TiffanyYau5215的个人专页

終於同朋友夾到黎試期待已久既吐司🤩🤩我係星期日12:30到，等咗半個鐘就可以入座，比我想像中等得快左。建議越早去越好，因為到我差唔多食完時就見到越來越多人黎。我地一共點左3樣食物兩杯飲品，第一樣係香蒜雜菌黑松露拉絲芝士盒子吐司$65，吐司非常出色，蛋超滑、香蒜同黑松露嘅味道亦非常濃郁。食落唔會好漏，麵包都相當軟熟，十分美味！到第二樣嘢就叫左焦糖雞蛋布丁盒子吐司$60，配上焦糖醬同cream撈埋一齊食整體唔會好甜。不過個人都係鍾意食鹹味嘅吐司多啲。甜味吐司就沒有什麼特別。第三樣嘢就叫左栗子蒙布朗$50，淨係個賣相已經好吸引好靚，切咗入去入面係有窩夫同雪糕，d栗子蓉又整得好好食，欣賞佢啲甜品唔會整到太過甜，恰到好處。最後飲品方面叫左凍竹炭黑芝麻鮮奶$41同熱招牌奶蓋咖啡$45。黑芝麻味好濃，略嫌奶泡多咗啲。招牌奶蓋咖啡本人就好力推，唔飲咖啡嘅我試飲咗朋友個杯都覺得好好飲。因為個咖啡味唔算好重配合埋淡淡嘅奶味就覺得好好飲。雖然只可以坐60分鐘，但食落又唔會話好趕，環境亦都好舒適。總括來說我同朋友食完都覺得好滿足，就算要排隊都覺得係值得，日後一定會再黎。…查看更多

好耐冇食沾麵，係網上得知呢到有和牛沾麵仲要係薄切就覺得好吸引，本人係好鍾意食牛所以就book mark了。我係星期日嘅一點去到，等左大約25分鐘就可以入座，入坐後當然立刻點了慢煮安格斯牛小排濃蝦湯沾麵價錢係$138，兩個人去食點左兩碗，除後仲點左芝士薯餅同唐揚雞件，不過呢兩樣就冇影到相，味道亦都係普通。等左10分鐘左右，麵就到了，當然相機食先，影完相之後就開始張d沾麵放落湯底到浸一浸，第一啖食落去d麵已經好熱，湯底亦都好濃，蝦味夠出，跟住再食多幾啖略嫌少濃味，可以淡返少少就比較好。而麵質方面就較為普通，麵唔夠硬身。牛肉就不過不失，沒有太大驚喜。內部嘅裝修都好有日本風格，感覺似係日本食緊拉麵咁。整體來說都不錯的，特別要稱讚一下個湯底好夠熱，即使慢慢食食到最後d面浸落個湯時都仲係好熱。…查看更多