均勻，好似雪花咁，我將肥牛輕輕拖至7，8成熟，入口勁多肉汁，嫩滑、牛味很濃。再黎就係手打蝦丸同墨魚丸，都幾大粒，平時係出面食果啲只係細細粒，呢度差不多一粒等於人地二粒，蝦丸咬落去都有好多切碎既蝦肉粒，鮮味。而墨丸QQ的比蝦丸更彈牙，非常新鮮。…查看更多

食完飯想同三兩知己傾下心事，地方頗暗，幾有情調，但音樂聲比較大，傾計要大聲少少，人客大多係外國人，我地叫左2支日本凍清酒，酒味唔係好濃，易入口，一口一杯，飲到醉醉地，叫左杯西柚雪糕，十分醒酒，立時清醒不少。…查看更多

焗釀鮮蟹蓋，蟹肉很多很粗身肉質鮮加上芝士好正。北京填鴨，皮脆肉嫩，包鴨個塊包皮夠薄，熱辣辣包住青瓜條，蔥段，海鮮醬，簡直係絕配。避風塘炒蝦球，辣味不算太重，蒜香惹味。黑松露雞粒燴飯，松露分量很充足，每一啖飯都食到松露嘅香味，值得推介。…查看更多

跟一般既日本定食差不多，前菜沙律新鮮，面豉湯鹹淡適中，牛肉很大塊，厚切，分量很多，冇乜肥肉，牛味香濃，牛肉既汁亦到做得好好，加埋蒜心一齊食很惹味。順帶一提呢間店食嘢嘅時候係唔可以講電話。…查看更多