Wesley_Lui's Profile

今晚老婆要OT冇人煮飯，咁就同阿仔諗吓附近叫邊間外賣啦～————————————————————————We time cafe💛前身係奶茶咖啡室，以前成日幫襯，不過改名之後就冇幫襯過，好啦，咁今晚就揀你啦😁😁😁————————————————————————套餐包括主菜，西湯，沙律，餐飲，$60幾70蚊，價錢絕對超值👍🏽👍🏽塊牛扒比得上出面$2，300蚊果d質素添😋😋用某個外賣apps仲有95折優惠，抵食！…Read More

26/3下午3:00，見係Mee合作商戶，就去支持下啦。第一次幫襯，入到去已經有個高瘦中年男侍應，悔悔氣氣咁樣安排咗我坐一張四人枱，但張枱本身已經坐咗兩個人，心諗食肆限聚令只可二人一檯兼且最多50%入座率，四人枱點可以坐三個人🤔🤔，算啦跟住叫嘢食，諗住叫紅湯，不過賣晒，咁就白湯都冇所謂啦⋯一飲落去凍嘅，同埋根本係冇白湯應有嘅忌廉味同蘑菇味，只得一個鹹字⋯唔怪知得紅湯賣晒，同埋隔離枱個男人都只係飲咗兩啖就算啦🤢其實嗰個黑椒牛扒OK嘅，一般快餐店質素囉，以五十幾蚊來講都算係咁，咖啡都係難飲嘅，似普通茶餐廳嘅咖啡，酸酸地，味道連大X樂嘅即磨咖啡質素都不如⋯⋯應該不會再幫襯了，黃店都係咁話…Read More

想去哩間舖頭好耐，但係平時行開都見到好多人，今日就特登早啲去幫襯下啦，晚上六點鬆啲去到，唔使排隊直入，員工態度好好，招呼一流，食物味道100分👍🏼👍🏼*漢堡扒嘅蛋包飯不做外賣，可惜～…Read More

呢間啲嘢食其實OK 㗎，價錢平，選擇多，份量大，$36兩餸一湯，喺灣仔佢區去邊度搵丫！不過呢，雖然知道喺廚房又熱又焗，但係你處理食物期間唔戴口罩，咁樣好唔衛生喎！你仲大膽到冇戴口罩都照拎餸出嚟唔幫你影返張靚仔相都對你唔住啦！眼不見為乾淨，你咁樣唔戴口罩大搖大擺行出嚟，你以為自己係明星咩😂（唔知點解uploade唔到照片）強烈建議食肆東主好好改善員工嘅工作環境，等佢哋有一個舒適嘅環境去工作，大家同心抗疫，香港加油💪🏼…Read More

本人於2021年5月29日下午約四時，行咗陣街諗住買啲嘢飲，咁老婆又鍾意天仁茗茶，咁就特登上荃灣一田百貨4/F內的天仁茗茶分店買嘢飲品啦。我張飛號碼是198，當時看見電子牌顯示17幾，因為果日都幾多人，所以我到附近逛了約五分鐘後折返。返到鋪前再等多幾分鐘後，職員幾杯整好飲品放在枱上，發覺電子顯示牌冇顯示，職員亦沒有叫號，只係見幾個顧客輪流用手將放在枱上的飲品左檸右檸，去睇吓杯身張label號碼係咪自己嘅⋯當幾個人摸完望完後，有兩杯冇人認領，我先行埋去睇睇，原來係我果兩杯😩之後我立刻問職員：點解電子屏幕冇顯示號碼？職員沒回應，再問一次後，佢先話：係冇㗎！我再問：冇？咁點解唔叫飛？佢又再唔睬我⋯我之後再話，你唔叫飛，d人唔知邊杯打爛邊杯，而我杯嘢飲俾3、4個陌生人摸完望完，我覺得咁樣好唔衛生喎！這時才有另一位職員過嚟講唔好意思！之後我再問果位職員你哋有冇customers services 可以跟進吓同埋你叫咩名？佢只係答我：上社交平台睇！我話你公司社交平台 會有你名㗎？？咁我之後唯有望吓佢件衫啦，抄低個名之後離開。…Read More

早幾個月開始在灣仔區返工，都會周圍搵吓有咩早餐好食，哩間瑞士咖啡室因為工作地方，d嘢食都OK，所以都幫襯左好多次，不過每次食早餐都比較趕時間，所以冇留意咁多野，不過今日坐近水吧，就竟然俾我發現水吧阿叔全程沖茶煮麵冇戴口罩🤬🤬，疫情下，違反香港法例之餘，仲罔顧食客同其他同事嘅健康⋯⋯早幾日先爆咗單K11食肆感染群組，第四波疫情一直未能斷尾，香港市民真係多謝晒你呀🤬🤬 不太認同瑞士咖啡室客戶服務的回覆，雖然佢話會叫同事需要除口罩就離開工作崗位休息，同埋適應疫情下嘅工作環境，不過你哋有冇諗過點樣去改善下廚房炎熱嘅工作環境呢？…Read More

最近開始喺灣仔返工，一有時間，梗係喺工作地點附近尋覓下美食啦，平時8、9點鐘收工經過呢間喺後街嘅扒房，次次見到都大排長龍，心諗真係咁好食？終於有日早收工，夜晚六點趁佢間鋪冇乜人，就即管行入去試吓啦～本身都係諗住求求期期快快脆脆食一餐，咁就點左我最鍾意食嘅威靈頓牛柳啦😋😋不過就奇怪點解呢度嘅威靈頓牛柳會有「火魔法」呢三個字呢？上菜時，謎底終於解開啦😂原來個侍應會喺上面點火😂雖然我覺得價錢係貴咗少少，但係以呢個質素都係值得嘅👍🏼下次唔會一個人嚟食啦，一定要帶埋老婆仔女再嚟過☺️☺️…Read More

今日係相識週年，老婆話想去食buffet但又唔想夜晚食咁飽，咁就不如搵間食lunch buffet啦～上網search下有邊間酒店嘅buffet CP值高，環境又要OK嘅，咁最後就book咗位於北角嘅維港凱悅尚萃酒店內嘅The Farmhouse 咖啡廳啦。可能疫情關係兼且係閒日，嗰日大概只得五成入座率，所以都坐得好舒適同埋唔使排隊爭嘢食，侍應補充食物同收碟都好快！整體上各方面都非常好，食物質素好好，種類雖然不算太多，但以lunch buffet來講已經十分滿意，最後仲食到飽得滯，要由北角行到去銅鑼灣消耗一下😅😅…Read More

今晚阿仔話要食日本野，聽聞荃灣開咗間叫爆X丼嘅餐廳，所以一家三口搭車去荃灣啦，去到見到人山人海，等位起碼超過一個鐘以上😨所以再上OpenRice search吓睇下附近有冇其他選擇，點知就見到呢間叫＂大丼屋＂嘅餐廳，食評唔差，加上距離又近，所以一個箭步行過去攞籌啦，去到竟然即時有位喎，只有大概五六成食客，心諗：唔通有伏？🤔不過最後抱住一試無妨嘅心態，結果瀨晒嘢😩😩盛惠＄188 巨型富士山丼，其實一啲都唔巨型，相反比起其他丼飯仲要細碗啲添，好失望，完全唔值呢個價！經理解釋話，本身menu用嘅碗比洗碗d人打爛晒，撞崩晒，所以而家轉用哩隻碗，係比其他飯嘅碗細少少，同埋隻碗細d，d海鮮先容易營造到富士山巨型嘅效果喎⋯⋯結果係，隻碗細咗，你d海鮮又唔係特別多，咪一樣營造唔到爆丼嘅後果😡😡同menu比較，我老婆直頭話要去海關投訴佢違反咗商品及說明條例！隻碗細到可完全放入燒牛肉丼隻碗內燒牛肉爆丼，算係最OK嘅一個👍🏼鹽燒鯖魚丼，老婆話好淡，冇鹽燒味，似係求其燒完淋d豉油上去咁👎🏼大蝦天婦羅，因為當時向完經理投訴個富士山，嬲得滯冇影相，不過味道是OK的。埋單四百幾⋯⋯冇下次…Read More