F0r5aken的個人專頁

朋友介紹嚟到一間暗藏角落嘅小拉麵店，唔係掛隊店，店內播住暴露年齡的日本動畫歌，好適合我呢啲九十後。我叫咗鯛白湯拉麵，有叉燒有溏心蛋，呢個價錢係小店先有。湯底清新鮮甜，口味比較淡。叉燒就肥瘦適中，唔會鞋。整體性價比幾好，可以再食。…查看更多

Lunch Time嚟到 Megabox 最方便就係去Foodcourt，大家自己揀食乜唔洗煩。我就揀咗呢間日本嘢 竹虎京堂。店員好落力喺門口推介午餐，吸引到我望下Menu，原來都好彈性，想食平啲可以揀淨主食，想豪啲就加埋前菜甜品。今日呢個比目魚西京燒就同想像有啲出入，睇落就唔似燒過😂比較似汁煮。口感都軟熟，味道好食嘅，當然都係急凍貨啦，但真係同想像有出入，改過個名我可以比高分啲。…查看更多

一個人喺附近搵食，尖沙咀區好難搵一間性價比高餐廳，一個人最佳選擇就係食茶記！今日食咗龍城冰室嘅晚市小菜，一份腐乳通菜牛肉仲送老火湯，十分抵食。無論牛肉定通菜都足料，口味上略咸，不過腐乳味夠香夠濃，配白飯就啱啱好。…查看更多

收到朋友推薦，今日嚟咗呢間街坊車仔麵店試下。門口見到係一間非常細嘅鋪位，同一般舊式車仔麵店差唔多，一入到去就見到貓老闆坐咗喺位，原來有陪食服務😍同一般車仔麵一樣都係用點心紙形式點菜，不過冇列明價錢，要留意店內Menu先知幾錢，呢度價錢都唔貴，所以我都冇好認真睇，叫咗兩個餸加菜。整體味道不錯，腩汁湯底好食，蘿蔔入味夠冧，尤其芥蘭份量幾多又夠火候，熟得啱啱好👍🏻…查看更多

今日食完Lunch 路經新開嘅商廈，竟然望到地鋪入面似乎多咗個租戶，裝修仲好得意，原來係間新開Cafe，即刻入去睇睇咩料。入到去發現都幾多客，不過我本身都打算拎走，今次就叫咗杯Dirty，拎上手外賣杯好實淨，啡底偏Nutty ，但口味較淡，似乎唔適合加奶，有機會再試其他Black Coffee。…查看更多

今日中午諗唔到食咩，見到紅茶嘅人龍比平時少，機會難得就決定食佢！今日揀咗食芝士焗豬扒飯，焗嘢要等耐少少，不過實際上都好快就上枱。芝士同茄醬夠足料，加埋炒飯底就咁食飯都夠惹味，但豬扒就差少少，一啲位成舊肥膏，一啲位就好瘦好鞋。最大問題係調味十分咸，為咗我個腎著想，實在冇辦法食哂啲豬扒。…查看更多

今日Lunch嚟咗九龍灣搵食，見到蕃茄仔好耐冇食過啦，見排隊唔係好長就拎飛先，等左十分鐘左右有位坐。座位都少少迫，不過張櫈夠大坐得都舒服。用QR Code 自助落單，今次見有新嘢就試咗佢地嘅咖哩雞胸飯，咖哩汁都估唔到有少少辣，唔係日式果種甜咖哩，不過香味層次唔算好豐富，辣味點到即止。雞胸一如既往出色，香脆又軟嫩。下次要再食返蕃茄湯😍…查看更多

今日自己一個食晚飯，喺附近想搵個平靚正選擇。路過見到佢晚餐Menu價錢6十蚊起有得食，裝修都幾新淨，一於試一試。入到去唔洗等位，QR CODE落單，自助熱水好方便。等左5分鐘左右嘢食就嚟到。食物賣相唔錯，龍脷柳都煎得幾香，外脆內嫩。不過龍蝦汁比較鹹，而配菜同平時茶餐廳一樣都係比較生冇乜味。整體份量充足，一個人食都算係不過不失嘅選擇啦。…查看更多

食完Lunch 仲想食多份小食，咁啱行過蛋撻王，呢個名一早就聽過，原來九龍灣都有分店，今次一於試一試佢有幾好食！今次試咗酥皮蛋撻，酥皮質素唔錯，有層次同埋脆口。不過彈槍呢就比較甜，蛋香唔夠。叫做喺附近口痕都可以一試嘅選擇。…查看更多

最近喺樓下見到宣傳板寫有點心食，一直都心思思，今日決定同同事嚟食個lunch。嚟到先知有午市套餐，$50-60就有一個餐，份量都唔細，10分抵食。可能因為新開張冇耐，感覺到人手唔係好夠。樓面、出餐似乎都比較慢同埋混亂，但係感受到樓面員工都盡量滿足客人值得一讚。 今日我叫咗個溫泉蛋牛肉飯餐，配蘿蔔糕，本身以為係茶樓嗰啲細細份size怕唔夠飽，就叫多籠奶皇包，點知嚟到我就後悔啦，呢個份量肯定食唔晒要打包拎走。不過如圖中所見，隻溫泉蛋都熟晒囉，有少少圖文不符。味道就同出面茶樓呢差唔多都好食嘅，唔食芫荽嘅人就唔好揀呢個飯啦。另外個蘿蔔糕煎得好脆口，流心奶皇包呢都真係keep住流心，相信佢嘅點心係比較出色嘅。…查看更多

有一排冇嚟又想食呢度嘅雲吞雞，食過真係返唔到轉頭！平時Lunch time 嚟到多數都唔洗等位，因為鋪面空間好大好多位，都坐得舒服。今日照舊食雲吞雞配飯，雞湯底超濃，充滿油香，啖啖雞味，次次都要飲哂先滿足。雞肉亦都唔會煲到鞋口，Keep住鮮嫩，加$5轉埋雞髀就冇得彈！雲吞其實都好食，但喺咁出色嘅雞面前實在會被比下去。如果等得嘅話仲有下午茶優惠，四十幾蚊有交易，真係好抵食！…查看更多

今日病病地想食清淡啲，揀咗呢間長沙灣街坊小店。門口已經睇得出係屹立不倒多年嘅老字號，應該好多年冇換過裝修😂而入面都可以話係貼近多年前嘅價位，最平$32有碗米線，仲可以揀炸醬湯底，唔洗食齋麵咁慘！我今日就叫咗碗清湯三鮮米線，包火腿、雞肉、冬菇仔，再另外加埋餸都係$58包嘢飲。味道方面不過不失啦，清湯底真係幾清，啱晒今日食，平時就建議食返炸醬底啦。啲餸都ok好食，唯一挑剔係雞肉鞋啲。…查看更多

今日放Lunch同事想食泰國嘢，就嚟咗呢間餐廳。今日好彩唔洗等位，我揀咗大蝦金邊粉，侍應話係即炒要等耐啲。不過同其他菜式相比都唔係遲好多，都只係幾分鐘差距，好快有得食，呢度嘅金邊粉多咗啲醃菜，味道偏酸少少，份量正常，大蝦都有咬口，幾好食。唯一係啲金邊粉較淋較濕，口感差啲，唔係好有鑊氣。環境就唔算闊落，有啲油煙，不過有提供餐紙，整體服務都幾好👍🏻…查看更多

食完晚飯想坐多陣傾下計，就打算搵間甜品鋪坐下。本身冇位喺門口排隊位置企咗一陣，見有人走但都冇得入去，原來呢度排隊係冇人帶位，唯有自己入去搵位。食物賣相可以用震撼形容，份量大到不得了，味道都唔錯，豆花唔係太甜又有豆味。呢個價錢性價比好抵食，可以再試！…查看更多