peach34's Profile

鋪面得9個位，裝飾用av 做主題，不過d 拉麵同av 冇咩關係，老闆要一腳踢，又要煮麵，又唔得閒執枱，我結果等左25分鐘先有得食。不過！！！碗麵好好食！麵的口感特別，同其他拉麵店唔同，比較有口感同咬口，叫左巨根蝦湯拉麵，有兩隻大蝦，蝦外面包滿櫻花蝦，湯底極濃蝦味，雖然$118 有d 貴，但食到好食既拉麵都開心，等左25分鐘都下返道氣。下次再試下其他。老闆辛苦了，睇到佢忙到嘔咁，都體諒佢的，加油！希望請返個人幫下啦。…Read More

叫左卜卜蜆船湯，結果上錯左冬陰功湯，1分鐘後就已經換到第二碗，我心諗，咁快既？食左兩啖覺得有冬陰功味，望真d 個湯，有d d冬陰功湯的色水，仲有d冬陰功湯先有的香料，明顯係換湯唔換料，極度求其，敷衍客人。我問職員點解船湯會有紅辣椒同味道咁辣，佢答船湯係有d 胡椒辣。係咪當人傻架？？？ 幫襯過呢度幾次，次次都食船湯，冇一次係咁既味架，已經成一百蚊一碗啦，咁樣黎耍d 客。我費是再換，拿拿林食完就走。極度失望，就算覺得好食都唔會再幫襯。…Read More

食過太子幾次，reception 員工次次都好好態度，值得一讚。N4. 餐有澳洲M6和牛 係我每次的必選，會員價只係$288，就食到高質和牛，口感非常非常的嫩，不過牛味唔重，我唔鍾意食多油脂，呢個好岩我口味，前後都食左4,5碟，次次都保持到質素，唔會越食越差。N4 餐另外仲有得叫見島和牛，呢隻口款冇M6咁嫩，但牛味重d。我覺得可以集中食M6就得啦。出面既配料老實講唔算多，都係蔬菜類，丸類，甜品更少，配料方面略為失色。不過主力食牛肉都已經好滿足了。…Read More

餐廳位置方便, 好近地鐵, 一入到去就覺得Café 既裝修好靚, 環境好好, 適合姐妹去打卡談心。兩個人叫左六樣野食, 飽到上心口, 超級滿足!1. 火腿蛋芝士薯條薯條新鮮炸起, 熱辣辣, 脆卜卜, 加埋芝士好正!2. 香蒜白酒蕃茄煙肉煮藍青口3. 蟹肉忌廉粗管通粉蟹肉量比想像中多, 醬汁味道有驚喜, 辣度係接受到的範圍, 食意粉最驚唔夠汁, 呢個十分足夠!4. 紅酒燴牛臉頰伴忌廉薯蓉牛臉頰肉煮到好林, 重牛味, 份量大, 薯蓉都好食!5. 法式西多士6. 西班牙油炸鬼第一次食西班牙油炸鬼, 原來都好脆的, 點埋朱古力醬同雪糕, 是今餐完美既句號…Read More

一入到餐廳就覺得呢度環境好好，好適合情侶黎拍拖。Menu 既款式選擇好豐富，搞到我有啲選擇困難，最後揀左一個前菜，兩個主菜，兩個女仔食，份量岩岩好。上菜前，首先送左盤餐包，啲包仲係暖既，讚！前菜叫左焗田螺，我比較鍾意連殼焗，可以自己叉舊肉出黎，有啲餐廳唔會架淨係粒得肉，田螺入口滿滿牛油同香草汁，作為前菜絕對冇揀錯。主菜就叫左波士頓龍蝦意粉，慢煮低溫羊脾扒(5成熟)。波龍肉質夠紮實，夠新鮮，意粉掛滿哂龍蝦汁，好滿意的一碟意粉。羊脾扒跟左廚師建議叫左5成熟，煮到出黎岩岩好，唔覺得生，脾肉好夠淋，整體高質。…Read More

位於中環街市地下既KIN麵，用唔洗一百蚊就食到優質既美食。KIN係一個餐飲平台, 佢搜尋左來自不同餐廳既精選食品, 用可持續發展既食材, 以一個親民既價錢提供美食，在一個地方就可以食到唔同國家既野食!韓式人參走地雞湯叉燒麵 $88湯底係帶有淡淡人參味既雞湯，一路食麵一路飲湯，好岩呢幾日天氣凍既時候食，雞叉燒肉質嫩滑，我比較欣賞佢個溏心蛋，真正溏心，就算日本拉麵店都未必間間做到溏心。蝦籽花膠撈麵 $88花膠配上香菇，再用濃郁高湯熬製而成既自家醬汁，撈埋一齊食，好香好好食，特別係個香菇，整得又淋又濃味，同埋個麵都好爽口。麻辣雞軟骨雞肉抄手配擔擔波浪麵 $78呢款係最新出既，如果平時鐘意食麻辣米線酸辣粉之類，食呢個就岩啦，抄手上面有少少麻辣醬，麻辣味適中唔會過辣，同雞髀肉餡料各味都平衡，餡料仲加左雞軟骨，增加口感，擔擔麵唔一定係湯既，我係第一次食撈既擔擔麵，整體上呢款抄手撈麵感覺創新有驚喜!本地蜂蜜和走地雞蛋撻 $9因為加左蜂蜜，比平時食既蛋撻會再甜少少，我食蛋撻最鐘意食酥皮，所以呢個酥皮撻馬上加左分，好食!另外令我好欣賞KIN 既係，KIN 麵既外賣盒係可以循環包裝，由農業副產品同以小麥加工而成，係100% 可生物降解，可以減少環境污染! 如果叫完外賣，之後將外賣盒退返去KIN麵，可以儲E-stamp得到小獎勵又為環保作出貢獻，一舉兩得。…Read More

平時都好鐘意食放題，呢間第一次黎食當日係星期三晚餐$249 一位，好抵食！我地加左$138 升級食海膽帶子同生蠔。整體黎講，食物選擇數量唔算好多，但樣樣野食既味道都好食，部分食物仲幾驚喜添！估唔到d 泰式料理好高質，刺身質素絕對合格以上。Follow/Like FB 或IG 送左個蟲草花煲雞湯，我好鐘意飲湯，岩哂我推介食物：海膽帶子 - 帶子好鮮甜生蠔 - 我本身唔太食生蠔，但都覺得好鮮！蟹子軍艦 - 軍艦最緊要塊紫菜，夠哂脆泰式串燒 - 味道拍得住d 泰國餐廳和味一口牛 - 有鑊氣，好似大排檔咁荔枝慕斯奶凍 - 口味好清新的甜品…Read More

想去呢個餐廳好耐啦，餐廳地方都幾大，枱與枱之間距離大，可以同朋友/另一半好安靜咁食一餐，裝修都好適合打卡。餐廳主打梳孚厘，今期限定仲同Godiva crossover ，所以我就叫左個朱古力梳孚厘，前菜叫左蟹肉青蘋果沙律，主菜就要慢煮雞胸露筍蕃茄燴飯。驚喜地碟碟都比想像中份量大，雖然兩個女仔食，但我地食量唔算細，叫3樣野食都食唔哂，食到好飽，平時去d cafe 食野都好細碟食唔飽架ma，得相機飽。我覺得最好食係個Risotto ，雞胸用慢煮方法整，唔會令到雞胸肉好鞋好乾，d 飯都煮得好入味。飲品叫左chocolate wine coffee 同tiramisu coffee，兩杯都唔錯！…Read More

船麵係我食泰菜既favorite，香港食船麵既地方唔多，餐廳位於尖沙咀，地點比較方便。湯底有得揀船湯，冬陰功，清湯，配料有多款選擇，有別於一般傳統只有豬牛雞，仲有卜卜蜆、廣島蠔同龍蝦揀添！簡直係高級版既船麵。我今次叫左卜卜蜆船湯金邊粉，船湯味道十分正宗，同在泰國食既一樣，好濃味，卜卜蜆鮮甜大隻，有6隻咁多，整碗份量都好足夠，男仔食都夠飽，小食叫左蝦餅，冬甩形狀，即叫即炸，熱辣辣，外脆內軟，好好食！下次要試埋個冬陰功湯底。…Read More

喜來稀肉在旺角瓊華開左全新分店，一入去就覺得裝修好靚好乾淨。燒烤盤係用左麥飯石不沾烤盤，有別於其他韓燒店，燒起上黎都冇咁易黐底。食韓燒最緊要有任食爐邊蛋，可以揀落唔落芝士。餐廳中間置位係小食同醬料bar，小食有泡菜芽菜青瓜等等，醬料除左基本的燒汁同辣醬，仲有芥辣等等多款選擇因為得兩個女仔食，所以單點左兩款牛肉，同埋一份蔥餅，再加飲品。望落好似唔多野，但食完已經好飽1. 喜來烤肉 $158 (150g)2. 牛護心肉 $160 (150g)3. 海鮮蔥餅 $90個人覺得喜來烤肉好食過牛護心肉，雖然牛護心肉牛味濃d，但喜來烤肉口感較嫩，煎熟後兩款肉都啖啖肉汁，整體黎講兩種都好食！海鮮蔥餅材料十足，份量夠大，食落好香口。職員服務都值得一讚，不時會自動快手幫我地換烤盤。…Read More

溫泉蛋伴龍蝦汁闊蛋麵 - $68平日的旺角唔算多人，唔洗等位即刻有得入午餐68蚊有龍蝦汁意粉，仲包餐湯飲品，真係十分抵食，雖然蟹柳只係好普通個種蟹柳，但龍蝦汁味道算唔錯，有龍蝦湯既味道，每條意粉都掛到汁，餐湯只有羅宋湯，一般啦，我偏愛白湯，呢個價錢食西餐黎講，冇太多要求，menu 上的都算抵食的！想讚下餐廳員工，佢見到我影緊食物相突登停低俾我影左先-用餐時間：平日 午餐味道：4/5抵食：5/5環境：3/5服務：4/5…Read More

星期日去左山林道食西餐! 餐廳位置易找, 準時晚上6點開門, 店內座位唔多, 記得要book 位呀野食種類唔算多, 但樣樣都好似好吸引, 個menu同菜名都好特別, 最後叫左以下:1. 黑松露牛肝菌卡拜尼意粉 $98意粉煮得剛好, 唔硬唔林, 意粉汁好creamy, 味道偏甜的, 汁既份量十分足夠, 每條意粉都可以掛到汁, 好食!另外三樣都係炸野, 呢度既炸野都做得比較好, 炸野一定要趁熱食先好食, 呢三碟樣樣一上枱時都係熱辣辣, 脆卜卜的, 讚! 2. 英國國菜1997 $107其實係fish and chips, 薯條控的我好鐘意食呢個薯條, 佢係似以前”哈X斯”個薯圈的直版, 個fish 都唔錯，夠大件3. 炸軟殼蟹 (2隻) $684. 全麻皆雞 (4隻) $40飲品5. 海鹽櫻花奶昔 $476. 曲奇馬上瘋 $47兩杯飲品都幾好飲, 夠大杯, 海鹽櫻花同曲奇味都好重, 味道偏甜…Read More

今日同朋友食左間環境好有格調嘅餐廳 一入到門口會明顯見到餐廳入面係左白右黑，睇得岀個環境係有心思設計過。首先我地叫左個All day breakfast同Hello Salmon做正餐。另外叫左杯The Oasis同荷蘭鐵鍋班戟新鮮雜莓，楓糖漿及楓糖核桃雪糕。個All day breakfast有炸薯餅，扒蕃茄 ，燒菠蘿，焗豆，炒蛋，紐約堡腸，煙肉同煙燻過嘅焗包。呢個餐有我最中意食嘅炸薯餅之外，炒蛋非常creamy 我同朋友都勁讚。另外個人覺得個扒蕃茄好特別，因為本身我唔多中意食蕃茄但呢個燒過嘅扒蕃茄我又願意食哂 食落有濃濃燒過嘅香味，加上酸酸甜甜嘅蕃茄，整體味道好夾。其他食物就普普通通。而個Hello Salmon幾推介比中意食煙三文魚嘅朋友。因為佢有勁多煙三文魚而且仲塊塊都幾大，味道都非常唔錯有好濃嘅煙味，而且唔會太鹹。每淡配上酸甜嘅車厘茄同清新嘅青瓜，整體感覺好有層次，非常值得試下。而杯The Oasis一上枱就睇到隻紫色嘅雀仔，打卡一流😂飲落酸酸地但又幾清新。最後覺得唔多喉所以叫多個甜品食但可惜冇哂岀名嘅西班牙油炸鬼所以叫左個荷蘭鐵鍋班戟新鮮雜莓，楓糖漿及楓糖核桃雪糕。錯有錯著，成餐最滿意嘅係甜品，個班戟即叫即整黎到嘅時候會連住個鐵鍋黎，班戟keep住熱辣辣，又有少少脆，店員都好細心提醒我地小心熱。楓糖漿自己落想食幾甜自己加。熱班戟加凍雪糕，口感同味道都非常滿足。非常推薦大家試下…Read More

2021年第一個上班日，要同同事去食好少少九井食堂舊年先開既，中午都幾多打工仔去食飯架上次黎食既時候都未有qr code 手機點餐，今次黎就有啦！ 方便好多～ 午餐有好多選擇，幾抵食，仲有任食沙律，飲品吧放題我地叫左5樣野：牛肉壽喜燒$82三文魚海膽丼$92 + 茶碗蒸 $10帆立貝刺身$55海膽軍艦$35珍寶赤蝦壽司$48我覺得最抵食係牛肉壽喜燒，份量多，牛肉仲要唔係好多肥個d三文魚新鮮！厚切！帆立貝刺身都好新鮮，好厚肉，中間夾左青瓜，多咗啲好爽既咬口赤蝦壽司好好食，蝦好大隻…Read More

真係好耐冇食牛肉飯在銅鑼灣新開的牛天神，（同別天神有關係？）位置唔算方便，但好食既野，突登行過去都冇所謂最基本的牛肉飯係45蚊，有溫泉蛋就50蚊，另外仲有野菜牛肉飯我揀左有溫泉蛋我覺得好好食牛肉多肉少肥有濃濃的汁燒味，正合我心意，唔似得某間牛肉飯咁多肥少肉又冇味，白飯開頭食覺得有d 硬，但飯浸過牛肉汁同蛋汁之後變得軟硬適中，食食下又覺得ok 返，整體份量唔少，食哂已經好飽，包埋湯都係50蚊，都算抵食呀另外staff 既服務都一讚…Read More