fishcat的个人专页

今天素食，僱員好窩心，主動幫我個餐小吃轉左冰製苦瓜。我個下午茶餐係豆漿炒米粉，冰鎮苦瓜，加即磨咖啡。整體OK ，價錢我未知，因為我依家寫點評有個甜品送，所以我寫咗先。而且感覺香港飲食業越嚟越難做，所以好耐冇寫食評嘅我都支持吓。…查看更多

今日係中秋節，開始拆開月餅食。我一向對月餅係好一般，所以大部份係人哋送。在沒有期望下，開咗盒(黃金閣雙黃白蓮蓉月餅)當早餐食🥮，竟然有驚喜。👍🏻白蓮蓉：好滑而且唔會太甜。月餅外皮：好香焗得出色。蛋黃：有蛋黃油流出嚟㗎，味道好香濃，正。p.s.唔覺唔覺一次過食晒一個，一定要飲返杯番石榴茶平衡返。…查看更多

逢星期二先有得食嘅勤記威靈頓卷（香炸腐皮脆肉卷 ）限量發售100份，即刻搶頭位去買來試吓先。好好食。疫情下今日係最後一日可以堂食，但都係外賣最安全，佢好細心喺個外賣盒度整咗個窿，返到屋企雖然已經凍咗，但外層仍然係好脆。外賣已經咁好食，堂食一定仲好味。過咗疫情，有機會我會再來幫襯堂食。P.S. 朋友介紹下，勤記要食威靈頓牛，但我食落冇牛肉味。有啲奇怪，原來佢係用豬肉整嘅腐皮脆皮卷，材料仲有香菇、蝦米、葱頭。唔食牛嘅朋友都可以試吓。…查看更多

除了喜愛在西環上環尋找隱世小店，元朗都係一個可以揾倒好多隠細小店嘅好地方。今日士林台灣麵竟然唔使排隊，所以9秒9入咗去食。愛香港嘅我哋會愛小店，我成日覺得小店就係代表香港人，香港精神。牛肉好霖，好入味好食，推介😋湯底夠濃，應該冇味精，飲完都唔會口渴。豬手就普普通通，冇特別驚喜，但可以試吓。胚芽奶茶我就覺得甜左少少。…查看更多

元朗除咗老婆餅呢間蛋捲都係好出名㗎，在1948年成立，已有71年的隱世手工小店。已經係第三代，有啲感動佢原先係做會計嘅放棄咗，為了想多見屋企人，返嚟幫手好有人情味。係一間行仔入邊嘅小店，每一卷蛋捲都係老闆親手做出嚟㗎。少油少甜無添加「唔落牛油，只有雞蛋」。食落好有口感，唔會好似其他牌子食空氣。同埋食落唔會碎晒，又唔會太油太甜，都算健康。去到元朗可以支持下這小店。…查看更多

黑椒薄牛扒熱狗腸配薯菜，周打魚湯，西多士，熱咖啡會再光顧周打魚湯：好有誠意有魚肉在湯內。黑椒汁：分開上夠辣。薄牛扒：一D都唔會太薄，底食。熱狗腸 ：可惜得半條，但夠脆。薯條 ：可以，過咗小小火。茄子 ：好味。西多士 ： 新鮮，但得半片。熱咖啡 ：可以，是傳統的舊扒房咖啡。服務：友善。…查看更多

去開尖沙咀終於試了中村藤吉。宇治金抹茶軟雪糕$53搽茶雪糕：超微搽茶味，小小甜味 白玉丸子：有水準紅豆：甜味適中爆米花：香囗但沒有特別味道如雪糕多一圈，紅豆多小小，爆米花少一半份量，口感會好D。…查看更多