中伏之鬼's Profile

呢間嘢啲食物質素真係好一般，但係價錢就非一般。服務質素直頭係趕客🫠晚市去到成間舖頭得幾台客都已經覺得驚驚哋啲蜆起碼有一半都會食到你成口沙。四百幾蚊一碟嘅牛完全冇特別，牛味淡口。個招牌湯底卜卜蜆唔知邊度招牌老實講，我緊係知食得散叫嘅打邊爐係貴㗎啦，不過貴唔緊票，起碼俾返啲質素我呀，點知嗰呀姐嘅服務質素仲驚人咁佢做緊晚市卜卜蜆頭一個鐘頭任食優惠，咁我就到先喺門口等，門口帶位個職員就好心叫我入去坐住等，點知我一入到去坐低個阿姐就話開始計時👍🏿我心諗咁陰濕都得嘅咩😂我哋六個人去食，個阿姐就同我哋講每次order蜆最多會上兩碟，咁我之前就有個食過嘅朋友同佢講之前都會一次過上幾碟嘅，個呀姐就堅持話無論你order幾多碟都好 每次最多上兩碟。我心諗唔緊要呀😀咪瘋狂嗌囉。點知未到一個鐘頭嘅時候就賴係好心咁拎3碟上嚟，仲補多句:「冇晒蜆啦，同埋你哋都差唔多夠鐘啦，比夠三碟你地😀」做得任食就唔好孤寒！又要孤寒又要懶大方做任食！真係唔好怪香港人北上消費呢間嘢絕對唔推薦！🤢🤢…Read More

實呢間野點食都唔似米芝蓮團隊。。。首先見到間餐廳嘅裝修勁似大陸啲超級老土嘅西餐廳🤔啲枱凳一字排開好似speed dating 咁，大螢幕都係播緊夏威夷風景嘅片真係笑死😂夠膽死話每一個位都係打卡位我哋四個人入到去坐低叫嘢飲嗰陣叫每位收費嘅普通水喉水，過咗幾分鐘侍應同我哋講冇水喉水😂咁唔緊要我哋就叫咗支礦泉水，不過過多10分鐘左右見其他客都有上到水喉水比佢哋 咁算啦，叫埋嘢食等咗35分鐘先上左個街市質素嘅提子包、沙律同埋懷疑係金寶湯嘅湯，等多10幾分鐘再食埋個勁咸嘅意粉先上主打嘅生蠔。生蠔望落去唔錯，睇落係真係有三款嘅 但係隻隻都淡而無味🤔冇錯呀！就係每一隻都冇味！每一輪都要等翻咁上下時間，眼望90%嘅客都係度等緊 而啲侍應好多都喺度玩緊電話。去到主菜嘅部份都真係好麻麻，叫5成熟嘅牛柳比1成熟嘅肉我地都算，食落去有啲粉粉地嘅質感🤢其實成餐飯除咗等 都係等🙃野食又難食 真係失望到想走🫠最後成餐飯埋單計埋原價嘅+1服務費(餐廳自稱原價$1188/每位)，埋單每人要$595。。。呢個價錢真係寧願去食酒店自助餐好過真係唔好貪平信乜鬼野米芝蓮團隊，門口唔貼米芝蓮星星真係唔好信，請我都唔會再嚟多次😡…Read More

係人都知香港嘅咖啡店有幾氾濫，上網見到以為唔錯諗住試吓點知又中伏。。。叫咗兩個Dinner set失望到嚇親首先講吓前菜先，焗大啡菇焗到乾晒而且又冇味煙燻三文魚沙律超級醜樣。。。識落完全冇三文魚味，啲菜不如直接比沙律醬我算去到主菜，M5牛扒都算唔錯但係個香蒜墨汁大蝦意粉就出事啦，成個意粉得個辣字，冇蒜香味冇墨汁味。但講起啲蝦先係重中之重，嗰浸雪味真係令到我以為自己喺雪櫃食緊飯。。。好明顯所有蝦就咁浸係同一盆冰水裏面解凍不過公道啲講句，啲咖啡係唔錯嘅😌成件事埋單就多謝$55x ，呢個價錢食呢啲質素嘅嘢真係搞唔掂。。。呢間嘢都係飲杯咖啡就算啦😂…Read More

食物質素點一般法？呢個價錢你計嘢食真係普通輸出🤔某幾款壽司比起連鎖外帶壽司店仲要差，咬落去似食緊冇味嘅蒟蒻咁。比起食物質素店員態度更加一般！叫過兩次外賣都執漏，而且係執漏價錢最貴嘅壽司🤦🏾‍♂️落單嘅時候店員態度仲要好麻麻，會串啲客人🌚…Read More

中午嚟叫咗個招牌酸菜魚湯麵，一食落淨係得個辣字，淡而無味，冇任何酸菜魚應該有嘅味道，魚片冇味而且略帶腥另外小食亦都十分之失望，個鹽酥雞完全唔知自己食緊啲乜，食落去成口都係粉 完全係做壞自己招牌！一定冇下次！…Read More