Mi529G的个人专页

難得放假行街... 醒起新開左呢間食親民價錢既壽司鋪頭... 下午四點幾都有唔少人等位... 同朋友照係門口自助取票等位... 兩位都唔算等得太耐... 半個鐘就排到... 入座時有講明有限時用餐架～ 有帶位入座... 仲會問係咪第一次幫襯... 如果係就會好詳細講解點樣 iPad 落單... 野食會係旁邊既運輸帶送過來... 每次 order 限數量... 所以要不停係咁加單... 但野食都好快咁預備好～價錢咁大眾化就試左好多款... 估唔到會係茄子最好食要 encore XD呢度仲有婆仔最鐘意食既沙律吞拿魚壽司... 仲有好多款壽司想試... 但已經食左好多... 下次再幫襯繼續試先... 甜品都未試呀！ 兩個人都係坐卡位好寬敞... 但成日都唔覺意望到斜對面... XD 埋單比錢要行番出近門口位置... 原來有儲印印既... 儲夠印印可以換禮物... 唔知邊樣有味精好口乾... 同朋友埋單之後要買野飲...…查看更多

做運動為左食更多 XD 做完運動之後呢次去左朋友推介既漢堡店... 好抵食～ 好味～ 服務態度仲超好添～ 即叫即整記得耐心等候～ 套餐：芝士牛堡 番薯條 椰青水 芝士漢堡包好軟熟... 漢堡扒唔硬... 仲勁多芝士... 底仲有洋蔥... 好多醬既洋蔥... 婆仔比較鐘意食無醬既洋蔥圈... 簡單但好食～ 番薯條更健康... 哈～～ 唔理得咁多... 岩岩炸起好味又熱又香口... 就算凍左食都唔油～ 做完運動飲椰青水比飲汽水好～ 朋友推介... 所以幫朋友外賣一份～下次去運動完都來幫襯下試下其他漢堡～…查看更多

之前去搵仙后餐廳既時侯路經過... 估唔到原來奇華茶室既裝修得好有特色樓上既環境舒服仲有咸甜點既下午茶揀~ 迷你蝦喇沙 鮮什果窩夫 熱鮮磨杏仁茶婆仔點呢個喇沙都唔錯... 但真係好迷你... 即係份量唔太多... 但配埋個甜品同野飲都夠曬飽~咁岩當日轉天氣... 要潤一潤... 所以就算要加錢都揀左杏仁茶... 呢壺杏仁茶都唔太杰份量都多既... 會飲到好細好細粒既杏仁粒... 但唔好快太耐... 熱飲比較好～迷你蝦喇沙 芒果班戟個班戟係即整所以一上台既時侯係超香超吸引... 忍唔住要朋友 share 比婆仔 XD 好香好個邊好脆呀～無骨海南雞飯 馬來鮮蝦喇沙朋友夫婦各單點一份... 無骨海南雞夠滑... 馬來鮮蝦喇沙比下午茶個個份量多好多架~婆仔係直接 WALK-IN 拎位... 岩岩開始下午茶時間都未算好多客人... 但坐左一陣之後... 差不多 9 成位都滿了...呢度落order既時候仲可以係等大家清曬個咸點先再上個甜點... 甜點既餐具亦係之後先會擺台~ 呢度一揮手就會有職員行埋來... 服務唔錯又快~…查看更多

同朋友預早 BOOK 定位去食放題... 咁唔洗煩就咩都可以試啦~ 揀左去旺角兆萬樓上既神戶屋日韓放題食兩粒鐘再去行下街~ 一入座... 職員先比左幾張點野食紙... 見到有剌身就緊係揀左先啦... 除左三文魚刺身外咩都試~ 同埋寫到明會優先處理... 刺身拼盤果然好快上台... 服務效率好高~見到呢盤刺身拼盤真係好歡喜~ 每樣都好新鮮呀~ 朋友同婆仔都超鐘意唔同款既蝦刺身珍寶帶子刺身... 真係食刺身都抵番曬... 另外仲揀左個海膽刺身... 都好鮮味~ 迷你手卷同壽司都係必點架啦~來得食放題就緊係咩都試下... 每款份量岩岩好... 唔會浪費~ 炸物唔油又夠熱... 串燒日式即燒牛舌同炒蜆夠野味... 每餐都會點番個菜 balance 番... 除左點左兩款不同既沙津做前菜... 仲揀左鐵板馬拉盞炒通菜同燒有機菠蘿~呢度 set 曬 sofa 位... 每台客都有獨立空間同朋友食飯確係唔錯... 飲品自助行到盡頭就見到... …查看更多

婆仔家陣都幾得 free 去邊樹教班就順個便周圍遊下... 咁岩見到呢間個名咁搞鬼就八下啦... 原來係婆仔最愛既寶島美食呀~~~~~婆仔只係揀左 1 款下午茶餐另跟餐配一份台灣香腸... 份量都唔細... 估唔到我夜晚教完班都唔餓...台灣肉燥飯 南投四季春青茶(熱飲) 另跟餐配一份台灣香腸 (3條)SET 有跟兩款前菜架... 有花生同埋帶少少少少辣既青瓜粒... 食左開胃前菜就開動啦~ 仲以為下午茶個肉燥飯會好細碗... 好在無再點其他小食... 唔係實要外賣拎走都似... 初頭幾啖就係食飯面既肉燥加啖飯都唔錯又唔乾... 加埋蔥花更香... 點知原來個飯既中間係有好多既肉燥同汁... 撈埋一齊變曬金黃色... 令個賣相更吸引... 咁大個飯... 婆仔係清曬架 XD 飯面跟個半隻鹵蛋... 好入味唔硬...婆仔好鐘意食香腸... 仲要係台灣既香腸... 隻碟都唔會有香腸既油... 加埋蒜片食... 香腸唔乾配埋個飯食岩岩好~原先怕食個肉燥飯同台灣香腸會成口油... 所以特登點左杯熱茶... 諗住可以去下D油膩感... 點知完全唔需要... 呢杯茶有淡淡既好清香茶味但唔會有草青味... 飲落覺得好舒服放鬆既感覺... 又好大杯個杯仲要好可愛添... 仲有好多寶島美食想試... 下次要約埋朋友一齊來試多幾款... 呢度地方夠曬大... 就算朋友帶埋 bb 來都無問題... 係個位旁邊放埋架 bb 車都唔阻到其他人~…查看更多

婆仔第一次 trial 完打泰拳... 手都震埋... 好肚餓... 落左堂行左入女人街搵下有咩食... 搵到間有扒据既小店就決定幫襯... 不過等埋朋友收工先撐到台腳~等到朋友一齊入座... 一趟開到門... 職員好熱情咁上前打招呼... 一坐低婆仔都唔客氣咁直接問有咩推介...精選一人晚餐: 熱石推介~ 個熱石併埋實在太靚要影相... 但影左陣相先食都 KEEP 得住溫度... 可以慢慢食... 因為呢個 set 實在太多野食...主食揀左香煎雞扒... 帶有微微既酒香... 好厚切... 好滑唔洗加任何既汁... 仲要煎到個雞皮金黃色脆卜卜...好邪惡呀... 所以配番沙律菜一齊食就岩曬~婆仔不嬲都唔太敢係街食生蠔... 不過個餐包左精選生蠔 2 隻就唔浪費... 同埋呢度主打有蠔食就同朋友一齊分享... 加左少少檸檬汁食... 好鮮味帶有海水咸味~ 重點係婆仔平時食生蠔會好快肚仔痛... 呢次乜事都無... 證明生蠔好新鮮~前菜有得揀海膽揀就緊係揀鮮海膽撈烏冬啦... 先食海膽... 再將烏冬同青瓜絲三文魚籽同汁再搞伴多一次先食... 咁就每啖都帶有醋味... 個汁既味道好熟... 但真係諗唔到係咩... 揀左個蕃茄濃湯做餐湯... 的的骰骰既薯仔粒一咬即溶... 仲有蕃茄肉唔怪得咁濃~ 個湯一D都唔求其~同朋友分享就緊係揀唔同既餐啦...另外揀左個星級精選既黑豚豬扒10Z配薯條... 嘩... 我以為去食 BURGER 既地方薯條先好食... 點知呢度既薯條令婆仔同朋友都超愛... 粗薯條唔咸唔油膩... 加埋汁超正... 岩岩好兩塊黑豚豬扒唔洗好似薯條咁要爭食 XD 黑豚豬扒同雞扒一樣都係厚切同唔洗加任何既汁已經夠曬味... 婆仔見隔離台個男人點左呢杯石榴乳酸特飲... 個顏色實在太靚... 所以叫番杯來試下... 少少既石榴味... 据完扒飲好爽~ 兩個人咁食法都唔洗四百蚊真係好抵... 仲要好食～…查看更多

去開太古無理由唔搵埋好野食就走架嘛... 同埋點都要食飽個肚去教班 XD 唔知食乜之際... 轉左入去 aeon 諗住行個圈八掛下... 可能岩岩上個 POST 都係寫拉麵... 所以又好想食拉麵... 睇左個 MENU 一陣... 就揀左呢赤 (特) 豚骨拉麵... 列曬有咩配料非常好唔洗等婆仔睇圖估估下... 原來仲可以轉做 set 有埋餃子3隻加汽水1罐... 岩曬鐘意食餃子既婆仔呀~ 買完拎埋收據搵位座先... 揀左對住煮麵個個位... 等食既時間就睇住佢地煮...赤 (特) 豚骨拉麵 - 紫菜3片, 木耳絲, 慕, 半熟玉子一隻, 叉燒3片撈埋中間個個波形既落湯底度... 令到每一口拉麵都微辣好開胃... 婆仔鐘意一啖微辣湯底加少少蔥少少木耳絲一齊食... enjoy~ 半熟玉子好滑, 大大塊叉燒唔會乾食落唔油膩... 即煎餃子煎得微脆唔會散曬... 配埋個醋一齊食岩曬~ 勁飽勁滿足... 抵食～原來收銀旁邊仲有水比客人自助飲... 好貼心... 食飽左去超市逛下先~…查看更多

之前經過見到超多人排隊... 八掛望下原來係賣糕品... 再望下叫咩鋪名... 有咩可以吸引到大家咁想買... 太趕時間無得即時買來試... 呢次未夠六點... 未到收工時間... 經過得一個排隊諗住好快... 點知撞岩送貨時間都等左陣... 咁就岩啦... 夠時間比婆仔諗食邊款... 前面個個客一買就差不多買左一百蚊... 心諗唔通真係好食到咁... 原來真係唔錯喎... 一買完就食左個砵仔糕先... 唔會凍冰冰... 雖然紅豆唔算好多... 但少少甜又唔會硬實實... 確係唔錯... 價錢牌寫十五蚊有三件既款或都可以任君選擇... 婆仔既選揀由左至右係... 紅豆糕唔甜超級多紅豆... 蓮子桂花糕清得來少甜...龍眼糕食落淡淡既龍眼香味又唔甜... 等個陣見到鋪入邊個個好努力咁分工合作... 自家製的確係唔同 d~ 好味～ 下次再經又睇下有無遇到其他款式既糕品先～…查看更多

係旺角上完堂... 少少餓... 除左食壽司... 去食車仔麵份量有得預唔浪費～呢間夠懷舊裝修襯曬...入到去自已搵位座... 落單夠環保... 用紅筆劃好要咩又方便改...牛脷切到圓型 size 細厚切好夠淋... 個幼麵比較硬身... 估唔到小辣都想像中辣 dd... 好在撈埋腩汁都食到... 仲有支裝汽水飲... 雖然唔夠凍... 朋友話連佢支凍奶茶都唔夠凍只係個樽身滴曬水...車仔麵價錢都唔貴又可以預埋份量唔浪費... 下次附近上完堂都可以再幫襯～…查看更多

實在太忙... 連生日飯都要變成食宵夜... 哈～～～ 多謝朋友～～～就係因為宵夜時段... 客人無乜... 可以靜靜地傾住等野食來... 當然無乜人所以等野食來都唔會好耐... 好難得會食唔切吹動曬...有婆仔愛吃既牛舌... 仲要係厚切添... 正... 最驚喜係個茄子... 邊諗得到個 size 咁大... 仲要唔會重手落調味... 好味～呢度手工啤酒... 樽身圖案好得意... 好唔好飲就無問到朋友... 最鐘意呢度係高櫈台坐得舒服...…查看更多

最開心係大家做完瑜伽再去開餐... 一班人去試新野～招牌香茅豬扒金邊粉上台個陣緊係靚仔啦但婆仔要影相就墊高左咁就睇得清楚d... 豬扒都幾大塊... 仲要好好咁自動碎上塊香茅豬扒喎... 咁食就會比較方便... 唔知係咪因為浸住個冬蔭公湯既關係呢... 好香茅就真係唔算得上... 但都算唔錯... 個湯底仲有得揀既添... 婆仔揀左小辣既冬蔭公試下... 未試過如果太辣浪費就唔好啦... 食之前就緊係試啖個湯先... 確係小小辣... 再試可以試中辣... 呢個價錢真係算好抵食～ …查看更多

專登落去德豐粉麵餐廳幫襯食個煲仔飯... 聽講好出名煲仔飯架喎... 見到伯伯係門口好努力咁睇住煲仔飯個火... 呢 d 真係越來越少見到...入到去麵好多人... 搵位順便八掛周圍望下... 好多食客都係揀食煲仔飯... 所以都係要耐心咁等... 記得個煲仔飯上台個陣快手落豉油再焗一陣先食... 咁就更香更好味～豉汁白鱔飯鱔片算厚身又夠淋... 飯焦唔會太過火... 對於婆仔來講份量岩岩好... 大食 d 既就未必夠食...北菇雞加潤腸飯雞都算滑... 潤腸好食～…查看更多

同媽咪家姐係 Sweetheart 門口見到呢間主打係椰皇就想試下... 婆仔睇圖就好想試個椰皇之寶...重點係同蛋白底... 唔敢點個咁多款料怕食得太飽食唔落晚餐... 鋪仔細細都座得落唔少客... 見好多客都係食椰皇... 所以落完單整都需時既... 但都唔算太耐... 十幾分鐘就整好... 見到媽咪同家姐 order 個兩款真係好多料... 不過無試佢地個兩款就唔亂講啦... 婆仔個個桃膠都唔算少... 重點係唔太甜岩曬婆仔～…查看更多

咁好天又運動完... 嘆番個朋友想試既邪惡下午茶先... 要食真係有無數既理由 XD 咁又有做運動既動力啦...招牌芝士流心西多即炸夠曬 HOT!!! 一切開... 芝士慢慢滲出來... 賣相更邪惡... 唔太漏... 食落唔太甜... 又唔會太厚... 如果想點D 既話就可以再點多 d 糖醬...配埋餐茶... 走甜既熱奶茶... 茶味比較重... 相對奶味好少好少...座門口卡位有樣唔好... 好多蚊子仔係咁飛... 的確令人反感... …查看更多

去到珠江酒家門口見到個格局咁舊式更加想試... 就算要等位... 不過都係等左一陣間啫～ 一見到呢碟炸大腸真係好歡喜... 仲要有埋菠蘿伴碟... 真係好難係出面既鋪頭搵得到... 大腸唔油... 飲住汽水食真係好正... 好懷舊... 今次既主角枝竹羊腩煲～ 羊好林身唔會咬唔入... 不過份量唔太多... 又有馬蹄食... 芥末豬手... 我係睇錯左芥末兩隻字... 想食豬手所以點左... 芥末味好夠... 豬手都夠林... 但唔好掂咁多最底個汁... 會好鹹...見到潮洲蠔爽個名好吸引... 見到格離台食又好吸引... 最初面個幾粒確係好好好好食好香口既... 但之後個D... 鹹到頂唔住... 可能加個白飯會好 D...…查看更多