Alwaysbon的个人专页

屋企人話要試新嘢，今次試奶奶最buy嘅潮州菜，竟然揾食揾到廣東道尾，一去到竟然見到火鍋館三個字，原來呢度個師傅做潮州菜最耍家，因為新開張，大家都抱住一試冇妨嘅心態.我哋order左滷水鵝片拼盤，潮式炸蟹棗，碧綠炒雙蚌，藍田種玉，荷包燉鱔，潮州靚凍蟹，普寧豆醬全雞，凍烏頭燴飯，全部都係手工菜，睇個菜名好似好覆雜，不過好期待，巧工夫嘅手工菜冇咩地方食到。拼盤份量頗大，滷水味豐富，鵝片頗嫩。炸蟹棗，炸醬唔厚，食到蟹鮮味。炒雙蚌，沒有太大驚喜，正常貨式。藍田種玉，睇個名真係唔知係，原來係瑤柱釀冬瓜，味道還可，但鋪上面嘅紅蘿蔔絲頗咸，唔知係咪故意😓再嚟就係炖鱔，原來係咸酸菜包住嚿鱔炖湯，幾特別。豆醬雞，唉....上到雞時，真係好飽😩，冇試到，剩係聽奶奶講隻雞甘入味要炆好耐。凍蟹，超大隻，鮮甜多肉，冇得頂。烏頭，夠肥，有魚油，冇泥味。之後仲有反沙芋，糖醋麵，糖水同生果，實在太飽啦，當然食剩好多餸，再次發揮零廚餘計劃，包返屋企😁今次試食滿分，見到舖頭仲有火鍋，或者可以試下潮式菜加打邊邊，😜唔知會點？😝…查看更多

早兩星期已經book左位飲茶,父親節不容有失,一去到已經坐滿左好多人,因為我地係食第二轉,見到不停有人出出入入,枱與枱之間都有少少逼,可能父親節多關係,係時候點菜~飽汁鳳爪,膠質好重,都算炆得入味~千絲蘿蔔酥,好多蘿蔔絲好清甜,酥皮香脆,唔多油~脆皮叉燒包,一致認為太甜,有d失望,因為好多間酒樓都做得好好~燒賣,普普通通,食到有豬肉,但唔算好標青~菊蜜燒排骨,因為叉燒賣晒,食唔到好失望,只好叫排骨,甜甜地,好香脆,可能一心想試叉燒,硬係好似爭d甘~白灼菜遠,清甜無渣,一流~冬菇田雞煲仔飯,一枱人都覺得超難食,唔明點解仲要做,飯冇煲仔嘅香,冬菇田雞好似就甘放上去,原完全係兩個個體,附帶嘅豬油同豉油完全唔對味,好失望overall唔算好好,因為一心想去食好味嘅嘢,諗唔到有一半嘅菜都普普通通,以甘嘅價錢,唔會再去試…查看更多

第一次寫食評就比左時新,哈哈,久聞大名點都要試下,星期日下午同baby揸車去到,見到入面已經坐滿人,好彩一早諗住買上車食,order左三個burger,沙律汁魚柳漢堡,咖哩汁芝士蛋漢堡,黑椒汁芝士漢堡,大概等左15分鐘,三個熱辣辣漢堡到手,急不及待先試咖哩汁,汁唔算好好味,冇咩咖哩味,但係個牛肉真係唔錯,入面混有洋蔥粒,包尚算鬆軟,即叫即做梗好味,等二個再試魚柳,baby同我一致認為魚柳太單簿,不過都煎得幾香,若果真係想試魚柳見議加蛋,冇甘單調,再嚟就到黑椒汁芝士,比咖哩汁好味,overall都唔錯,總括一定要加芝士同蛋,港式漢堡比較單簿,芝士,蛋,漢堡又係絕配,冇理由唔加,雖然baby話自己都整到,唔算特別,但係唔會喺屋企特登整時,就要比人賺喇,價錢當然冇可挑剔,十幾炆又好食都算係甘.…查看更多