melodyki的个人专页

第一次來到夏麵館晚餐，約7:00pm入面已經坐滿了人，看見身邊的人都會叫一碗麵，砂鍋雲吞雞，心想應該會很好吃。我們叫了六碟食物︰金牌菜肉炒飯，炒得真的很有鑊氣，粒粒米飯分明，吃落去有一粒粒脆的食物，不知道是不是飯焦，但是入面真的很多菜和肉，是有DD鹹和油膩的感覺。鮮肉小籠包與平時吃到的一樣，一樣多肉汁。砂鍋雲吞雞，為了想食到處找可以食到的地方，個湯比我想像中清甜，加埋半隻雞落湯，湯立即味道豐富了，可惜半隻雞真的不夠，4人每人一件都沒有剩了，雲吞煮了好耐的感覺，好淋。上湯雲耳勝瓜，汁好濃，勝瓜吸收哂汁的味道。酥炸大排麵，豬排好脆很好食，麵比較硬，不能吸收湯汁。香煎南瓜餅，好油膩，入面沒有太多南瓜，下次不會再叫。這次晚餐，上菜的時間很快，一落單好快便一碟碟送到，差D沒有位放低，侍應們服務好好，好有禮貌。…查看更多

見到Openrice的排行榜，好想食拉麵，就決定試呢一間。我同男朋友叫了一個叉燒拉麵，一個炸豬扒拉麵。因為我唔食得麻油，所以叉燒拉麵走麻油，湯是好濃的豬骨湯，不過好鹹。心諗拉麵會唔會有牛油味？點知不是，沒有味的，麵條滑嘟嘟，沒有吸收到湯的味道，不過肚餓就照食吧。至於叉燒，醃得好入味，唔識形容那味道，薄薄一片，很容易咬~至於炸豬扒拉麵，我見身邊好多人都係食呢個拉麵，唔知呢一碗係唔係招牌拉麵呢？麵一來到好香好濃的麻油味，男朋食飲第一啖湯就覺得麻油太濃，係出前一丁的麻油的味道，連隔離枱情侣都是這樣說。拉麵都是一樣，豬扒的炸粉唔會太厚，適中，豬扒好鬆化。食完正餐，可以食甜品了。我覺得這間餐廳老闆好叻，可以讓大家食正餐的同時又想起可以係呢度食埋甜品，又可以多點生意，女仔見到甜品好開心，特別望住咁色彩的餐牌。見到寫住北海道3.6牛乳，好心動地想試下個乳酪，叫左雜果乳酪芭菲。見到甜品在我眼前，好繽紛色彩，未食都覺得好開心。上面的雜果好新鮮，乳酪唔識分是不是3.6牛乳，好酸食到中間係蜜糖脆脆，混合乳酪一齊食好夾，最底應該是紅莓，都是酸的。另外這個綠茶乳酪芭菲，鍾意抹茶的一定要試，雪糕有好濃的抹茶，有紅豆，蜜糖脆脆好夾。整體上今晚的晚餐好食，如果一個麵加一個甜品，以女仔來說，真的會很飽。侍應好留意客人的需要，食完好快就收好碟讓客人食甜品，又會幫客人加下水，GOOD﹗…查看更多

今晚去工聯會上堂前，見到一間台式食店，出面睇門口都比較簡單，只是一個餐牌。諗住試下新野，就叫了一個鐵路肉燥飯 $35，可以包一杯$12飲品，不過太少飲品是$12，所以叫了一杯熱的珍珠奶茶$14，只需補差價$2就可以飲到了。點餐時個侍應姨姨好好服務，店內計埋侍應3人，如果不是繁忙時間，都應付得到。等了約5分鐘，好靚的肉燥飯出現眼前。肉躁有好多，可以撈到成個飯，飯的份量適中，飯的水份不是好多，生菜是烚完就上碟，蛋同普通蛋沒有分別。熱的珍珠奶茶是用紙杯載的，拎上手不會好熱，珍珠痴埋一舊，好甜而且好淋，不太好吃。而奶茶的茶味好濃，蓋過甜味。食完之後坐一陣，發現都幾多人外賣，外賣的食物都入盒都入得好靚，好有台灣食便當的風味，而食物即炸即整，好熱哄哄的感覺。辛勞工作一整日，食到豐富的一餐，就覺得好滿足。希望下次再試下它的麵。…查看更多

今天同朋友相約朗豪坊食飯，大家都係主要想傾計，所以係Food court邊食邊傾計。當我望住這店的電視不停地播著如何整燒餅，但是我諗起燒餅應該是好多椰菜，所以最後就只係選擇奄列炒麵加八爪魚丸加大判燒(紅豆)。奄列炒麵入面有青椒、洋蔥，煙UN的拉麵，加上薄薄的蛋皮加沙律醬。我覺得沙律醬落太多了，不過加埋D拉麵一齊食，就會覺得好滑。不過真係好喜歡煙UN的麵條...暖的八爪魚丸出面硬入面淋，幸好入面唔係唔熟，入面有好大粒的八爪魚係入面，不過個燒汁真係鹹，唔好點太多汁。紅豆大判燒以為係新鮮整，點知係後面之前整開留下來的，連暖的感覺都沒有。之前在不同的地方食過有魚仔的形狀，但呢個圓形的形狀入面就可以入超多的紅豆在當中，都算好吃吧。這個咁平的價錢，有一個餐，真的不能要求太高。…查看更多

2月14情人節，我諗好多情侶都會襯呢一日好好慶祝下，而我除左慶祝情人節，今次也為了可以同男朋友一齊拍拖了4年已補食飯。 因為男朋友鍾意食蛋包飯，所以上網見到此店的熔岩蛋包飯，真的很吸引。店的地址並沒有想像中那麼難搵，因為附近都好多食店。因為都8pm到，見到有4對客人都等桌子。而店的桌子數量有限，眼前店舖門前已經放多2張摺枱讓客人坐下，但是因為附近店都有幾間食店，走廊有好多油煙味，所以唯有耐心地等待。等的時候見到有幾個餐牌，原來只係蛋包飯都可以有咁多款，竟然仲有烏冬，不過全日早餐要遲下店舖開放先食到。男朋友點了一個「自家製手打漢堡扒熔岩蛋包飯(伴茄汁)」($92)，而我是「照燒雞扒熔岩蛋包飯(伴茄汁)」($88)另外一個是轉餐(加$12)可以有沙律同2個小食，有脆薯角同蜜糖雞翼。手打漢堡扒熔岩蛋包飯，當我們見到這個飯上枱的時候，蛋真係比想像中大好多，搖起碟的時候蛋是震騰騰的，真係想像到中間蛋汁很多。影完相之後輕力用刀界一下蛋的表面，蛋好似下面圖片咁衝出來。而飯是用珍珠米，粒粒飯加埋蛋一齊食，真的可以每粒飯都有蛋汁。可惜跟茄汁太酸，同整個蛋包飯不太夾，而手打漢堡扒是用左好多黑椒醃出來的，如果食到黑椒的客人應該好鍾意。照燒雞扒熔岩蛋包飯，雞扒比較少，茄汁真係好酸，所以只係以蛋撈飯食完就算了。不過蛋應該是沒有調味，因為真係只食到淡淡蛋味，真係靠雞扒的鹹味配搭。沙律在蛋包飯前已經吃過了，但小食卻差不多食完半碟飯先上枱，聽侍應話焗緊雞翼，所以要等耐DD。但脆薯角咬落去好油，感覺到係即炸即出。而蜜糖雞翼又係有黑椒的，而蜜糖味卻不是太出到味......如果加$12轉餐可以包野飲就好了，蛋包飯煮完出黎是暖的，不是熱的，出面的天氣那麼冷，當然是想食D熱食吧。…查看更多

之前夏天已經到這甜品店食過熱哄哄的糖水，還記得店外還放左幾多枱俾人食雪花冰，窩夫，只可惜個陣太飽食唔到。不過今晚天氣咁凍，決定要來食窩夫。叫左2個窩夫，一個《Baileys朱古力醬窩夫配雲尼拿味雪糕》一個《焦糖香蕉鮮忌廉窩夫配曲奇味雪糕》，侍應話要等15分鐘，但是同朋友傾下計，不知不覺食物就送到了。先來《Baileys朱古力醬窩夫配雲尼拿味雪糕》($48)，仲以為窩夫係圓形咁送上，點知已經分了四份，仲好靚咁排列一齊。未講味道之先，我想講，我坐係店咁耐，只要一有客人點菜要窩夫，成間店就會充斥住窩夫的麵粉味，真係好香的。先試一試個朱古力醬，好濃好幼滑，而且份量好多，真是剛剛好讓四件窩夫都夠充足的朱古力醬。朱古力貓貓拉花整得好靚，當我想試下當中的朱古力，卻不容易俾我吃到，因為不是用稀的朱古力整出來，所以朱古力黏住碟，吃不到。窩夫除左好香，切落去第一下係聽到D好脆的聲音，之後咬落去係又暖又鬆軟的窩夫，加上朱古力醬，少少雲尼拿雪糕，又冷又暖的感覺，真係絕配。因為我是好鍾意食朱古力，我食甜品好多時都會點朱古力味的甜品。 至於雪糕，真的到我食第2件窩夫先開始融到個雪糕。我同朋友傾開，唔知雪糕是不是那個液態氮雪糕，唔係點解可以整到咁堅硬咁凍，可以維持到我食哂成碟窩夫呢？同埋我食得出唔似係雀巢雪糕，哈哈。《焦糖香蕉鮮忌廉窩夫配曲奇味雪糕》($45)因為它是沒有醬可以點，味道就單靠焦糖脆脆同香蕉味。雖然我對焦糖不是太喜歡，因為覺得有苦苦的味道，但真係整得好脆，鍾意食焦糖又要度高的朋友都話好食。香蕉同忌廉都好多，只可惜曲奇味雪糕的曲奇味出唔到味。當大家都下單想食什麼的時候，居然俾我們發現有人外賣個紫薯窩夫，我同朋友聽到都眼睛發光，看見製成品淡紫色的汁，真係想試。就留待下次再叫吧，唔知係唔係季節限定呢？因此之前見到餐牌見到的窩夫同今日食的都唔同左。食完棒住肚子離開，好滿足，期待下一次再來食第2隻味的窩夫。…查看更多

今日同舊同事一齊去荃灣食晚飯，上網一睇，見到好多人都對此店有好評，咁等我又試一試吧。今次吃的食物，都是食家覺得好食的食物，咁樣會穩陣一點。首先食的食物是︰薯條配酸忌廉 試少少酸忍廉，真係好少的酸酸的味道，配合薯條後就覺得好似沒有什麼特別了。因為我們各人都很喜歡食薯條，所以不用10mins就已經食完了。三文魚千島醬Pizza︰Pizza比我想像中更薄片，是很脆的，三文魚好好食，加上少少芝士，整體覺得好夾，不過如果再加多少少芝士就好好了。德國咸豬手︰呢個係我的同事最鍾意食的一碟，看見他們食得好滋味的樣子，真係好開心，我諗廚師如果見到都會好開心。當豬手由侍應的手送過來，侍應就會問需不需要幫我地切開再上菜，因為我們慣了自己落手，所以就不用切了。帶子菠菜忌廉意粉︰這是我覺得最好食的一碟，我很喜歡忌廉意粉，意粉咬落去唔太淋。帶子很大粒，不過食唔出係新鮮帶子定雪藏帶子，但真係好食。香蒜辣汁雞翼，因為我唔食辣的，但是我試過個汁，好多蒜味，但雞翼好唔好食就唔知了。因為間店都幾full booking，我打了好多次電話都打唔通。最後我7:30pm就去到門口，幸好沒有太多人，所以我很快就入去坐了。邊食邊發覺出面等的人都多，當我們食完的時候，可能見我們沒有再落單，就極快手就執好我地的餐具，碟。有D人覺得咁樣幾好，但我覺得會唔會似趕人走呢？不過侍應好細心，經常幫我地添水。這間店下次可以再來試過。…查看更多

昨晚睇完戲同男朋友到處搵野食，下大雨，10點到已經很多地方都關門了，行行下見到呢間很有日式風味的拉麵店。好奇下便去試下...點知....一坐在椅子上發現很多水，而且還滴水，衣服都濕了。然後望着餐牌落單，點了一個招牌叉燒拉麵，同吉列豬扒拉麵。男朋友點的招牌叉燒拉麵個湯苦苦的，叉燒很淋，當水正滴在麵入面的時候，幸好他已經吃完了。 而吉列豬扒拉麵，我看見的時候已經有點不想吃的感覺。豬扒很燶，黑黑地，但吃下去好脆，到吃完整碗麵個豬扒都是脆的。 拉麵同一般拉麵沒有分別，很重蛋味，而個湯好鹹，很想加點水沖淡它，所以只係食麵同豬扒，但求食飽就算了。雖然店只有2個人，但店員收食物都很快，而且還貼心地指示抬下面可以掛袋，雖然桌是斜着放的，好在麵放上去斜放的時候沒有把麵倒在客人身上，但邊食邊擔心麵會倒下。桌子上很多油，把紙放在桌上睇下野，唔駛好耐，紙都滿着油，或者下次店員應該抹多點枱，麵湯淡小小就好了。…查看更多

因為最近要食d少味精的食物，巧合在openrice見到這一間少油少鹹的店舖，這樣就去試試。不過地方比較難搵到，都要搵了一段路才找到昌寧商場，雖然附近都有幾間吸引的餐廳，但最後都俾少油少鹹的紙牌吸引了。今次的餐牌有這幾款，款式都好多，好多都好想試，最後我們叫了一個A︰牛肝黑野菌汁雞扒紅米飯 和一個D︰香草什菌煙三文魚燴螺絲粉。A餐要雜菜湯，D餐要南瓜湯。雜菜湯沒有什麼特別，比較稀，而南瓜湯是好濃的南瓜味，飲落去試到有少少南瓜蓉在入面，不是稀的，值得一試。牛肝黑野菌汁雞扒紅米飯︰個汁真係食到好多菌的味道，雞扒好大塊而且好滑，汁多而扒大，可以送到一整碗飯，而飯則是紅米飯，飯不會太多水太淋，配合起來有健康的感覺。香草什菌煙三文魚燴螺絲粉︰個汁唔知係唔係白汁，幾好，三文魚比較覺得鹹，隔離枱的熟客都咁講，最特別係汁入面食到好多香草，黃椒和洋蔥的味道，連平時不喜歡洋蔥的我都照食了。螺絲粉不會煮得太熟，整體來說真的好味~這個奇異果汁是很濃的奇異果的味道，不會太酸，不過跟餐加另外$10，店內還有蘋果汁、西瓜汁等等。這個朱古力飲得出是用朱古力粉弄出來的，不會太濃朱古力味。好少店舖真係會用朱古力粉沖朱古力，因為朱古力粉都唔平。店舖內好多閃閃的燈飾，而牆上有很多情侶的相，加上不同人寫的意見，看到好多推介的食物，而且個餐都大碟，晚餐的價錢都是40-50蚊左右，都不會太貴，而且有這樣的質素算好了。服務員雖然不多，但是收餐都比較快，同埋會同客人傾下計。…查看更多

星期四晚上同男朋友和另一個朋友一齊準備活動的事，坐低後，先來杯野飲。我之前曾經飲過一杯凍朱古力樂園，是好重的朱古力味，而且整得好靚，所以今次又要。因為自己身體不適，所以要了一杯熱的朱古力樂園。初初以為會好細杯，點知又唔會，服務員又好親切。先看下面的圖片︰只是看見個外觀，已經覺得好正，飲下一啖，好濃的朱古力味，加上Cream，絕配。然後我們處理活動的細節，環境都好靜，柔和的燈光同音樂，都令到大家都好舒服，店舖入面有提供洗手間，洗手間乾淨而且大間，很好。整體配搭好好，下次都會想再去。…查看更多

今日約了同事一齊去呢一間八方雲集食餃子，好耐之前係紅磡食過，唔知呢一間點樣呢?去到這間店，店內可以坐的地方唔多，午膳時段，更係好快就坐滿人。坐在近門口的位置，收銀得一人，廚房入面有3人，但是等了很久都沒有人幫我們落單~當發現店內大部分人都舉手要落單，廚房的一個職員出來幫我們落單，收紙，我們還是繼續邊傾計邊等......直到過了15分鐘，先發現收銀姨姨拎住一大疊單，一張張落，一張張出紙，我地先發現等了這麼久仍未落單。因為收銀姨姨仲走來問我們落單的內容......我們要3個招牌水餃套餐,當中有20隻煎餃，10隻水餃，一個豆漿，兩杯特飲。再過多15分鐘，經過我地多次催促，來了20隻煎餃，食落去發現一碟煎餃是暖的，表面只有少少脆，其他的好多都已經淋了，但入面的菜同肉都新鮮，但溫度不熱。 另一碟煎餃，溫度比另一碟熱少少，表面是脆的，這樣才是好的煎餃吧....再過多15分鐘，見到一位有經驗的服務員上班了，明顯地她一上班，不用5分鐘，她行去收銀，廚房幫手，好快就將混亂的情況處理好。而我地再催，10隻水餃熱騰騰地上碟，我地剩下可以午膳的時間唔多，唯有快快地吃下。水餃的皮厚厚的，菜同肉好多，好豐富，很有飽足的感覺，最重要的是熱騰騰的。過多5分鐘，兩杯特飲先到，我地都只有拎住特飲回公司。如果我是第一次去八方雲集，遇到這樣質素的餃子，我一定唔會再來。不過聽同事話，上一次來食的時候唔係咁，所以唯有下次過一排再來吧，希望到時唔會這麼亂。不過臨走時發現有客人話煎餃凍的時候，有經驗的服務員立即幫佢換，下次如果遇到這情況都可以試下先。…查看更多

這次的午餐是男朋友同我慶祝生日而設的，他知道我一向都喜歡食烏冬同拉麵，所以今次帶我去試下這間烏冬，去到一睇店舖名，就覺得好特別。我叫了一個溫泉蛋烏冬，加一個炒豚肉。拎住托盤行去同師傅講想食什麼烏冬，好快就望住他煮好碗烏冬，拎住碗繼續係counter睇下有無想食的天婦羅，飲品，最後就可以去俾錢。之後去自助調味料區，個度有個牌掛係上面，講解不同的調味料，有薑、蔥、芝麻、鰹魚醬油、天婦羅碎等等。我照牌的拍示，係烏冬上加了三湯匙的鰹魚醬油，天婦羅碎。自己去搵一個舒服的位，把溫泉蛋同鰹魚醬油混合在一起，咬一口讚岐烏冬，真係好煙韌彈牙，加少少天婦羅碎，好脆，好好食，特別鰹魚醬油把成碗烏冬的味道提升。另外炒豚肉比較乾同多油，所以把豚肉點一點烏冬汁先比較易入口。男朋友選了牛肉烏冬加飯糰，隻蛋太熟，牛肉都OK，飯糰入面的飯好入味，應該係飯入面加了醬汁，所以不用出面加豉油。但飯糰不是太大，十幾蚊件覺得唔太平宜。店舖內外都有指示指引顧客特別的點餐方法不過估唔到中size的烏冬都咁大碗，至少食得飽，而且都只是$40-50一碗烏冬，係尖沙咀未必可以咁平食到個午餐~:)同埋都好小機會會係自己去取餐，餐具，水都係自取的，食完自己拎返個托盤俾服務員，這個感覺都幾好，訓練自己有手尾，因為通常食一餐飯，多數都是被人去服侍的，而這一餐反而要自己落手落腳，哈，好特別的經歴。…查看更多

今日放大假同媽媽去澳門一天遊，我地買了套票，可以遊觀光塔同係入面食自助餐。我地選了11:30-1:00個場，因為方便我們食完再去澳門自遊行~首先當然繞場行一圈，真係好多食物，不停的影食物相，除左風景靚，食物整得咁靚都會令到心情愉快一點。在場有很多沙律，不同的款式，適合鐘意食沙律的女士~這個區域以為無咩人，點知很多人都去拎一碗麵食，可以選好多餸，我選左菜，冬菇，芽菜油麵，用豬肉丸湯。麵的份量不太多，麵不太硬，只是冬菇不太新鮮。這個蟲草花雞絲粥真係好好食，好甜，當食完一碗想要多碗的時候，已經無哂了，要同人爭食~這是個值得推介的食物。壽司，款式比較少，以為去到有刺身，點知無...有點失望。甜品好靚，不禁的影了很多相片。睇到侍應好用心的係一邊幫甜品排靚靚~^^這款甜品係我在那麼多甜品中，只係試了這款，個Mousse好正，係木槺較多，相比下Mousse比較少，不過係好食的。都唔會有好漏的感覺。至於生果係好鮮甜同好新鮮，食左幾轉火龍果，蕃茄仔，仲有啫喱糖，好食~當然唔止咁少食物，雞、燒賣、珍珠雞(好食過係酒樓食)、炸蝦丸(啖啖蝦肉)、春卷(好脆)、焗薯(把薯仔整到一粒粒，易食又好有牛油薯仔的味道)，總結來說，食物絕對唔比香港的自助餐差，同埋係旋轉餐廳，食食下覺得點解會轉，轉得好慢都唔會話暈，可以睇到哂成個澳門的風景，真係好正~將平時工作的勞碌、緊張的心情，可以暫時的放下，只享受現場的美食和風景，享受這生活。…查看更多

上網見到食評，望見相片都OK，就同男朋友去呢度食晚飯~一入門口，入面滿哂人，不過都好快就有位坐。見到連外國人都入黎食~睇一睇張落單紙，都好多食物選擇，有湯米線 $24，仲有涼拌的。咁我叫左一個菜肉雲吞米線，走九菜、蔥，多芫茜。特別講下張落單紙真係好好，辣唔辣可以分大同小同小小辣，酸又可以，仲可以選擇走九菜、蔥、芽菜等等，也可以選擇多九菜或其他配料等等，好細心~米線來到好多芫茜，芽菜都好多，飲一口湯就覺得好濃，米線都淋，可以吸收哂湯的味道。菜肉雲吞得兩粒，味道一般。如果可以改善下多返D餸咁就會好d~男朋友叫魚皮餃、豆卜米線，少少辣，佢食到肉碎係令到個湯辣的關鍵，肉碎好入味~不過豆卜一食就知好多雪水的味道...不過總體來說，都OK，同埋坐位都坐得幾舒服，下次可以再來食。:)…查看更多

今晚慶祝朋友生日，見到食評就上去試試了。先來叫食物，然後大家傾一陣計，個飯好快就送上，不過個飯係未熟的，要等它煲熟~過左15分鐘，朋友食，個味道一般~之後其他食物都好快到...有芝士年糕、牛肉鍋、炒豆腐同薯餅、蛋包飯、豬骨湯拉麵等等‥‥‥新鮮熱哄哄，牛油好快就融，咬落去不太熱，但芝士未好濃，好味道。牛肉鍋另加烏冬同蛋，牛肉都好多，入面仲有菇，烏冬落埋去，吸哂D肉汁，同埋烏冬好彈牙。薯餅比較油同炒雞好多粉...蛋包飯入面係茄汁飯，酸酸的，好似西炒飯，入面有雞肉在中間都幾夾，份量都大碟。個麵好味，但個湯朋友飲落去話似公仔麵味精粉味，但我覺得都幾重蒜味~同埋好大碗麵，佢地都話好抵食。總結講，雖然食物不多，但卻很飽，有了優惠券平了一百蚊，價錢都合理。下次都可以再去~…查看更多