lazywyan的个人专页

咖喱牛腩飯咖喱又唔香又唔辣最大獲係個白米飯好似過期嘅米又硬 又臭 中伏 凍檸檬茶少甜啲冰勁少滑蛋牛肉飯係冇滑蛋的 只有蛋汁而且個牛肉係冇醃過完全冇味 估唔到可以難食到咁樣不過價錢就都叫做係實惠 兩個飯都係百零蚊…查看更多

今早同同事一齊買早餐，我食d餐沙爹牛肉麵，有多士有餐肉有蛋，好大份好夠飽。唯一覺得極度遺憾係凍檸茶入面完全冇放檸檬，好奇怪囉。所以杯野飲好難飲，感覺好唔完滿。同埋呢間野個menu d 紙好細，睇得唔清楚。:(…查看更多

上星期日，夜晚放工後，尼左呢間麻辣火鍋店朝聖，一向好鍾意食麻辣火鍋但香港唔係好多間做得好食。地點唔太近佐敦地鐵站，不過行下行下都好快搵到。服務人員既態度係非常好，我地2個人，係我地要求之下都轉左張4人大檯比我地坐。樣樣野都好食，最正係肥牛，凍豆腐，凍豆腐索晒麻辣湯底既惹味，好食到震！可惜鵝血賣晒，好彩有豬血。炸魚皮好脆，唔會好硬。D 碗碟好乾淨，只係張椅坐得唔舒服，食物樣樣都好滿意。冷氣又夠大，又有電視睇。…查看更多

呢間日本便當店好似開左兩三年，每次想試都冇機會，因為次次都好多人企晒門口排隊，的又冇耐性等。間鋪面積唔大坐到6個人左右，而且好逼唔算係坐得舒服，估計主要做外賣自取。今次太肚餓唔試拉叫左個牛肉卷拼吉列炸蝦，牛肉係照燒汁肥牛包住翠肉瓜，唔會太漏而且口感好爽！炸蝦亦好好味！份量比坊間同類型既店大份，可能因為快屋村街坊生意！…查看更多

呢一間餃子園，都開左超過6年以上，一直都生存到，應該有其原因吧？今日，叫左一個芹菜鮮肉餃，同埋糖醋排骨菜飯。排骨飯酸酸甜甜好開胃！飯好軟熟。至於餃子，係新鮮包的不含防腐劑，香港好少有，皮有麵包香味，一啖咬落去，菜好新鮮肉又好新鮮！收銀哥哥態度亦好好，feel 唔到佢工作的燥底。60幾蚊一位，都係值得一試，亦值得再回來！（好食過附近小雨天好多）…查看更多

今朝諗唔到食乜嘢早餐所以試吓屋企樓下間包點先生，我叫左個臘腸蒸雞飯呀，啲飯夠香，雞汁夠濃郁。我最鍾意條臘腸夠鹹又夠肥，激讚！攞嚟送飯一流！佢仲有好多點心例如牛肉球、燒賣，啲質素同酒樓嘅一樣但係價錢係平民價錢，真係正。…查看更多

有一班朋友住在沙田大圍，好少約佢地見面，不過果日經過沙田，叫佢地出尼聚聚，佢地就叫我坐係呢間１９５０ｃａｆｅ　等，加上勁肚餓，佢地話ｄ野好食，有個德國啤油雞什麼的，佢地話一定要試試，難得我由大嶼山尼到大圍，所以我聽佢地話，尼左食。一入到去，感覺個裝修好歐陸ｆｅｅｌ，好似我以前在意大利讀書時候去餐廳食野一樣，ｄ侍應其實都幾主動，態度都好誠懇。個ｍｅｎｕ　其實幾靚架，不過當時一路講住電話唔記得影低佢。有牛扒，有韓國石頭鍋飯，有小食，有焗飯，仲有我中意食既農夫包，原來德國焗雞要夜晚６點先有得供應，所以今次我ｏｒｄｅｒ　左沖繩燒肉汁黑豚腩肉飯，唔扮清高，唔扮細食，我實在太太太想食肉同埋飯，太肚餓。上菜時侍應態度都好好，個汁好正，好惹味，豚肉其實即係豬肉，但估唔到咁柔軟口感咁好同埋非常之ｍａｔｃｈ個汁，好好味呀～～～～我朋友落尼時問我做乜唔試西班牙海鮮炒飯，佢話佢試過好正～勁香ｗｏｒ～我話下次會試～！下次經過大圍，一定會黎返呢間～因為ｆｏｒ傾野個環境好好～人既態度又好！而且野食又好好味～我好想下次黎食德國啤酒雞！…查看更多

兩個人叫外賣食，沙茶醬撈米線，米線份量好多，醬汁好咸不過好香！d 送份量偏少。雖然夠飽。另外，飲品方面，平時叫開凍檸茶少甜係好滿意。但今次想搞搞新意思，叫左波羅冰，難飲到嘔，甜到阿媽唔認得！:(:(:(不過佢地都算係甘，價錢夠平，中環區尼講。…查看更多

平時返工都經常經過呢間翠華，佢出面有賣麵包，牛油味好香的。今次就尼食宵夜。坐得唔舒服，好嘈，d 食客講野好大聲，高談闊論，張檯仲有油漬，清潔做得馬虎。我地兩個人，叫兩樣野share 食。第一樣，冬陰功蝦球米線，蝦唔爽口唔鮮甜，有雪藏味，個湯底唔夠咸，令到d 米線完全冇味，失敗。另一樣，排骨炒河，可以接受，因為一上菜時非常香，食落去時感受到非常有火喉同獲氣，掛骨份量偏少。茨汁亦夠濃郁。下次如果再尼，會試咖哩。…查看更多

我地一班同事元朗收工，慶祝跑數勝利，聽講呢間日本放題係ok .膽粗粗walk in 入去試試。環境開揚，燈光火猛，傢伙好新。其實我最中意食都係三文魚刺身，同埋d 壽司，因為太肚餓，第一次落單基本上可以話係乜都寫d ...驚喜位在於，d 員工笑容滿面，傳菜時都好有禮貌，訓練有素既感覺！！明太子雞翼，非常香氣撲鼻，非常惹味！大部份刺身我都食晒，好新鮮，好食到停唔到口，最誇張係我其中同事一個人食左30片三文魚刺身！！！佢食到好濟！大滿足，下次會再返尼幫襯！…查看更多

中午時間有兩送碟頭飯，有好多款揀，雖然地方好細，係在富東街市入面d鋪頭仔，但都可以坐低食。29蚊包兩送飯加罐裝汽水，價錢好合理，因為個飯好大盒，飯亦有飯香味，唔太林唔太硬。蒸肉餅好林好軟，有咸蛋，送飯一流，另外果個雜薈就麻麻，入面有魚肉、茄子、腐竹。在我家樓下的老字號店，外賣堂食我都好中意！老板同其他姐姐都好親切！東涌人一定食過。…查看更多